elbasan rashani

Dita e Shqiptarëve: Kasami, Rashani dhe Hyka protagonistë

Sport Ekspres — Sat, 03 Aug 2019 21:25:21 +0000

Kampionate të ndryshme në mbarë botën kanë filluar të hedhin hapat e parë drejt edicioneve të reja. Futbollistët shqiptarë s’mund të mungonin në spektaklin që ofron ky sport. Në Zvicër Pajtim Kasami i dha fitoren Sionit në përballjen ndaj Zyrihut. Mëngjarashi është shumë pranë transferimit jashtë kampionatit zviceran dhe paraqitje e sotme mund të rezultojë vendimtare.

Elbasan Rashani është rikthyer të shënojë me fanellën e Ods pas më shumë se dy muajsh me pritje. Goli i 26-vjeçarit nisi përmbysjen ekipit norvegjez që mori 3 pikët pas fitores me rezultatin 2 – 1 ndaj Lilestrom.

Jahmir Hyka ka zhvilluar një paraqitje të mirë në Izrael. Futbollisti kryeqytetas shërbeu asistin e golit të vetëm të takimit të “Kupës Toto”, ku skuadra e Hykës, Netania, mundi Hapel Kfar Sabën.

Rashani drejt Amerikës, klubi i “MLS” shfaq interes

Sport Ekspres — Thu, 01 Aug 2019 14:26:05 +0000

E ardhmja e Elbasan Rashanit mund të jetë në kampionatin amerikan “MLS”. Sipas medies norvegjeze “telemarksavisa” për 26-vjeçarin ka shfaqur interes klubi i njohur DC United, pjesë e të cilit është dhe futbollisti me famë botërore Uejn Runi.

Klubet amerikane skautojnë prej shumë vitesh në kampionatit skadinave, ku marrin çdo sezon lojtarë që bëjnë diferencën. Kontrata e Rashanit me klubin Ods mbaron pas një viti e gjysmë, çka do të thotë se për kalimin e sulmuesit në SHBA duhet të gjendet akordi me drejtuesit e skuadrës norvegjeze.

Rashani ka tentuar të luajë dhe më parë jashtë kampionatit norvegjez. 26-vjeçari ka qenë pjesë e danezëve të Brondbit për dy sezone, por aventura daneze nuk rezultoi e frytshme për sulmuesin e krahut.

Rashani: Kishim 100 shanse, ishte si të luaje në Prishtinë

Sport Ekspres — Mon, 10 Jun 2019 21:04:33 +0000

Elbasan Rashani ishte heroi i Kosovës, pasi shënoi golin e fitores ndaj Bullgarisë. Rashica dhe Muriqi kishin realizuar më parë, ndërkohë që sulmuesi anësor në shtesë gjeti rrugën e rrjetës për të tretën herë. Në Supersport Kosova ai deklaroi pas ndeshjes:

“Nuk ishte e lehtë, kishim 100 shanse. Në fund djali nga Vushtrria, Miloti, dha një krosim dhe shënova. Nuk e besoj se më ndodhi mua diçka e tillë. Ishte e vështirë, por të gjithë kemi pasur besimin se mund t;ia dilnim. Gjithmonë kemi luftuar deri në fund”.

“Shthurja në fund? Edhe mund të humbnim, ka ndodhur edhe më parë. E kemi thënë me njëri-tjetrin para ndeshje se sot është dita jonë. Fitore fantastike. Ishte si të luaje në Prishtinë. Nuk kam parë kurrë tifozë si ata që kemi ne”.

VIDEO | Futbolli norvegjez vishet kuqezi, tre shqiptarë tundin rrjetat

Sport Ekspres — Mon, 15 Apr 2019 14:38:49 +0000

Fundjava që lamë pas solli plot tri gola shqiptarë në kampionatin norvegjez. Lojtari që spikati më shumë ishte Herolind Shala, i cili shkëlqeu në fitoren 4 – 1 të Valerengas ndaj Tromsos.

Lojtari i përfaqësues së Kosovës regjistroi një asist dhe një gol, ndërsa luajti rol kyç në një gol tjetër, teksa një goditje e tij përfundoi në autogol pas kontaktit me mbrojtësin kundërshtar.

Në derbin midis Viking dhe Bran fituan vendasit. Futbollisti 23-vjeçar Ylldren Brahimaj shënoi golin e parë në elitën e futbollit norvegjez. Krahas Brahimajt te Viking ndodhet dhe mesfushori anësor Zymber Bytyqi, i cili luajti 90 minuta në këtë takim. Në ekipin kundërshtari mori minuta të plota Veton Berisha, i cili është kthyer në Norvegji pas eksperienca në Gjermani dhe Austri.

Elbasan shënoi golin e tij të parë për këtë sezon në elitën e futbollit norvegjez. Sulmuesi 25-vjeçar ishte një ndër protagonistët e fitores së 2 – 0 të Od ndaj Kristiansund.