El Sharawy

Ofertë faraonike nga Kina, El Sharaui merr vendimin

Sport Ekspres — Thu, 27 Jun 2019 17:41:22 +0000

Stefan El Sharaui është ringjallur te Roma. 26-vjeçari pas largimit nga Milani kaloi një periudhë të vështirë. Ardhja në klubin nga kryeqyteti e ka sjellë në vete dhe kemi parë çaste të magjishme që na kujtojnë djaloshin që bënte namin në “San Siro”. Këtë sezon ai e mbylli me 14 gola dhe tre asiste.
Kontrata e tij me Romën skadon verën e ardhshme. Kështu ofertat kanë nisur që tani. E para vjen nga Kina e largët. Sipas medieve italuane, Shangai Shenua është klubi që interesohet për shërbimet e Stefan. Klubi aziatik i ofron një pagë të çmendur, 16 milionë euro në vit për një marrëveshje trevjeçare.

Gjithsesi, italiani nuk e ka pranuar këtë ofertë. Ai mendon se është akoma i ri për t’u larguar nga Evropa. Paratë janë në plan të dytë për të dhe për momentin ka për qëllim të shijojë të luajturit futboll. Roma po mendon rinovimin e kontratës me El Sharauin me një pagë shumë më të përmirësuar.

Trefishim page, sulmuesi i Romës pret biletën për në Kinë

Sport Ekspres — Mon, 24 Jun 2019 21:57:00 +0000

Qëndrimi i Stefan El Sharauit te Roma po shkon drejt fundit pas tri sezonesh e gjysmë te verdhekuqtë. Sulmuesi italiano-egjiptian është joshur nga një ofertë e çmendur nga klubi kinez, Shanghai Shenhua.

Në rast të transferimit në lindjen e largët, 26-vjeçarin e pret një kontratë prej secilës do të përfitojë 8 milionë euro (neto) në sezon, shumë kjo që është më shumë se trefishi i pagës së tanishme të futbollistit.

Kalimi në kampionatin kinez nuk mund të kryhet pa lejen e Romës. El Sharaui ka dhe një vit kontratë me klubin roman. Sezoni që lamë pas nuk ishte ndër më të mirët për skuarën e Romës, por e kundërta ndodhi për 26-vjeçarin, i cili kreu sezonin më të mirë personal me 11 gola dhe tre asiste në 2010 minuta në Serie A.

Interit i “buzëqesh” fati, Roma me shumë mungesa të rëndësishme

Sport Ekspres — Fri, 30 Nov 2018 22:30:38 +0000

Mbrëmjen e së dielës, do të luhet ndeshja kryesore e kësaj javë në Serinë A, ku Roma e Di Françeskos do të presë zikaltrit e Interit në një duel mjaft delikat për të dyja ekipet. Verdhekuqtë vijnë pas dy humbjesh radhazi mes kampionatit dhe Europës, dhe duan fitoren me çdo kusht, për të mos humbur terren me zonën “Champions”.

Kur kanë mbetur dhe dy ditë nga ndeshja, në kampin kryeqytetas ka mjaft shqetësime, si pasojë e dëmtimeve. Edin Xheko është zyrtarizuar si një mungesë, por edhe Stefan El Sharaui duket se nuk do të jetë i gatshëm. Dy mungesa mjaft të rëndësishme për Romën, ku duhet të bëjë pa disa nga titullarët e saj.

Gjithashtu dy argjentinasit, Havier Pastore dhe Diego Perroti janë në dyshim për përballjen ndaj Interit. Mungesa me peshë, të cilët priten të zëvendësohen nga Shik në sulm, si dhe Zaniolo e Klajvert në mesfushë.