El Classico

Fyerjet në derbi, Komisioni Disiplinor vendos për Bejl

Sport Ekspres — Wed, 27 Feb 2019 13:54:24 +0000

Garet Bejl do të jetë i gatshëm për Realin e Madridit në të dyja Klasiket që do të luhen në një afat kohor të vetëm tre ditëve. Kjo ishte në dyshim, pasi Komisioni Disiplinor po shqyrtonte një gjest fyes të bërë nga uellsiani pas shënimit të golit në ndeshjen ndaj rivalëve të Atletiko Madrid.

Komisioni Disiplinor pati vënë çështjen në shqyrtim dhe pas kësaj vendosi të mos ketë dënim në ndeshje, por vetëm një qortim për lojtarin dhe mospërsëritjen e gjesteve të tilla.

Ky është një lajm shumë i mirë për “mbretërit” në fuqi të Europës, që do të kenë në organikën e tyre një nga lojtar kryesor të skuadrës. Garet Bejl ka shënuar 7 gola dhe ka dhuruar 2 asiste deri tani në La Liga për Realin e Madridit.

Pikiata e Xhefren, nga goli në “El Clasico” te ecejaket nëpër Europë

Sport Ekspres — Tue, 22 Jan 2019 21:10:21 +0000

Në 29 nëntor të 2011-ës në “Camp Nou” u shkrua historia. Barcelona e Pep Guardiolës e Mesit mundi 5-0 Realin e Zhoze Murinjos e Kristiano Ronaldos. Sot e kësaj dite ajo ndeshje mbahet mend mirë si të kishte ndodhur vitin e kaluar e jo shtatë vite e dy muaj më parë.

Në vendet spanjisht folëse një fitore me 5 – 0 njihet si “Manita”. Një fjalë kjo që fitoi popullaritet në mbarë botën për shkak të fitores historike të katalanasve. Ai që e kaloi këtë fitore nga nja “poker” në një “manita” ishte një 22-vjeçar i quajtur Xhefren Suarez, i cili tundi rrjetën në minutën e parë të kohës shtesë. Atëherë askush se njihte, ndoshta do të ishte hapi i parë drejt famës. Por, nuk rezultoi kështu.

Xhefren luajti vetëm gjashtë herë të tjera me fanellën e Barcelonës në La Liga. Në verë iu ofrua një kontratë e mirë nga Sportingu i Lisbonës, që shpenzoi 4 milionë Euro për të. Aventura e tij në Portugali shkoi si mos më keq. Dy sezone, ku aktivizua vetëm pesë herë si titullar, një goditje kjo shumë e fortë për karrierën e tij.

Xhefren duke luajtur për Grasshopers

Kthimi në La Liga te Vajadojid nuk arriti ta “ringjallte” , ndërsa më pas zgjodhi të shtegtonte në Belgjikë tek një ekip modest si Eupen, më pas te Grasshopers në Zvicër, ndërsa ditën e djeshme zbarkoi në Qipro, ku ka firmosur për AEK Lakarnën. Mund të thuhet me plotë gojën se ndër të gjithë lojtarët që morën pjesë në atë ndeshje historike, Xhefren e pësoi më keq nga të gjithë.

https://www.instagram.com/p/Bs8CtYfAuH6/?utm_source=ig_web_copy_link

Spanja imiton Anglinë, El Clasico luhet në një datë të pazakontë

Sport Ekspres — Tue, 12 Sep 2017 07:47:59 +0000

Gjithçka për para, ato të shkreta bëjnë të rrotullohet bota. Në Angli futbolli është kthyer në një industri që prodhon miliona pa fund dhe të gjithë e kanë zili. Për këtë arsye, kampionatet e tjerë të mëdhenj mundohen ta imitojnë, në shumë drejtime.

Tani nga Spanja vjen një lajm interesant: Boxing Day do të kemi edhe në La Liga dhe si pa dashje, ditën para Krishtlindjeve do të luhet El Clasico, Real Madrid-Barcelona. Java e 17-të do të nisë më 19 dhjetor dhe do të mbyllet me përballjen e madhe, që do të gozhdojë botën para ekranit. Realisht botën, sepse do të luhet më 13.00, mesditë në Europë, orar perfekt për Azinë, pasi në Spanjë e kanë kuptuar se duhet pushtuar Kina, për të mbushur arkën si Premier Liga.