Rastësia e solli që protagonist kryesor i ndeshjes të ishte ish-sulmuesi i Partizanit Kaleb Ekuban, penalltia e të cilit u prit nga portieri i Tunizis, Ben Mustafa,  veprim ky që më pas solli eliminimin e ganezëve. Në çerekfinale Tunizia do të ndeshet me ekipin surprizë të këtij edicioni Madagaskarin.

Tunizi 1 – 1 Ganë
(5 – 4, Penalltitë)
Shënues: Khenisi 73’ / Bedui (aug) 90+2’

Në një intervistë për “RTSH SPORT”, lojtari i Partizanit foli mbi ditët e para me kampionët e Shqipërisë dhe ngjashmëritë midis tij dhe vëllait të tij.

Ekuban: Te Partizani jam mirëpritur nga klubi, stafi dhe shokët e skuadrës. Tani për tani po ndihem shumë mirë. U binda të jem pjesë e Partizanit, sepse para së gjithash më dhanë mundësinë të luaj në një kampionat të rëndësishëm dhe jam i motivuar për të dhënë maksimumin tim dhe të zhvilloj një sezon të mirë.

Ka ndikuar eksperienca e vëllait Kaleb në transferimin tuaj te Partizani?

Ekuban: Të them të drejtë po. Kur Kaleb erdhi këtu bëri shumë mirë dhe këtë shpresoj edhe unë. Të bëj mirë dhe në fund të vitit të shohim si do shkojnë gjërat.

Ngjashmëri mes teje dhe Kaleb?

Ekuban: Sipas meje jemi të ngjashëm në fizik dhe në mënyrën si sulmojmë hapësirat. Pastaj si të gjithë personat çdo kush ka karakteristikat e tij. Mua më pëlqen më shumë të luaj fizikisht dhe të gjej hapësira. Më pëlqen ndeshja kur ka hapësira dhe mund të përdor shpejtësinë, e të sulmoj në thellësi. Vihem në dispozicion të skuadrës kur duhet mbrojtur dhe ruajtur topi.

Jeni gati për skuadrën?

Ekuban: Prej 3 ditësh jam bashkuar me skuadrën dhe po stërvitem rregullisht me ekipin.Kam vetëm pak ditë, nuk jam në 100% të formës time, nëse aktivizohem premtoj se do të jap maksimumin.

Përballja me Karabag?

Ekuban: Jemi një grup lojtarësh shumë të mirë. Të gjithë punojmë së bashku dhe bëjmë atë që thotë trajneri në mënyrë që ta vëmë në zbatim. Do të jenë dy ndeshje interesante. Qarabag është një skuadër e vështirë, por ne do të bëjmë të pamundurën dhe të shohim në fund se çfarë do të ndodhë.

Ekuban u huazua më Turqi nga pala angleze në fillim të sezonit. Kalimi në Superligën turke rezultoi një vendim i goditur për klubin e lojtarin. 25-vjeçari ka shënuar pesë gola në kampionat dhe tre të tjerë në Kupë.

Yönetim Kurulumuzca; ?ngiltere'nin Leeds United FC'den kiral?k olarak kadromuzda yer alan ve sat?n alma hakk? kulübümüzde bulunan profesyonel futbolcu Caleb Ekuban'?n sat?n alma hakk?n?n kullan?lmas?na karar verilmi? olup futbolcu ve ilgili kulübe gerekli bildirimler yap?lm??t?r pic.twitter.com/Zy6U194QuB

— Trabzonspor (@Trabzonspor) May 3, 2019

Sipas medieve angleze, Lids Junajtid do të përfitojë të paktën 2 milionë euro nga transferimi i Ekuban, të cilën e blenë në verën e 2017-ës për 500 mijë euro nga Kievo.

https://www.youtube.com/watch?v=9is6CW0tgHc&feature=youtu.be

Sulmuesi ganez  u huazua në klubin turk në fillim të sezonit nga Lids Junajtid. Teksa kanë mbetur dhe pak ndeshje nga fundi i kampionatit, ka ardhur momenti që palët të finalizojnë marrëveshjen.

Agjenti i Ekuban, Graciano Batistini, ka folur për portalin italian “tuttomercatoweb.com”, ku ka sqaruar të ardhmen e lojtarit të tij: “Ekuban po bën shumë mirë te Trabzonspori. Ka shumë shanse që të marrë pjesën në Kupën e Afrikës me Ganën. Është një futbollist me potencial dhe po e tregon këtë. Trabzonspori ka vendosur ta blejë nga Lidsi. Momenti i tij po vjen, besoj se është gati të luajë në nivele të mëdha”.

Ekuban ka në emër të tij pesë gola dhe dy asiste në Superligën turke, ndërsa në Kupa ka gjetur tri herë rrugën e rrjetës. Pak javë më parë 25-vjeçari pati një debutim ëndrrash me kombëtaren e Ganës, ku gjeti golin e parë në arenën ndërkombëtare pak minuta pasi ishte futur në fushë në ndeshen ndaj Kenias.

Edhe në takimin e sotëm kundër Antaliaspor, Ekuban ka arritur të gjejë rrugën e rrjetës, duke i dhënë avantazhin 2-1 skuadrës së tij. Pas shumë tentativave drejt kuadratit, topi më në fund mbërrin në këmbët e Ekuban, që me portën e boshatisur nuk e ka të vështirë të shënojë.

Trabzonspor 2-1 Antalyaspor
58′ Ekuban pic.twitter.com/f4ECEd4pNB

— GOLALOO (@golaloo) April 5, 2019

Debutimi në ndeshjen ndaj rivalëve direkt të Kenias nuk kishte si të shkonte më mirë. Ekuban u fut në fushë si zëvendësues dhe pak minuta më vonë gjeti golin e parë me fanellën e “yjeve të zinj”. Sfida u mbyll me rezultatin 1 – 0 çka i mundësoi Ganës vendin e parë të grupit kualifikimin direkt në turneun prestigjioz të “Kupës së Kombeve”.

https://twitter.com/ForzaTS1967/status/1109821769542705152

Ndeshja nisi shumë për Basaksehirin, që shënuan dy gola të shpejtë. Më pas, skuadra mike trefishoi dhe për këtë gol, “falënderoi” Kaleb Ekubanin. Sulmuesi devijoi një top në portën e tij, duke shënuar autogol në minutën e 48’.

Gjithsesi, vetëm 60 sekonda më pas Ekuban do të reagonte dhe do të gjente rrugën e rrjetës, kësaj radhe në portën e duhur. Në minutën e 49’, Ekuban fiksoi shifrat në 1-3 dhe kjo ishte një humbje shumë e rëndë për skuadrën e tij.

Turqi, Super Lig

Trabzonspor – Basaksehir 2-4
Ekuban 49′, Jaziçi 80′ / Kahvevci 32′, Klishi 42′, Ekuban (ag) 48′, Viska 87′

49′ – Goli i Ekuban

48′ – Autogoli i Ekuban

Italo-ganezi, Ekuban, shënoi goli e parë në fitoren 2 – 1 të Trabzonsporit ndaj Balikesirsporit të kategorisë së dytë. Ish-sulmuesi i Partizanit ende nuk e ka nisur një ndeshje si titullar në kampionatin turk, duke u aktivizuar 12 herë nga stoli i rezervave, por në ndeshjet e Kupës ai ka qenë gjithmonë titullar, duke shënuar 3 gola në 4 takime e zhvilluara deri më tani.

https://twitter.com/haberhertelden/status/1085630065981960192

Ish-mesfushori i Skënderbeut Nimaga debutoi ditën e sotme me fanellën e Hatajsporit. Futbollisti nga Mali sapo është kthyer nga një dëmtim i rëndë, që e ka mbajtur për më shumë se tre muaj jashtë fushave. Fatkeqësisht debutimi i Nimagës u shoqërua një karton të kuq, pasi 24-vjeçari mori dy të verdha brenda 31 minutash në ndeshjen ndaj  Instabul Bashakshehir, që u fitua me rezultatin 1 – 0 nga kryesuesit e Superligës turke.

Ndeshjet e mira që Ekuban ka zhvilluar kanë bërë që drejtuesit e Trabzonsporit të nisin procedurat për të siguruar kartonin e plotë të tij. Klubi turk ka mundësinë ta marrë sulmuesin për 1 milionë euro nga Lids, por synojnë të gjejnë një akord të dytë me drejtuesit e Lids, për një shifër më të ulët.

Por mediat turke bëjnë me dije se edhe nëse nuk arrihet një akord për një shifër transferimi më të ulët, shuma prej 1 milionë eurosh e kërkuar nga Lids mund të paguhet, pasi synojnë me doemos kartonin e plotë të sulmuesit 24-vjeçar.

Edhe pse në kampionat nuk ka arritur që të nisë asnjë ndeshje si titullar, Ekuban ka realizuar 3 gola, por sot e ka shfrytëzuar maksimalisht mundësinë që i është dhënë në Kupën e Turqisë. 24-vjeçari ka arritur që të shënojë dy gola në suksesin 5-0 që ekipi i tij ka arritur ndaj skuadrës së Sivas Beledijespor.

Ish-lojtari i “demave” realizoi në minutën e 17-të, duke goditur nga brenda zonës, ndërsa në minutën e 35-të, ganezi finalizoi një aksion mjaft të bukur të vendasve. Në këtë mënyrë, ndoshta sulmuesi do i ketë rritur pikët vetes në sytë e trajnerit, i cili mund të ketë më shumë besim te Ekuban që gjatë gjysmës së parë të edicionit ka realizuar 5 gola në të gjitha garat.

Trabzonspor 2-0 Sivas Belediyespor (C. Ekuban) 17' pic.twitter.com/760z2xXQ1x

— A Spor (@aspor) December 19, 2018

Trabzonspor 3-0 Sivas Belediyespor (C. Ekuban) 35' pic.twitter.com/LNIeQLT26O

— A Spor (@aspor) December 19, 2018

Italo-ganezi u fut në pjesën e dytë, si shpesh këtë sezon, me ndeshjen që ishte e mbërthyer në barazim, ndërsa në minutën e 82-të një kros nga Hoze Soza drejt zonës pa Ekuban të fluturonte dhe me kokë të shënonte golin e avantazhit. Më pas, në shtesë, Trabzonspori shënoi edhe golin e dytë, me ndeshjen që përfundoi 2-0 dhe Trabzonsporin që ngjitet në vendin e pestë.

Kayserispor 0-1 Trabzonspor 82’ Ekuban pic.twitter.com/SAvXqrrZV8

— Goal Radar (@goalradar) December 1, 2018

Një gol i veçantë dhe një moment prekës për sulmuesin, i cili ka marrë një lajm të hidhur ditët e fundit, sepse nëna e tij u nda nga jeta të mërkurën dhe deri dje Ekuban ishte në udhëtim, duke u kthyer nga Italia, ku shkoi për të qenë pranë familjes.

Sulmuesi i huazuar nga Lids u mallëngjye pas golit, duke vënë duart në fytyrë dhe duke treguar nga qielli.

Në intervistës në përfundim të ndeshjes, Ekuban foli për momentin e vështirë që kaloi dhe nuk harroi të linte një mesazh për të gjithë njerëzit që po kalojnë momente të vështira: “U shfaqa i emocionuar, pasi kam kaluar një moment tepër të vështirë kur mora vesh lajmin e vdekjes së mamasë sime, por ajo mbetet gjithmonë përkrah meje. U ktheve dhe u përpoqa që të mos ndikohesha nga emocionet dhe të bëja punën e time në fushën e blertë. Goli ishte gjëja perfekte për ta bërë mamanë time krenare. Sa do e vështirë që të bëhet situata, s’duhet të harrojmë se Zoti ka nën kontroll çdo gjë. Në çdo moment që po kaloni një moment të vështirë, lutuni Zotit dhe ai do t’iu nxjerrë nga errësira”.

Golat e pakët ? – “I tillë është futbolli. Unë futem më së shumti se zëvendësues dhe përpiqem të bëj maksimumin. Ndonjë ditë shënon, herë të tjera jo, por gjëja më e rëndësishme është që çdo lojtarë të japë maksimumin dhe skuadra të arrijë objektivat e saj. Për një sulmues është parësore që të shënojë, por sidoqoftë nëse ajo nuk ndodh rëndësi ka që skuadra të fitojë”, përfundoi sulmuesi italo-ganez.

Vetëm 48 orë pas zyrtarizimit te skuadra turke, sulmuesi luajti dhe shënoi në fitoren 4-0 që ekipi i tij regjistroi përballë Gallatasarajit. Praktikisht një start ëndrrash. I aktivizuar në të 86-ën në fushë, kur rezultati ishte 3-0 për ekipin nga Trabzoni, Ekuban shënoi golin që vulosi “pokerin” në minutën e 93-të.

Një debutim perfekt për sulmuesin italo-ganez, që shfrytëzoi çdo mundësi që i’u krijua, mes tyre edhe mbrëmjen e tmerrshme të ekipit të Gallatasarajit. Pak minuta në fushë, për të treguar përse Trabzonspori vendosi të investonte te sulmuesi, që e përdori Shqipërinë si katapultë për Europën e madhe dhe përse Ekuban vendosi të mos kthehej më në Kategorinë Superiore.

Partizani ka tentuar, po ashtu edhe Flamurtari. Këta të fundit madje e presin sërish dhe janë të gatshëm të paguajnë gjysmën e pagës së sulmuesit. Gjithsesi nuk është prioritet për Ekuban të rikthehet në Shqipëri.

Së fundmi raportohet në mediat turke se Trabzonspori është futur në bisedime për sulmuesin ganez, i cili kulmin e ka njohur në Superiore me Partizanin. Me fanellën e kuq pat shënuar 17 gola. Turqit po e tentojnë dhe sigurisht që në aspektin financiar klubet shqiptarë nuk mund të rivalizojnë me ta.

Edhe për Ekuban në aspektin sportiv do të ishte një sfidë interesantë të transferohej në Superligën turke. Për momentin thuhet se kanë nisur bisedimet dhe mbetet për t’u parë se si do të shkojnë ato.

“Yorkshireeveningpost.co.uk” ka publikuar një intervistë me ish-sulmuesin e Partizanit, i cili e pranon se ka nevojë prë kohë, pas transferimit për rreth 600,000 euro në Angli. “Humori im varet nga moti dhe këtu në Angli ka shumë shi”, thotë me të qeshur Ekuban, i cili shpreson të përshtatet sa më shpejt me klimën angleze, ku shiu është i zakonshëm.

Debutimi në Kupën e Ligës, kundër Port Vejlit, solli golin e parë për Ekubanin, i cili në fakt një vit më parë priti gjatë, 9 ndeshje, derisa shënoi dhe nuk u ndal më me Partizanin. “Kam hedhur një hap të madh, tani duhet ta marr me qetësi procesin e ambientimit. Të shohim nëse mund ta hedh atë hap. Vitin e shkuar luajtëm në Champions League me Partizanin, u paraqitëm mirë, por rivalët ishin tepër të fortë. Mësova diçka nga ato ndeshje. Kur e ke topin, duhet ta ruash në çdo mënyrë dhe të bësh të njëjtën gjë në çdo zonë të fushës. Një top i humbur mund të kthehet shumë shpejt në një gol të pësuar. Kjo ishte ajo që mësova. Duhet të bëj të njëjtën gjë këtu, sepse mbrojtësit në Championship janë super, nuk të japin shanse dhe po mundohem të mësoj”.

Kaleb Ekuban, ky ishte sulmuesi që fitoi zemrat e tifozëve të kuq sezonin që kaloi, por pavarësisht shpresave të tyre për ta parë edhe një sezon me fanellën e Partizanit, ato janë shuar. Siç dihet, atij i kishte mbetur vetëm një vit kontratë me Kievon dhe skuadra italiane po ta huazonte sërish praktikisht e falte atë, ndaj duhej shitur. Partizani shpresonte që Ekuban do rinovonte me Kievon, gjë që nuk ndodhi. Tashmë ai do të nisë një aventurë të re, pasi skuadra italiane ka gjetur akordin për ta shitur sulmuesin te Lids Junajtid. Përflitej prej kohësh për një ofertë të skuadrës angleze që militon në Championship dhe tashmë është bërë gjithçka realitet.

DETAJET E MARRËVESHJES
Gazeta mëson se Kievo nga shitja e sulmuesit ka përfituar plot 500 mijë euro dhe për këtë duhet t’i thotë faleminderit edhe Partizanit, pasi Ekuban shpërtheu aty duke shënuar 17 gola, asnjë prej tyre me penallti. Edhe vetë lojtari do të përfitojë disa herë më shumë se sa përfitonte në Shqipëri. 800 mijë euro do të përfitojë sulmuesi, që me Lids Junajtid do nënshkruajë një kontratë 4-vjeçare. Për Ekuban ky është një hap i madh, ndërkohë që edhe për Kategorinë Superiore është një reklamë shumë e mirë dhe ajo tashmë na bëhet në Angli. Gjithashtu, edhe për klubet italiane Superiorja mund të kthehet një pistë e mirë për të huazuar futbollistët e tyre, pasi aktivizimi në kupat e Europës u jep mundësinë të ekspozohen dhe t’u shkojnë oferta të rëndësishme që s’ua krijojnë ekipet e Lega Pro. Lidsi është një ndër klubet më të famshëm dhe me më shumë tifozë në Angli, edhe pse ka vite që e ka harruar Premier Ligën.

Sulmuesi refuzoi Premier Ligën ruse
Ekuban kishte edhe oferta të tjera në javët e fundit dhe më joshësja erdhi nga Amkari i Permit. Klubi i Premier Ligës ruse i ka ofruar një shifër të jashtëzakonshme: 900 mijë euro për 3 vjet! Sezonin e parë 200 mijë, të dytin 300 dhe të katërtin 400! Ka qenë vetë Ekubani ai që ka refuzuar prerë. Dëshira e sulmuesit është Lidsi, jo thjesht në aspektin financiar, pasi italo-ganezi ka preferuar futbollin dhe jetën angleze.

Këtë verë Ekuban është kthyer te Kievo dhe Partizani ka humbur lojtarin më të çmuar në treg, sepse tashmë Ekuban në transfermarkt.de vlen 750.000 euro!

23-vjeçari është futbollisti më i shtrenjtë nga ata që mbyllën sezonin e fundit te Partizanit, ndërsa pas tij vjen Alban Hoxha. Kapiteni i të kuqve tashmë vlen 600.000 euro dhe vlera e tij në treg është rritur.

Rritje vlere në treg kanë pasur edhe Malota, Batha, Krasniqi e Atanda, ndërsa Vila, Mazrekaj dhe i larguari Torasa kanë pësuar rënie në vlerë.

Sulmuesi pritet të diskutojë me drejtuesit e Kievos për të ardhmen e tij dhe shumë shpejt do të vendosë për të ardhmen. Duke qenë se hyn në vitin e fundit të kontratës, mundësitë janë dy: rinovon e pastaj huazohet, ose shitet që këtë verë dhe këtu Partizani nuk ka asnjë shans.

E sigurt është që te Partizani e presin me krahët hapur, por… falas, ose më saktë, vetëm në huazim. Gjatë sezonit që u mbyll sulmuesi arriti të shënojë 17 gola në 33 ndeshje, duke qenë shënuesi më i mirë në skuadrën e tij, çka bëri që edhe të fitonte zemrat e tifozëve të kuq. Në daljet mediatike Ekuban është shprehur i lumtur me atë që ka kaluar në kryeqytet dhe nuk do ishte kundër vazhdimit të eksperiencës së tij në Superiore, edhe pse natyrisht një ofertë nga Anglia nuk do ta refuzonte dot.

“Për sezonin e ardhshëm më duhet të ulem e të bisedoj me drejtuesit e Kievos. E përsëris, nuk i dihet çfarë mund ta na sjellë e ardhmja, unë i lë gjithmonë dyert e hapura dhe kur vjen më e mirë e zgjedh atë. Partizani mund të jetë një zgjedhje e mirë për mua.”

Ekuban analizon ndeshjen në Korçë: “Po, isha i pafat që nuk shënova, por nuk jam paraqitur në formën time më të mirë. Është e vështirë të luash në një ndeshje të tillë.  Jam i kënaqur që shokët e skuadrës më kanë ndihmuar shumë në këtë ndeshje të fundit të sezonit, në një përballje klasike ku duhet të japësh më të mirën, sepse më pas do të ikësh në shtëpi për të pushuar pak. Ishtë një ndeshje e bukur, por unë nuk dhashë maksimumin. Gjithsesi jam i kënaqur për kampionatin që kam zhvilluar.”

Në fund, një përmbledhje për sezonin që lamë pas dhe pengu i Ekubanit: “Sezoni 2016-2017 mbaroi dhe nuk e di se çfarë do të ndodhë në të ardhmen. Pengu im i madh në këtë sezon me Partizanin është goli që humba ndaj Kukësit. Mendoj se këtë moment do ta mbaj mend gjatë, por do të më forcojë më shumë për sezonin e ardhshëm. Futbolli shqiptar është i bukur dhe njëkohësisht shumë fizik. Nëse nuk futesh në fushë me grintën e duhur mund të mposhtesh nga çdo skuadër. Kjo është e bukura e futbollit në Shqipëri.”