Eklent kaçi

VIDEO | “Uou, janë të paparë”, kryeministrin Rama e magjeps bilardoja tani!

Sport Ekspres — Wed, 26 Jun 2019 12:39:07 +0000

Eklent Kaçi dhe Besar Spahiu po marrin pjesë në kampionatin botëror të Bilardos, që po zhvillohet ne Lester në Angli. Dyshja kuqezi mposhti një ditë më parë Rusinë me rezultatin 3-7, ndërkohë që çuditërisht edhe kryeministri Edi Rama ka parë disa fragmente të ndeshjes.

Në një takim elektoral, pjesë e bisedës së tyre janë bërë edhe dyshja Kaçi-Spahiu, me këtë të fundit që ka dhuruar spektakël me një gur të marrë me kërcim dhe që kryebashkiaku Veliaj e shikon në momentet e bisedës. Rama, normalisht nuk e njeh këtë sport dhe dy bilardistët e spiktur. Kurbinasin Kaçi e bën kuksian, si Spahiun, dhe duket vërtetë i befasuar.

Sigurisht ata që i qëndrojë vërdallë nuk i kanë treguar se Kaçi është numri një në Europë, ka qenë numri një në botë, së fundmi ka fituar Euroturin e Austrisë dhe është kampion Europe në fuqi në Disiplinën 8-Ball. Pesë medaljet në Europianet e moshave, që përkthehen edhe në para referuar ligjeve të vendit tonë, i përkasin një të shkuare të largët, sigurisht.

Në Ministrinë e Arsimit dhe Sporteve me siguri i dinë këto arritje, apo edhe faktin që si Kaçi e Spahiu ka edhe djem të tjerë që mund të na nderojnë me medalje në arenën ndërkombëtare. Gjithsesi mbështetja për ta është zero. Fjalët e kryeministrit mund të jenë motivuese, por ç’e do kur prej kohësh bilardon e ka konsideruar sport rrugaçëror dhe për federatën përkatëse nuk akordohet asnjë fond. Kaçi e Spahiu e tërhoqën vëmendjen, por a mjafton?

Kaçi nuk pyet as për kampionin e botës, “mbret” në Austri

Sport Ekspres — Sat, 15 Jun 2019 21:47:45 +0000

Eklent Kaçi regjistron një tjetër sukses. Bilardisti shqiptar ia ka dalë të fitojë Euroturin e Austrisë dhe të ruajë vendin e parë në renditjen e përgjithshme të Eurotureve. Në finale u përball me kampionin e botës, Joshua Filler.

Kaçi ia doli ta mundte 9-6 numrin dy të Europës, i cili është i pari në renditjen e përgjithshme botërore. Bilardisti kurbinas ishte perfekt gjatë gjithë turneut, duke i fituar të gjitha ndeshjet.

I riu theu emra si Mario He, David Alcaide dhe Ralf Soquet, një legjendë në bilardo, dhe triumfoi në Eurotur. Tashmë ai do të përgatitet për kampionatin botëror, që zhvillohet në Britaninë e Madhe. Së bashku me Besar Spahiun do tentojnë të shkojë sa më larg në këtë kompeticion prestigjioz ku marrin pjesë 32 shtete.

ET – 2019 – O9 – St. Johann im Pongau – Austria

ROUND 1
Eklent Kaçi (Shqipëri) – Thore Sonksen (Gjermani) 9-5

ROUND 2
Eklent Kaçi (Shqipëri)- Alexander Haass (Gjermani) 9-4

WINNERS QUALIFICATION
Eklent Kaçi (Shqipëri)-Mario He (Austri) 9-3

SINGLE ELIMINATION – LAST 32
Eklent Kaçi (Shqipëri)- David Alcaide (Spanjw) 9-7

SINGLE ELIMINATION – LAST 16
Eklent Kaçi (Shqipëri)-Wojciech Szewczyk (Poloni) 9-8

QUARTER FINALS
Eklent Kaçi (Shqipëri)-Konrad Juszczyszyn (Poloni) 9-5

SEMI FINALS
Eklent Kaçi (Shqipëri)- Ralf Souquet (Gjermani) 9-5

FINAL
Eklent Kaçi (Shqipëri)-Joshua Filler (Gjermani) 9-6

Botërori i Bilardos, Kaçi e Spahiu shqiponjat kuqezi

Sport Ekspres — Mon, 03 Jun 2019 18:59:08 +0000

Worl Cup of Pool është planifikuar të zhvillohet në Lester në Angli dhe mes 32 shteteve pjesëmarrëse do të jetë edhe Shqipëria që do të përfaqësohet nga dy bilardistë, konkretisht nga Eklent Kaçi dhe Besar Spahiu.

Kaçi tashmë është bërë i njohur në arenën ndërkombëtare të bilardos, teksa mban ende numrin një në Europë. Më parë bilardisti kurbinase ka qenë i pari edhe në renditjen botërore. Spahiu gjithashtu është një bilardist i spikatur në vendin tonë, ndër më të mirët.

Worl Cup of Pool është një nga kompeticionet më të mëdha të bilardos, që transmetohet nga gjigantët mediatikë, Sky Sports dhe DAZN. Dyshja kuqezi do të ketë përballë dyshen ruse, Fedor Gorst-Ruslan Chinakov, dhe pritet të jetë një përballje mjaft interesante. Ky kompeticion mbahet në periudhën 25-30 qershor.

Historike: Eklent Kaçi kampion Europe, thyen legjendën gjermane

Sport Ekspres — Sat, 04 May 2019 08:48:28 +0000

Eklent Kaçi është shpallur kampion Europe për herë të parë. Bilardisti shqiptar ia ka dalë të triumfojë në Kampionatin Europian që po zhvillohet në Trevizo të Italisë. Kurbinasi e nisi me humbje, por më pas në shansin e dytë nuk gaboi më dhe shkoi deri në finale.

Aty iu desh të sfidonte Ralf Soquet, fitues i 22 medaljeve të arta në Europian. Kaiseri e pa veten në vështirë, pasi Kaçi e çoi ndeshjen në 6-1. Gjermani reagoi dhe ndeshja shkoi në 7-6 për bilardisti shqiptar, i cili nuk gaboi më dhe triumfoi edhe në lojën e tetë, duke u bërë për herë të parë kampion Europe në Disiplinën 8-Ball.

Rezultatet e Eklent Kaçit në Disiplinën 8-Ball

Kaçi në të shkuarën ka marrë 5 medalje, 3 bronzi dhe dy argjendi. Të gjitha këto gjatë kampionatit Europian për paratërinj (deri në 17 vjeç). Ndërkohë për të riun gjërat nuk kanë shkuar mirë në disiplinën 10-Ball. Aty është eliminuar në 1/32, duke e mbyllur në vendin e 71-të. Pritet që të zhvillohet gara edhe për disiplinën 9-Ball, në të cilën Kaçi synon të marrë medalje.

Eklent Kaçi tregon “muskujt” në SHBA, fiton turneun e radhës

Sport Ekspres — Sat, 20 Oct 2018 08:08:03 +0000

Eklent Kaçi ka triumfuar në “American 14.1 Straight Pool Championship”, pasi ka arritur të mundë në finale gjermanin Thorsten Hohmann, i njohur ndryshe si “Hitman”. Bilardisti kurbinas ka fituar 168-200 dhe nuk ishte një ndeshje e lehtë, duke ditur edhe vlerat e gjermanit, i cili është shpallur edhe kampion bote.

Kaci u rendit i dyti në grupin e tij, me katër fitore dhe një humbje, ndërkohë që më pas në fazën e eliminimit direkt ishte i pathyershëm, duke bërë tijin “American 14.1 Straight Pool Championship”. Krahas trofeut, në “xhepat” e bilardistit shqiptar shkon edhe çeku me vlerën e 10 mijë dollarëve.

https://www.facebook.com/HighRockstore/videos/571716256578673/?eid=ARBsx90hEbgcnxO6oNih9kJwhIVgnKrJpHiYrSxCkSM0-D2rSXG4oYPeh9x77-wNEhmYxDyr46MiuqT3&fref=tag

AMERICAN 14.1 STRAIGHT POOL CHAMPIONSHIP

FAZA E GRUPEVE

FAZA ME ELIMINIM DIREKT

Kaçi (Shqipëri) – Zvi (SHBA) 150-85

Kaçi (Shqipëri) – Pagalyan (Kanada) 150-39

Kudlik (Poloni) – Kaçi (Shqipëri) 113-150

Hohmann (Gjermani) – Kaçi (Shqipëri) 168-200

Kaçi thyhet në finalen maratonë, tashmë është edhe numri 1 në Europë!

Sport Ekspres — Sun, 23 Sep 2018 17:11:03 +0000

Eklent Kaçi tashmë është numri një edhe në EPFB (Federata Europiane e Bilardos), pavarësisht se në Euroturin e radhës në Lende të Holandës është mundur në finale nga amerikani Shon Van Boning 9-8. Bilardisti kurbinas arriti me meritë deri në këtë fazë, ku dhe mund të kishte fituar.

Në finale ai arriti ta dërgojë ndeshjen deri në 6-1, por më pas Van Boning rikuperoi dhe loja shkoi deri në 8-8. Në lojën e fundit ishte Kaçi ai që hapi gurët, duke marrë dy gurë. Kur erdhi radha e katrës, bilardisti kurbinas tentoi mrekullinë me një kërcim të çokut.

Por nuk ia doli ta merrte dhe më pas Van Boning, me një eksperiencë mjaft të madhe, e mbylli lojën dhe fitoi Euroturin. Në fakt amerikani i ka dhënë një dorë Kaçit për të marrë vendin e parë në EPFB, pasi eliminoi Mario He (ishte numri një në EPFB) që në fazën e LAST 32.

Kaçi kaloi disa kundërshtarë të fortë si Niels Feijen, holandezin që kërkonte triumfin në shtëpi. Më pas eliminoi Oliver Ortman, Petri Makonen dhe në gjysmëfinale Albun Oushan, numrin tre në renditjen e EPFB. Gjithsesi në finale Kaçi nuk ia doli të fitonte Euroturin për të dytën herë. Gjithsesi kemi të bëjmë me një 19-vjeçar, i cili ka siguruar pjesëmarrjen në Mosconi Cup dhe është më i riu në historinë e bilardos që e arrin diçka të tillë.

Historike: Eklent Kaçi, numri një në botë!

Sport Ekspres — Wed, 19 Sep 2018 12:04:04 +0000

Eklent Kaçi është një nga bilardistët më të mirë në botë. Në Shqipëri ka fituar pafund trofe dhe tanimë po korr suksese në arenën ndërkombëtare, duke fituar turne të rëndësishëm. Rezultatet e tij bënë që të arrinte deri në vendin e tretë në renditjen botërore.

Së fundmi, pas sukseseve të arritura gjatë këtij viti, bilardisti kurbinas ka arritur të ngjitet në majë. Sot renditet i pari në botë, teksa ka parakaluar filipinasin Karlos Biado. WPA (Federata Botërore e Bilardos) ka publikuar renditjen dhe Kaçi tashmë kryeson.

“Ëndrra ime më e madhe, për t’u bërë numri një në botë në WPA, bëhet realitet”, shkruan Kaçi, i cili gjithçka e ka të arritur falë ndihmës së familjes, miqve që i janë kthyer shpesh në sponsorë dhe sot i gëzohen njëlloj arritjeve të 19-vjeçarit. Nga shteti ynë, … asgjë!

https://www.facebook.com/PredatorCues/photos/a.208279146418/10156708553551419/?type=3&theater

Kaçi bie në finalen dramatike, Mario He “mbret” në Holandë

Sport Ekspres — Sat, 04 Aug 2018 22:42:45 +0000

Eklent Kaçi është ndalur në finale dhe kjo ka ndodhur me Mario He, numrin një në renditjen e përgjithshme të eurotureve. Një finale dramatike, që u vendos në lojën e tretë, kur austriaku mori kryesimin me rezultatin 2-1. Të dy bilardistët nuk falën dhe loja shkoi në 8-8. Hapjen e gurëve e kishte He, i cili arriti të triumfonte dhe të bënte tijin Euroturin e Holandës.

Kaçi nuk e nisi mirë Euroturin e Veldhoven në Holandë, pasi u mposht nga gjermani Stefan Vaihnasht me rezultatin 5-9. Pati edhe surpriza të tjera, por bilardisti kurbinas u ringrit menjeherë dhe në anën e humbësve arriti të fitojë pesë ndeshje dhe të kualifikohej në 32 më të mirët.

Aty nisi gara e vërtetë dhe formula e turneut i rezervoi si kundërshtar Aleks Kazakis, fituesin e Euroturit të kaluar. Kaçi arriti ta mposhtë grekun me rezultatin 4-9. Françisko Sançez Ruiz ishte kundërshtari tjetër i bilardistit shqiptar.

Pavarësisht se përballë kishte një kundërshtar të fortë, që ka kryesuar për muaj renditjen e përgjithshme të Eurotureve, Kaçi ka kaluar në çerekfinale pas fitores me rezultatin 9-3. Mark Bijsterbosh gjithashtu nuk i bëri dot ballë kurbinasit: 2-9.

Në gjysmëfinale sërish me një bilardist të njohur si spanjolli David Alkaide. Ndaj tij nuk ishte e lehtë, por ne fund sërish bilardisti kuqezi triumfoi ngushtë: 9-7. Në finale Kaçi u ndesh me numrin një të Eurotureve, austriakun Mario He. Një ndeshje dramatike, që u mbyll 9-8 në disfavor të bilardistit lacian.

FAZA E PARË

FITUESIT 1
Eklent Kaçi-Stefan Vaihnasht 5-9

HUMBËSIT – RAUNDI I DYTË
Mikel Poshman-Eklent Kaçi 1-9

HUMBËSIT – RAUNDI I TRETË
Mihal Mukleviz – Eklent Kaçi 2-9

HUMBËSIT – RAUNDI I KATËRT
Eklent Kaçi – Matjaz Erkulj 9-1

HUMBËSIT – RAUNDI I PESTË
Roberto Bartol – Eklent Kaçi 7-9

HUMBËSIT – RAUNDI KUALIFIKUES
Eklent Kaçi – Klif Kastelen 9-5

FAZA E DYTË

1/32
Aleksandër Kazakis – Eklent Kaçi 4-9

1/16
Eklent Kaçi – Françisko Sançez Ruiz 9-3

ÇEREKFINALET
Mark Bijsterbosh – Eklent Kaçi 2-9

GJYSMËFINALET
Eklent Kaçi – David Alkaide 9-7

Finalja
Mario He – Eklent Kaçi 9-8