Sky Sport raporton se i preferuari për repartin ofensiv është Ante Rebiç. 25-vjeçari vlerësohet 40 milionë euro nga Ajntrahti i Frankfurtit. Interi duhet të nxitojë sepse Rebiç pëlqehet shumë edhe nga Atletiko Madrid.

“Colchoneros” do të nisin sulmin për të, nëse nuk arrijnë akordin me Realin për Hames Rodrigez. Rebiç ka luajtur më parë me Veronën dhe Fiorentinën në Serie A, por pa arritur të lërë gjurmë.

Interi është gati ta rikthejë sërish në kampionatin italian dhe po mendon të nisë negociatat përfundimtare me klubin gjerman nga Frankfurti.

Uest Hemi ka ofruar 40 milionë euro, shifër kolosale, por Çekanët duan patjetër sulmues, pas largimit të Marko Arnautoviçit në Kinë, ndërkohë që janë larguar edhe Endi Kerol e Lukas Perez, që do të thotë se në sulm kanë mbetur vetëm Havier Hernandez dhe Xhordan Hagill.

Haller e ka pranuar ofertën e Uest Hemit: kontratë deri në 2024, me 3 milionë euro në vit, plus bonuse. Problemi është se në garë mund të futet fuqishëm edhe Mançester Junajtid, që së shpejti do të shesë Romelu Lukakun dhe Haller do ishte zëvendësuesi perfekt.

Haller është 1.90 i gjatë, por është një sulmues shumë teknik dhe i shpejtë, i cili sezonin e fundit shënoi 15 gola dhe dha 9 asiste në kampionat. Frankfurti e bleu për 7 milionë euro nga Utrehti para 2 vitesh dhe tashmë bëhet gati të arkëtojë një shifër të paktën 6 herë më të lartë, duke treguar se është një klub i organizuar në mënyrë të shkëlqyer, sepse edhe Joviç te Reali ishte një operacion fenomenal.

Një prej emrave që pëlqehet shumë është Ante Rebiç. Sulmuesi kroat është rritur shumë në dy sezonet e fundit dhe është një prej pikave kyç të Ajntrahtit të Frankfurtit. Gjermania Bild flet për interesimin e Atletikos, që duhet të mposhtë konkurrencën e Interit.

Karakteristikat e 25-vjeçarit nga Spliti pëlqehen shumë nga Diego Simeone, i cili i ka kërkuar drejtuesve të klubit të nisin negociatat me homologët gjermanë.

Antonio Konte i pëlqen shumë karakteristikat e tij dhe i ka kërkuar drejtuesve ta transferojnë në San Siro. Flasim për Ante Rebiç, sulmuesin kroat të Ajntrahtit të Frankfurtit.

25-vjeçari ka luajtur më parë me Fiorentinën, ndërsa kalimi në Bundesligë e ka rritur shumë si futbollist. Rebiç zhvilloi një Botëror fantastik me Kroacinë e tij dhe ishte një hap larg finales së Ligës së Europës me Ajntrahtin, ekip me të cilin shënoi 10 gola sezonin e kaluar.

Marota dhe Auzilio kanë nisur negociatat dhe po synojnë të fitojnë garën për shërbimet e Rebiç, i cili ka edhe disa oferta të tjera nga ekipe të ndryshme.

Ekipi ka në sulm lojtarë si Luka Joviç, Ante Rebiç dhe Sebastien Haler. Të tre bashkë kanë shënuar 41 gola në Bundesligë, ndërsa Ajntrahti mund të humbasë shërbimet e të treve.

Diçka e tillë është pohuar nga Fredi Bobiç, drejtori sportiv i klubit. “Po, mund t’i humbasim të tre lojtarët. Ju garantoj se të tre kanë kaluar për mrekulli këtu. Dashuria e tifozëve nuk ju ka munguar, por forca të tjera futën në lojë në një moment të caktuar”, thekson kroati me origjinë sllovene.

Ofertat e majme financiare janë të parefuzueshme për një klub si Ajntrahti, që mund të mbushë arkat me shitjen e yjeve të sulmit. Luka Joviç ka arritur akordin me Realin e Madridit, që ka gati një kontratë 5-vjeçare për 21-vjeçarin dhe rreth 60 milionë euro për klubin nga Frankfurti.

Ekipit bavarez i mjafton një barazim në ndeshjen e sotme për të festuat titullin kampion.

Djemtë e Kovaç duan t’i japin fund sa më shpejt rivalitet të madh të këtij sezoni me Dortmundin dhe për momentin janë në rrugë të mbarë për festimin e një titulli emocionues.

Dortmundi po përballet me Gladbahun në transfertë, por fitorja nuk mjafton. Edhe nëse ia dalin të sigurojnë tre pikët, shpresat minimale të verdhezinjve varen nga Ajntrahti i Frankfurtit.

Ekipi surprizë i këtij sezoni u mposht në shtëpi nga Mainci me rezultatin 0-2. Miqtë nuk luanin për asgjë dhe befasuan ekipin nga Frankfurtit, që humbi shansin të ngjitej në vendin e katërt. Dy gola të shpejtë të shënuar nga nigeriani Ujah në fillimin e pjesës së dytë vendosën ndeshjen, ndërsa Joviç e Rebiç me shokë nuk ishin në ditën e tyre.

Ajntrahti renditet në vendin e gjashtë me 54 pikë, një më pak se Gladbahu dhe Leverkuzen. Shanset për një vend në Champions janë minimale, pasi ndeshja e radhës është kundër Bajernit në Mynih.

Ajntraht Frankfurt-Mainc 0-2
(Ujah 53’, 57’)

21-vjeçari po shkëlqen, ka shënuar 25 gola në këtë sezon (34 në 67 ndeshje që nga koha kur është transferuar në Bundesligë) dhe po udhëheq Ajntrahtin drejt kualifikimit në Champions dhe fitimit të Ligës së Europës.

Gjermanët e morën në huazim dy-vjeçar në verën e vitit 2017 me të drejtë blerje për një shumë më të vogël se 6 milionë euro. Sulmuesi ka befasuar me paraqitjet dhe golat e tij gjatë kësaj kohe.

Ajntrahti ka paguar paratë te Benfika dhe ka firmosur një kontratë deri në vitin 2023 me Joviç. Ky i fundit kërkohet nga shumë skuadra të mëdha europiane, që janë gati të bëjnë çmenduria për të, por lojtari dëshiron që të qëndrojë edhe një sezon në ekipin aktual.

“Rritja e Lukës këtu me ne është shumë e kënaqshme. Nuk kemi dyshuar kurrë në ushtrimin e së drejtës së blerjes së tij. Djali ka aftësi të jashtëzakonshme dhe është shumë e rëndësishme që tani është zyrtarisht një futbollist i joni“, theksoi Fredi Bobiç, drejtori sportivi i klubit nga Frankfurti.

Officiel : l’Eintracht Francfort lève l’option d’achat pour Luka Jovic auprès de Benfica. Le Serbe est désormais lié au club allemand jusqu’en juin 2023. pic.twitter.com/KsCtitMD9z

— Foot Mercato (@footmercato) April 17, 2019

Sipas prestigjiozes spanjolle, Luka Joviç është kthyer në objektivin kryesor të “Los Blancos” dhe oferta është bërë gati. Plot 70 milionë euro do të ofrohen për 21-vjeçarin serb, i cili kërkohet me ngulm edhe nga Barcelona.

#LaPortada Jovic es el ‘9’ ? pic.twitter.com/qJ8NS3zWL3

— MARCA (@marca) April 13, 2019

Joviç ka bërë një sezon fantastik, teksa ka shënuar plot 25 gola. Tashmë pritet me interes se si do të shkojë rivaliteti në merkato mes Realit dhe Barçës, me sulmuesin që duhet të zgjedhë një midis tyre për të bërë kapërcimin në një klub të madh.

Katalanasit e kanë gjetur sulmuesin, i cili pritet të zbarkojë në fund të sezonit në Spanjë. Siç raporton “Frankfurter Allgemeine”, Barcelona ka zgjedhur Luka Joviç, sulmuesin serb të Ajntrahtit të Frankfurtit, kartonin e së cilit e zotëron Benfika.

21-vjeçari po kalon një formë fantastike dhe ka shënuar 14 gola në kampionat këtë sezon, duke kryesuar renditjen e golashënuesve në Bundesligë. Media gjermane flet për një akord të arritur midis Barcelonës dhe lojtarit, ndërsa klubit spanjoll i mbetet të gjejë akordin me klubin portugez.

Marrëdhëniet me Benfikën janë të mira dhe nuk do të ketë aspak probleme për të arritur marrëveshjen e kalimit të Joviç në ekipin e Leo Mesit.

Ai ndodhet në një formë të mirë, ndërsa shkëlqeu dhe me Kroacinë në Botërorin e Rusisë. 25-vjeçari ishte pranë kalimit te Mançester Junajtid gjatë verës, por vendosi të qëndrojë në Gjermani.

Rebiç ka folur për të ardhmen duke zbuluar dëshirën e tij. Premier Liga e tundon dhe sulmuesi beson se një ditë do të provojë emocionet e futbollit anglez.

“Nuk mund ta mohoj që shumë klube, sidomos nga Premier Liga, kanë shprehur interes për mua. Kampionati anglez është tërheqës dhe i përshtatet stilit tim. Do të më pëlqente të provoja një aventurë në ishull”, është shprehur sulmuesi.

Shkak për këtë regres të frikshëm kanë qenë dy dëmtime të përsëritura në gju. Në fund të nëntorit, Rode u rikthye të luante me skuadrën rezervë të Dortmundit dhe hap pas hapi 28-vjeccari po rikthehet ai i mëparshmi, por është  e qartë që e ardhmja e tij nuk është te Dortmundi.

Sipas medies së njohur “Kicker”, në janar Rode do të huazohet tek ekipi i Ajntrahtit të Frankfurtit. Pikërisht në këtë skuadër, mesfushori arriti kulmin e karrierës e më pas siguroi një transferim te Bajerni i Mynihut, ku luajti për dy vite.

Gjermanët u vendosën në një grup mjaft të vështirë, teksa sfidonin Olimpikun e Marsejës, të cilët vinin nën petkun e finalistes së sezonit të shkuar dhe Lacion, një ekip, ndër më të mirët në Europa League. Gjithashtu, pjesë e grupit ishte dhe ekipi qipriot i Apollonit të Limasolit.

Grup mjaft i vështirë për ekipin gjerman, pasi favoritë për të kaluar më tej shiheshin Marseja dhe Lacio. Tashmë, kur çdo gjë është mbyllur situata në grup është e tillë: Frankfurt udhëheqës i grupit, për më tepër me pikë të plota. Gjashtë ndeshje, gjashtë fitore, për ekipin gjerman dhe një rekord absolut. Ajntrahti kështu, bëhet ekipi i parë gjerman në Europa League, që arrin të marrë pikë të plota në fazën e grupeve.

Do të jenë 9 mijë mbështetës të Ejntraht Frankfurt që do të jenë në stadium në mbështetje të skuadrës së tyre, që i ka fituar pesë ndeshjet e para në grup. Sfida e Europa League me Lacion është e fundit në grup për ta.

Por ultrasit gjermanë nuk do të jenë të vetëm. Krah tyre do jenë edhe 400 ultras të Atalantës, kundërshtar me të cilin Lacio do përballet ditën e hënë. Kështu nuk përjashtohet tensioni në Romë dhe forcat e rendit janë në gatishmëri për të shmangur përplasjet mes tifozerive.

Sot ata kanë qenë spektakolar në ndeshjen që skuadra e tyre fitoi në Qipro kundër Apollon. E gjithë tribuna pas porte ishte pushtuar prej tyre. Edhe pse në transfertë, ultrasit gjermanë kishin përgatitur koreografi.

Spektakolare ajo që kanë ofruar dhe tashmë ekipi i tyre ka përparuar më tej, pasi mori fitoren e katërt në grupe dhe u kualifikua. E sigurt që edhe në ndeshjet e tjera ata do të dhurojnë shfaqje dhe do të mbështesin ekipin e tyre maksimalisht.

https://www.facebook.com/UltrasTeam0/videos/932572690286992/