Eibar

Zyrtare | Barcelona bëhet “pishman”, riblen mbrojtësin spanjoll

Sport Ekspres — Tue, 16 Jul 2019 19:43:50 +0000

Barcelona ka aktivizuar klauzolën e riblerjes së një prej talenteve të saj. Mark Kukurela do të jetë përsëri i Barçës. 20-vjeçari u ble vetëm pak ditë më parë nga Eibar pas një periudhe huazimi, megjithatë Barça nuk ka lejuar që t’i ikë nga duart spanjolli.
Kukurela aktivizohet si mbrojtës i majtë, një pozicion ku nuk ka alternativa përveç Zhordi Albës. Katalanasit e kanë risjellë atë për 4 milionë euro në “Camp Nou”. Një veprim i drejtë i tyre, duke parë se vlera e lojtarit në merkato është të paktën 10 milionë euro.

Kukurela do të udhëtojë me skuadrën drejt Kinës për të marrë pjesë në turin aziatik. Ai ka qenë një nga më të mirët e Eibar sezonin e kaluar. Mbetet për t’u parë nëse Barça do zgjedhë ta shesë për të fituar më shumë, apo ta mbajë dhe t’i besojë vendin e zëvendësuesit të Albës.

[BREAKING NEWS] ? @cucurella3 https://t.co/QiMZPqnKPI

— FC Barcelona (@FCBarcelona) July 16, 2019

Atletiko fiton mes vuajtjeve, e nderon një francez

Sport Ekspres — Sat, 20 Apr 2019 16:05:48 +0000

Një gol i Lemar 5 minuta përpara fundit të ndeshjes i dhuroi tre pikët ekipit “colchoneros” në transfertën e vështirë të Eibarit. Kundërsulm i shpejtë i miqve, Koke dhuroi asistin për francezin, me këtë të fundit që gjeti rrugën e rrjetës.

Ky trepikësh e ngjit Atletikon në kuotën e 68 pikëve, gjashtë më pak se Barcelona, që do të presë Real Sociedadin në “Camp Nou” në mbrëmje. Eibari, që nuk e meritonte aspak humbjen, vazhdon të qëndrojë në mesin e tabelës me 40 pikë, tetë më shumë se zona e rrezikut.

Kjo ishte fitorja e dytë rresht për djemtë e Simeones që pas humbjes në duelin direkt me Barçën kryesuese. Ndeshja e radhës është në shtëpi përballë Valencias, një duel që parashikohet të dhurojë shumë emocione.

Eibar-Atletiko Madrid 0-1
Shënues: Lemar 85′

VIDEO | Vendos Benzema, Reali fiton me përmbysje

Sport Ekspres — Sat, 06 Apr 2019 16:10:02 +0000

Një dygolësh i Karim Benzema i dhuroi tre pikët Realit të Madridit. Ekipi i Zidan mposhti në shtëpi Eibarin me rezultatin 2-1. Pjesa e parë përfundoi me avantazhin e miqve, të cilët shënuan një gol të bukur me anë të Mark Kardonës.

Vendasit reaguan në pjesën e dytë dhe përmbysën ndeshjen. Karim Benzema shënoi dy herë me kokë, pas asisteve të Asensios dhe Toni Krosit. Francezi është ngjitur në kuotën e 17 golave në kampionat, ndërsa Reali i afrohet Atletikos së vendit të dytë me dy pikë.

Eibari renditet në vendin e 11-të, duke mbajtur një pozicion në mesin e qetë të renditjes.

Real Madrid-Eibar 2-1
(Benzema 59’, 81’ / Kardona 39’)

VIDEO | Reali befasohet nga Eibari, i ndëshkon një katalanas

Sport Ekspres — Sat, 06 Apr 2019 15:13:26 +0000

Reali vazhdon të tregojë oshilacione. Rikthimi i Zinedin Zidan riktheu entuziazmin dhe rezultatet pozitive, por ekipi po vazhdon të vuajë.

Pas humbjes në Valencia, Reali po humbet edhe kundër Eibarit në shtëpi. Vendasit kanë akoma kohë dhe mundësi, pasi ka përfunduar vetëm pjesa e parë.

Mark Kardona ka shënuar një gol shumë të bukur gjashtë minuta përpara fundit të pjesës së parë. Aksion shumë i bukur i Eibarit dhe finalizim me mjeshtri nga sulmuesi, kartoni i të cilit zotërohet nga Barcelona.

GOOOOOOOOOOOOOOOAL???

Realmadrid 0-1 Eibar

Please follow : @goalstv3 to enjoy all goals on time ?

pic.twitter.com/USreO6bfpN

— viagoalstv (@viagoalstv1) April 6, 2019

Emeri gjen pasuesin e Ramsejt, emër surprizë nga Spanja

Sport Ekspres — Thu, 28 Mar 2019 14:23:23 +0000

Aron Ramsej do të jetë një lojtar i Juventusit duke nisur nga sezoni i ardhshëm, me Arsenalin që humbet një nga lojtarët më të rëndësishëm. Uellsiani aktivizohej prej gati një dekade në “Emirates Stadium” dhe tani “topçinjtë” do të kenë një punë të vështirë për të gjetur zëvendësuesin e tij.

Unai Emeri i ka nisur kërkimet dhe objektivi i tij raportohet të jetë Xhoan Xhordan. Mesfushori, i cili aktivizohet me Eibarin në La Liga, duket se është një ndër të preferuarit e Emeris dhe pritet që Arsenali të bëjë një ofertë në drejtim të klubit spanjoll.

Oferta e “Topçinjve” pritet të jetë gati 15 milionë euro. Një shifër, që mund ta kënaqë drejtuesit e Eibarit, pasi një ofertë e tillë zor se është parë në të shkuarën në atë klub.

VIDEO | Rikthehen retë e zeza, Eibari shkatërron Realin

Sport Ekspres — Sat, 24 Nov 2018 13:52:04 +0000

Shkarkimi i Lopeteguit dhe ardhja e Santiago Solarit në stol krijoi idenë që Reali i dha fund krizës. Katër fitore rresht mes kampionatit, kupës dhe Champions-it, por ekipi “merengues” u rikthye te rezultatet negative.

Eibari arriti një fitore të madhe, duke mposhtur Kampionët e Europës në fuqi me rezultatin 3-0. Eskalante në pjesën e parë dhe golat e Enrik e Kikes në pjesën e dytë i dhuruan vendasve një fitore të paharrueshme, ndërsa Reali sheh përsëri re të zeza.

Mbrojtja fut ujë nga të gjitha anët, ndërsa sulmi nuk ka forcë për të shënuar. Eibari tregohet cinik, duke shfrytëzuar rastet e tij dhe ngjitet në vendin e shtatë në La Liga. Vetëm një vend më lart dhe dy pikë më shumë për Realin, që regjistron humbjen e pestë në kampionat, në 13 javë kampionat.

Eibar – Real Madrid 3-0
(Eskalante 16′, Enrik 52′, Kike 57′)

Kartonë të kuq dhe gola, Eibar ndal Alaveshin

Sport Ekspres — Sun, 04 Nov 2018 12:58:01 +0000

Alaveshi është një nga surprizat më të bukura të Li Ligës në këtë sezon. Djemtë e Abelardos renditen në vendin e dytë në kampionat, ndërsa sot janë mposhtur në transfertë përballë Eibarit. Gola, kartonë të kuq për të dy ekipet, ndërsa tre pikët shkojnë për Eibarin.

Gjithçka nisi mirë për Alaveshin, që gjeti golin e avantazhit me anë të kapitenit Garsia në minutën e katërt. Mbrojtësi i majtë, Duarte ndëshkohet me karton të kuq në minutën e 25, duke lënë miqtë në inferioritet numerik. Alavesh arrin të ruajë avantazhin në pjesën e parë, duke përballuar sulmet e Eibarit.

Pjesa e dytë dhuron një tjetër karton të kuq. Kësaj here mbeten vendasit me dhjetë vetë dhe forcat barazohen. Argjentinasi De Blasis ndëshkohet me të kuqe në minutën e 62, por shtatë minuta më pas, sulmuesi Zhordan barazon rezultatin me një goditje të bukur.

Kur dukej se ndeshja po mbyllej në barazim, mendoi senegalezi Diop të prishte ekuilibrat. 32-vjeçari shënoi me kokë në minutën e parë shtese, duke çuar në ekstazë tifozët dhe duke i dhuruar Eibarit tre pikë të rëndësishme, që rikthehet te fitorja pas tre javëve. Alavesh ndalet pas tre fitoreve rresht dhe tashmë renditet në vendin e tretë me 20 pikë, në të njëjtën shifër me Atletikon e Madridit, që renditet e dyta për shkak të golavarazhit.

Eibar – Alavesh 2-1
(Zhordan 69’, Diop 91’ / Garsia 4’)

Mark Kardona, njeriu i rekordeve: njihuni me “debutuesin” e famshëm të… Barcelonës

Sport Ekspres — Mon, 03 Sep 2018 11:18:20 +0000

Të gjithë “vuajnë” dhe hasin vështirësi, kur luajnë në një kampionat të ri, kategori ndryshe, ose një kompeticion të pa provuar më parë, por Mark Kardona nuk përfshihet kurrë nga emocionet e debutimit. Një start ëndrrash për futbollistin e Eibarit, i cili gjeti golin në ndeshjen e tij të parë në La Liga. Eibar fitoi me rezultatin 2-1 përballë Sociedadit të premten, ndërkohë që sulmuesi i huazuar nga Barcelona gjeti golin e barazimit të përkohshëm, duke thyer një tjetër rekord.

23-vjeçari ka shënuar gol gjatë debutimit të tij në të gjitha kategoritë spanjolle duke filluar nga: Tercera Division (kategoria e katërt), Segunda B (kategoria e tretë), Segunda Division (kategoria e dytë) dhe La Liga.

Kardona debutoi me ekipin e Atletiko Sanlukuenos në sezonin 2015-2016 dhe iu deshën vetëm 49 minuta për të shënuar golin e parë në ndeshjen e tij të parë në kategorinë e katërt. Ai e mbylli sezonin me 20 gola të shënuar dhe ndihmoi ekipin e tij të kalonte një kategori më lart. Gjatë verës ai u ble nga Barcelona, që e kaloi në ekipin B.

Me datë 20 gusht të vitit 2016, Kardona debutoi në kategorinë e tretë me ekipin e Barcelonës B dhe shënoi në ndeshjen e parë përballë Atletiko Saguntinos, që u mbyll me rezultatin 3-1. Sulmuesit iu deshën vetëm 12 minuta për të shënuar golin e parë, ndërsa ndeshjen e mbylli me një tripletë. Kardona shënoi 17 gola deri në fund të sezonit dhe ndihmoi ekipin të ngjitej në kategorinë e dytë.

Në Segunda Division, ai debutoi me datë 19 gusht të vitit të kaluar në ndeshjen Vajadolid-Barcelona B që përfundoi me rezultatin 1-2. Kardona nuk e harroi vesin e tij dhe i mjaftuan vetëm 37 minuta për të gjetur golin e parë në kategorinë e dytë. Sezonin e mbylli me 7 gola të shënuar dhe Eibari e afroi në ekip, pasi arriti marrëveshjen me Barcelonën për huazimin e tij.

Për të ardhur te 31 gushti i këtij viti, kur 23-vjeçari debutoi në derbin përballë Sociedadit. Vetëm 26 minuta, por të mjaftueshme për një debutues si ai. Kardona gjeti rrjetën e parë në ndeshjen e parë në La Liga duke ndihmuar ekipin të marrë tre pikë të rëndësishme.

Mark Kardona po shijon momentin e artë dhe është gati për të zhvilluar një sezon të mirë në elitën e futbollit spanjoll, me Barcelonën që po sheh lojtarin e saj të rritet nga viti në vit me paraqitje të mira dhe gola që në start, sepse dita e mirë duket që në mëngjes dhe ai as që ka ndërmend të ndalet.

Barcelona shkatërron Eibarin, Mesi shënon katër gola

Sport Ekspres — Tue, 19 Sep 2017 21:48:45 +0000

Dikush të gjejë ilaçin për të mposhtur Barcelonën! Skuadra katalanase e këtij sezoni është e pamëshirshme ndaj çdo rivali dhe duket se trajneri Valverde do të vendosë disa rekorde, sepse po rikthen Leo Mesin me shokë në stilin e para disa viteve, kur Barcelona e Guardiolës fitonte gjithçka. Sot nënkampionët e La Ligës shkatërruan 6-1 Eibarin në “Camp Nou”, në një ndeshje ku Mesi sërish bëri gjithçka i vetëm: shënoi katër gola sikur të ishte duke luajtur kalçeto!

Goli i parë u shënua pas 20 minutash lojë. Semedo fitoi një penallti falë shpejtësisë së tij, të cilën e ktheu në gol me lehtësi “Pleshti”. Topi i tij në trekëndësh ishte thjesht i pakapshëm. Radhën për të vazhduar goleadën e pati mesfushori Paulinjo pas 18 minutash lojë. Braziliani e ka gjetur veten shpejt te Barça dhe provoi me kokë, duke shënuar golin e dytë me lehtësinë e një sulmuesi veteran. Kështu u mbyll dhe pjesa e parë. 45 minutat e dyta ishin të dedikuara edhe më shumë për Mesin, i cili shënoi edhe tri herë. Pas golit të mesfushorit Suarez në të 53’, argjentinasi shpërtheu me ecejaket e tij karakteristike duke “bombarduar” portën e Eibarit. Në të 59’ dhe 62’ ai shënoi thuajse njësoj, duke tërhequr sferën si magnet në këmbët e tij dhe duke dribluar dy apo tre lojtarë kundërshtarë. Sa lehtë godet ai! Në fund, vetëm dy minuta nga mbyllja e kohës së rregullt, rekordmeni i katalanasve mbylli goleadën personale me një tjetër gol të bukur, duke shtangur portierin Dmitroviç dhe duke treguar se do të hakmerret ndaj të gjitha kritikave, me inatin që ka grumbulluar pas sezonit të kaluar me Barcelonën, por edhe me kombëtaren e Argjentinës. Katalanasit ruajnë vendin e parë dhe vazhdojnë të jenë të pamposhtur. Tani po që dueli me Realin do të jetë edhe më spektakolar, sepse kur Barça luan mirë, edhe La Liga duket më e bukur.

Barcelona vs Eibar (6-1) HIGHLIGHTS & GOALS | LEO MESSI´S POKER!!! by footbie.com