NJOFTIMI – Klubi zyrtarizon sot zgjatjen e bashkëpunimit me Egzon Belicën. Mbrojtësi 28 vjeçar dhe drejtuesit kanë nënshkruar kontratën e re e cila e konfirmon pjesë të kampionëve deri në 2021. Palët konkretizojnë kështu pozitivisht të ardhmen e titullarit te Partizani.

Belica pjesë e të kuqve nga 2018, falë paraqitjeve dhe cilësive që ka shfaqur përgjatë gjithë eksperiencës me fanellën e kuqe me të cilën u shpall edhe kampion i Shqipërisë, konsiderohet një prej lojtarëve më të spikatur të ekipit dhe kampionatit tonë. Rinovimi i kontratës erdhi me dëshirën e të dyja palëve, fakt i cili pasqyron më së miri besimin dhe korrektësinë e marrëdhënies klub–lojtar.

Një lajm i mirë rinovimi me Velicën për trajnerin Franko Lerda, i cili do të ketë në dispozicion një nga lojtarët më të spikatur të sezonit të shkuar. Ndërkohë burime të SportEkspres.com bëjnë me dije se nuk ka një marrëveshje me mesfushorin Ardit Hila, të cilit i ka përfunduar kontrata dhe do ta vijojë karrierën në ekip tjetër.

Më vonë diçka e tillë është konfirmuar edhe nga klubi i kuq: “Klubi i Futbollit Partizani 16-të herë kampion i Shqipërisë, falwnderon mesfushorin Ardit Hila për kontributin e dhënë me fanellën e kuqe gjatë sezonit të tij të parë si pjesë e ekipit që u shpall kampion i vendit.

Titullar në pjesën më të madhe të sezonit, Hila pati merita në rikthimin e titullit pas 26 vitesh. Klubi informon se mesfushori 25-vjeçar dhe drejtuesit kanë vendosur të ndërpresin bashkëpunimin mes tyre për sezonin e ri. Klubi dëshiron të falënderoj lojtarin Ardit Hila dhe i uron njëkohësisht suksese të mëtejshme në karrierën e tij sportive”.

Egzon Belica është i lirë, por gjatë kësaj periudhe ka qenë me ekipin në fazë përgatitore. Kontratën Partizani ia ka bërë gati me kohë dhe mbetet të shihet nëse mbrojtësit do t’i pëlqejnë kushtet dhe do të nënshkruajë. Ndeshja me Karabakun është në prag dhe duhet gjetur një zgjidhje e shpejtë.

E njëjta situata edhe me Ardit Hilën. Mesfushori nga Elbasani ishte nën kontratë deri më 30 qershor dhe Partizani nuk e ka aktivizuar klauzolën “+1” në kontratë. Afrimi i mesfushorit Rron Broja bën që të ketë dilema për të ardhmen e Hilës te të kuqtë.

Palët pritet të ulen në bisedime dhe të vendosin se çfarë do të ndodhë. Drejtori Olsi Rama duhet të paraqesë ofertën e tij dhe më pas lojtari është ai që vendos. Ose palët mund të kenë edhe një takim sa për të shtrënguar duart dhe për t’u përshëndetur. Sot, ose maksimalisht nesër, vendoset gjithçka.

Me afrimin e tij mund të konsiderohet një çështje e mbyllur pista Julian Shehu. Mesfushori i Shqipërisë U21 ishte një nga dëshirat e Partizanit dhe me drejtuesit e Kastriotit ka pasur edhe bisedime. Palët patën madje edhe një akord, por të kuqtë sikur u tërhoqën dhe mbetet të shikohet se ku do të luajë Shehu sezonin e ardhshëm.

KONTRATAT – Egzon Belica dhe Ardit Hila janë lojtarët të cilëve sot u mbarojnë kontratat. Ende me asnjërin prej tyre nuk ka marrëveshje për vazhdimin e bashkëpunimit. Para disa ditësh në Slloveni mbërriti një mbrojtës, Muarem Axhem, i ngjashëm me Belicën.

Së fundmi ka nënshkruar edhe Rron Broja, i cili luan në të njëjtin rol me Hilën. A po “gatuhet” diçka nuk dihet, por është fakt që me të dy lojtarët kampionë të sezonit të shkuar gjërat duhet të ishin mbyllur me kohë.

Të dy kanë qenë shumë të rëndësishëm në fitimin e titullit vjet dhe janë nga ata që i bëjnë goxha punë të kuqve edhe për të ardhmen. Mbetet për t’u parë se çfarë do të ndodhë me ta, sikurse edhe me lojtarë të tjerë që dalin të lirë nga dita e nesërme.

Largimi i Atandës ka lënë një boshllëk, që te Partizani duan ta mbulojnë me një lojtar ndryshe nga nigeriani. Muamer Axhem, një boshnjak 194 centimetra i gjatë, është aktivizuar në miqësoren e djeshme me NS Mura.

Sezonin e fundit, Axhem ka luajtur rregullisht te Sloboda Tuzla dhe te Partizani duhet të vendosin nëse do nënshkruajnë me të. Një problem është fakti që “demat” aktualisht kanë tre lojtarë të të njëjtit tip me Axhem.

Egzon Belica, e ardhmja e të cilit ende nuk dihet, Enea Bitri dhe Lum Rexhepi janë lojtarë të gjatë dhe Partizani me Axhem do shtonte një lojtar të njëjtë me ata që ka në skuadër. Atanda ishte një lojtar krejtësisht tjetër dhe boshnjaku nuk mund të shikohet si pasuesi i Atandës.

Ndoshta i Belicës, po… Mbrojtësi ende nuk ka rinovuar, edhe pse i është bërë një propozim 3-vjeçar pa detaje të tjera. 30 qershori është dita e fundit e kontratës dhe në kampin e kuq duhet të ndajnë mendjen.

Sodiq Atanda është lojtari tjetër që nuk ishte në stërvitje. Nigerianit i ka përfunduar kontrata dhe ende nuk ka një marrëveshje të re. Me shumë mundësi mbrojtësi mund ta mbyllë këtu aventurën e tij te Partizani.

Në seancën stërvitore ishte i pranishëm Egzon Belica, një nga lojtarët kryesorë të “demave” në sezonin e fundit. Mbrojtësit i është ofruar një kontratë 3-vjeçare, por ende nuk ka nënshkruar. Nga Kamza është rikthyer Enea Bitri, ndërkohë që ka nisur përgatitjet edhe mbrojtesi Hektor Idrizaj.

Vlonjati gradualisht pritet të marrë ngarkesë dhe me kapjen e formës do të japë kontributin e tij për Partizanin. Gjatë javës së ardhshme pritet të bashkohet me të kuqtë edhe Uilliam Kordeiro, i cili do të jetë pjesë e skuadrës kryeqytetase.

“Momenti më i vështirë është kur pëson gol, është vërtetë e vështirë. Ne kemi lojtarë të mirë dhe kemi forca t’i kthejmë ndeshjet. Ndodhi edhe sot kjo”

“Kontrata e re? Më mbaron më 30 qershor. Do ulemi dhe do flasim, do vendosim cila është më e mira për të dyja palët”.

“Europa? Kjo skuadër shumë mendonin se nuk del kampion. Është ekip i ri dhe me lojtarë me përvojë. Me disa përforcime mund të bëhet një ekip më i fortë dhe më garues edhe në Europë”.

“Hurriyet” raporton se Menemen Beledije SK do tentojë ta bindë mbrojtësin të nënshkruajë me ta. Ata kanë siguruar ngjitjen në ligën e parë turke dhe po tentojnë të afrojnë lojtarë që nuk kanë kërkesa të larta financiare.

Flasim për standardin atje, pasi shifrat që do të përfitojë Belica do të jetë në të konsiderueshme. Palët janë në bisedime dhe shumë shpejt mund të vijë edhe akordi. Mbrojtësi te Partizani ka luajtur titullar fiks dhe ka qenë një nga pikat më të forta të të kuqve në fitimin e titullit kampion.

Në një moment klubi i besoi edhe shiritin e kapitenit, çka tregon edhe vlerësimin për të. Gjithsesi tanimë do të jetë e vështirë që të ketë një marrëveshje mes palëve. Mbetet për t’u parë se çfarë do të ndodhë pas përfundimit të kampionatit.

Ditën e sotme futbollistët, së bashku me trajneri Skënder Gega dhe drejtorin Olsi Rama, janë zhvendosur në Strugë për t’i shprehur ngushëllimet Belicës dhe të afërmeve të tij për humbjen e njeriut të dashur. Klubi i kuq ka postuar edhe një foto në rrjetet sociale.

https://www.facebook.com/partizaniclub/photos/a.264934397034297/1056022154592180/?type=3&theater

Egzon Belica dhe Edon Hasani i Tiranës kanë dhënë përshtypjet e para për 45 minutëshin e zhvilluar. Mbrojtësi i Partizanit pranon vështirësitë e hasura ndaj sulmuesit Majkëll Ngo, i cili është shfaqur disa herë i rrezikshëm përballë Hoxhës, centimetrat e të cilit e bëjnë të frikshëm, sidomos në luftën në ajër.

“Ngo është një kundërshtar shumë i vështirë për t’u markuar, pasi është një lojtar shumë i gjatë. Duhet të bëjmë më shumë dhe të kemi më kujdes nga krahët”, thekson Belica, ndërsa mesfushori i Tiranës beson se ekipi i tij do arrijë të gjejë rrugën e golit në pjesën e dytë.

“Kemi patur shumë raste, por besoj se do arrijmë ta gjejmë golin në pjesën e dytë. Le të vazhdojmë në këtë mënyrë”, komenton shkodrani i ekipit bardheblu.

-E prisni, që brenda dy javësh të ishit në këtë diferencë pikësh?
-Kur vjen tek ekipi i Partizanit qëllimet janë të qarta. Ne si futbollist, të mos them se e prisnim, por e dëshironim. Të tjerët ndoshta kanë qenë skeptikë për ekipin tonë, por ne e donim vendin e parë dhe e duam ende. Nuk ka ndonjë diferencë të madhe pikësh, kampionati ynë është i vështirë dhe jue dini më mirë këtë. Duhet të bëjmë punën tonë dhe t’i marrim ndeshjet një nga një, duke filluar nga takimi i nesërm.

-Çfarë ka më shumë Partizani se Teuta ose Kukësi?
Suksesi i këtij Partizani nuk kanë qenë individët dhe mund ta them me plot gojën se ka qenë grupi. Kemi një grup shumë të mirë, si nga lojtarët si nga stafi. Ka funksionuar gjithçka sikurse duhet.

-Çfarë ju shqetëson nga ekipi i Laçit? Ju intereson barazimi?
–Si në çdo sfidë tjetër do të futemi për të marrë fitoren, pastaj futbolli i ka të tri rezultatet brenda dhe nuk i dihet se si do të shkojë ndeshja. Nuk na frikëson diçka, por nuk duhet t’i marrim sfidat lehtë. Në ato momente e vëmë veten në vështirësi më të mëdha.

-Me kë ndjeheni më mirë në qendër të mbrojtjes? Si ia keni dalë të përshtateni kaq shpejt?
–Rexhepi është lojtar shumë i mirë. Ai ka bërë mirë në 3 ndeshjet e para, por nuk është se e vendos unë se kush do të luajë. Kushdo që të jetë, jam i sigurt se mundohet të japë më të mirën.

-Kush ka qenë sulmuesi që ju ka vënë më shumë në vështirësi?
-Nuk do doja të përmendja emra. Vjet, sulmuesi i Skënderbeut, Soue, ka qenë me të vërtetë i fuqishëm. Na ka vendosur në vështirësi.

-Si është atmosfera në skuadër?
-Tani nuk është se  ka presion, por atmosfera në ekip është e jashtëzakonshme. shtatë pikë nuk janë shumë. Duhet t’i marrim ndeshjet një

-Laçi vjen pas dy humbjeve, a ua vështirëson kjo objektivin tuaj?
-Nuk do të thosha kështu. Laçi ka një ekip të mirë, edhe pse ka pasur vështirësi 2-3 javët e fundit. Kjo nuk do të thotë se do e kemi të lehtë. Duhet të futemi të përqendruar maksimalisht dhe të mundohemi të marrim më të mirën.

FLORIAN ALLA

“U bë një vit që jam në kampionatin shqiptar. Ka qenë një vit i mirë për mua personalisht. Dua të them se ky vit është i mbarë edhe për ekipin tonë”, shprehet fillimisht Belica në “RTSH Sport”, i cili më tej flet edhe për rivalër e tjerë, por edhe për shiritin e kapitenit.

“Skuadra më e fortë? Sipas mendimit tim vjet ishte Skënderbeu më i forti, sivjet janë disa. Mund të jetë Kukësi, mund të jetë sërish Skënderbeu, sikurse edhe ekipi ynë. Shiriti? Nga ana personale është përgjegjësi e madhe të jesh kapiten i Partizanit. Por dua të them atë që kapiten i ekipit është edhe Alban, Trashi, por edhe Telushi”.

Në fund Belica analizon edhe mbrojtjen dhe i vë një notë, ndërkohë që sipas tij Skënderbeu është skuadra që i ka vënë më së shumti në vështirësi. “Mbrojtja? I vë notën tetë. Ka hapësira për përmirësim në të gjitha aspektet: mbrojtje, sulm e mesfushë. Me stërvitje dhe me një fazë përgatitore të mirë në Turqi, besoj se do përmirësojmë shumë gjëra. Skuadra që na ka vënë më shumë në vështirësi? Skënderbeu është një skuadër e mirë. Duke parë që jemi mundur dy herë, mund të them që na ka vendosur edhe më shumë në vështirësi”.

ALBAN HOXHA – Portieri i të kuqve padyshim që është një nga më të spikaturit dhe një lider. Se sa i rëndësishëm ka qenë gjatë pjesës së parë të sezonit për Partizanin, ai nuk dëshiron të thotë. “Nuk mund ta them unë, këtë mund ta thotë opinioni publik, specialistët e sportit. Mendoj se kam bërë punë të mirë deri tani, i kam dhënë shumë pikë ekipit”, shprehet fillimisht Hoxha në një speciale të përgatitur nga “RTSH Sport”.

“Roli i liderit? Normalisht unë jam munduar të bëj liderin, megjithëse gjatë ndeshjes nga porta është e vështirë ta orientosh ekipin duke e ditur se i rrëmben loja. Megjithatë këtu ka shumë liderë, do përmendja Telushin, Trashin dhe Ibrahimin. Kështu që besoj se është një frymë e mirë, të gjithë bëjnë punën që i takon”.

“Partizani me ambicie, apo rivalët më të dobët? Kundërshtarët nuk janë më të dobët. Ne e kemi parë që të gjithë ekipet kanë treguar se dinë të luajnë mirë. Kemi hasur vështirësi me çdo ekip, edhe me ato të dorës së dytë që themi ne. Por mendoj se është bërë një grup i mirë. Është futur një mentalitet fituesi. Edhe trajner Gega ka futur një frymë shumë të mirë që kur ka ardhur në fillim, jo se dua t’i bëj qejfin. Normalisht kjo shikohet. Kjo po na bën mirë”.

“Si mund ta ruajmë kreun? Duhet që të gabojmë sa më pak. Nëse ndodh kjo, besoj se do të qëndrojmë në krye”, përfundon Hoxha deklaratën e tij, ndërkohë që Partizani e ka mbyllur pjesën e parë të sezonit në krye të klasifikimit me tre pikë më shumë se Kukësi i vendit të dytë.

BARAZIMI – “Është rezultat i drejtë, edhe pse kishim shanset tona me Bardhin dhe me Hebajn. Barazimi është i drejtë.”

NDESHJA – “Pjesa e parë ishte më e dobët se pjesa e dytë. Kundërshtari na vuri pak në vështirësi dhe e mbante pak më shumë se ne topin. Ishte e vështirë për ta luajtur topin dhe them se barazimi është rezultati më i drejtë.”

SKUADRA – “Klubi ka besim tek të gjithë lojtarët. Po stërvitemi mirë dhe po luajmë mirë. Është kampionat shumë i vështirë, por do të bëjmë më të mirën tonë.”

RENDITJA – “Për mendimin tim tabela e renditjes tregon gjithçka. Me Skënderbeun dhe Kukësin do të jetë një luftë e fortë, por unë nuk do të lija pas dhe Flamurtarin.”

TEUTA DHE KUKËSI – “Kemi luajtur dy ndeshje të ndryshme. Në Durrës ishte me shumë tifozë dhe karikimi ishte i madh, edhe pse terreni ishte i vështirë. Sot kishte vështirësi të tjera. Mungesa e tifozëve tanë na penalizon.”

“Nuk është se ne pësojmë rregullisht, pasi jem ekipi me më pak gola të pësuar. Doja të thosha se si sulmi ashtu dhe mbrojta, ekipi punon në grup. Nuk është vetëm portieri dhe mbrojtja që pësojnë, por mbrojtja nis që nga sulmi, siç edhe sulmi fillon që nga prapavija”.

“Mjafton të shohësh tifozët dhe dihet se luhet një ndeshje e vërtetë. Dihet rëndësia e kësaj ndeshje, por për ne lojtarët është ndeshja e radhës, por nuk luhet gjithçka aty, do të bëjmë maksimumin. Do luftojmë për veten dhe për tifozët. Shiriti është përgjegjësi madhe. Dihet që kapiteni është Hoxha, ndërsa për shiritin në derbi nuk do të mërzitesha, pasi ekipi ynë ka lojtarë që mund ta bëjnë ekipin e dytë si Trashi, Ibrahimi, Telushi që kanë kualitet dhe njerëz me karakter të mirë”.

“Nuk diskutohet kualiteti i Albanit, pasi ai është portieri i parë dhe gjithashtu është portieri i Kombëtares. Doja të thosha se edhe portieri i dytë ka cilësi dhe ndaj është aty dhe do të bëjë një punë të mirë”.

“Ne jemi në vendin e parë dhe nuk ka pse të jetë një atmosferë jo shumë e mirë. Stërvitemi me dëshirë dhe entuziazëm dhe shpresoj që të bëjmë më të mirën”.

“Unë nuk do i fajësoja njeri te goli që pësuam në Vlorë. Pas minutës së 15, ndeshja foli për ne, mos të them që luajtëm me një portë, sidomos në pjesën e dytë. Sulmuam dhe të them të drejtën do të mërzitesha nëse do të humbnim dhe nuk do të luanim mirë”.

“Derbi është derbi dhe tifozët janë motivimi më i madh që lojtarët kanë në ndeshjet e tilla. Do futemi të bëjmë më të mirën dhe shpresoj të mos dalim pa pikë”.

“Partizani të sezonit të kaluar ia kemi marrë maksimumin. E nisëm pak keq, por me disa ndryshime në janar ndryshuan gjërat. Gjithsesi jo ashtu sikurse ne pretendonim dhe kishim dëshirë. Çfarë ka kaluar ka kaluar, më intereson vetëm Partizani i tanishëm. Kanë ndryshuar shumë gjëra, kemi një staf i ri, ka lojtarë të afruar dhe që janë mjaft cilësorë. Mendoj se duhet kohë për atë Partizan që shpresojmë të shohim”, u shpreh fillimisht mbrojtësi.

Mbrojtësi flet edhe për ndikimin që ka pasur në ekip trajneri Gega: “Trajneri Gega dhe stafi i tij kanë ndryshuar shumë gjëra për mirë te Partizani. Prurjet e reja janë të mira, pasi janë djem të ri. Por duhet kohë për të vazhduar më pas dhe me gjykimet dhe me çdo gjë tjetër”.

Belica nuk mendon se kundërshtari i radhës, Laçi, varej nga Uzuni. Ndërkohë ai kujton edhe fitoren e vjetshme 0-3 me kurbinasit. “Uzuni është larguar, por nuk besoj se Laçi varej vetëm nga Uzuni. Kanë bërë vjet një sezon të mirë, patën një ecuri të mirë në Kupat e Europës. Të mos harrojmë se vjet kishim një rezultat të mirë. Shpresojmë që të bëjmë sa më mirë ndeshjen e nesërme”, u shpreh futbollisti i të kuqve.

PARTNERI NË MBROJTJE – “Ekipi nuk vendoset në bazë të preferencave të lojtarëve. Vendos trajneri, stafi, ata shohin formën e secilit lojtar dhe pastaj vendosin se kush do të luajë. Nuk kam asnjë problem, ndihem mirë me të dy, si me Atandën, ashtu edhe me Belicën. Nuk duhet harruar se dhe në ndeshjen kundër Mariborit, ata luajtën vetëm dhe bënë ndeshje të mirë”.

Në fund Belica foli edhe për atë që presin të gjithë: “Lojtarët e afruar dhe stafi janë shumë të mirë dhe besoj se do e ndihmojnë Partizanin. Nuk dua t’i fus në presion dhe të mendoj për titullin, apo Kupat e Europës. Për ne e rëndësishme është ndeshja e radhës”.

Shqiptari nga Maqedonia ende nuk dihet nëse do ia dalë të jetë i gatshëm për Partizanin, por sigurisht që trajneri Gega shpreson që të jetë dhe të luajë krah Gojkoviç në qendër të prapavijës. Veç Belicës, shqetësime ka pasur edhe Esat Mala.

Mesfushori qendror është stërvitur, por i diferencuar nga pjesa tjetër e skuadrës. Gjithsesi stafi mjekësor ka garantuar që i riu nga Prizreni nuk rrezikon ta humbasë ndeshjen me Maribor.