Zyrtare/ Kashami trajneri i ri i Egnatias.

Ndriçim Kashami merr drejtimin e ekipit, për edicionin e ri tekniku Kavajas ka firmosur sot zyrtarisht kontratën e në praninë e presidentit Haxhi Memolla. Kashami zbret nesër në fushë për të zhvilluar seancën e parë stërvitore, së bashku me zv trajnerin Eduart Thartori. Drejtori i ri Sportiv për ketë edicion do jetë, Klevis Murati ish futbollist i Egnatias disa sezone më parë.

Ndryshime ka edhe në stafin teknik. Trajneri Ilir Duro do i lërë vendin Ndriçim Kashamit, i cili krahun e tij të djathtë do të ketë Eduart Thartorin. Mbetet pjesë e stafit, trajneri i portierëve, Agron Aliu. Risia tjetër është Klevis Murati, drejtori i ri sportiv i Egnatias.

Të hënën rrogozhinasit pritet të nisin përgatitjet, ndërkohë që pritet të ketë disa lëvizje. Synimi është rinovimi me lojtarët kryesorë të sezonit të shkuar, si dhe po punohet për të bërë disa përforcime të goditura.

 

View this post on Instagram

 

? Haxhi Memolla presidenti ri i ekipit. ? Egnatia nis një mision të ri, me ndryshime në staff presidenti i ri i ekipit është Haxhi Memolla i cili ka larguar të gjithë stafin me përjashtim të trajnerit të portierve i cili mbetet Agron Aliu. Z.Memolla ka konfrimuar në krye të ekipi djemtë e qytetit ish futbollistë të cilët kanë pranuar këtë sfidë për ta ringritur ekipin aty ku e meriton. Të hënën nis puna për formimin e skuadrës, zyrtarizimi i trajnerit të ri lojtarve dhe së shpejti uniformat e reja që do jenë model në Kategorinë e Parë. #faqazyrtare #fkegnatia

A post shared by FK.Egnatia 1934 (@fk.egnatia_1934) on Aug 2, 2019 at 1:35pm PDT

NJOFTIMI I KLUBIT

Kapiteni mbetet sërish pjesë e Egnatias. Jurgen Vogli rinovon edhe një edicion me Egnatian, shtatlarti i mbrojtjes pas negociatave me drejtuesit ka rënë dakord për të qenë pjesë e projektit të ri që nis ditën e hënë. Vogli ka mbajtur shiritin e kapitenit në disa takime ku ka treguar se është një lider në mbrojte.

 

View this post on Instagram

 

Kapiteni mbetet serish pjesë e Egnatias. Jurgen Vogli rinovon edhe 1 edicion me Egnatian, shtatlarti i mbrojtjes pas negociatave me drejtuesit ka rënë dakort për të qenë pjesë e projektit të ri që nis ditën e hënë. Vogli ka mbajtur sheritin e kapitenit në disa takime ku ka treguar se është një lider në mbrojte. #Egnatiashumëzemra1qellim #ForcaEgnatia

A post shared by FK.Egnatia 1934 (@fk.egnatia_1934) on Aug 2, 2019 at 3:59am PDT

Alternativat ishin disa, por në fund kavajasi ka qenë alternativa e menduar si më e përshtatshme për Egnatian. Ditën e hënë rrogozhinasit pritet të dalin në stërvitje dhe mbeten për t’u parë cilët lojtarë nga sezoni i shkuar do të vazhdojnë të mbrojnë sërish ngjyrat e Egnatias.

Sa i takon trajnerit Kashami, ai më parë ka drejtuar skuadrën e Luzit, për të bashkëpunuar më pas edhe me klube si Apolonia dhe Besëlidhja. Për të është eksperienca e parë në krye të Egnatias.

“Situata nuk është e mirë me këto largime. Nga skuadra kanë ikur Branica, Ruço, Vogli, Broshka, Rexhepi, Gjuzi, Karepi, Gumeni, Pasha e Bakalli. Të tjerë lojtarë kanë dilema për qëndrimin tek Egnatia. Ky është një eksod që po përjeton kjo skuadër dhe kërkohet ndërhyrje e shpejtë nga Bashkia, që e administron skuadrën. Ndryshe kjo situatë nuk flet për mirë”, theksoi trajneri Duro.

Tekniku kavajas do ta nisë javën e ardhshme me një kërkesë te Bashkia: “Kërkesa ime e parë është se duhet të nisim me organizimin e skuadrës, me ata futbollistë që kanë mbetur. E dyta dhe shumë e rëndësishme, është që të ndalet ky eksod që po e çon drejt shkrirjes skuadrën. Pasi të realizohen këto, duhet të fillojmë përgatitjet për sezonin e ri”.

AGRON KAJA

“Nga përfundimi i kampionatit të kaluar Egnatia e ka ruajtur skuadrën. Kemi vetëm një largim jozyrtar të mbrojtësit Ledion Ruço. Gjatë kësaj periudhe kemi mbajtur kontakte me të gjithë futbollistët e tjerë, të cilët kanë treguar gatishmëri për të nisur përgatitjet e sezonit të ri. Nuk mund të presim më gjatë, nga data 16 korrik mendojmë që ta sfidojmë politikën e të nisim përgatitjet”, theksoi sekretari i klubit rrogozhinas.

Ndërsa për merkaton dhe axhendën e përgatitjeve, Hazbiu deklaroi se gjithçka do përqendrohet fillimisht në Rrogozhinë. “Ne e kemi të miratuar fondin deri në fund të vitit 2019 dhe me financat jemi në rregull. Ndaj do të nisim përgatitjet fillimisht këtu në Rrogozhinë, më pas edhe në bashkëpunim me bashkinë e re do të shohim ku do zhvendosen përgatitjet, por edhe si do ndërhyjmë në merkato. Kalimi i Egnatias në Grupin A nuk përbën ndonjë problem, përkundrazi na motivon më shumë”, u shpreh Hazbiu.

AGRON KAJA

Nuk do të jetë e lehtë, pasi shumicës i kanë përfunduar kontratat dhe do të mundohen të gjejnë skuadra ku të përfitojnë më shumë, ose të kenë minutat e duhura. Një nga lojtarët që po mendon largimin është edhe 21-vjeçari Fjordi Gjuzi.

Mesfushori, i cili u aktivizua në 18 ndeshje vjet, ka dy opsione në Kosovë për të ardhmen. Ende është herët për të folur se çfarë do të bëjë, por po mendohet ta provojë një eksperiencë të re përtej Morinës.

Për të shikohet me rëndësi që të luajë rregullisht, për vetë moshën që ka. Gjuzi kërkon të marrë një vendim të pjekur për të ardhmen. Qëndrimi në Kategorinë e Parë është gjithashtu një mundësi për të, pasi i duhet një sezon i plotë ku të luajë rregullisht.

“Natyrisht që edhe ne do fillojmë përgatitjet pasi të mbyllen zgjedhjet e 30 qershorit, sepse skuadra është nën administrimin e Bashkisë së Rrogozhinës. Ndaj kemi menduar që përgatitjet për sezonin e ri ti nisim në javën e dytë të muajit korrik. Koha është e mjaftueshme që të gjithë lojtarët të gjejnë formën e tyre më të mirë”, theksoi tekniku kavajas.

Ilir Duro mendon se skuadrës i duhen edhe përforcime dhe ai ka një planet e tij: “Rreth 70% e skuadrës që mbylli sezonin e kaluar do të mbahet edhe për sezonin e ri. Kemi menduar edhe për merkaton. Normalisht na duhen 3-4 përforcime, lojtarë cilësorë. Nuk do të marrim nga ata futbollistë që matin hapat në fushë, por ata që vrapojnë në shërbim të skuadrës. Deri tani, zyrtarisht nuk kemi ndonjë largim, fjalë ka”.

AGRON KAJA

“Nga skuadra jonë janë larguar vetëm dy mesfushorë, Gumeni e Karepi, të cilët nuk kishin shumë hapësira në sezonin e kaluar. Titullarët e sezonit të kaluar zyrtarisht nuk kanë asnjë kërkesë për largim, ndërsa për emra të veçantë që përfliten si të larguar, ne si klub nuk kemi dijeni. Kjo është një periudhë pushimesh, por edhe e kushtëzuar për skuadrën tonë, që administrohet nga Bashkia e Rrogozhinës”, theksoi fillimisht drejtuesi i klubit të Egnatias.

Nëse është në ajër Egnatia në përgatitjet e saj për sezonin e ri, Hazbiu e pranon realitetin dhe jep zgjidhjen e situatës. “Baza e skuadrës së Egnatias është, ndërkohë që fondet deri në fundin e vitit janë të garantuara. Si do që të vijojë kjo situatë, ne kemi menduar që të nisim përgatitjet pas datës 15 korrik. Kemi menduar që të krijojmë një skuadër më të fortë nga sezoni i kaluar”.

AGRON KAJA

Branica, në një deklaratë për SportEkspres.com, thekson se golat e shënuar prej tij tregojnë rikthimin në formën e tij më të mirë edhe bashkëpunimin e mirë me gjithë  skuadrën. “Hyra në kampionat në javën e tretë dhe deri në mbyllje shënova 14 gola. Nuk jam i kënaqur me numrin, por jam i kënaqur se e fitova me meritë trofeun “Këpuca e Artë” në Kategorinë e Parë. Falënderim për gjithë skuadrën e Egnatias në këtë sukses”, shprehet peqinasi.

Më tej ai shton: “Ky ka qenë sezoni më i mirë për mua në Kategorinë e Parë, jo vetëm për 14 golat që shënova, por edhe për gjendjen time fizike e formën që tregova në fushën e lojës. Tashmë jam i gatshëm që të luaj edhe në Superiore, ku dy skuadra më kanë bërë ofertë një muaj më parë. Gjithsesi ka kohë për të vendosur”.

AGRON KAJA

Pas marrjes së detyrës, Duro deklaroi për SportEkspres.com: “Pranova me respekt pankinën e Egnatias. Besoj se deri në fund të sezonit do të kemi një skuadër Fair-play dhe larg aleancave. Nga drejtuesit e klubit kam marrë garanci për dhënien e pagave të prapambetura për futbollistët. Besoj se vazhdimësia do të jetë pozitive”.

Ndërkohë Duro deklaron se do të shikohet edhe aktivizimi i elementëve të rinj, me idenë se në sezonin tjetër Egnatias i duhet një ndërthurje brezash në skuadër. “Kjo hapësirë deri në fund të sezonit më jep mundësinë që të shoh edhe ndonjë element të ri, sepse që tani Egnatia do përgatitet për sezonin tjetër. Një ndërthurje brezash e bën edhe më të organizuar këtë skuadër për vazhdimësinë, por vendi i 3-të në grup mbetet synimi final”, përfundoi Duro.

AGRON KAJA

Lojtarët kanë bojkotuar stërvitjen për ditë me radhë gjatë kësaj jave për pagat e pa marra në këto tre muajt e fundit, dorëheqja e Sinellës i ve “vulën” asaj që lojtarët kërkojnë.

Lajmin e dorëheqies e ka pohuar edhe vetë kavajasi Bledar Sinella me një “PO”, duke lënë të kuptohet se ky është një largim pa kthim. Egnatia drejtohet nga Bashkia e Rrogozhinës dhe drejtuesit e saj u premtuan lojtarëve zgjidhje të situatës, por me largimin e trajnerit ndoshta do të rrezikohet edhe paraqitja e ekipit nesër në ndeshjen me Lushnjën.

AGRON KAJA

“Të gjithë futbollistët e Egnatias kanë tre muaj pa u paguar, por kjo situatë ka pesë muaj që ka nisur vetëm me mashtrime. Nuk i kuptojmë se si mundet që të bëjnë futboll këta drejtues që gënjejnë javë pas jave, ndërsa ne na detyrojnë që të ‘ngopemi’ me mashtrimet e tyre.

Ne kemi bojkotuar stërvitjen dhe po presim që të na paguajnë. Nëse vonohen deri në ndeshjen e radhës, ne nuk do shkojmë në Lushnjë”, theksoi Dimo. Në ndeshjen me Besën, rrogozhinasit po fitonin 0-2 në pjesë të parë dhe më pas ndeshja u përmbys në 3-2. U tha se lojtarët nuk u angazhuan pikërisht prej pagave, por sërish nuk pati asnjë reflektim dhe futbollistët presin ende të paguhen.

AGRON KAJA

Gjithsesi, trajneri Sinella deklaron për SportEkspres.com se skuadra që ai drejton po e vazhdon me seriozitet garën. Ndaj Bylisit do ketë mungesa titullarësh, që kavajasi do t’i zëvendësojë me të tjerë lojtarë cilësorë që ka në dispozicion.

“Duke qenë realistë dhe duke vlerësuar maksimalisht kundërshtarin, natyrisht që në Ballsh është një transfertë e vështirë. Gjithsesi ne nuk kemi se çfarë të humbasim në këto momente dhe do të japim maksimumin për të marrë një rezultat pozitiv. Do kemi mungesat e tre titullarëve: Maksuti, Vogli e Rexhepi, por në skuadrën tonë ka të tjerë futbollistë që kanë vlera për të qenë në fushë në këtë sfidë”, u shpreh Bledar Sinella, trajneri i Egnatias.

AGRON KAJA

“Ishim të papaguar dhe në formë proteste kishim vendosur të mos luanim. Nuk kishim qëllime për të shitur ndeshjen, apo luajtur baste”, thuhet në deponimet e futbollistëve të Egnatias në Komisionin e Etikës.

Ndërsa lojtarët e Besës u shprehën se ishin në dijeni të problemeve te skuadra kundërshtare, por e morën takimin lehtë në pjesën e parë, duke ia bërë punën shumë të vështirë vetes në fraksionin e dytë të lojës.

“Kishim mësuar që lojtarët e Egnatias kishin vendosur të mos impenjoheshin në atë ndeshje dhe për këtë arsye e morëm më lehtë se ç’duhet, prandaj u gjendëm në disavantazh 2-0 në pjesën e parë”, thuhet në deponimet e lojtarëve të Besës. “Ndërkohë, në të dytën u mobilizuam dhe arritëm ta kthejmë rezultatin”.

Nuk ka nisur ende ndonjë hetim nga Prokuroria. Futbollistët vazhdojnë të kenë probleme në futbollin shqiptar: Mungesë pagash, motivimi për të luajtur. Prandaj dhe gara e ka humbur cilësinë, dëshirën dhe përmirësimin, duke bërë që futbolli ynë të mos ecë përpara, por të bëjë hapa pas.

Kalendari i javës së 20-të e ka lënë pushim skuadrën e rrogozhinase, por kjo hapësirë kohore është shfrytëzuar nga stafi teknik për një përgatitje më të detajuar, kryesisht me elementët e rinj. Për SportEkspres.com, trajneri Bledar Sinella deklaron se përgatitjet nuk kanë ndalur, edhe pse java e 20-të është pushim.

“Ne i kemi vazhduar përgatitjet tona, e duke qenë se kalendari i kësaj jave na detyron të jemi pushim, kemi zhvilluar edhe ndeshje miqësore. Gjithsesi, gjatë kësaj periudhe i kemi dhënë prioritet punës me futbollistët e rinj, sepse për ne sezoni është i mbyllur sa i përket objektivave. Kemi një brez shumë të mirë, i cili për sezonin e ri do të japë kontribut real te Egnatia”.

AGRON KAJA

Përpos kësaj situate, trajneri Bledar Sinella deklaron për SportEkspres.com se gara vazhdon dhe Egnatia do të jetë skuadër serioze në ndeshjet e fazës së tretë.  “Egnatia e arriti synim e parë për këtë sezon dhe për këtë meritë ka e gjithë skuadra, drejtuesit e klubit dhe të Bashkisë. Edhe për fazën e tretë ne do të jemi skuadër serioze, por do t’u japin mundësinë edhe atyre futbollistëve që nuk kanë gjetur hapësira në dy fazat e para, njëherësh edhe disa të rinjve që premtojnë për të ardhmen e skuadrës. Gjithçka mbetet e hapur në këtë fazë të vështirë”, u shpreh  Bledar Sinella fillimisht.

Ndërsa për ndeshjen e javës së 19-të me Besën, që do të luhet në stadiumin “Tofik Jashari” të Shijakut, Sinella deklaron se është kjo një sfidë e hapur për të dyja skuadrat. “Besa është pretendente serioze për kreun e Grupit B dhe të dielën do jetë një ndeshje e fortë dhe e hapur. Ne nuk e ndryshojmë kursin e synimit tonë për fitore, ndaj mendoj se në Shijak do të luajmë një ndeshje ku duhet të tregojmë vlerat tona më të mira”.

AGRON KAJA

“Egnatia tregoi forcë e karakter dje në sfidën e luajtur në Cërrik. Këta dy tregues fituan mbi lojën e ashpër që Turbina zhvilloi nga fillimi e deri në fund. Ne e quajmë një fitore të merituar dhe aspak të ndikuar nga gjykimi”, deklaroi për SportEkspres.com trajneri i Egnatias, Bledar Sinella. Ai  tashmë e quan të mbyllur këtë sfidë dhe mendon për sfidën e radhës.

“Tri pikët në Cërrik janë një rikthim i skuadrës te fitorja dhe kjo ndeshje tashmë është e mbyllur për ne. Edhe në ndeshjen e fundit të fazës së dytë, me Apoloninë, Egnatia do të luajë vetëm për fitore”, përfundoi Sinella. Me 28 pikë, në 17 javë kampionat, Egnatia pozicionohet në vendin e tretë në renditje, e sigurt në 5 skuadrat e para të Grupit B në Kategorinë e Parë.

AGRON KAJA

Për këtë situatë, sekretari i FK Egnatia, Petrit Hazbiu, deklaron për SportEkspres.com se pagesat u mbyllën sot. “Janë likuiduar pagesat e muajit dhjetor dje dhe sot, ndërsa për muajin janar Bashkia ka garantuar fundin e kësaj jave. Nesër, Presidenti Beqir Nuredini ka një takim me skuadrën e stafin, ku do të qartësohen shumë gjëra për vazhdimësinë”, ishte kjo deklarata e sekretarit Hazbiu, i cili nuk e harron ngjarjen e Kavajës.

“Futbollistët nuk u sollën si profesionistë në atë ndeshje. Në pjesën e dytë ata prisnin konfirmimin për pagat, e duke qenë se ai nuk u erdhi, bënë atë që nuk duhej bërë. Nuk u treguan profesionistë, por tashmë kjo situatë mendohet e kaluar dhe vëmendja është te përgatitjet për ndeshjen në Cërrik, që është vlerësuar tërësisht për fitore. Nuk kemi hequr dorë nga pretendimet për kreun e grupit, pasi faza e tretë na mundëson gjithçka”.

AGRON KAJA

Lojtarët nuk kanë pranuar të dalin në stërvitje, pasi kanë disa muaj që nuk paguhen. Egnatia është skuadër që financohet nga Bashkia e Rrogozhinës, e cila në të shkuarën nuk kishte treguar parregullsi në anën financiare me skuadrën.

Edhe pse kemi një situatë që duhet vlerësuar dhe mbetet për t’u parë, Egnatia e ka një gjë të sigurt, një vend në 5 skuadrat e para në Grupin B të Kategorisë së Parë. Kjo bën që tani e tutje të luajë kot dhe kjo nuk bën gjë tjetër veçse tregon sa e gabuar është skema e Kategorisë së Parë me kaq shumë ekipe.

AGRON KAJA

Duhet të djersinë më shumë se të tjerat Kukësi e sidomos Laçi nëse duan që të avancojnë më tej. Edhe pse të dyja skuadrat veriore janë konsideruar si eksperte në këtë kompeticion, kanë hasur vështirësi, respektivisht ndaj Apolonisë dhe Bylisit. Kuksianët u mundën në Fier 2-1. Edhe me një fitore minimale do të kalonin në turin tjetër, ndërsa Laçi duhet të bëjë një përmbysje të madhe, pasi duhet të fitojë me tre gola diferencë ndaj ballshiotëve, të cilët në shtëpinë e tyre fituan 2-0.

Partizani duket se e ka likuiduar Kastriotin që në takimin e parë, ashtu si dhe Luftëtari Egnatian. Edhe Teuta duhet të administrojë suksesin e ndeshjes së parë. Skënderbeu po ashtu nuk pritet që ta ketë të vështirë ndaj Besëlidhjes, ashtu si dhe Tirana që ka fituar pastër në kryeqytet me Flamurtarin që ka pa fund probleme.  Interesante duket ndeshja mes Vllaznisë dhe Kamzës, ku mbetet rezultati i hapur.

Kupa e Shqipërisë – Turi i dytë (ndeshjet e kthimit)

E mërkurë, më 6 shkurt
Ora 13:30 | Partizani-Kastrioti (4-2)
Ora 13:30 | Kamza-Vllaznia (1-2)
Ora 13:30 | Luftëtari-Egnatia (3-0)
Ora 13:30 | Skënderbeu-Besëlidhja (2-1)

E mërkurë, më 6 shkurt
Ora 13:30 | Kukësi-Apolonia (1-2)
Ora 13:30 | Teuta-Lushnja (3-1)
Ora 13:30 | Flamurtari-Tirana (0-2)

Ora 13:30 | Laçi-Bylisi (0-2)

Klaudio Rexhepi u ndëshkua me dy kartonë të verdhë brenda shtatë minutash la Egnatian me dhjetë lojtarë. Ndeshja u komplikua për vendasit, ndërsa ekipi vlonjat shfrytëzoi superioritetin numerik duke arritur të shënonte golin e fitores në pjesën e dytë.

Egnatia mbetet në vendin e tretë të grupit B të Kategorisë së Parë me 25 pikë, ndërsa Oriku është ngjitur në vendin e gjashtë me 21 pikë.

Egnatia-Oriku 0-1
(Dhrami 67′)

]]> https://sportekspres.com/egnatia-befasohet-ne-shtepi-e-ndeshkon-oriku/feed/ 0 https://sportekspres.com/sfidon-trajneri-i-egnatias-sinella-denimi-i-fushes-nuk-na-largon-me-tifozet/ https://sportekspres.com/sfidon-trajneri-i-egnatias-sinella-denimi-i-fushes-nuk-na-largon-me-tifozet/#respond Thu, 31 Jan 2019 21:28:21 +0000 http://sportekspres.com/?p=234262 Komisioni i Disiplinës në FSHF e ka dënuar me katër ndeshje fushën e Egnatias, çka do të thotë se rrogozhinasit do ta mbyllin fazën e dytë vetëm në transfertë, dhe po kështu dhe dy ndeshjet e para të fazës së tretë. Por trajneri kavajas i Egnatias, Bledar Sinella e sfidon këtë dënim, duke deklaruar se ky nuk i ndalon ata që të japin maksimumin në çdo ndeshje, njëherësh nuk i pengon edhe tifozët që ta ndjekin skuadrën në të gjitha stadiumet ku ajo do ti luajë ndeshjet.

Pyetjes së SportEkspres.com se do të ketë ndikim te skuadra ky dënim, trajneri Bledar Sinella i përgjigjet me të kundërtën. “Nuk mendoj kështu, madje përkundrazi, ky dënim i fushës na bën që të impenjohemi më shumë se maksimumi. Afërsia gjeografike ku do të luhen ndeshjet, që nga ajo e radhës me Orikumin që do të luhet në Peqin, nuk i ndalon as edhe tifozët që të na ndjekin”.

Egnatia renditet në vendin e 3-të në Grupin B të Kategorisë së Parë me 25 pikë, 5 pikë më pak nga Bylisi kryesues dhe 1 pikë larg Besës së vendit të 2-të. Gjatë muajit janar Egnatia zhvilloi tre ndeshje miqësore ku fitoi 4-0 me Albpetrolin dhe 1-0 me Vorën, ndërsa humbi 0-1 me Kastriotin. Nesër në Peqin luan ndaj Orikumit ndeshjen e javës së 15-të.

AGRON KAJA

“Gjatë këtyre tre javëve përgatitje në muajin janar, Egnatia i ka patur prezentë të tre elementët e minifazës: stërvitje, miqësore dhe merkato. Duke e parë gjendjen në të tre këta tregues, mendoj se tashmë skuadra është e plotësuar dhe e gatshme që ta rinisë këtë sezon me sukses. Ngarkesat që janë marrë gjatë kësaj periudhe besoj se do të jenë më optimalet që skuadra ta përballojë me ritëm gjysmën e dytë të sezonit, e cila do të jetë shumë e vështirë”.

Ndërsa për merkaton që Egnatia ka bërë gjatë muajit janar 2019, Sinella thekson se janë blerje të cilat do të ndikojnë pozitivisht në synimet që kjo skuadër ka në këtë sezon. “Gjatë merkatos në këtë muaj ne kemi afruar Franc Bakallin, Ervis Trokën, Jurgen Voglin, Armand Pashën dhe Xhuljo Miranin, të cilët e kanë justifikuar me formën që kanë treguar, kryesisht në ndeshjet miqësore. Kjo është java e përgatitjes për ndeshjen me Orikun, në të cilën tri pikët janë synimi i vetëm”.

AGRON KAJA

Ekipi i Bledar Sinellës u paraqit mjaft mirë dhe mund të kishte shënuar në disa raste, por sulmuesit u treguan të pasaktë para “gardianit” të Kastriotit. Goli i shënuar nga Shehi mbeti në fuqi deri në fund të takimit.

MIQËSORJA TJETËR – Tërbuni, pas fitores së arritur me Erzenin, tashmë ka marrë një tjetër rezultat pozitiv me Ilirinë e Kategorisë së Parë. Pukjanët barazuan me rezultatin 1-1 ndaj fushë-krujasve të drejtuar nga Fatmir Sala.

I pari kaloi në avantazh Tërbuni i Kërnajës, teksa ishte Saliaj ai që u tregua i saktë nga pika e bardhë e 11-metërshit. Nga fundi i pjesës së parë Xhabrahimi ndëshkoi ish-skuadrën e tij dhe barazoi shifrat në 1-1. Me këtë rezultat u mbyll e gjithë ndeshja.

Trajnerët respektivë patën mundësinë të shihnin gjendjen e ekipeve të tyre para nisjes së kampionatit, por edhe lojtarë të veçantë që synojnë të bindin dhe të japin kontributin e tyre në pjesën e dytë të sezonit.

Miqësore – E premte, më 18 janar

Kastrioti-Egnatia 1-0
Shënues: Shehi 17’

Tërbuni- Iliria 1-1
Shënues: Saliaj 20’ (pen.) / Xhabrahimi 40’

Së fundmi është afruar edhe Ervis Çaço, i cili do të mbulojë linjën e djathtë të prapavijës. Për mbrojtjen nga Burreli është marrë Sadush Danajn. Lezhjani luan në qendër dhe në të shkuarën ka luajtur edhe në elitë me Vllazninë, Laçin dhe Tërbunin.

Veç Besës, edhe Egnatia e vendit të tretë ka bërë një përforcim të rëndësishëm. Rrogozhinasit kanë gjetur gjuhën e përbashkët me sulmuesin Armand Pasha, i cili pjesën e parë të këtij kampionati ka qenë te Besëlidhja.

Vetëm katër ndeshje ka luajtur këmbëshpejti i sulmit dhe ka realizuar dy herë. Pasha ka spikatur më së shumti tek Erzeni, ndërkohë që ka luajtur edhe me Laçin, Teutën dhe Besën.

“Në këtë javë përgatitje skuadra i është përgjigjur me korrektesë programit dhe mbetem i kënaqur me atë që kanë dhënë të gjithë futbollistët në këto ditë stërvitore. Sot me Albpetrolin do të shohim gjendjen reale të skuadrës, njëherësh do të vëzhgohen më konkretisht edhe të ardhurit gjatë këtyre ditëve: Bakalli, Troka dhe Vogli”, kështu theksoi Sinella, i cili sot e ka premierën e parë në stolin e Egnatias.

Skuadra e Rrogozhinës renditet në vendin e 3-të me 25 pikë në Grupin B të Kategorisë së Parë, dhe duke qenë në synime për ngjitjen në Kategorinë Superiore, këto përgatitje dimërore dhe afrimet do të qartësojnë gjendjen reale dhe përshtatjen e lojtarëve në fushën e lojës.

AGRON KAJA

Këtë e tregon edhe lëvizja e fundit që drejtuesit e kësaj skuadre kanë bërë në merkato, ku pas uljes në bankinë të kavajasit Bledar Sinella, kanë përforcuar mesfushën dhe sulmin me dy ish-futbollistë të Apolonisë në gjysmën e parë të këtij sezoni. Gjithçka për këto lëvizje është bërë publike në faqen zyrtare të klubit KF Egnatia.

Sulmuesi Franc Bakalli dhe mesfushori Ervis Troka do të jenë pjesë e Egnatias në vazhdimësinë e këtij sezoni. Bakalli u aktivizua pak te Apolonia, ndërsa vinte pas përvojës me Besën e Kavajës, ndërsa mesfushori Troka ka shkuar nga Orikumi te Apolonia, dhe kjo është përvoja e tretë e tij në këtë kategori.

AGRON KAJA

Një nga ata lojtarë është edhe mesfushori Abaz Karakaçi. Shkodrani është kontaktuar nga dy klube të Kategorisë së Parë dhe e ardhmja e tij tek Egnatia është në dyshim. Sigurisht është nën kontratë dhe për të ardhur “divorci” do të duhet që palët të gjejnë gjuhën e përbashkët.

Karakaçi ka qenë një nga lojtarët kryesorë të Egnatias në 14 javët e para dhe vetëm në një takim nuk është aktivizuar për shkak të një kartoni të kuq. Në ndeshjet e tjera ka qenë titullar, madje ka arritur edhe të shënojë gola të rëndësishëm.

Tre herë e ka gjetur rrugën e rrjetës mesfushori me tipare sulmuese, që tanimë ka marrë edhe oferta. Në ditët në vijim mbetet për t’u përcaktuar e ardhmja e shkodranit, i cili ka provuar të luajë edhe në Superiore me Tërbunin, Apoloninë dhe Vllaznisë. Në të Parën ka veshur fanellën e Luftëtarit, Partizanit, Adës, Butrintit, Besëlidhjes dhe Kastriotit.

Sulmuesi 26-vjeçar, djali i ish-futbollistit të Shkumbinit, Sokol Branica, në shtatë sezone karrierë ka luajtur me disa skuadra të Superiores e të Kategorisë së Parë, njëherësh ka qenë edhe pjesë e Kombëtares U19.

Dëmtimet e shumta, njëherësh edhe aksidenti i para disa viteve me makinë, e kanë larguar për pak kohë nga fusha e lojës, por peqinasi deklaron se ato i mendon të kaluar dhe është rikthyer për të qenë protagonist.

INTERVISTOI: AGRON KAJA

E kishit menduar se në 14 javët e para të Kategorisë së Parë do të ishit ju golashënuesi më i mirë?
-Unë jam sulmues dhe qëllimi im primar kur jam në fushën e lojës është shënimi i golit. Tashmë që jam rikthyer në pozicionin tim të preferuar si sulmues i mirëfilltë, kam besuar shumë te mundësitë e mia, por edhe te kolektivi i skuadrës që në përbërje ka elementë shumë cilësorë.

Ku e mendoni çelësin e këtij suksesi me 8 golat që keni shënuar në këto javë kampionat?
-E mendoj te përshtatja ime si sulmues i mirëfilltë me gjithë grupin. Unë kam startuar në javën e tretë në këtë kampionat dhe golin e parë e shënova në javën e katërt ndaj Pogradecit. Ky është pozicioni im në fushë dhe besoj se në vazhdimësi do të shënoj më shumë gola.

Ju keni luajtur edhe me skuadra të tjera në elitë dhe me Kombëtaren U19, a ndjeheni i plotësuar tek Egnatia?
-Momentalisht ndjehem shumë mirë te kjo skuadër, që veç përbërjes me lojtarë cilësorë që kanë luajtur edhe në Kategorinë Superiore, ka një organizim dhe angazhim serioz për mbarëvajtjen e garës. Besoj shumë për ngjitjen në Superiore dhe te serioziteti i trajnerit Duro.

Në këtë periudhë merkatoje, keni patur oferta nga skuadra të tjera?
-Po, këto ditë kam patur oferta nga dy skuadra të Kategorisë Superiore, por asgjë konkrete më tej. Unë jam futbollist profesionist dhe i gatshëm që çdo ofertë ta shikoj me kujdes, jo vetëm për anën ekonomike të saj.

Si e shikon Egnatian për pjesën e dytë të sezonit 2018-2019?
-Do të jetë një garë shumë e vështirë, pasi në fazën e tretë përgjysmohen pikët. Ne si skuadër nuk i jemi larguar synimit për t’u ngjitur në Kategorinë Superiore. Nëse Bylisi do të penalizohet me heqien e 3 pikëve, besoj se do të jetë më e hapur gara për kreun e Grupit B.

Po Kategorinë e Parë në tërësi, si e vlerësoni?
-Mendoj se është një kategori që ka edhe profesionizmin brenda, por ka edhe mangësi. Unë i shikoj terrenet si mangësinë më evidente. Me individët që janë pjesë e skuadrave në Kategorinë e Parë, ka më shumë mundësi që të rritet niveli. Por kjo dotë ndodhë pasi të përmirësohen terrenet.

Dhe sipas fierakut 37 vjeçar Amarildo Dimo, synimet nuk janë mbyllur për tu ngjitur në Kategorisë Superiore. “Në këto 12 javë ne kemi patur probleme vetëm në ndeshjet në transfertë ku skuadra nuk ka patur shumë qëndrueshmëri, ndërsa në fushën tonë kemi patur më shumë ekuilibër në rezultate”.

Për SportEkspres.com, Dimo deklaron se objektivin për Superioren e mbështet në përbërjen e skuadrës, por edhe në mbështetjen që ajo ka nga drejtuesit e trajneri Duro. “Në Grupin B janë tre-katër skuadra që synojnë ngjitjen në Superiore, dhe Egnatia është njera prej tyre. Kemi përbërje me futbollistë cilësorë dhe në gjysmën tjetër të sezonit do të jemi një skuadër më konkurruese me rivalët”.

Në karrierën e tij Amarildo Dimo ka luajtur në 6 skuadra: Luftëtari, Cakrani, Bylis, Norga, Skënderbeu, Apolonia dhe sot Egnatia, ku edhe pse 37 vjeç mbetet lojtari numër një në skuadër.

Por kujt i intereson dhe çfarë mund t’u kërkosh futbollistëve, që gjysmën e pagës që marrin e lënë rrugëve. Për t’u ushqyer si profesionistë as që bëhet fjalë. Hartën e klubeve në të Parën me probleme financiare e zgjeron Iliria e Fushë-Krujës. Së fundmi edhe te skuadra e drejtuar nga Fatmir Sala ka pasur probleme.

Te Lushnja, edhe nëse nuk do të ketë probleme financiare, ekziston një problem tjetër që ka të bëjë me kushtet ku ekipi stërvitet. Tani që po hyjmë në dimër, ditë më të vështira do të ketë për ekipin e drejtuar nga Ilir Gjyla.

Aneksi pranë stadiumet është amortizuar prej vitesh dhe ekipi stërvitet aty mes baltës. Shpesh është punuar edhe në stadium, çka e dëmton tapetin. Ende asnjë zgjidhje nga Bashkia e Lushnjës, që në fakt tregohet shpesh bujare me fondet që akordon dhe që shkojnë në 300-400 milionë lekë.

Sot situata është normalizuar dhe lojtarët janë pagatitur normalisht, kjo për faktin se drejtuesit i kanë premtuar atyre se të gjithë do të marrin shumë shpejt dhe rrogat e prapambetura. Kundërshtari i radhës për Egnatian do të jetë Bylisi, që shpreson ta shfrytëzojë jo të mirë të skuadrës së Ilir Duros.

Egnatia e nisi mirë kampionatin dhe për disa javë ishte në krye të klasifikimit. Më pas pati një moment “jo”, por sërish rrogozhinasit e kanë gjetur ritmin. Dy javët e fundit i kanë marrë pikët e plota dhe diferenca me Besën e vendit të parë është vetëm katër pikë.

Ata kërkojnë rrogën e muajit tetor, ndryshe nuk dalin të stërviten. Vonesa e fundit nuk është toleruar nga lojtarët, të cilët gjithsesi të shtunën do të shkojnë në ndeshje për t’u përballur me Bylisin. Por fakti që ata nuk stërviten bën që të mos jenë në maksimumin e tyre.

Egnatia e nisi mirë kampionatin dhe për disa javë ishte në krye të klasifikimit. Më pas pati një moment “jo”, por sërish rrogozhinasit e kanë gjetur ritmin. Dy javët e fundit i kanë marrë pikët e plota dhe diferenca me Besën e vendit të parë është vetëm katër pikë.

Bylisi, kundërshtari i radhës për Egnatian, ka vetëm një pikë më shumë dhe takimi i kësaj fundjave është shumë i rëndësishëm për të vijuar betejën për t’u rikthyer në Superiore. Gjithsesi, më parë duhet zgjidhur çështja e pagës së padhënë.

Lojtarët nuk kanë ndërmend të tolerojnë, pavarësisht se në klub kanë premtuar se do paguhen dhe se gjithçka është çështje procedurash. Sot ata e dhanë sinjalin e parë, duke mos dalë në stërvitje. Tani drejtuesit e klubit duhet të lëvizin.

VLADIMIR PRENGA

U është dashur që të presin deri në sekondat e fundit të ndeshjes tifozëve të Egnatias, pasi goli është shënuar në minutën e 90+4. Ishte kapiteni i fierakëve, Nako, i cili në tentativë për të larguar topin e ka çuar në fundin  rrjetës së tij.

Me këtë sukses Egnatia shkon në kuotën e 16 pikëve dhe vijon ndjekjen e Besës. Në anën tjetër Apolonia mbetet në kuotën e 10 pikëve.

Gjoni u vu në krye të skuadrës nga Rrogozhina 18 muaj më parë ku ekipi militonte në Kategorinë e Dytë, ku dhe më vonë u shpallën kampionë, ndërsa në sezonin e tij të dytë, klubi u rendit në vendin e dytë të Grupit A, me diferencë të ndjeshme me kryesuesit nga Kastriotit. Largimi i teknikut matjan vjen pak ditë pas humbjes në transfertë ndaj Orikut.

Disa muaj më parë Federata e Minifutbollit Amator organizoi kampionatin e parë amator dhe më pas erdhi dhe përfaqësimi i parë i Shqipërisë në Europianin e zhvilluar në Kiev. Por, organizmi i këtij sporti organizon edhe një turne ndërkombëtar në nivel klubesh dhe këtë vit kanë marrë pjesë tri klubeve shqiptare. Bëhet fjalë për skuadrën kampione të kampionatit shqiptar, Prestige, nënkampionët Egnatia dhe skuadrën e OST-së.

Në turneun që zhvillohet në Terme Çatezh të Sllovenisë kanë marrë pjesë 64 ekipe nga gjithë Europa, që janë të ndarë në 14 grupe me nga katër skuadrat ku dy të parat kalojnë në fazën tjetër. Dy nga ekipet shqiptare, Prestige dhe Egnatia kanë marrë rezultate të kënaqshme në dy ndeshjet e para.

Prestige ka siguruar që ditën e parë kalimin në fazën me eliminim direkt falë fitoreve me rezultatin 7-0 dhe 3-1, ndërsa Egnatia ka marrë dy barazime (Një prej tyre ndaj kampionëve në fuqi të Serbisë), por me një fitore ditën e nesërme ndaj skuadrës më të dobët të grupit, rrogozhinasit mund të kalojnë në fazën tjetër. OST nuk ka më se çfarë të shpresojë pasi është 0 pikë pas 2 ndeshjesh.

Fitore kanë arritur dhe Besa e Egnatia. Kavajasit e drejtuar nga Gentian Begeja fituan 1-2 ndaj vendasve të Elbasanit falë golit të pogradecarit të Albi Çekiçi dhe një autogoli të elbasanasve, ndërsa rrogozhinasit mundën në shtëpi Erzenin me rezultatin 3-2.

Rezulatet e miqësoreve të ditës së sotme

Shënkolli – Vllaznia                           1-1

Elbasani – Besa                                  1-2

Egnatia – Erzeni                                  3-2

Miqësorja e sotme u mbyll me rezultatin e barabartë 1-1. Golin për Vllazninë e shënoi Silvio Zogaj, sulmuesi anësor i marrë nga skuadra e Laçit së fundmi. I riu në të shkuarën ka qenë pjesë e Luftëtarit dhe vetë trajneri Hasan Lika e ka pasur nën urdhra lezhjanit, i cili gjithashtu ka luajtur edhe me Vllazninë U19.

Pjesa e parë u mbyll 1-0, kurse në të dytën Veleçiku barazoi me anë të Lamit në minutën e 72-të. Pavarësisht kohës në dispozicion, Vllaznia nuk arriti ta realizojë golin e fitores. Ky takim u mbyll me rezultatin 1-1.

Me të njëjtat shifra ka përfunduar edhe ndeshja miqësore mes Elbasanit dhe Lushnjës. Këto dy ekipe garojnë në grupin B të Kategorisë së Parë dhe do tentojnë të rikthehen në Superiore. Tjetër takim miqësor që është mbyllur në barazim është ai mes Pogradecit dhe Egnatias. Asnjëra skuadër nuk shënoi dot dhe gjithçka u mbyll 0-0.

Egnatia ka qenë një ndër ekipet më aktive në këtë merkato në kategorinë e parë. Klubi rrogozhinas ka afruar dhe lojtarë të tjerë me emër, ndër ta Canka, Agastra dhe ish-kapiteni i Apolonisë Amarildo Dimo.

Këtë sezon në ndryshim nga ai kaluari Egnatia do të luajë në grupin e jugut, ku do të luftojë ndaj Bylisit, Tomorrit, Lushnjës dhe Besës për një vend në Superiore.