Fill pas atij momenti situata mori një kthesë për keq. Aktivizimet me Livingston filluan të bëheshin gjithmonë e më të pakta. Palët ranë dakord që huazimi të përfundonte në dhjetor dhe Kaja u rikthye te Uimbëlldon, klub me të cilin  kontratë deri në qershor të 2020.

Rikthimi në skuadrën londineze nuk përmirësoi situatën e lojtarit. Një dëmtim i rëndë në gju e ka lënë jashtë skuadrës prej më shumë 7 muajsh dhe klubi nuk ka njoftuar shenja përmirësimi. Teksa kanë kaluar 8 muaj nga aktivizimi i fundit situata s’kishte si të shkonte më keq për 21-vjeçarin e lindur në Kosovë.

Aty hapësirat nuk i pati të shumta dhe pritet që tanimë të ndryshojë skuadër. Momentalisht Kaja është nën kontratë me skuadrën angleze të Uimbëlldon.

Lojtari i kombëtares shqiptare nuk ka qenë i grumbulluar me skuadrën angleze ndeshjen e fundit, çka tregon se pritet të ndryshojë ekip. Kaja kërkon të luajë në një kampionat me të fortë dhe menaxherët e tij po punojnë për të bërë lëvizjen e duhur për lojtarin.

“Nuk e kisha parë prej disa kohësh. Është si të kem një lojtar të ri sërish. Ai nuk mund të aktivizohet me ne, pasi regjistrimet rihapen në muajin janar. Ai ka tre ose katër javë për të më treguar se ç’është i aftë të bëjë. Nëse ia dal ta rikthej në ritmin e ndeshjeve, Kaja do të jetë një plus i madh për skuadrën tonë”, tha trajneri i skuadrës që militon në kategorinë e tretë angleze, League One.

Në Skoci, Kaja u aktivizua në gjashtë ndeshje me Livingston, ku vetëm dy herë luajti si titullar. Lojtari i lindur në Kosovë do i duhet të bindë trajnerin Douns gjatë këtyre javëve, përndryshe hapi i radhës së lojtarit mund të jetë një tjetër huazim në një skuadër të një niveli më të ulët.

“Isha foshnje kur ishim në Kosovë, ndaj nuk e ndjeva realisht atë që po ndodhte në atë kohë. Nuk është diçka për të cilën prindërit e mi flasin, por e di se duhet të ketë qenë një periudhë e vështirë dhe është dashur shumë kurajo dhe vendosmëri për ta që të vinin në Britaninë e madhe. Ata ishin të vendosur për të ndërtuar një jetë më të mirë për mua dhe motrën, ndaj çdo vendim që morën ishte për ne. Ata bënë sakrifica të mëdha, braktisën familjet e tyre, lanë punën dhe ndërmorën një risk të madh. Do ju jem gjithmonë mirënjohës për gjithçka kanë dhënë për mua”, rrëfen Kaja.

HAPAT E PARË NË FUTBOLLL – Por prindërit e futbollistit të Livingston janë munduar ta ndihmojnë të riun edhe në botën e futbollit. Familja e tij u vendos fillimisht në MidëllsbRou, për t’u zhvendosur në Londër kur Kaja ishte vetëm 10 vjeç.

“Prindërit e mi bënë gjithçka të më ndihmonin mua me futbollin, duke më dërguar gjithmonë në stërvitje mes shiut dhe borës. Ka qenë alamet udhëtimi dhe, ndonëse ke ëndrrat e tua, nuk e mendon kurrë se një ditë do kesh mundësinë të luash futboll ndërkombëtar”, shton 21-vjeçari.

Kaja nuk mund të mos ketë pranë prindërit e tij. Nuk e imagjinon diçka të tillë dhe kërkon të jenë në stadium në momentin që ai do të veshë fanellën kuqezi e të debutojë. Nëse ka ardhur deri këtu, prindërit e tij kanë merita për gjithçka i kanë ofruar.

“Ata kanë angazhime pune dhe gjëra për të bërë, por unë u thashë: ‘Do paguaj unë që ju të vini!’. Kështu ata fluturojnë të premten drejt Shqipërisë dhe do të qëndrojnë deri të mërkurën për ndeshjen me Skocinë dhe Uellsin. Shpresoj që do ta bëj debutimin para tyre, duke marrë parasysh gjithçka që ata kanë bërë për mua. Unë e di se sa krenarë do t’i bëjë kjo ata”, shprehet Kaja.

IDHULLI HYSAJ – Në kombëtare, futbollisti i huazuar te Livingston prej anglezëve të Uimbëlldon, ka mundësinë të punojë me lojtarë të nivelit të lartë dhe Elseid Hysaj është frymëzimi i Kajës.

“Është një eksperiencë e shkëlqyer të punosh me djem që luajnë me klube të mëdha Europiane si Napoli (Hysaj) dhe Bazeli (Xhaka). Do të ishe i çmendur të mos flisje me këta djem, të mësosh gjithçka mundesh dhe të kuptosh se si mund të arrish atje.

Kur flet me Elseid Hysajn, gjëja që ai thekson më së shumti është se diferencat nuk janë shumë të mëdha. ‘Ju nuk keni lindur në ‘top level’, ka të bëjë gjithçka me punën e madhe dhe të bërit më të mirën nga talenti juaj. Njerëzit mendojnë se nuk mund të arrini në atë nivel. Ti mundesh’. Ai është një frymëzim për mua në lidhje me atë që mund të arrihet nëse beson në vetvete, punon shumë dhe ke edhe pak fat”, tregon Kaja

PANUÇI – Në fund i riu flet për trajnerin Kristian Panuçi: “Pritshmëritë e tij janë të mëdha, ai kërkon shumë. Ai ka luajtur për klubet më të mëdha në botë, ka ngritur trofe dhe gjithmonë ka qenë i rrethuar nga lojtarët më të mirë. Ai është një fitimtar. Kjo rrezaton në trajnimin që ai kryen, sidomos me ata që luajnë në ligat më të mëdha. Ai pret që ata të duken për vendin e vet, të jenë liderë dhe të arrijnë rezultate në fushë”.

Pak fjalë edhe për situatën aktuale të kombëtares, që kërkon fitoren me Skocinë. “Përjetuam me të vërtetë një zhgënjim muajin e shkuar. Mendoj se e dominuam ndeshjen me Izraelin, por u dhuruam atyre dy gola. Kjo do të thotë se duhet të fitojmë me Skocinë”, përfundoi Egli Kaja rrëfimin e tij për Capital City Press.

FSHF e ka ftuar atë 13 ditë përpara, por te Metz kanë qenë të vendosur të zbatojnë rregulloren. Kështu Panuçi ka ftuar një tjetër lojtar për krahun e djathtë të mbrojtjes, pasi Elseid Hysaj është i pezulluar me kartonë.

Kështu Egli Kaja do të jetë në dispozicion të trajnerit italian për ndeshjet me Skocinë dhe Uellsin. Vetë lojtari e ka njoftuar diçka të tillë dhe për këtë ndihet shumë i lumtur.

Grateful for another call up to the Albanian National team. Big games ahead! ?????? #kuqezi pic.twitter.com/9kqEzR6o4I

— Egli Kaja (@E_Kaja10) November 12, 2018

RRENGU I AGJENTIT –“ Isha duke gatuar, kur agjenti më mori. Ai më tha se Kristian Panuçi më kishte hedhur një sy dhe nuk i kisha pëlqyer: ‘Ai nuk do të marrë, nuk të vlerëson’, më tha agjenti. U shtanga dhe s’kisha as motiv të mbaroja ushqimin që po gatuaja. Por, pas një ndalese të shkurtër ai filloi të qeshte”.

“Pastaj më shpjegoi se do të grumbullohesha për dy ndeshje me kombëtaren dhe se i kisha pëlqyer me paraqitjet e mia te Livingstoni. Po e prisja ftesën e kombëtares. Kisha pasur një bisedë me trajnerin e Shpresave dhe ai më kishte thënë se më kishte rekomanduar tek ekipi i parë. Natyrisht që kisha dyshime, pasi ndoshta trajneri mund të kërkonte që të shikonte pak më shumë nga unë”.

“Ishte e pabesueshme të isha pjesë e kombëtares. Normalisht jam pak i mërzitur që nuk luajta, por ishte një eksperiencë e mahnitshme nga e cila mund të merren shumë gjëra pozitive. Në ekip ka lojtarë të mëdhenj që luajnë në kampionatet më të mira, si Elseid Hysaj dhe vëllai i Granit Xhakës, Taulanti. Të jem i sinqertë, ishte si një botë tjetër për mua”.

MINUTAT – “Jam ambientuar mirë në skuadër. Në fillim të sezonit po merrja shumë minuta, por tani më duhet të vazhdoj të punoj fort në stërvitje, që të rikthehem pjesë e formacionit”, përfundoi Kaja.

Kaja shprehet mjaft i emocionuar dhe se mezi e pret debutimin me fanellën kuqezi, por ajo që ai do më shumë është që të ketë mundësinë të tregojë vlerat e tij në këto dy takime, vetëm e vetëm që të bindë trajnerin se ai e meriton të jetë pjesë e skuadrës Kombëtare.

“Normalisht që ishte diçka emocionuese, por tani jam gati që të vi dhe të tregoj talentin tim. Nuk kam folur vet me trajnerin, por ka komunikuar menaxheri im. Shpresoj shumë që të marr minuta në të dyja ndeshjet. Do të bëj më të mirën time”.

“Transferimi në Skoci më ka ndihmuar në një farë mënyre. Shpresoj që të vlerësohem nga mënyra se si luajë dhe jo nga skuadra se ku jam. I ndjek gjithnjë ndeshjet e Kombëtares. Në ndeshjen e fundit me Skocinë isha në stadium. Kemi një ekip shumë të mirë dhe shpresoj që në këto dy ndeshje të arrijmë fitore”.

“Prindërit e kanë pritur shumë mirë dhe janë shumë të lumtur. Ata po më përkrahur shumë dhe do të jenë në të dyja ndeshjet ndaj uroj të luaj që t’i bëj krenar. Them se është fillimi dhe nëse më jepet mundësia të luajë do bëj të pamundurën që t’i tregoj trajnerit se e meritoj të jem pjesë e Kombëtares në çdo ndeshje që do të kemi”.