Edhe një vit më parë askush nuk u jepte shanse ndaj Anarthosis Famagusta, por në fund bardhezinjtë befasuan dhe u kualifikuan. Mbrojtësi Eglentin Gjoni, së fundmi ka folur për rivalin në Europë dhe thekson se duhet të bëjnë një ndeshje të mirë si ekipi për të shpresuar në kalimin e turit.

“Hapoel Ber Sheva ishte kundërshtari më i fortë i mundshëm dhe për fatin tonë të keq ai na ra. Gjithsesi futbolli luhet në fushë dhe Laçi njihet si skuadër e fortë fizikisht dhe për luftën që në bën fushë. Shpresoj të bëjmë ndeshje të mirë dhe pse jo të kualifikohemi.

Duke parë që edhe vitin e kaluar ndaj Anorthosis bëmë një paraqitje shumë të mirë, madje duke u kualifikuar, besoj se jo vetëm mbrojtja, por duke nisur nga sulmi te portieri do japim maksimumin në të dyja fazat e lojës”, është shprehur Gjoni për Supersport.

Më tej qendërmbrojtësi thekson se Laçi është i fortë, pasi ky ekip prej vitesh luan bashkë: “Kemi pothuajse 3-4 vite që jemi thuajse i njëjti grup dhe besoj se kjo na bën shumë të fortë. Na jep forcë dhe kemi besim te njëri-tjetri, ndaj besoj se do të bëjmë mirë”.

Në fund ai foli edhe për afrimet e bëra dhe bindjen e tij se sezoni tjetër në Superiore do të jetë më i mirë për Laçin. “Afrimet janë përshtatur mjaft mirë dhe shpejt me pjesën tjetër të ekipit. Besoj dhe shpresoj shumë që do të jetë një kampionat shumë i mirë nga ana jonë”, përfundoi Gjoni.

Lezhjani i Teutës i ka realizuar dygolësh Tiranës dhe një herë i ka shënuar Skënderbeut. Dy ish-ekipeve të tij. Gjoni gjithashtu i ka realizuar korçarëve, ndërsa më parë ka gjetur rrugën e rrjetës kundër Luftëtarit dhe Flamurtarit.

Ylli Shameti është një tjetër mbrojtës që nuk harron të shënojë. Madje golat i ka të rëndë, pasi i ka dhënë Kukësit gjashtë pikë në ndeshjet e fituara me Kamzën dhe Kastriotin. Janë edhe shtatë mbrojtës që kanë shënuar nga një gol.

Albi Alla dhe Franc Veliu te Flamurtari janë mes tyre dhe e veçanta është se të dy kanë shënuar në portën e Kukësit, ish-ekipit të tyre. Po ndaj verilindorëve ka gjetur rrugën e rrjetës edhe Emiljano Musta. Ky i fundit në verë mori një ofertë nga Kukësi, por pasi e lexoi mirë e mirë kontratën vendosi të rinovonte me vlonjtatët.

Abdurrahman Fangaj, mbrojtës i Laçit, nuk është nga ata që i ka marrëdhëniet e mira me golin. Gjithsesi e ka provuar sivjet të shënojë. Shkodrani i shmangu humbjen kurbinasve në ndeshjen me Kastriotin. Marvin Turtulli i Tiranës ka realizuar në portën e Luftëtarit fazën e parë.

Në Kamza-Teuta ishin dy mbrojtës që shënuan. Klaudio Bonani, italiani i pozicionuar në qendër të mbrojtjes, realizoi golin e parë të takimit. Të fundit e shënoi Fabjo Beqja. I kthyer në një mbrojtës krahu, durrsaku shënoi golin që vulosi fitoren 1-3 të skuadrës së tij.

“Dy javët me Memellin? Kishim një ngërç psikologjik. Kemi punuar mirë në këtë aspekt këto dy javë, por edhe në anën taktike. Kemi punuar mirë me mbrojtjen dhe kjo është arsyeja pse po bëjmë mirë këto dy javë”.

“A është Laçi sërish faktor për të vendosur kush merr trofetë? Besoj se është në gjendje dhe mund të bëjë akoma më shumë këtë sezon. Jemi një grup i mirë, po kombinojmë dhe po ndihmojmë me njëri-tjetrin. Do ja lëmë kohës se ku mund të shkojmë. Do i marrim ndeshjet një nga një. Nuk dua të shprehem për titullin, është herët”.

“Rasti i penalltisë? Tani që e shikoj topi ka rënë në dorë, por është në pozicion natyral. Nuk është e hapur. Më ka rënë në dorë, kaq”.

“Ishte kënaqësi e madhe që shënova golin e fitores. Te Laçi ndihem mirë dhe shpresoj të vazhdoj kështu”, është shprehur fillimisht mbrojtësi qendror, i cili është një nga lojtarët kryesor të formacionit bardhezi.

Më tej ai flet për takimin me korçarët: “Skënderbeu ka treguar që është ekipi kryesor i kampionatit, ekipi që të gjithë duan ta mundin. Janë dobësuar, por mbeten pretendentët kryesor për titull. Ne do të futemi në fushë për të fituar, por t’ia lëmë fushës. Gjithsesi edhe një pikë do na kënaqte”.

Në fund, Gjoni flet edhe për objektivat: “Kemi pasur objektiv Europën vitet e fundit, por do vazhdojmë të shohim ndeshje pas ndeshje. Objektivi do të përcaktohet rrugës”. Laçi vjet u rikthye të luante në kupat e Europës dhe ia doli të kalonte turin e parë në Europa League, pasi eliminuan Anorthosis Famagusta. Në turin e dytë kundër Moldes u mbyll aventura e tyre evropiane me dy humbje të pësuara (3-0; 0-2).

Vladimir Prenga

Fitorja me Partizanin dhe Sopotin janë harruar te Laçi. Skuadra kurbinase ka nisur përgatitjet për ndeshjen e radhës me Luftëtarin dhe i gjithë fokusi është aty. Dje, nën urdhrat e stafit teknik, grupi i lojtarëve është përgatitur në aneksin stërvitor pranë stadiumit dhe seanca stërvitore është karakterizuar nga ushtrime të lehta tekniko-taktike dhe lojë me topin.

Të gjithë janë të përqendruar te ndeshja e së dielës, ndërkohë që ditën e martë është zhvilluar edhe analiza e ndeshjes me Partizanin. Drejtuesit ua kanë bërë të qartë futbollistëve se duhet të jenë me “këmbë në tokë” dhe të mos dehen nga suksesi me të kuqtë në javën e parë të kampionatit. Para sfidës me Luftëtarin është mbrojtësi Eglentin Gjoni ai që flet për fillimin e sezonit dhe ndeshjen e radhës me gjirokastritët.

“Kthesa jonë sezonin e shkuar erdhi pikërisht ndaj Partizanit, kur barazuam me rezultatin 0-0, çka bëri që të mbeteshim në garë dhe në fund të siguronim qëndrimin në Superiore. Ndoshta nga ajo ndeshje në njëfarë mënyre kemi gjetur motivimin dhe arritëm të fitonim. Këtë herë u treguam të saktë në daljet përpara dhe realizuam dy gola. Është një nisje shumë e mbarë, por duhet të jemi me këmbë në tokë. Janë vetëm tre pikë të marra dhe duhet të përqendrohemi te ndeshja e radhës”, thotë për “Sport Ekspres” Gjoni, që vlerëson më tej skuadrën e Luftëtarit.

“Të dielën kemi një ndeshje të vështirë, ndaj një kundërshtari që ka vlerësimin tonë maksimal. Festa ka mbaruar ndaj të gjithë e kemi mendjen te ndeshja me Luftëtarin. Nuk ka ndeshje të lehta. Skuadrat kanë të gjitha thuajse një nivel. Askush nuk e mendonte që ne do fitonim ndaj Partizanit, por ndodhi. Duhet të bëjmë më të mirën dhe për këtë po përgatitemi. Në skuadër ka optimizëm dhe do mundohemi të shfrytëzojmë momentin e mirë për të marrë një tjetër rezultat pozitiv. Të gjithë kemi besim se mund ta bëjmë diçka të tillë, por kjo arrihet me impenjim”, përfundoi Gjoni, i cili në fitoren 0-12 në Kupë ndaj Sopotit mbante shiritin e kapitenit, pasi Sefgjini ishte lënë pushim.