Eglant Haxho

Zyrtare | Prishtina shton konkurrencën, firmos ish-portieri i Kukësit

Sport Ekspres — Thu, 04 Jul 2019 16:25:25 +0000

Prishtina ka lënë pas krahëve eliminimin nga eliminatoret e Champions League dhe ka filluar të prezantojë përforcimet për sezonin e ardhshëm. Afrimi më i fundit i kryeqytetasve është portieri Eglant Haxho, i cili vitin e kaluar u aktivizua me skuadrën e Llapit.

“Gardiani” 30-vjeçar do kompletojë repartin e portës te Prishtina, ku do i duhet të konkurrojë me Visar Bekajn. Haxho ka pasur eksperienca me shumë skuadra në Shqipëri, si Kukësi, Tërbuni, Partizani, Butrinti, Bylis, Kamza, Apolonia dhe Tomori.

Llapi e ndan mendjen, i beson sërish portierit shqiptar

Sport Ekspres — Mon, 10 Jun 2019 18:41:35 +0000

Llapi, pasi rinovoi me mbrojtësin Elvis Prençi, ka arritur marrëveshjen për vazhdimin e bashkëpunimit edhe për një vit me portierin Eglant Haxho. Klubi nga Podujeva është i kënaqur me paraqitjet e bëra nga portieri shtatlartë, i cili në Shqipëri është aktivizuar me Apoloninë, Bylisin, Kukësin, Kamzën, Tomorin, Butrintin dhe Tërbunin.

“Portieri i skuadrës, Eglant Haxho ka vazhduar kontratën edhe për 1 vit me Llapin. Haxho i cili ka pasur paraqitje tejet të mira në stinorin e fundit do vazhdoj ti jap skuadrës sigurinë në portë edhe për një vit. Eglant Haxho në stinorin 2018/19 ka pasur 17 paraqitje, duke mbajtur portën e pa prekur 8 herë”, shkruhet në njoftimin e klubit të Llapit.

Haxho, para se të transferohej në Kosovë ishte pjesë e Partizanit, por nuk mundi të luante. Më herët ai ka luajtur edhe në Maqedoni, ku ka veshur fanellën e Renovës.

Llapi merkato në Shqipëri, merr “ish”-in e Partizanit

Sport Ekspres — Mon, 13 Aug 2018 07:51:34 +0000

Tjetër lëvizje drejt Kosovës. Tanimë një portier. Bëhet fjalë për Eglant Haxhon, i cili do të luajë sezonin e ardhshëm për skuadrën e Llapit, pasi ka gjetur marrëveshjen dhe ka nënshkruar kontratën që i lidh palët. Pas firmës ai ka pozuar me ish-trajnerin Tahir Batatina dhe menaxherin Urim Sejdiu.

Për portierin është eksperienca e dytë jashtë vendit, pasi më parë ka luajtur edhe për Renovën në Maqedoni. Sezonin e shkuar ai ishte pjesë e Partizanit, por u angazhua me ekipin e dytë të kuqve. Në Superiore 29-vjeçari ka luajtur me disa ekipe.

Fillimisht ka qenë pjesë e Apolonisë, për të kaluar te Kamza, Tomori, Bylisi dhe Kukësi. Me fierakët është aktivizuar më së shumti, ndërkohë që pati edhe një eksperiencë me Butrintin në Kategorinë e Parë. Për herë të fundit në elitën e futbollit shqiptar ka luajt me Tërbunin.