Në kombëtaren e Egjiptit, pati një polemikë të madhe disa ditë në parë, pasi mesfushori Uarda u përjashtua nga ekipi, pasi në internet dolën disa fotografi të një bisede të tij me një modele, të cilën e kishte ngacmuar seksualisht me fjalë të papërshtatshme.

Megjithatë, mesfushori është rikthyer në kombëtare pasi presidenti i Federatës së Futbollit të Egjiptit është konsultuar me lojtarët në përgjithësi dhe me vetë Mo Salah, me këtë të fundit që i ka kërkuar rikthimin e futbollistit të përjashtuar. Presidenti i ka komunikuar Uardës se do të rikthehet në kombëtare dhe se duhet të falënderojë shokët e ekipit, në veçanti Salah për këtë mundësi të dytë.

Ka raste kur Salah stërvitet me kombëtaren dhe tifozët mbushin plot qendrat e stërvitjes, madje ka dhe nga ata që ne mes të natës i shkojnë poshtë hotelit dhe fillojnë të këndojnë për idhullin e tyre. Sulmuesi i Liverpulit është lodhur nga kjo situatë dhe i ka dërguar një letër federatës nëpërmjet avokatit të tij, Remi Abaz Isa.

Letra përmban disa kërkesa si: dorëheqja e zyrtarëve përgjegjës për sigurinë e ulët kundrejt tij. Salah e cilëson si të padurueshme përballjen me tifozët në çdo moment dhe kërkon të ketë gjithmonë dy njerëz afër që merren me sigurinë e tij. Telefonatat drejt dhomës së tij duhet të bllokohen dhe ai kërkon që atmosfera të jetë e qetë gjatë stërvitjeve të kombëtares, që do ta ndihmonte sulmuesin të përqendrohej te puna si dhe të mos lejohet “mësymja” e tifozëve drejt tij. Diçka e tillë e huton dhe e ka lodhur sulmuesin, i cili kërkon t’i ketë gjatë gjithë kohës dy persona të sigurisë me vete.

Egjiptiani kërkon të mos marrë më pjesë në eventet promocionale të përfaqësuese dhe sponsorët e kombëtares nuk duhet të përdorin të drejtat e tij të imazhit. Ai kërkon dhe një transport direkt nga aeroporti drejt hotelit, kur mbërrin në vendin e tij për grumbullimin me kombëtaren. Nëse kërkesat e tij do të miratohen, atëherë Salah do të hiqte dorë nga ideja për t’u larguar nga kombëtarja.

Federata nuk ka kthyer akoma përgjigje dhe Salah ka reaguar nëpërmjet një postimi në “Twitter”.

“Gjëja normale është që federata e futbollit duhet të zgjidhë problemet e lojtarëve të saj në mënyrë që të ndihen më të qetë. Por, unë shoh të kundërtën në realitet. Nuk është normale që kërkesat e mija dhe të avokatit tim të injorohen. Nuk e kuptoj pse po ndodh diçka e tillë, nuk keni kohë për t’u përgjigjur?”, përfundon 26-vjeçari i Liverpulit.

Bëhet fjalë për përfaqësuesen e Egjiptit, që së fundmi ndërpreu bashkëpunimin me teknikun argjentinas Hektor Kuper pas eksperiencës tejet zhgënjyese në Botëror. Federata egjiptiane e ka bërë të qartë se ata janë të gatshëm të vënë bast për Henrinë, por ka një problem.

Francezi preferon të drejtojë në nivel klubesh dhe paga për të nuk përbën aspak problem, pasi gjatë karrierës së tij të pasur si futbollist ka grumbulluar me miliona euro. Henri ishte shumë afër nënshkrimit me Aston Vilën, por në momentin e fundit drejtuesit e klubit anglez u tërhoqën. Tani mbetet për t’u parë se çfarë do të vendosë 40-vjeçari.