Edvin Murati

Mbrëmja gala e FSHF-së, ndahen çmimet për figurat e sportit

Sport Ekspres — Wed, 19 Dec 2018 17:56:13 +0000

Sot Federata Shqiptare e Futbollit ka organizuar një mbrëmje gala, me rastin e festave të fundvitit. Në një event ku marrin pjesë drejtuesit e klubeve, medieve dhe figurave të larat të sportit e jo vetëm, nuk kishte si të mos ndaheshin dhe disa çmime për personazhet që i kanë dhënë shumë futbollit shqiptar.

FSHF ka dhënë tre çmime me titullin “Nderi i futbollit shqiptar” , teksa fillimisht ka qenë ish-portieri i Partizanit Përlat Musta që ka marrë këtë çmim. Pas tij është ngjitur në podium dhe ish-mesfushori i Kombëtares Edvin Murati, i cili është nderuar me të njëjtën çmim.

Po ashtu është nderuar dhe ish-sulmuesi Qamil Teliti, i cili është ndarë nga jeta. Djali i tij ka qenë sot prezent në këtë mbrëmje për të marrë këtë çmim për babin i tij, i cili ka dhënë kontributin e tij në futbollin shqiptar, por dhe për skuadrën përfaqësuese në vitet 1946-1952.

më pas po tre figura të sportit janë nderuar me çmimin “Legjenda e futbollit shqiptar”, teksa fillimisht këtë cacim e ka marrë Genc Tomori, ndërsa pas tij edhe Osman Mema ashtu si dhe Agim Canaj.

ÇMIMET

“Nderi i futbollit shqiptar” Perlat Musta
“Nderi i futbollit shqiptar” Edvin Murati
“Nderi i futbollit shqiptar” Qamil Teliti (pas vdekjes)

“Legjenda e futbollit shqiptar” Genc Tomori
“Legjenda e futbollit shqiptar” Osman Mema
“Legjenda e futbollit shqiptar” Agim Canaj

Murati: Nuk po na ndahet Franca, Kosova më shumë shanse se ne!

Sport Ekspres — Sun, 02 Dec 2018 12:14:53 +0000

Edvin Murati, ish-mesfushori i kombëtares dhe PSG-së, ka folur për “SuperSport” për shortin e kombëtares sonë në kualifikueset e EURO 2020. Ai shpreson në kualifikimin e Shqipërisë, ndërkohë që thekson se Kosova ka më shumë shanse se ne.

“Vit për vit me Francën ne, nuk e di nëse është rastësi (qesh). Nuk i dihet futbollit, por duhet qenë optimist. Uroj të kualifikohemi. Për Francën njëlloj është, ata kanë tre ekipe. Islanda është ekip i fortë, Franca del e sigurt”, tha fillimisht Murati.

Në lidhje me Kosovën, ish-mesfushori që tani bën menaxherin, Murati shoti: “Me thënë të drejtën kanë goxha ekip, po fitojnë shumë ndeshje. Po shënojnë me ekipet e tyre. Ata kanë më shumë shanse se ne“, përfundon 43-vjeçari.

Vlerësim për ish-mesfushorin e kombëtares, presidenti Meta i dorëzon titullin në Paris

Sport Ekspres — Mon, 12 Nov 2018 16:53:59 +0000

Ish-mesfushori i kombëtares shqiptare Edvin Murati, është dekoruar ditën e sotme nga presidenti i Republikës së Shqipërisë me titullin “Mjeshtër i madh” në një ceremoni në Paris, qytetin ku Murati hodhi hapat e parë në futbollin profesionist 24 vite më parë dhe jeton sot e kësaj dite.

Dekorimi për ish-futbollistin ka ardhur dhe si dhuratë e veçantë për ditëlindjen për Muratin, i cili ditën e sotme mbushi 42-vjeç. Në postim në “facebook” të presidentit Meta shkruhej se Murati ka kontribuar në promovimin e Shqipërisë në Francë.

“Albanian Sports Ambasador”, Lorik Cana lë pas Taren e Muratin

Sport Ekspres — Sat, 29 Sep 2018 09:03:37 +0000

“Albanian Sports Ambasador”, eventi më i ri që vlerëson sportistët shqiptarë dhe që ka qëllime mjaft pozitive, pasi të ardhurat nga çmimet shkojnë për projekte mjaft domethënë. Mbrëmjen e djeshme ishte Lorik Cana ai që mori çmimin kryesor, ndërkohë që u nderuan edhe Luan Krasniqi dhe Igli Tare.

Çmimi “Albanian Sports Ambasador” – Lorik Cana
Çmimi i publikut – Luan Krasniqi
Çmimi i karrierës – Igli Tare

I pranishëm ishte edhe kreu i FSHF-së, Armand Duka, i cili u shpreh: Një event që evidenton kontributet e dhëna në fushën e sportit. Ishim realisht në vështirësi konkrete për të zgjedhur fituesin, pasi gjithsecili ka peshën dhe potencialin e tij. Sidoqoftë një mbrëmje e tillë sjell vlerat më të mira të sportit, dhe një nismë e tillë duhet përshëndetur dhe vlerësuar”.

Duka i dorëzoi çmimin kryesor “Albanian Sports Ambasador”, ish-kapitenit të ekipit kombëtar të futbollit, Lorik Cana. Igli Tare dhe Edvin Murati ishin gjithashtu të dominuar. Drejtori i Lacios fitoi çmimin e karrierës, ndërkohë që boksieri Luan Krasniqi atë të publikut. Por, ai e ndau çmimin me Haki Dokun, që ishte i dominuar.

Çmime kishte është për Tomas Strakoshën, Izmir Smajlajn, Erblina Bicin dhe Elizabeta Karabollin. Gjithashtu një nderim edhe për Fadil Vokrrin. Çmimi special iu dorëzua djalit të tij.

Vlera monetare e çmimeve nuk do t’i shkojë fituesve, por do të shërbejë për për mbështetjen e tre projekteve të miratuara nga Presidenca e “Albanian Sports Ambasador”: Projektin për Shahun në Shkolla dhe krijimin e Akademisë së Shahut, Projektin e Fondacionit 5 për futbollin e fëmijëve, si dhe projektin “Jo për gjakmarrjen, po për jetën”.