Paratiçi është shumë pranë arritjes së marrëveshjes me Junajtid nëpërmjet një ndërrimi mes sulmuesit dhe Paulo Dibalas. Pas kësaj Interi mbetet thatë dhe i ngelet të hedhë sytë drejt një tjetër “crush-i”. Edinson Kavani është plani rezervë i zikalëtrve.

Uruguajani është një emër i madh dhe shumë i kushtueshëm. Megjithëse kontrata e tij skadon verën e ardhshme, PSG nuk ka ndërmend ta lërë të lirë. Ikja e mundshme e Nejmar e minimizon në maksimum këtë mundësi. Gjithashtu kërkesat e tij financiare janë të larta.

Interi nuk ka aftësi të përballojë shifrën e kartonit bashkë me pagën e tij. Kështu Marotës do i duhet të presë edhe një vit. Verën e ardhshme Interi pritet t’i ofrojë një pagë prej 9 milionë eurosh në sezon dhe një kontratë 3-vjeçare.

Uruguajani e pranon se ky nuk ishte një vit pozitiv, por thekson se duhet të mësojnë prej kësaj. Thekson se nëse ekipi jep të gjithë potencialin e tij ata janë të pamposhtur. Në sezonin që sapo u mbyll i ka pëlqyer goli në një ndeshje të vështirë me Marsejën, megjithatë shton se nuk ka ndonjë moment të madh që i ka lënë mbresa.

“Është e vërtetë që këtë vit nuk kemi fituar sa sezonet e kaluara. Megjithatë, këto humbje jam i sigurt se do na ndihmojnë të jemi sa më të fortë për sezonin e ardhshëm. Gjëja më e rëndësishme është të kemi mentalitet fituesi dhe ta mbajmë atë vetëm lart. Këtë vit kemi treguar se nëse ekipi është i fokusuar dhe i përqëndrar për 90 minuta, mund të jemi një nga ekipet më të mira të kontinentit.”

”Jemi koshientë që kemi shumë punë për të bërë. Në Francë të gjithë janë të dëshpëruar për të na mundur ne. Ajo që kemi treguar në fillim të sezonit ishte një shenjë shumë e mirë. Gjashtë muajt e parë ne ishim të pamposhtur. Goli ndaj Marsejës, ndërkohë që ne ishim me dhjetë lojtarë ishte shumë i rëndësishëm. Por nuk ka ndonjë moment që ka lënë gjurmë në mendjen time këtë sezon”, u shpreh “El Matador”.

Antero Henrike, i cili mban postin e drejtorit sportiv, ka një preferencë. Ai luan në Serinë A dhe quhet Edin Xheko. Sulmuesit i përfundon kontrata me Romën në fund të sezonit të ardhshëm.

Rinovimi nuk ka ardhur ende dhe verdhekuqtë janë të detyruar ta shesin. Opsioni PSG është fantastik për 33-vjeçarin, i cili kërkohet edhe nga Interi e Laipcigu. Familja e tij e sheh me sy të mirë transferimin në Paris dhe kjo mund t’i japë një shtysë boshnjakut që të arrijë akordin me ekipin e gjermanit Tuhel.

PSG kërkon 50 milionë euro për kartonin e 31-vjeçarit, ndërsa transferimi i tij mund të ndodhë në verë. Atletiko nuk do e ketë të thjeshtë, pasi për sulmuesin uruguaian ka konkurrencë.

Napoli dhe Çelsi janë të interesuara për Kavanin, por në fund do e bëjë diferencën vullneti dhe dëshira e vetë lojtarit.

Flasim për në verë, pasi në janar nuk do të ketë lëvizje. Edinson Kavani është ëndrra e tifozëve napolitanë, ndërsa presidenti i klubit shpjegon dhe mundësinë e vetme që bomberi uruguaian të rikthehet në “shtëpi”.

“Në janar nuk do të blejmë askënd, por në qershor do të vijë një lojtar me emër. Kavani? Nëse do të mërzitet te PSG dhe do të pranojë të fitojë më pak, do ta mirëprisnim me krahë hapur”, thekson Aurelio De Laurentis.

Por, ajo që ndodh në fushë mbetet aty dhe, pas prononcimit të Mbape, i cili tentoi të qetësonte palët, tashmë ka ardhur dhe reagimi i Nejmarit.

“Disa njerëz përpiqen të krijojnë polemika nga hiçi. Ishte një përplasje fushe dhe mbaroi aty. Ne jemi kolegë dhe duhet të mos flasim për problem që nuk ekzistojnë”, sqaron Nejmar, duke i dhënë përfundimisht fund këtij episodi.

Mbape ka folur për episodin mes dy sulmuesve, duke dashur të qetësojë ujërat. Sulmuesi i talentuar francez shfaqet si një lider i vërtetë dhe tregon një pjekuri të madhe në fjalët e tij.

“I dërgova në WhatsApp Nejmarit videon e faullit së Kavanit ndaj tij dhe filloi të qeshte. Mendoj se kjo nuk është asgjë, të dy mbrojtën vendin e tyre dhe kjo gjë nuk do t’i pengojë të luajnë te PSG dhe të përqafohen përsëri bashkë. Te PSG është një lojtar i madh, i cili ndodhet sipër të gjithëve. Ai është Nejmar dhe ne përpiqemi ta vëmë në kushtet më të mira. Sa i përket Francës, jemi të gjithë në të njëjtin nivel”, përfundon Kilian Mbape.

Kundër Empolit ishin të pranishëm 30 mijë tifozë në stadium, të cilët shijuan magjitë e Mertens, ndërsa të martën vjen radha e PSG. Biletat për sfidën e Champions-it kanë “avulluar” dhe atmosfera në Napoli është fantastike. Në stadiumin “San Paolo” priten më shumë se 50 mijë tifozë dhe një gjë e tillë emocionon dhe Karlo Ançelotin.

“Mezi po pres për të mbërritur në stadium të martën për të shijuar atmosferën”, është shprehur trajneri i Napolit, që do të hidhte një hap të rëndësishëm drejt kualifikimit me një fitore të mundshme.

Tifozët do të jenë një shtysë e madhe për Hysajn me shokë dhe do të tentojnë t’i “nxijnë jetën” kundërshtarëve francezë. Por, tifozët napolitanë kanë dhe një objektiv tjetër. Ai është një njohje e vjetër e tyre dhe akoma një idhull në qytetin jugor të Italisë. Flasim për Edinson Kavanin, i cili do të rikthehet me statusin e ish-it. Uruguaiani ka kaluar tre sezone të paharrueshme me Napolin dhe ëndrra e tifozëve është rikthimi i tij.

Për një gjë të tillë u fol gjatë merkatos së verës, por asgjë konkrete. Kohët e fundit janë shtuar zërat për një rikthim të tij, por asgjë nuk do të jetë e thjeshtë. Tifozët e Napolit nuk dorëzohen dhe të martën në mbrëmje, ata janë gati t’i dhurojnë një pritje emocionuese, që mund të ndikojë në mbushjen e mendjes së sulmuesit për të lënë PSG në verë dhe për t’u rikthyer.

Ëndrra e tifozëve është rikthimi i Kavanit në Napoli dhe për të rritur shpresat e tyre, ka menduar avokati i sulmuesit. Pas fjalëve të Aurelio De Laurentis, i cili u shpreh se “dyert janë të hapura për Edin, i cili do të ishte perfekt për Ançelotin. Në zemrën time nuk jam zemëruar kurrë me të”, ka menduar tjetërkush të rrisë entuziazmin e tifozëve napolitanë.

Avokati i 31-vjeçarit, Xhenaro Familjeti, ka folur për “Radio Crc”, duke lënë të hapur mundësinë e kthimit të lojtarit në jugun e Italisë. “Kavani e dashuron tmerrësisht shumë Napolin. Rikthimi i tij varet nga shumë gjëra, por besoj se dëshira për t’u rikthyer është në zemrën e tij. Besoj se ai po e mendon një gjë të tillë. Një gjë është e sigurt: Napoli ka nevojë për një sulmues të madh dhe të kesh Kavanin përsëri në ekip, do të thotë të luftosh në mënyrë të barabartë me ekipet e mëdha në Itali dhe Europë”, përfundon avokati i lojtarit.

Diçka e pavërtetë dhe fantazi e merkatos, shkruan “Le Parisien”. Lajmi i rremë përmbante dhe “screenshot” e një foto, ku shfaqeshin biletat e udhëtimit të Kavanit dhe vëllait të tij drejt Napolit. Diçka e tillë ka bërë që tifozët të besonin lajmin dhe të nxitonin për ta pritur.

Uruguajani është aktivizuar për tri sezone me klubin napolitan, duke shënuar 104 gola në 138 ndeshje. Ai është akoma një idhull në qytetin jugor të Italisë dhe zgjedhja e parë e tifozerise napolitane për përforcimin e sulmit. Për një moment besuan që ëndrra e tyre u kthye realitet, por gjithçka ishte një lojë.

Quand des tifosi du Napoli se réunissent massivement à l’aéroport simplement car une rumeur disait que Cavani signerait aujourd’hui… pic.twitter.com/AYfkaXhXBa

— FrSerieA (@FrSerieA) August 9, 2018