Roma ka gati një muaj kohë për të sjellë një tjetër sulmues. Ante Rebiç është emri kryesor në tavolinë. Verdhezinjtë do të nisin një operacion me vlerë 45 milionë euro për kroatin e Ajntrahtit të Frankfurtit.

Trajneri i ri i Romës Poalo Fonseka është angazhuar vetë për të bindur argjentinasin Gonzalo Higuain. Sipas “Gazzeta Dello Sport”, tekniku portugez ka pasur një bisedë telefonike me “El Pipitën”, ku është munduar ta joshë që t’i bashkohet projektit të tij.

Transferimi i 31-vjeçarit në kryeqytet ka ende shumë pengesa. Paga prej 7 milionë eurosh në sezon ëhstë e papërballueshme nga financat e Romës, ndërsa në të njëjtën kohë duhet gjetur gjuha e përbashkët me drejtuesit e Juventusit.

Gjithsesi, lajmet që lidhin Romën me Higuain e bëjnë të qartë faktin se verdhekuqtë po kërkojnë një zëvendësues për Edin Xhekon. Boshnjaku ka dhe një vit kontratë në kryeqytet, por dita ditës po përflitet gjithmonë e më shumë për një kalim te tij tek Interi ose në kampionatin kinez.

Pa u mbyllur operacioni për ish-madrilenin, Xheko nuk do të zbarkojë në “San Siro”. Ndërkohë, Konte vazhdon të ushtrojë presion mbi klubin për të firmosur sa më shpejt më një bomber. Faza pregatitore ka nisur dhe për trajnerin nuk është gjë e mirë mungesa e një bomberi sepse edhe ambientimi do të vonohej.

Antero Henrike, i cili mban postin e drejtorit sportiv, ka një preferencë. Ai luan në Serinë A dhe quhet Edin Xheko. Sulmuesit i përfundon kontrata me Romën në fund të sezonit të ardhshëm.

Rinovimi nuk ka ardhur ende dhe verdhekuqtë janë të detyruar ta shesin. Opsioni PSG është fantastik për 33-vjeçarin, i cili kërkohet edhe nga Interi e Laipcigu. Familja e tij e sheh me sy të mirë transferimin në Paris dhe kjo mund t’i japë një shtysë boshnjakut që të arrijë akordin me ekipin e gjermanit Tuhel.

Por, kush është më i veçanti për të? Këtë ai e zbuloi pak  në një sesion online, ku iu përgjigj pyetjeve nga fansa nga e gjithë bota.

“Goli im i preferuar është goli im i parë në debutimin tim me kombëtaren e Bosnjës kundër Turqisë. Ishte një gol i bukur, goditje “gjysmë-volej” dhe topi përfundoi të trekëndësh. Vetëm fakti që po luaja për vendin tim ishte një ëndërr e bërë realitet, por fakti që shënova gol e bëri atë eksperiencë akoma më të paharrueshme”.

Sulmuesi boshnjak ka marrë vlerësimin e UEFA, që ka zgjedhur gjigantin 32-vjeçar si lojtarin më të mirë të javës në Champions League.

Nëpërmjet një postimi në “Twitter”, UEFA ka zgjedhur Xhekon si lojtari më i mirë i javës, për shkak të dygolëshit të shënuar dhe asistit të dhënë për golin e tretë.

2? goals ????
1? assist ??

Congratulations to @OfficialASRoma striker @EdDzeko, #UCL Player of the Week! ???#UCL #POTW @FTBSantander pic.twitter.com/jtZgvJIVFO

— UEFA Champions League (@ChampionsLeague) October 26, 2018

Një arritje e madhe për gjigantin boshnjak, që ka marrë dhe vlerësimin e Roberto Mançinit. Trajneri i kombëtares së Italisë e njeh mirë 32-vjeçarin. Kanë punuar së bashku te Mançester Siti, rikthyen titullin në “Etihad” pas shumë vitesh dhe Xheko është një nga sulmuesit më të mirë në qarkullim për Mançinin.

“Xheko është një sulmues i madh, prej vitesh një ndër më të fortit në Europë. Shifrat janë në anën e tij: ka arritur në dopjo shifër golash në Gjermani, Angli dhe Itali. Ka dhuntinë e golit dhe është i vlefshëm dhe në vendosjen e ekipit në fushë. Ka talent në këmbë dhe idetë e tij, di të luajë topin dhe bën skuadrën të luajë. Unë e kam trajnuar në periudhën më të mirë të tij, në kulmin e pjekurisë. Fituam titullin me Sitin me Edin, i cili dha një kontribut të jashtëzakonshëm.”

“Askush nuk duhet t’i diskutojë cilësitë e tij. Si të gjithë sulmuesit, ai nuk i shënon të gjitha rastet që i paraqiten, bën gabime para portës, por nuk ka sulmues të pagabueshëm që realizon 10 gola në po kaq raste. Ai ka bërë gjëra të mëdha te Roma, arriti në gjysmëfinalet e Champions si protagonist, duke realizuar shumë gola. Kush shënon në këtë kompeticion, do të thotë se është një futbollist i veçantë dhe i rëndësishëm. Jam i sigurt që Edin do të jetë një nga golashënuesit më të mirë në Serie A dhe Champions dhe në këtë sezon”, përfundon për “Corriere dello Sport”, trajneri i të kaltërve.

Xheko ishte një hap larg kalimit te Çelsi në janarin e kaluar, por në fund vendosi të qëndronte në kryeqytetin italian. 32-vjeçari ka folur për “Sky Sports”, duke i shkelur syrin Premier Ligës.

“Kam kaluar katër vite e gjysmë të madhërishme në Angli, duke shijuar çdo minutë të gjitha ndeshjeve. Ndoshta është tepër vonë për t’u rikthyer atje, edhe pse nuk i dihet kurrë. Për momentin, jam i lumtur te Roma”, thekson gjiganti i Romës, në një prononcim që nuk është se do i pëlqejë shumë tifozëve verdhekuq.

Kaputo e humbi shansin e tij, ndërsa Xheko nuk fali pesë minuta përpara fundit, duke vulosur fitoren e Romës. Gjiganti i sulmit ka folur për ndeshjen, rikthimin e ekipit te rezultatet e mira dhe kërkon nga ekipi që të japë akoma dhe më shumë.

RIKTHIMI – “Nuk ka qenë një periudhe e lehtë, por jemi rikthyer te rezultatet pozitive. Empoli luan një futboll të bukur, gjynah për ta, por më mirë për ne. Shpresoj të bëjnë sa më shumë punë, Andreazolin e njohim dhe i urojmë më të mirën.”

FITORJA – “Luajtëm mirë dhe ishim me fat te penalltia e Empolit. Ishte e rëndësishme të fitonim. Tashmë janë ndeshjet e kombëtareve dhe jemi më të qetë. Ishte e rëndësishme të shënoja, sepse ne sulmuesit jetojmë për golin. Ishte e rëndësishme të fitonim, por jam i lumtur për golin tim.”

GRUMBULLIMET – “Mos ta ekzagjerojmë, nuk i kemi fituar ndeshjet për shkak të grumbullimeve të skuadrës. Sigurisht që na kanë shërbyer, sepse kemi qëndruar bashkë dhe kemi diskutuar. Ndodh që të humbasësh, por jo me mënyrën që po luanim. Kemi filluar të vrapojmë të gjithë më shumë dhe të bëjmë më shumë për njëri-tjetrin.”

ECURIA – “Kemi fituar katër ndeshje rresht dhe kjo është e rëndësishme për besimin e grupit, por skuadra duhet të japë më shumë. Na presin ndeshje të rëndësishme pas pushimit dhe shpresoj që të gjithë të japim diçka më shumë.”