Interi nuk ofron më shumë se 15 milionë euro dhe diçka e tillë e ka tërbuar boshnjakun. Gazzetta dello Sport raporton se Xheko i ka vendosur ultimatum Interit që të nxitojë, të arrijë akordin me Romën deri në fund të javës së ardhshme.

11 gushti është afati i fundit, përndryshe Konte ta harrojë bomberin. Nëse klubet nuk bien dakord, Xheko mund të vendosë të qëndrojë edhe një sezon në kryeqytet dhe të largohet si lojtar i lirë në fund të sezonit të ardhshëm.

12 milionë ofrojnë zikaltrit për 33-vjeçarin boshnjak, ndërsa verdhekuqtë kërkojnë 18. Dëshira e Xhekos është transferimi në “San Siro” dhe ky është avantazhi i madh i Interit.

Nga ana tjetër është Lukaku. Trajneri Ole Gunar Solskjaer po tenton ta bindë për të qëndruar te Junajtid, por sulmuesi belg i ka bërë të qartë: “dua të shkoj tek Interi”.

Drejtuesit zikaltër kanë vendosur të negociojnë përballë me homologët anglezë dhe Piero Auzilio ndodhet në Londër. Drejtori sportiv po tenton të mbyllë akordin dhe të marrë Lukakun me vete.

Klubi italian ka gati 70 milionë euro për kartonin e 25-vjeçarit, shumë të cilën pretendon ta paguajë në tre këste. Tani pritet përgjigja e “djajve të kuq”, që vështirë se do të pengojnë Lukakun të provojë emocionet e Serie A.

Marrëveshja për lojtarin e parë që do të zyrtarizohet në “San Siro” duket se është arritur dhe ai është Edin Xheko. Boshnjaku pritet që të bashkohet me Interin dhe të marrë çelësat e sulmit zikaltër.

Sipas “Tuttosport”, palët janë shumë pranë finalizimit dhe në transfertë nuk do të përfshihet asnjë lojtar, siç edhe ishte thënë më parë. Drejtuesit e Interit do të paguajnë vetëm para, por shifrat ende nuk bëhen të ditura.

Ky afrim i hap automatikisht derën, largimit të Ikardit. Argjentinasi prej kohësh i ka prishur marrëdhëniet me drejtuesit e klubit. Heqja e shiritit të kapitenit ishte kulmi i zënkës, ku lojtari nuk u stërvit me ekipin për gati një muaj. Deklaratat e shumta “çoroditëse” të bëra nga menaxherja dhe gruaja e tij, Uanda Nara janë tjetër shtysë për të mbyllur bashkëpunimin. Juventus është destinacioni më i mundshëm për të.

Tek Interi nuk duan të mbesin të papërgatitur dhe kanë nisur punën për gjetjen e një bomberi. Tre janë alternativat dhe dëshirat: Edin Xheko, Romeo Lukaku dhe Duvan Zapata.

Boshnjaku i Romës pëlqehet shumë nga dyshja Marota-Auzilio dhe ai shihet si partneri i duhur për rritjen e Martinez, Negociatat me lojtarin kanë nisur prej kohësh. Xheko është dakord për t’u transferuar tek Interi, që ofron 10-15 milionë euro, ndërsa Roma kërkon 25-30 milionë euro për 33-vjeçarin. Akordi mund të arrihet edhe me përfshirjen e ndonjë lojtari në tratativa.

Romeo Lukaku është i preferuari i madh i Antonio Kontes. Ai ka shënuar 12 gola sivjet me “Djajtë e Kuq”. Dëshira e sulmuesit belg është për t’u larguar, ndërsa Serie A e tundon prej kohësh. Problem mbetet kartoni i lartë prej 70-80 milionë eurosh dhe rroga prej 10 milionë eurosh në sezon.

Në fund kolumbiani i Atalantës. Zapata dhe shokët e tij po shijojnë një super sezon. Sulmuesi gjeti golin e 26-të për këtë sezon kundër Napolit. Ai është i huazuar deri në vitin 2020 tek Atalanta, ndërsa për t’ia “vjedhur” nga duart ekipit bergamask nevojiten të paktën 45 milionë euro.

Duvan Zapata është një tjetër emër që pëlqehet shumë, por do të jetë tepër e vështirë për t’ia marrë Atalantës nga duart. Nëse Roma vendos t’i besojë stolin Gasperinit të Atalantës, atëherë rriten shanset që kolumbiani të zbarkojë në Romë bashkë me trajnerin.

Emri i fundit që po qarkullon është Dario Benedeto. Frederik Masara, drejtori sportiv i Romës, është takuar ditën e djeshme me Nikolas Burdison, menaxherin e Boka Zhuniors. Palët kanë diskutuar për rikthimin e Perotit në Buenos Aires dhe transferimin e Benedetos në kryeqytetin italian.

Vlera e kartonit të 28-vjeçarit me origjinë italiane është rreth 10 milionë euro, ndërsa ky mund të jetë momenti i duhur për të për të provuar emocionet dhe matur forcat me futbollin europian.

Në Itali flasin për klane në ekip, si dhe po lakohen emra të ndryshëm për ta zëvendësuar sulmuesin. Nga shitja e tij zikaltrit do të përfitonin goxha, pasi bëhet fjalë për një operacion merkatoje që vërtitet te 100 milionë eurot. Me kaq para Interi mund të bënte lëvizje të tjera, por mbetet për t’u parë se çfarë do të ndodhë.

Së fundmi “La Stampa” në Itali raporton se nëse Ikardi largohet nga Interi, atëherë pasuesi i tij do të jetë sulmuesi boshnjak Edin Xheko. Aktualisht pjesë e Romës, shtatlarti ka një kontratë deri në verën e vitit 2020. Rinovimi nuk po vjen dhe verdhekuqtë normalisht do kërkojnë të përfitojnë dhe shitja e tij është vendimi i duhur për ta.

SKENARI TJETËR – “Repubblica” në krahun tjetër shkruan për një lëvizje të bujshme. Sipas gazetës italiane, Bepe Marota po punon që të arrijë një marrëveshje me Juventusin. Ikardi do të merrte rrugën për në Torino, kurse në drejtimin e kundërt pritet të marrë rrugën Paolo Dibala.

Interi e pëlqen ish-futbollistin e Palermos dhe kjo është një mundësi e mirë për të arritur tek ai. Me Ikardin që nuk është i lumtur në Milano, ndarja shikohet si opsioni më i mirë. Me këët situatë të krijuar së fundmi, raporti mes sulmuesit dhe lojtarit vështirë të normalizohet.

E paharrueshme mbetet dhe fitorja 1-6 përballë “armiqve” të Junajtid në “Old Trafford”. Sulmuesi i Romës nuk i harron kurrë emocionet e provuara dhe në prononcimin e dhënë për “FourFourTwo”, iu rikthehet dhe njëherë momenteve unike të atij sezoni.

TITULLI – “Edhe pse zhvilluam një kampionat shumë të mirë gjatë gjithë sezonit, fitimi i titullit në atë mënyrë ishte një çmenduri e vërtetë. Jam i lumtur që isha pjesë e asaj arritje. Luajta me Sitin për katër sezone e gjysmë dhe fitova disa trofe. Rikthyem titullin pas 44 vitesh, ishte një moment i jashtëzakonshëm dhe një periudhë e veçantë e karrierës time. Vazhdoj ta ndjek Sitin kur kam mundësi dhe e ndjej akoma si skuadrën time. Ka qenë një kënaqësi për mua të luaj në kampionatin më të mirë në botë. Çdokush dëshiron të luajë dhe të përballet me më të mirët. Është fantastike të shohësh rritjen e Sitit si klub që nga ajo periudhë.”

DERBI – “Fitorja 1-6 në fushën e tyre ishte një poshtërim për ta, sidomos për faktin që ishte një ndeshje derbi. Ndodhi gjithçka shumë shpejt dhe shënuam tre gola në 5 minutat e fundit. Ajo fitore na dha forcën dhe energjinë e duhur për të fituar titullin në fund. Ne ishim skuadra që duhet ta fitonim atë kampionat. Mposhtja e Mançester Junajtid të Fergusonit, një nga trajnerët më të mëdhenj të historisë, ishte një moment special për ne dhe tifozët tanë. Ata filluan të na donin edhe më shumë pas atij triumfi. Junajtid ka patur gjithmonë flamurin që numëronte vitet e Sitit pa fituar titullin, duke u tallur me tifozët tanë. Pas asaj fitore 1-6, ata heshtën… “

Por, vera mund të sjellë një revolucion në ekipin roman. Tre ndër lojtarët më të mirë pëlqehen në Angli dhe kanë oferta nga klube të Premier Ligës. I pari është Xhengiz Ynder, për shërbimet e të cilit ka një garë të fortë.

Anësori ofensiv ka shënuar 14 gola dhe ka dhuruar 11 asiste në 56 ndeshje me Romën. Për 21-vjeçarin interesohen Arsenali, Totenhemi dhe Mançester Junajtid, pa harruar Bajernin e Mynihut që e monitoron prej kohësh. Roma kërkon të paktën 60 milionë euro për kartonin e turkut, ndërsa sulmi anglez do të nisë në fund të sezonit.

Edin Xheko është një tjetër lojtar që pëlqehet në ishull. Uest Hemi po kërkon një zëvendësues të Arnautoviç dhe trajneri Pelegrini ka zgjedhur gjigantin boshnjak, me të cilin ka punuar te Mançester Siti, ndërsa në garë për shërbimet e tij është futur dhe Evertoni.

Në fund dhe Kostas Manolas. Greku i mbrojtjes ka një klauzolë largimi prej 36 milionë eurosh dhe Çelsi është gati ta paguajë shumë për të transferuar në “Stamford Bridge” 27-vjeçarin, por më parë duhet fituar konkurrenca me “Djajtë e Kuq” të Solskjaerit.

24-vjeçari po bën mirë me Sasuolon dhe ka shënuar dy gola në kampionat. Trajneri i Romës bën një batutë në lidhje me ndeshjen kundër të birit, zbulon objektivat e ekipit dhe e mbyll me Edin Xhekon, i cili sapo është rikthyer nga dëmtimi, por nuk është akoma në formën më të mirë.

NDESHJA SPECIALE – “Do ta dërgoj familjen time në grumbullim, kështu që gruaja do të ketë mundësi për t’i bërë presion Federikos për nesër. Duke lënë mënjanë shakatë, ai është rritur shumë dhe Sasuolo mbetet një kujtim i bukur për mua. Jemi mbrapa për Championsin, kemi mundësinë për të rikuperuar terren dhe nesër nuk na lejohen gabimet. Duhet ta mbyllim vitin me dy fitore.”

XHEKO – “Kundër Juventusit rrezikuam duke e aktivizuar. Do e vlerësojmë gjendjen e tij për nesër, por mund të jetë i rëndësishëm për ne dhe aktivizimi i tij gjatë lojës. E ndjejmë presionin për momentin, por vështirësitë të japin nxitje për të gjetur zgjidhje dhe për t’u rinisur.”