Ylli italian kërkon të largohet drejt Juventusit, por Fiorentina insiston ta mbajë edhe një vit në ekip, edhe nëse mungon rinovimi i kontratës. Corriere dello Sport raporton se ëndrra e madhe quhet Rafinja. Fantazisti, për të cilin interesohen edhe Atalanta me Valencian, është drejt largimit nga Barcelona, që kërkon 15 milionë euro për kartonin e tij.

Një tjetër emër që intrigon Firencen është edhe Edin Xheko. Për shërbimet e boshnjakut interesohet edhe Interi, që negocion prej kohësh me Romën. Akordi nuk po arrihet dhe Fiorentina është gati të ndërhyjë dhe t’i dhurojë një emër të madh në sulm trajnerit Montela.

Robert Prosineçki, i cili mban rolin e trajnerit të Bosnje Hercegovinës, ka zbuluar të ardhmen e bomberit në prononcimin e dhënë për “CalcioNapoli24 Live”.

Kroati konfirmon largimin e Xhekos nga Roma. Emrin e klubit të ardhshëm nuk e zbulon, por nga fjalët e tij kuptohet që ai do të jetë Interi i Kontes.

“Kam biseduar me Miralem Pjaniç dhe Edin Xhekon. I pari më shprehu se është i lumtur te Juventusi, ndërsa i dyti më se do të largohet, por jo nga kampionati italian”, shprehet trajneri i kombëtares boshnjake.