“Na mungoi finalizimi me Islandën. Mesfusha ishte e duhura, bëmë ndeshje të bukur, ata na erdhën vetëm një herë në portë. Kemi edhe 24 orë për të vendosur. Mund të ketë 3-4 ndryshime, mesfushorët janë të lodhur goxha. Do flas me lojtarët përpara dhe t’u them se kush do të luajë. Nuk e them formacionin këtu”.

“Skema 3-5-2, i ka Shqipëria lojtarët e duhur? Po, i ka. Na duhet një ekuilibër në mbrojtje. Na duhen disa mesfushorë të mirë. Siç u pa në ndeshjen me Islandën, Hysaj bëri mirë nga e djathta”.

“Sadiku e Uzuni janë gati dhe presin shansin e tyre. Do vlerësojmë gjendjen e çdo lojtari. Sadiku është një lojtar që ka një marrëdhënie të mirë me golin. Mbrojtësit kanë bërë mirë, do ketë 3-4 ndryshime”.

“Kundërshtari? Nuk ka skuadra të lehta më në futboll. Duhet të luajmë me personalitet dhe përqendrim. Superioriteti tregohet në fushë, duke luajtur fort, duke treguar grintë”.

“Sëmundja e golave të pësuar? Në Islandë zotëruam lojën, na shënuan me një rast. Tani po fillojmë të kemi një skuadër, do shohim më tej”.

“Do luftohet për vendin e tretë? Shoh shtëpinë time, jo Turqinë dhe Francën. Kam shumë besim te skuadra ime. Duhet të vazhdojmë në këtë rrugë. Pres qe njerëzit të na mbështesin. Objektivi ynë është të bëjmë më të mirën. Ka edhe shumë ndeshje, skuadra do përmirësohet. Me rëndësi të futemi në fushë për të fituar dhe të dalim kryelartë”.

“Fitorja, detyrim, a rëndon psikologjikisht? Kemi nevojë të bëjmë një paraqitje të mirë dhe të fitojmë. Nëse ndodh kjo, do ishte super në aspektin moral. Fitorja na ndihmon shumë për të vazhduar në rrugën e duhur”.

“Hera e parë si trajner kombëtareje? Është ndryshe, këtu nuk ke shumë kohë. Në vetëm një javë duhet të bësh gati një ndeshje në mënyrën perfekte. Lojtarët kanë treguar që mund ta asimilojnë shpejt mënyrën tonë të lojës. Lojtarët luajnë jashtë, në Itali, Zvicër e Kroaci. Një problem është fakti që lojtarët luajnë në kampionate të ndryshme. Gjithsesi futbolli është unik”.

“Kapiteni? Ky nuk është problem. Mavraj është kapiteni kur luan, nëse jo është Hysaj. Kjo është zgjedhja përfundimtare”.

Dueli nis në orën 15:00 dhe 73-vjeçari është gati. Gjatë gjithë karrierës së tij të gjatë ka drejtuar vetëm klube, ndërsa nesër do të tentojë ta nisë mbarë aventurën me shqiponjat kuqezi dhe t’i dhurojë një rezultat pozitiv tifozëve shqiptarë. Trajneri ka dalë në konferencë bashkë me Elseid Hysajn, i cili do të mbajë shiritin e kapitenit në sfidën kundër ekipit viking.

“Në fushë gjatë stërvitjeve u kam dhënë filozofinë lojtarëve dhe e kanë zbatuar disi. 15 ditë nuk janë shumë, por jam munduar të shoh edhe aftësitë individuale të lojtarëve. Është me rëndësi të marrim rezultat, pasi do u jepte besim lojtarëve se sistemi po funksionon dhe mundi nuk u ka shkuar dëm”.

“Pres nga ekipi të jetë i organizuar dhe i ekuilibruar, të përfshihen të gjitha repartet. Duhet të jemi të suksesshëm edhe në finalizim. Nuk do të rrimë prapa. Do shohim nëse kjo punë e bërë do jetë e suksesshme”.

“Mënyra e lojës? Filozofia është të luajmë futboll, jo të mendojmë të futemi në fushë për të marrë një pikë. Ata kanë lojtarë të rëndësishëm, sidomos në goditjet standarde. Duhet të bëjmë presion para se të vijnë në fushën tonë. Do mundohen të na rrezikojnë me topat  futur në zonë. Do më pëlqente që skuadra të futet në fushë me bindjen për të fituar. Formacioni? Nuk ua kam treguar as lojtarëve. Nesër do e merrni vesh”.

“Kundërshtari? I gjithë grupi i Islandës është i mirë, janë një ekip i organizuar. Sigurdgson është një lojtar shumë i mirë, me vlera teknike të larta.  Edhe anësorët e tyre punojnë mirë, por edhe ne kemi lojtarë me vlera. Do mundohemi të mos i lëmë të luajmë, ne do bëjmë pjesën tonë. Janë të rrezikshëm po nuk i penguam në manovrat e tyre”.

“Çështja Grezda? Nuk ka një çështje, nuk është për këto dy ndeshje. Ai e mori këtë vendim dhe përgjegjësia është e tij. Ne e kemi në plane. Për këto dy ndeshje ai vendosi të mënjanohej. Do ulemi sërish të diskutojmë dhe të rivendosim një raport. Ai është shprehur dhe nuk besoj se mund të jem unë pjesë e këtij diskutimi. Ndeshja e nesërme është më e rëndësishme. Më mirë të flasim për grupin, jo për individët. Interpretimi mund të jetë ndryshe, të gjithë lojtarët janë të vlefshëm dhe nuk janë të pazëvendësueshëm”.

KOMBËTARJA – “Sinqerisht, kjo kombëtare mund të japë edhe më shumë. Pjesa më e rëndësishme, që është shtylla e skuadrës, është ende aty. Pas disa vitesh, mund të çalojë disi Shqipëria, kur të largohen ata lojtarë që kanë qenë pjesë e Europianit, por tani mund të japin edhe më shumë. Ka eksperiencë dhe shpresoj që në të ardhmen të jetë prapë një kombëtare e suksesshme”.

EDI REJA – “Një nga trajnerët më me shumë eksperiencë, jo vetëm në Itali, por në të gjithë botën. Një problem të vogël ka, pasi nuk ka eksperiencë jashtë Italisë, përveç Hajdukut të Splitit besoj, por nëse kjo gjë anashkalohet dhe lidhet menjëherë me lojtarët, besoj do të bëjë mirë. Ai ka eksperiencën e duhur që t’ia marrë më të mirën këtij grupi”.

KUALIFIKIMI – “Nuk e di, besoj se nuk e kemi filluar në mënyrën më të mirë. Humbja me Turqinë na lë disi mbrapa për vendin e dytë, pasi Franca nuk duhet llogaritur. Me Turqinë dhe Islandën, nuk jemi shumë larg, por humbja këtu me Turqinë, na ka prishur shumë punë. Me Andorrën, e kryem punën tonë, por transferta në Islandë do të jetë e vështirë. Reja tha që me Islandën dhe Moldavinë firmos për katër pikë, për aq firmos dhe unë”.

Përballja është e vështirë, por një fitore do rriste entuziazmin dhe do ringjallte shpresat për një kualifikim në Euro 2020. 74-vjeçari ka dhënë një prononcim interesant për mediat italiane, duke zbuluar disa detaje dhe prapaskena në lidhje me detyrën e re.

Reja tregon se kush e bindi dhe çfarë objektivash i janë vënë. Impakti i parë është tepër pozitiv dhe ai është mahnitur nga pasioni i madh i shqiptarëve për futbollin dhe kombëtaren. Trajneri falënderon edhe Igli Taren, me të cilin ka punuar te Lacio dhe ka një premtim për tifozët shqiptarë.

SHQIPËRIA – “Kisha premtuar se nuk do të stërvisja më asnjë klub, por një ofertë kombëtareje do e merrja në konsideratë. Kështu ndodhi. Nuk është ai stresi i përditshëm, por përgjegjësitë janë të mëdha. Në Shqipëri ekziston një pasion i jashtëzakonshëm për futbollin. Më kujton pak Napolin, njerëzit e adhurojnë kombëtaren dhe lojtarët e saj. Kjo gjë më mbush me energji dhe ishte ajo çfarë kisha nevojë.

Mendoj se po bëjmë një punë të mirë dhe impakti me lojtarët ka qenë pozitiv. Të hënën nisëm grumbullimin, por kam nisur punën me një grup më të vogël që nga 15 maji. Lojtarët më të rëndësishëm janë të shpërndarë nëpër Europë dhe vijnë me mentalitet dhe filozofi të ndryshme. Vështirësia më e madhe e një trajneri kombëtareje, përveçse të njohë karakteristikat e lojtarëve, është që të krijojë një identitet unik.”

PRAPASKENA – “Më telefonoi presidenti Duka. ‘Mister, çfarë qëllimesh keni? Nëse je i disponueshëm, le të diskutojmë’, më tha dhe filluam të flisnim. Ndoqa ndeshjen me Turqinë në stadium, Isha rastësisht atje, pasi po monitoroja disa futbollistë, të cilët ndiqeshin nga Napoli dhe Atalanta. Më telefonoi edhe kryeministri Edi Rama. E kisha njohur më parë në hotelin tim afër Ponte Milvio. Vinte për të ndjekur Lacion dhe është një tifoz i zjarrtë i Juventusit. Më telefonoi për të më bindur.”

PREMTIMI PËR TIFOZËT – “Angazhim të plotë dhe shpirt sakrifice. Besoj shumë te grupi. Ka kualitet dhe nëse japim 100 për qind, do të përjetojmë momente të bukura. Lojtarë më kanë dhënë përshtypjen që janë shumë të karikuar. ka besim, shikoj dëshirë të madhe dhe qetësi. Europiani është ëndrra. Për t’u bërë realitet, duhet besuar. ka vetëm diçka që na pengon, frika që nuk ia dalim dot. Nuk duhet të kemi dyshime.”

TARE – “Ju ka ndihmuar Tare? Po, sigurisht që më ndihmoi. Më ka dhënë një dorë të madhe, kemi folur me lojtarët. Kam bërë një xhiro nëpër Europë për t’i parë, por Igli i njeh edhe më shumë. Jam njohur me vlerësimet e tij. Duhet ta falënderoj atë, pasi ka folur fjalë të mira për mua në FSHF dhe te kryeministri Rama.”

KONTRATA – “Mund ta them me krenari që, pas 35-36 viteve punë si trajner, ndihem akoma i fortë fizikisht. Kam nënshkruar deri në nëntor dhe janë për t’u zhvilluar 6 ndeshje zyrtare. Më propozuan një kontratë edhe për dy vite të tjera. Ju thashë që të presin. Nëse rezultatet do të vijnë, atëherë do të vazhdojmë bashkëpunimin. Nëse gjërat na ecin mbarë, do të ecim përpara edhe për dy vite të tjera.”

OBJEKTIVI – “Më kanë kërkuar që të bëj mirë dhe të tentoj kualifikimin në Euro 2020. Duke lënë mënjanë Francën, mendoj se mund të rivalizojmë me gjithë skuadrat e tjera, përfshirë edhe Turqinë. Do japim gjithçka. Respekt për të gjithë, frikë për asnjë. Kam biseduar me lojtarët dhe ju kam transmetuar bindje. Shoh që ka harmoni. Shqiptarët zbresin në fushë me krenari. E ndjejnë shumë faktin që përfaqësojnë vendin dhe popullin e tyre. Shpeshherë janë më të karikuar se duhet, edhe në stërvitje.”

Në fundin e konferencës ka ndodhur një incident, me trajnerin që u rrëzua siç duket dhe nga pamjet. Gjithsesi, diçka e tillë është marrë me sportivitet nga italiani, i cili në një bisedim me gazetarët pas incidentin, u pyet se mos diçka e tillë ishte ndonjë skemë për penallti.

“Kjo do të ishte ideale. Duhet të bëjmë kujdes, sidomos në goditjet standarte dhe rivëniet anësore. Islanda ka një skuadër të fortë në ajër, ndryshe nga ne”, përfundoi Edi Reja.

LISTA – “Janë 18 lojtarë që kanë qenë me Xhani De Biazin. Më pas janë edhe lojtarët e tjerë që kanë qenë me Panuçin, por më duhet të kem edhe kohë që të vlerësoj lojtarët. E keni parë edhe javën e kaluar që kemi marrë edhe katër lojtarë të Partizanit. Kemi përfshirë Kumbullën, Selmanin. Kam një listë prej 35 lojtarëve që i ndjek, por koha ishte e shkurtër.”

OBJEKTIVI – “Objektivin e dini të gjithë. Problemet që kemi pasur kanë qenë në mbrojtje. Përveç Francës që është ekip i nivelit të lartë, të gjithë ekipet e tjera janë ekipe të arritshme. Lojtarët që vijnë në kombëtare duhet ta ndjejnë diçka të tillë. Kam folur me djemtë, me secilin dhe mendojnë se duan të bëjnë diçka të mirë. Këtu e duan shumë futbollin.”

GRUPI – “Ka entuziasëm dhe dëshirë që unë e ndjej brenda vetes. Të paktën ngarkesa ime është e madhe, por lojtarët janë pozitivë dhe duan të bëjnë më të mirën. E di nga eksperienca, që mund të kemi mungesa, por kur grupi është i mirë edhe kur përballesh me një ekip të fortë ke shanse. Falënderoj Partizanin për katër lojtarët. Patëm mundësinë të shihnim edhe U-21, ishte e gjitha për të parë gjendjen fizike të lojtarëve. Stërvitja e vërtetë nis sot.”

LOJA – “Ekulibri i lojës kishte disa mungesa. Kur janë gjashtë lojtarë që bashkëpunojnë dhe dua të bashkëpunojnë gjithmonë është diçka që mund t’i japësh skuadrës.”

PRITSHMËRITË – “Prespektiva jonë është të bëjmë mirë. Objektivi i parë është që ekipi të jetë i besueshëm dhe kompakt. Luajmë ndaj Islandës një ekip i fortë, sidomos në ajër dhe do mundohemi të bëjmë më të mirën.”

29 LOJTARË TË GRUMBULLUAR – “Jo, absolutisht. Janë 11 lojtarë që mund të luajnë, qofshin 29, 27 apo 25 të grumbulluar. Lojtarët që janë grumbulluar duhet të jenë krenar, qoftë ai që luan apo ai që nuk luan. Mbetet për t’u parë ndeshja e parë dhe më pas do të shohim në vazhdim.”

MODULI – “Modulin e bëjnë lojtarët. Do mundohem të luaj me dy pika kyçe. Mbrojtësit kur humbet topi të jenë agresivë, si dhe të ruajmë filozofinë. Nuk po them që do të bëjmë një lojë ofensive, por do të shohim. Dua të luaj me dy sulmues. Pas ndeshjes në Islandë do i kem gjërat edhe më të qarta. Nuk e kam vendosur akoma modulin e lojës. Duke parë krahët që kemi dhe mesin e fushës që e kemi të mirë, mund të luajmë edhe me 3-5-2. Kemi Lenjanin, Roshin apo dhe Hysajn që punojnë mirë në krah.”

GJENDJA FIZIKE – “Unë do flas me secilin nga ata do t’i pyes nëse janë të lodhur apo jo. Në momentin që zbresin në fushë, dua të japin 200%.”

GJENDJA E GRUPIT – “Është një ekip që nuk ka luajtur akoma. Lojtarët janë të qeshur dhe të gëzuar. Trajneri është i ri dhe nga ana psikologjike grupi duhet të jetë mirë.”

SIGURIA NË REPARTE – “Siguri nuk kam në asnjë repart. Janë për t’u parë në vazhdim. Kam parë ndeshjen në Izrael dhe ka qenë një sfidë e mirë. Kam ardhur këtu të arrij diçka me entuziazëm dhe flas me djemtë.

NDËRTIMI I DIÇKAJE TË BUKUR – “Kam qenë shumë i kujdesshëm me gjuhët sidomos. Di shumë gjuhë, por shqip ende nuk kuptoj asgjë. Do të thotë që duhet të tregohem akoma më shumë i kujdesshëm. Në Friuli aty ku jetoj unë ka shumë shqiptarë dhe më kanë ndihmuar të ndërtoj shtëpinë, që shpresoj të mos shembet. Dua dhe unë t’u ndihmoj të ndërtoni, por shpresoj që të më jepni kohë për të arritur diçka të bukur.”

SHKOPI – “Bastuni godet fort atëherë kur duhet. Tani për tani duhet të gjej ekuilibrat e skuadrës. Kam takuar disa herë De Biazin dhe kam marrë gjëra pozitive. Nuk dua të flas keq për kolegët e mi, Panuçi ka bërë punën e tij dhe mendoj se ishte i pafat. De Biazi ka karakterin e tij, Panuçi të tijin dhe unë kam karakterin tim. Nëse duhet shkopi do ta përdorim, jo gjithmonë.”

Bie në sy mungesa e Berat Gjimshitit, ndërkohë rikthehet Cikalleshi, si dhe është përfshirë Kristi Qose në listë. Gjithashtu, rikthim edhe për Odise Roshin, i cili ka lënë pas periudhën e dëmtimit. Siç ishte thënë dhe më parë, Tomas Strakosha nuk do të jetë pjesë si pasojë dëmtimi, ndërsa vendin e tij do ta marrë portieri i Laçit, Gentian Selmani.

Trajneri i ri e ka nisur me një grumbullim ndryshe nga herët e tjera. Sot ka filluar etapa e parë e përgatitjes së këtyre dy ndeshjeve tepër të rëndësishme. Italiani ka vendosur të grumbullojë 10 lojtarë, të cilët kanë përfunduar sezonin me ekipet përkatëse.

Trashi, Telushi, Mala dhe Hoxha janë ftesat nga Superiorja, ndërsa stërvitja e parë do të zhvillohet sot në orën 17:00. Një javë do të punojë trajneri me këta lojtarë në kompleksin Tropikal në Durrës, ndërsa grupi do të plotësohet nga 12 futbollistë të ekipit U21.

Sipas lajmërimit të FSHF-së, stërvitja e fundit do të zhvillohet të shtunën paradite dhe Reja do të dalë të hënën e 27 majit në konferencë për shtyp, aty ku do të bëjë publike edhe listën zyrtare të lojtarëve të grumbulluar për dy sfidat kundër Islandës dhe Moldavisë.

Ndërkohë, veç 9 emrave që ishin zbuluar ditë më parë, tashmë Supersport raporton se nga Superiorja do të jetë i grumbulluar edhe Bruno Telushi. Ky i fundit ka qenë pjesë e kombëtares edhe në të shkuarën. Titulli kampin te Partizani dhe paraqitjet e tij kanë bindur edhe Rejën ta hedhë një sy edhe nga vlonjati.

Grumbullimi prej datës 20 maj: Kastriot Dermaku (Kozenca), Enea Mihaj (Panetolikos), Marash Kumbulla (Hellas Verona), Mërgim Mavraj (Ingolshtad), Ergys Kaçe (Panathinaikos), Amir Abrashi (Frajburg), Migjen Basha (Aris), Emanuele Ndoj (Breshia), Eros Grezda (Rejnxhërs), Bruno Telushi (Partizani), Lorenc Trashi (Partizani)

PLANI I EDI REJËS PËR GRUMBULLIMIN
21 maj – 2 qershor, Durrës
2 qershor – 6 qershor, Frankfurt
6 qershor – 7 qershor, Rejkjavik
8 qershor, ndeshja Islandë-Shqipëri
11 qershor, ndeshja Shqipëri-Moldavi

A2CNN raporton për një grumbullim që nis në Durrës me nëntë futbollistë dhe bie në sy emri i Marash Kumbullës, mbrojtësit shtatlartë që është pjesë e klubit të Veronës në Itali. I riu ishte edhe në planet e Panuçit, por u dëmtua para ndeshjeve me Turqinë dhe Andorrën. Do të rikthehet edhe Mërgim Mavraj, i cili ka edhe një ndeshje pezullim për të shlyer. Ndaj Islandës nuk luan dot, por më 11 qershor me Moldavinë vetëm një vendim i trajnerit mund ta lërë jashtë.

GRUMBULLIMI DHE LISTA – Nëntë futbollistë do të vihen nën urdhrat e Rejës më 20 maj. Ata do përgatiten deri më 2 qershor në Tropikal Resort në Durrës dhe më pas do të zhvendosen në Gjermani, konkretisht në Frankfurt. Kuqezinjtë, të plotë këtë herë, do të punojnë për 4 ditë aty dhe më pas mbete një seancë para ndeshjes, që do të zhvillohet në Rejkjavik.

Grumbullimi prej datës 20 maj: Kastriot Dermaku (Kozenca), Enea Mihaj (Panetolikos), Marash Kumbulla (Hellas Verona), Mërgim Mavraj (Ingolshtad), Ergys Kaçe (Panathinaikos), Amir Abrashi (Frajburg), Migjen Basha (Aris), Emanuele Ndoj (Breshia), Eros Grezda (Rejnxhërs)

PLANI I EDI REJËS PËR GRUMBULLIMIN
20 maj – 2 qershor, Durrës
2 qershor – 6 qershor, Frankfurt
6 qershor – 7 qershor, Rejkjavik
8 qershor, ndeshja Islandë-Shqipëri
11 qershor, ndeshja Shqipëri-Moldavi

“Gardiani” kuqezi beson se tekniku italian do fokusohet në aspektin e lojës mbrojtëse, por edhe atë psikologjik ku më e rëndësishmja është që rikthehet harmonia dhe vetëbesimi në skuadër.

EDI REJA – “Kam pasur rastin të punoj me Rejën rreth 6 ose 7 muaj kur ishte trajner te Lacio. Ka shumë kualitete në pjesën e mbrojtjes. Në ato 6 muaj kemi mësuar shumë, me ardhjen e tij ndryshuan shumë gjëra dhe u rikthyem te rezultatet pozitive”.

“Karakteristikë e tij është loja mbrojtëse, diçka që na shkon përshtat dhe ne pasi i kemi të gjitha karakteristikat e mundshme. Kam pasur mundësinë ta takoj para disa ditësh dhe më është shfaqur shumë optimist dhe ka pasur shumë dëshirë që të marrë kombëtaren tonë. Shpresoj të na ndihmojë në arritjen e objektivave tona”.

“Unë mendoj se me ardhjen e Rejës do të fokusohemi më shumë në fazën mbrojtëse. Në njëjtën kohë duhet të mendojmë dhe për fazën sulmuese, pasi nëse nuk shënon gola nuk mund të shkosh në Europian. Gjithsesi unë besoj se pikënisja është mbrojtja  më pas mund të punosh me repartet e tjera”.

“Na tha se e kishte të vështirë që të shikonte një ekip që ishte në vështirësi dhe nuk kishte reagim. Ndoshta është kjo arsyeja përse ai e ka marrë këtë post. Jo vetëm për të përgatitur lojën, por edhe të punojë nga ana psikologjike e të rikthejë harmoninë në ekip. Një fitore në ndeshjen e radhës do të na ndihmonte për moralin, por edhe për mundësitë tona për t’u kualifikuar në Europian”.

NDESHJA KUNDËR NAPOLIT – “Jemi përgatitur jashtëzakonisht mirë dhe e dimë rëndësinë e këtij takimi. Do të hyjmë për fitore. I dimë aftësitë tona dhe se përballë kemi një kundërshtar shumë të fortë. Besoj se nga  ana e motivimit jemi më të avantazhuar”, tha Berisha.

Sigurisht për të ndjekur Tiranën, ekipin në të cilin u aktivizua për tre sezone dhe fitoi titullin kampion, të fundit në kampin bardheblu. Xholi i kombëtares analizon duelin kundër Kukësit. Bardheblutë ndodhen në një moment të vështirë, por Lila nuk e mendon mbijetesën, për të mirën e Tiranës dhe futbollit shqiptar.

Zgjidhja janë gjaku i ri, pra puna e mirë me akademitë. Në fund trajneri i ri i kombëtares, Edi Reja. 33-vjeçari beson te eksperienca dhe puna e tij dhe ka një dëshirë të madhe për kombëtaren kuqezi.

Andi, ndoqët Tiranën nga stadiumi. Çfarë prisnit dhe çfarë nuk shkoi sipas jush?
-Faktikisht erdha pjesën e dytë, pasi nuk arrita ta kap dot pjesën e parë. Pashë një lojë ku Tirana e kërkoi golin e barazimit në të gjitha mënyrat, por edhe pak fati i mungoi në rastin kur Imami doli tek për tek me portierin. Normalisht po të shfrytëzohej ai rast rrjedha e lojës mund të ishte tjetër. Gjithsesi Kukësi ka një ekip për t’u lavdëruar, luan futboll dhe me atë që kam parë është ekip që ka besim te vetja, është ekip me personalitet dhe luan shumë mirë futboll. Fitoi dhe ai që e bën këtë është më i miri.

Sa e shikoni Tiranën të rrezikuar?
-Nuk e mendoj që Tirana me këtë grup që ka, me këto kualitete, të jetë në këto pozita që është. Duhet të ishte pak më mirë, ose shumë më mirë se sa sot. Nuk mendoj se Tirana mund të rrezikojë rënien nga kategoria. Kjo pasi i ka kualitetet brenda, dinë të luajnë futboll dhe kanë treguar se kanë bërë shumë ndeshje të mira. Ndodh që në një ndeshje të mos jesh në ditën tate. Mendoj se Tirana do vazhdojë përpara. Keqardhje ndjej për çdo skuadër që bie nga kategoria, pasi unë jam futbollist vetë dhe e ndjej. Më ka ndodhur edhe mua. Normalisht nuk do i bëhej mirë kampionatit shqiptar, pasi Tirona është Tirona, është histori më vete. Respekt për të gjitha skuadrat, por Tirana, që nuk e lavdëroj se kam qenë me ta, e meriton. Kampionati shqiptar është ndryshe me Tiranën dhe pa Tiranën.

Keni disa vite që jeni larguar nga kampionati shqiptar, si e shikoni zhvillimin e tij gjatë kësaj periudhe?
-Kampionati shqiptar është rritur ndjeshëm nga koha kur ishim ne. Tani pothuajse çdo skuadër ka fushën e vet ku të luajë ndeshjet. Më përpara disa fusha nuk i përmbushnin kushtet dhe nivelin e duhur. Kampionati shqiptar ka një rritje. Janë 10 skuadra dhe ky sistem nuk të jep kohë të gabosh. Dua të them që niveli është rritur, duke parë edhe talentet që dalin vit pas vit dhe shiten jashtë vendit. Kjo është gjë pozitive. Normalisht që ka nevojë për punë nga ana e të gjithëve, por është në rrugën e duhur. Një kampionat i mirë këtu, është gjë e mirë edhe për kombëtaren. Kështu dalin edhe lojtarë më të mirë për kombëtaren.

Andi, si mund të kthehet Tirana te rruga e titullit?
-E kujtoj me nostalgji vitin 2009 kur u shpallëm kampion me Tiranën. Futbolli mund them se evoluon, është gjithmonë në përmirësim, por atë kohë e kujtoj me nostalgji. Ishim një ekip me lojtarë shumë të mirë, pothuajse tetë lojtarë ishim pjesë e kombëtares. Mund të them se që të shkojë Tirana në ato nivele, e para duhet të investojë shumë në akademinë e saj. Tirana nxjerr shumë talente, pasi është qyteti numër 1 dhe skuadra numër 1. Nuk duhet ta humbë kurrë ADN-në e saj, e ka në ADN grintën. Duhet investuar tek akademitë, t’u japë dorë të rinjve dhe pastaj të mendohet mirë në përzgjedhjen e lojtarëve. Në atë kohë ishte Tirana që merrte më të mirët, siç ka qenë Skënderbeu këto vitet e fundit. Por i mëshoj akademisë, gjaku bardheblu do vëmendje. Çdo ekip nga të rinjtë duhet të nisë. Jam partizan se gjaku i ri duhet të futet.

Ka ndryshuar edhe trajneri i Kombëtares, Edi Reja ka zënë vendin e Panuçit. Çfarë mund të na thoni?
– Çdo ndryshim është për të mirën e punës dhe mendoj se trajneri i ri që ka ardhur, me eksperiencën që ka do të bëjë shumë gjëra pozitive. Kam bindje absolute për këtë. Ai e ka treguar veten në disa skuadra ku ka qenë. Shpresoj të kthehemi aty ku ishim dhe ku duan të gjithë shqiptarët, të kthehet ai qejfi i madh që kishim në vitin 2016, 2015, në gjithë kualifikueset. E gjithë vëmendja ishte te kombëtarja dhe ishte diçka shumë e mirë. Dua që të rikthehemi sërish dhe Shqipëria të shkojë në një eveniment të madh botëror, pasi janë të gjitha mundësitë. Talente ka, futbollistë ka dhe ekziston mundësia që ne të jemi sërish aty ku ishim. Dua të përsëritet ai entuziazmi, pasi ishte diçka e paharrueshme. Në karrierën time ishte gjëja më e mirë që më ka ndodhur.

“I uroj mirëseardhjen trajnerit të ri. Nuk është se ka nevojë për shumë prezantim, ju e njihni dhe i keni publikuar të dhënat e tij. E falënderoj që pranoi ofertën tonë. Padyshim që uroj që së bashku me stafin e tij të bëhet një punë e mirë dhe të kemi një paraqitje të mirë.

Mendoj se kemi elementë cilësorë. Kemi lojtarë që luajnë në ekipe të mira. Kanë nevojë për motivim, për frymë grupi. Reja me eksperiencën që ka mundet t’ua japë motivimin dhe vendosjen në fushë“, tha Duka.

“Jemi takuar pas ndeshjes, patjetër i kam kërkuar një opinion. Shkëmbyem mendime sportive. Nuk e kam menduar atëherë, por pastaj lindi si ide. Kam qenë në Bolonja dhe jam takuar, është thënë në media. Ajo që më ka bindur më shumë është eksperienca e madhe dhe mënyra se si i ka trajtuar problemet në tavolinë. Por edhe njohja e lojtarëve tanë, jo vetëm të atyre që ishin në Shkodër”.

“Lenjani? Në dy këndvështrime nuk do i thosha jo. E para më ka gëzuar mua edhe ju me kontributin e dhënë në këto 7-8 vite. E dyta, nëse do thosha jo,  do kushtëzoja trajnerin në zgjedhje. E treta, po e shtoj edhe këtë, atij i ka shkuar ftesa shumë jashtë afateve të përcaktuara nga FIFA”.

Firma ende nuk ka ardhur, edhe pse ka dëshirë për bashkëpunim. Ana financiare është vendimtare. Dihet që FSHF nuk i ka të pafundme burimet financiare dhe në këtë aspekt jemi të limituar. Kjo ka bërë që edhe shumë pista të binin poshtë. Kërkesat e tyre financiare i kalonin 400 mijë eurot dhe për ne ishin “mollë e ndaluar”.

Telesport raporton se Reja nga ana e tij ka kërkuar një muaj kohë që të përgatisë ekipin për në qershor. Kështu, duhet pritur fundi i këtij muaji për të nënshkruar kontratën që i lidh palët zyrtarisht. Gjatë kësaj periudha Duka do të ketë një tjetër mision dhe lidhet me përfitimet që Reja dhe stafi i tij do të marrë.

Vetë Reja kërkon 25 mijë euro në muaj, 5 mijë më shumë se sa Panuçi merrte së bashku me stafin e tij. Tekniku italian do të ketë edhe ndihmës italin, Alesandro Kalorin, i cili së fundmi është shkarkuar nga Ternana. Në total marrëveshja shkon në 300 mijë euro dhe po bisedohet për detajet. Objektivi është ulja e shifrës që kërkon Reja, sigurisht duke vendosur klauzola në varësi të objektivave.

Ai ka folur edhe për ndeshjen Shqipëri-Turqi, teksa ka deklaruar: “Ka qenë një ndeshje e mirë për Shqipërinë për rreth 15 minuta, më pas skuadra pati vështirësi dhe i mungoi konkludimi i rasteve”. I ngacmuar në lidhje me një bashkëpunim të mundshëm me FSHF-në, Reja thotë: “ Jo, jo nuk flas për këtë”.

Tekniku italian, tashmë 73 vjeç, i ka thënë këto fjalë ditën e djeshme, pa ardhur zyrtarizimi i largimit të Kristian Panuçit. Ditën e djeshme në Shkodër ai është takuar edhe me presidentin e FSHF-së, Armand Dukën. Reja shoqërohej nga menaxheri i njohur shqiptar, Shkumbin Qormemeti.