Ndërkohë, gjatë orëve të fundit po flitet se skuadra favorite për të afruar Çanin është Alesandria. Skuadra nga veriu i Italisë, nuk po kalon një moment të mirë, teksa ndodhet e 14-ta në renditjen grupit A të Serie C.

Në rast se transferimi i Çanit te klubi nga Piemonte do të realizohet me sukses, numri i shqiptarëve te Alesandria do të shkojë në dy, pasi aktualisht në atë skuadër aktualisht aktivizohet dhe qendërmbrojtësi 20-vjeçar Kleto Gjura.

Pistoiese është klubi i radhës që lakohet si opsion për të ardhmen e sulmuesit. Sigurisht më parë ai duhet të zgjidhë kontratën me Vibonezen nëse do të largohet. Hapësirat nuk i ka pasur të shumta, pasi vetëm 6 ndeshje nga 16 i ka nisur si titullar.

Gazetta dello Sport përfshin në listën e klubeve që interesohen për Çanin edhe Olbian, Arzakenën, Teramon dhe Virtus Veronën. Vjet sulmuesi provoi një eksperiencë në Superiore me Partizanin, por që rezultoi një zgjedhje e gabuar.

Ai shënoi vetëm një gol, kurse më pas lojtari u la jashtë listës për ndeshjet e Europës, një sinjal i qartë se palët duhet të ndërprisnin kontratën. Diçka e tillë ndodhi dhe Çani më pas u kthye në Itali, ku tanimë është në qendër të merkato në Serie C.

Sulmuesi i shumëshëtitur në klube italiane dhe jo vetëm, realizoi pas më shumë se një muaji dhe ishte vendimtar për Vibonezen. Në minutën e 30-të ai arriti të befasonte portierin mik, i cili në shtyllën që duhet të ruhej nga goli e pësoi.

Deri në fund rezultati mbeti i pandryshuar dhe Viboneze mori fitoren e shtatë në kampionat. Pas 18 javësh renditet në vendin e tetë me 26 pikë, ndërkohë që për Çanin goli i shënuar ishte i dyti për këtë sezon në kampionat.

Pas ndeshjes, Çani ka folur për mediat dhe golin ia ka dedikuar të dashurës së tij Kiarës. Më pas ai theksoi se nuk e tremb aspak konkurrenca në sulm, por e motivon për të bërë edhe më mirë. Sulmuesi thekson se ka qenë gjithmonë një luftëtar.

“Nuk më shqetëson aspak, por më stimulon. Konkurrenca rrit nivelin në përgjithësi, pasi i mban të gjithë në “gjemba”. Jam një futbollist i cili di të japë më të mirën në momentet më të vështira, pasi në jetën time nuk kam gjetur kurrë rrugë të sheshta. Kam qenë gjithmonë një luftëtar”, u shpreh Çani para mediave.

“Dedikimi? Për të dashurën time Kiara, që më ka qëndruar pranë dhe më duron, edhe kur kam momente nervozizmi”. Për sulmuesin ky ishte goli i parë me fanellën e Vibonezes, ndërkohë që para ndeshjes së sotme ai kishte luajtur në total 7 ndeshje, 2 prej të cilave i kish nisur si titullar. Kundër Frankavila ai zbriti në fushë në minutën e 29-të të pjesës së dytë dhe pas dhjetë minutash shënoi.

PERIUDHA E PUSHIMIT – “Këto dy javë na kanë shërbyer për t’u rikuperuar disa lojtarë, por edhe për të pasur ide më të qarta. Kemi pasur prurje dhe kjo periudhë u ka shërbyer. Por siç na ka shërbyer ne, u ka shërbyer edhe të tjerëve”.

LAÇI – “Meriton fjalë të mira, pasi është një ekip i fortë. Sidomos në fushën e vet. Është një ndeshje e vështirë, ne jemi përgatitur gjatë gjithë kohës. Kemi qellim të qartë, shkojmë për fitore. Fusha tregon çdo gjë.

AFRIMET E REJA – “Çinari shënoi në Pukë, është mirë kur një sulmues shënon. Normal edhe ne u kënaqëm. Çdo gjë do kohën e vet, po stërvitet mirë ai dhe gjithë të tjerët. Kjo më kënaq mua si trajner. Përzgjedhja jonë është pak e vështirë, kemi disa lojtarë në një pozicion. Të gjithë duhet të presin kohën dhe momentin e duhur. Me rëndësi që të jenë të gjithë në 100% të formës së tyre”.

FORMACIONI – “Nuk do ketë shumë ndryshime. Në Pukë u dhamë hapësira disa lojtarëve, disa bënë mirë, disa jo. Hebaj nuk ka luajtur, pasi ishte me ekipin kombëtar. Megjithatë jam shumë i kënaqur që është rikthyer, duke i uritur dhe gati të japë maksimumin. Është vetëm 20 vjeç, e kam thënë disa herë, nuk e ngarkojmë dot si duhet. Ekipi duhet ta mbështesë më shumë. Gjërat do rregullohen. Mundohem të bëj lojë në grup, të kemi ekuilibër. Shpresoj në Laç të bëjë të mirë”.

BARAZIMI – “Humbja është negative, çdo rezultat tjetër jep pikë. Do isha i kënaqur të fitoja, do e pranoja edhe barazimin. Humbja nuk është e mirë për askënd. Është vetëm java e katërt, nuk vendoset tani. Duam të mos shkëputemi nga vendet e para”.

ÇANI – “Unë nuk kam çfarë bëj koment, është diçka që i përket së kaluarës. Shumë njerëz mund të largohen dhe të bëjnë romane pas 10 vitesh. Kam bërë atë që kam menduar më të drejtë për klubin dhe për ekipin si trajner. Kur je lider duhet të marrësh vendime. Në çdo konferencë pyetet për Çanin, ai sot është në Itali dhe i uroj suksese. Për pjesën tjetër i takon klubit të përgjigjet, unë teknikisht kam bërë atë që kam menduar se ishte më e drejtë”.

SURPRIZË NË MËRKATO – “Klubi është munduar deri në fund, jam i fokusuar te ky grup. Kam afruar disa elementë nga ekipi i dytë dhe nga moshat. Nëse vjen dikush, është i mirëseardhur. Shpresoj të na ndihmojë”.

RIVALËT – “Kemi humb në të 92’, i kam parë ndeshjet në transfertë. Asnjë ekip nuk ka bërë spektakël. Kjo më bën optimist se jemi shumë afër. Mendoj se duke u konsoliduar do dalim aty ku duam”.

GJENDJA E TË AFRUARVE – “Disa ende nuk janë gati, nuk e kemi ditur gjendjen e tyre. Gradualisht po rriten. Çinari për shembull ka vetëm dy javë me ekipin. Kemi edhe Lukas, është në fazë rikuperimi. Nuk presim tani kontributin e tij, po përgatitet. Sot nuk është pjesë e planeve, duam të jetë gati sa më shpejt”.

Tashmë Çani është kthyer në Itali dhe do të luajë në Serinë C me skuadrën e Vibonezes. Ditën e djeshme, në një miqësore kundër Vigor (klub i Serisë D), sulmuesi shqiptar ka shënuar golat e fitores. Ai e nisi nga stoli.

Takimi ishte barazim 1-1 dhe në minutën e 55-të dhe të 76-të Çani ka realizuar dy herë dhe i ka dhënë triumfin skuadrës së tij. Sulmuesi do kërkojë të tregojë që ende ka për të dhënë në futbollin e luajtur dhe se aventura e tij me Partizanin ishte vetëm një “ëndërr e keqe”.

Prej ditësh në Itali raportohej për tratativat mes Vibonezes dhe Çanit, që në fakt konfirmoheshin edhe nga burime pranë sulmuesit. Tanimë është “Gazzetta dello Sport” në Itali që e bën të kryer kalimin e sulmuesit në klubin e Serisë C.

Sipas gazetës italiane është mbyllur gjithçka dhe ka mbetur vetëm zyrtarizimi. Çani do kërkojë të harrojë sezonin e fundit në Shqipëri. Dëmtimi e penalizoi atë, por më pas nuk pati shumë hapësira, duke mos treguar vlerat e tij.

“Zoom24.it” shkruan për tratativat mes Çanit dhe klubit të Vibonezes, që garon në Serinë C. Sulmuesi ka luajtur edhe më parë në këtë nivel të futbollit italian me Pizën. Kështu, pas një sezoni në Superiore, 29-vjeçari bën prapakthehu. Më shumë mundësi në Shqipëri nuk do e shohim më pas asaj që kaloi te Partizani.

“Klubi njofton përfundimin e bashkëpunimit me Edgar Çanin. Sulmuesi 29 vjeçar dhe klubi kanë vendosur të ndërpresin me mirëkuptim marrëveshjen mes palëve. Çani ishte pjesë e skuadrës përgjatë sezonit 2017 – 2018. Klubi i uron njëkohësisht Edgar Çanit suksese në karrierën e tij sportive”, shkruhet në njoftimin e klubit.

Çani vjet u morë si goditja e madhe për sulmin, por shënoi vetëm një gol. Në fakt ai u aktivizua pak, për shkak se në fillim pati një dëmtim. Më pas pati edhe probleme me trajnerin Klevis Dalipi. Tashmë sulmuesi do të kërkojë të vijojë karrierën jashtë vendit.

Përfundimin e dinë të gjithë: Çani mungoi për një kohë të gjatë, çka tregoi se lajmi i nxjerrë në media dhe në “Sport Ekspres” nuk ishte i rremë. Tashmë ka sërish një çështje me sulmuesin dhe lidhet me kontratën e 29-vjeçarit, që tanimë nuk është më në plane.

Luçiano Moxhi kohë më parë arriti deri aty sa deklaroi që nëse sulmuesi nuk bëhej gati në afatin e caktuar, do të ndërpritej kontrata. U tejkalua afati dhe Çani mbeti pjesë e Partizanit. Ai që e ka pësuar duket se është Moxhi, që nuk e kemi parë më vërdallë të na flasë për projektin e të rinjve me të kuqtë që do të ishin si një Juventus i Shqipërisë.

T’i rikthehemi Çanit. Sulmuesi nuk është në planet e klubit: nuk është ai që kishin menduar, paguhet shumë. Ndoshta është e vërtetë, por askush nuk i ka detyruar të kuqtë të firmosin me të. Kontrata është kontratë dhe duhet respektuar. Sulmuesi madje ka pranuar të stërvitet edhe i vetëm më Marko Jovanoviç, ndërkohë që nuk do i thotë jo as kalimit tek ekipi i dytë.

Para ndeshjes me Mariborin, trajneri Skënder Gega deklaroi se sulmuesi nuk kishte formën e duhur. Po Stefan Nikoliç e kishte? Gjithsesi, ky i fundit, pa u parë fare, u përfshi në listën e ndeshjeve të Europa League. Largimi i tij pak ditë më parë i thotë të gjithë!

Por e bukura tjetër qëndron edhe te fakti që Edgar Çani u la pushim gjatë kohës që ekipi përgatitej për ndeshjet me Mariborin. Si mund të ndodhë diçka e tillë me një lojtar që është jashtë forme?! Në një klub normal ai do të punonte edhe më shumë për të kapur ritmin e shokëve dhe për të dhënë më të mirën për klubin që e paguan, madje sa “qimet e kokës”.

Ndërkohë që shkruhet e shkruhet për Edgar Çanin, në klubin e kuq heshtin. Askush nuk del më të sqarojë situatën, që në fakt e dinë të gjithë: sulmuesi nuk është në plane dhe te Partizani presin që ai të lodhet dhe të kërkojë vetë largimin. Sigurisht e gjitha për të kursyer disi në aspektin financiar. Ndoshta duhet të shkruajmë sërish që u dëmtua dhe më pas mjeku i të kuqve të dalë e të bëjë ndonjë sqarim… /VLADIMIR PRENGA/

Sulmi është “nyja” që duhet zgjidhur dhe momentalisht çështja “Çani” rëndon për klubin, pasi sulmuesi u la jashtë listës për Europën, madje gjatë kësaj periudhe nuk është stërvitur me ekipin. Ndërprerja e kontratës me Edgar Çanin do të jetë misioni i parë i vështirë për të zgjidhur.

Paga e tij e lartë është “barrë” që klubi do ta heqë, por nga ana tjetër edhe sulmuesi zor se do të largohet pa një dëmshpërblim, pasi ka kaluar një sezon të dështuar në Superiore, çka ia ul vlerat në treg. Në këtë mënyrë do të duhet të ofrohet një ujdi bindëse nga klubi për mbyllur bashkëpunimin.

Misioni tjetër është gjetja e një sulmuesi cilësor. Stefan Nikoliç, malazezi i marrë këtë verë, është shumë larg pritshmërive. E shkuara e tij dihej, por edhe shifrat flisnin vetë: një sezon më parë kishte shënuar vetëm një gol në kampionat. Tani duhet të kërkohet një tjetër, ndryshe sytë do jenë nga Progni, Asani dhe Bardhi, që të tre lojtarë anësorë.