eder

Kina, ambientimi dhe… paratë: “Ish”-i i Interit i thotë të gjitha

Sport Ekspres — Sat, 02 Mar 2019 08:00:11 +0000

Pasi ka luajtur për Sampdorian dhe me Interin në Serie A për shumë vite, braziliani Eder ishte futbollisti i radhës që u largua drejt Kinës. Në një intervistë për Xhanluka di Marzion, Eder ka treguar vështirësitë që po kalon në Kinë, futbollin që luhet atje dhe ambientimi i tij dhe i familjes, ku tha dhe diçka interesante.

KAMPIONATI – “Të thuash që e fiton lehtë, është gabim. Shumë skuadra po investojnë dhe futbolli këtu është shumë kompetitiv. Mos me keqkuptoni, nuk dua të them që është në të njëjtin nivel me kampionatet europiane, por nuk është aq keq sa mendojnë disa njerëz”.

AMBIENTIMI – “Shumë i vështirë. Të jetosh në Kinë duhet të mësosh kulturën e tyre, gjuhën, zakonet. Në të kundërt, të anashkalojnë. Bashkëshortja ime po e mëson gjuhën, e ka pasion. Unë? As që bëhet fjalë. Është diçka shumë e vështirë dhe nuk e mësoj dot. Ndoshta duhet të bëhem si bashkëshortja ime (qesh)”.

PRESIDENTI – “Kemi pasur një takim me presidentin Zhang dhe është një njeri i jashtëzakonshëm. E do shumë futbollin dhe kjo gjë na motivon dhe ne futbollistëve. Pastaj, financat dihet, që nuk janë aspak problem këtu në Kinë”, përfundoi Eder.

VIDEO | Gjest i veçantë në Champions, tifozët e Portos në këmbë për kundërshtarin

Sport Ekspres — Wed, 07 Nov 2018 12:11:33 +0000

Mbrëmja e 10 korrikut e vitit 2016 ka hyrë në historinë e Portugalisë, pasi kombëtarja e futbollit luzitane fitoi kampionatin evropian, duke fituar 1-0 në kohën shtesë ndaj organizatorëve të Francës. Autori i golit ishte Eder, i cili shënoi në minutën e 109-të, duke shkruar emrin e tij në librat e historisë portugeze.

Pikërisht sulmuesi Eder, është bërë protagonist një natë më parë, teksa në ndeshjen mes Portos dhe Lokomotivës së Moskës, në minutën e 71-të doli nga loja për t’i lënë vendin Fedor Smolov. Në momentin që 30-vjeçari po dilte nga fusha, është duartrokitur nga i gjithë stadiumi “Dragao”, në shenjë mirënjohje.

Një gjest me të vërtetë fantastik nga tifozët e Portos, të cilët e vlerësojnë atë që Eder bëri për kombëtaren portugeze finalen e 10 korrikut. Për sa i përket ndeshjes, Porto triumfoi thellë me shifrat 4-1 ndaj rusëve, të cilët mbajnë vendin e fundit në grup pa marrë asnjë pikë.

Eder sërish hero, kësaj radhe shënon golin e vitit në Rusi

Sport Ekspres — Thu, 27 Sep 2018 15:29:43 +0000

Sulmuesi portugez, Eder, do të mbahet mend gjatë për golin e tij në finalen e Euro 2016-ës, që i dha trofeun përfaqësueses luzitane. Prej dy vitesh Eder luan në kampionatin rus me skuadrën e Lokomotivës së Moskës

Ditën e djeshme, 30-vjeçari shënoi një gol fenomenal në takimin e Kupës së Rusisë ndaj skuadrës së Baltikës. Një finalizim fantastik me një gjysmë rrofeshatë në ajër dhe nga një largësi e konsiderueshme. Jo keq për një lojtar që kishte që nga fillimi i sezonin pa gjetur rrugën e rrjetës.

Eder ndahet me Interin, por mbetet brenda “familjes”

Sport Ekspres — Wed, 11 Jul 2018 14:15:56 +0000

Javët e fundit kanë qenë të mbushura me afrime nga më të bujshmet në klubin zikaltër. Por, tek Interi ka ardhur koha për të bërë disa spastrime dhe i pari që do ta pësojë është sulmuesi italiano-brazilian Eder, i cili me ardhjen e dyshes së sulmuesve Martinez dhe Politano nuk më hapësira për aktivizim.

31-vjeçari i jep fund aventurës së tij te zikaltrit pas dy sezonesh (e gjysmë), ku në të shumtën e rasteve u aktivizua nga stoli. Me Interin Eder arriti të fitojë dhe një vend në kombëtaren e Italisë ku arriti të merrte një vend formacioni në Italinë e drejtuar asokohe nga Antonio Konte.

Destinacioni i ardhshëm i sulmuesit do të jetë klubi Xhiangsu Suning, i cili është në pronësi të pronarit aktual të Interit Zhang Xhindong, pra mund të thuhet se kemi të bëjmë me një transferim brenda “familjes” zikaltër.

Braziliano-italiani e ka pranuar destinacionin kinez, sipas SkySport, që raporton se Interi do të përfitojë 5 milionë euro, ndërsa Eder do të firmosë për 2 vite e gjysmë, me 27 milionë euro bruto në total.