Sot ka qenë dita e prezantimit të tij. Lojtari i ardhur nga Porto për shumën e 50 milionë eurove firmosi një kontratë 6-vjeçare me Realin dhe zgjodhi këto fjalë përpara tifozëve të rinj.

“Kemi një skuadër të madhe dhe një grup fantastik, të cilit i shtohet sot një nga mbrojtësit më të mëdhenj në botë. Mirë se vjen Eder Militao”, tha Florentino Perez përpara se ta merrte fjalën lojtari i kombëtares braziliane.

“Kam dashur të luaj me klubin më të mirë në botë që kur isha fëmijë. Falënderoj presidentin dhe shokët e skuadrës. Do të jap shpirtin në fushën e blertë dhe tifozëve ju them që do të shihni një lojtar shumë kompetitiv dhe të fortë. Shpresoj të shijojmë një sezon fantastik dhe dua të bëhem pjesë e historisë së Realit.

Nuk kam vendosur akoma për numrin dhe nuk kam biseduar nga afër me trajnerin Zidan, por do e bëj së shpejti. Hala Madrid”, tha Militao, prezantimit i të cilit u mbyll përpara kohe. “Jam pak i trullosur dhe po largohem”, tha mbrojtësi 21-vjeçar, i cili ndërpreu prononcimin e tij dhe u largua nga salla e konferencës për shtyp.

? Militao se marea y su presentación tiene que acabar antes de lo previsto.

? #Golazo pic.twitter.com/6pJa73fBEY

— El Golazo de Gol (@ElGolazoDeGol) July 10, 2019

Qendra e mbrojtjes te Reali, zor se mund të lëvizë, pasi Serxho Ramos dhe Rafael Varan janë titullarë të padiskutueshëm. Kjo sjell që Militao të qëndrojë në stol osë të luajë në krah. Gjithsesi, ardhja e tij në Madrid, bën që të largohen dy lojtarë të mbrojtjës, të cilët janë produkt i akademisë së madrilenëve.
Bëhet fjalë pikërisht për Hesus Vajehon dhe Naço Fernandez. 22-vjeçari duket një largim i sigurt, pasi hapësirat për të kanë qenë thuajse inekzistente, ndërsa për Naçon situata paraqitet pak më ndryshe. Në rast se Militao do të luajë në krah dhe nuk do të jetë alternativë e Ramos apo Varan, atëherë 29-vjeçari spanjoll pritet të qëndrojë përsëri në Madrid.

Brazilianit iu deshën vetëm pesë muaj për të bindur drejtuesit e Real Madrid për të bërë investimin madhor. Megjithatë, 21-vjeçari nuk është një futbollist pa të meta.

Ashtu si një pjesë e madhe e futbollistëve nga Amerika e Jugut, Militao është një frekuentues i rregullt i klubeve të natës, madje një muaj më parë ka qenë protagonist i një incidenti që solli përjashtimin e tij nga skuadra e Portos për një ndeshje.

Një ditë para ndeshjes me Tondelën në muajn shkurt, Militao qëndroi duke festuar në një klub nate në Porto deri në orët e para të mëngjesit. Sapo e morën vesh këtë lajm drejtuesit e Portos e pezulluan me një ndeshje.

Eder Militao është zyrtarisht një lojtar i Realit të Madridit. Braziliani do të transferohet verën e këtij viti në “Bernabeu”, me madrilenët që paguajnë plot 50 milionë euro te Porto. Mbrojtësi ka rënë dakord për një kontratë 6-vjeçare.

Gjithashtu, nga ky transferim përfiton dhe Sao Paolo, pasi 3.5% e shumës, nga rregullat e FIFA-s i kalojnë klubi ku është formuar. Brazilianët gjithashtu kishin mbajtur dhe 10% të kartonit dhe tashmë ata do të përfitojnë gati 7 milionë euro, me përfitimet e tjera që kalojnë te Porto.

Biznes i shkëlqyer për Porton, që pagoi 4 milionë euro te San Paolo për kartonin e lojtarit, ndërsa klubi brazilian do të përfitojë 10% të shumës së paguar nga Reali (5 milionë euro). Militao, i cili debutoi me kombëtaren e Brazilit në miqësoren e 12 shtatorit të kaluar kundër El Salvadorit, cilësohet si një nga mbrojtësit e së ardhmes, ndërsa deri tani ka zhvilluar 25 ndeshje me “Dragonjtë” dhe ka shënuar 2 gola (një në Champions kundër Shalkes).

Kjo është blerja më e shtrenjtë që Perez ka paguar për një lojtar difensiv në dhjetë vitet e fundit. Kreu i klubit spanjoll nisi aventurën e dytë si president i Realit me datë 1 qershor të vitit 2009 dhe që nga ajo periudhë, Perez ka shpenzuar 226.5 milionë euro për repartin e mbrojtjes.

Raul Albiol nga Valencia (2009) për 15 milionë euro
Rikardo Karvajo nga Çelsi (2010) për 8 milionë euro
Rafael Varan nga Lens (2011) për 10 milionë euro
Fabio Koentrao nga Benfika (2011) për 30 milionë euro
Daniel Karvahal nga Leverkuzeni (2013) për 1.3 milionë euro
Danilo nga Porto (2015) për 31.5 milionë euro
Zhezus Vajeho nga Real Saragoza (2015) për 5 milionë euro
Teo Hernandez nga Alaveshi (2017) për 30 milionë euro
Alvaro Odriozola nga Real Sociedad (2018) për 35 milionë euro
Eder Militao nga Porto (2019) për 50 milionë euro

Spanjollja “Marca” raporton dhe hap faqen e parë me emrin e Eder Militaos, si objektivin kryesorë të “Los Blancos”. 20-vjeçari brazilian është pjesë e Portos, luan në qendrën e mbrojtjes, bën mirë rolin e mbrojtësit të djathtë dhe në momente të nevojshme luan mirë dhe në pozicionin para mbrojtjes.

Kontrata e tij me Porton skadon në vitin 2023, ndërsa Militao, i cili debutoi me kombëtaren e Brazilit në miqësoren e 12 shtatorit të kaluar kundër El Salvadorit, ka një klauzolë prej 42 milionë eurosh. Reali është gati të paguajë dhe të mbyllë tratativën, pasi në fund të sezonit klauzola e lojtarit kalon në 50 milionë euro.