Eden Hazard

Foto | Hazard nuk është i njëjti, ka disa kilogramë më tepër

Sport Ekspres — Tue, 30 Jul 2019 13:29:55 +0000

Reali më në fund arriti të kompletonte ardhjen e një prej yjeve më të mëdhenj të futbollit aktual, Eden Hazard. Belgu la Çelsin për të ardhur në Madrid në këmbim të 100 milionë eurove. Megjithatë, më ardhjen e tij në kryeqytet duket se gjërat nuk po shkojnë aspak mirë.
Belgu i ka shijuar më shumë se ç’duhet pushimet, duke e tepruar me ushqimin dhe anashkaluar ditët e palestrës. E gjithë kjo ka sjellë një rritje shumë të ndjeshme të peshës nga ana e 28-vjeçarit. Ai është paraqitur me rreth 8 kilogramë më shumë se pesha e tij normale.

Kjo mbipeshë ka ndikuar edhe në formën e Hazard në fushë. Në Madrid janë të frikësuar nga kjo gjendje e yllit të tyre. Raportohet se edhe Florentino Perez ka shfaqur rezerva për peshën e sulmuesit. Belgut edhe më parë i është dashur të përballet me këtë problem. Kjo ka ndodhur në vitin 2016, kur ishte pjesë e Çelsit.

Çelsi në hall të madh, “fajin” e ka… Eden Hazard!

Sport Ekspres — Mon, 29 Jul 2019 13:40:32 +0000

Një çështje mund të krijohet tek ekipi i Çelsit. Shkaku? Numri 10 i lënë i lirë pas largimit të Eden Hazard drejt Real Madrid. Uillian dhe Hudson-Odoi e duan me çdo kusht numrin simbolik dhe as që kanë ndërmend t’i hapin rrugë njëri-tjetrit.

Mediat angleze raportojnë se “Blutë e Londrës” kanë rënë në hall. Ata po bëjnë të pamundurën për të rinovuar me Hudson-Odoin. Sulmuesit 18-vjeçar i përfundon kontrata verën e ardhshme.

Ai ka marrë shumë oferta dhe Çelsi nuk mund ta humbasë me parametra zero. Nga ana tjetër është edhe braziliani me eksperiencën e tij. “Do ta marr unë numrin 10”, u shpreh Uillian para disa ditësh, por të njëjtën dëshirë ka edhe Hudson-Odoi.

Madje veshja e numrit 10 mund të marrë peshë të madhe në firmosjen apo jo të kontratës së re me Çelsin. Përveç rritjes së rrogës, agjenti i anglezit ka kërkuar t’i jepet lojtarit edhe numri 10 i Çelsit që ka rënë në një hall të madh, të cilin duhet ta zgjidhë sa më shpejt të jetë e mundur.

Telashe pafund, “ylli” i Realit 7 kg mbipeshë!

Sport Ekspres — Mon, 29 Jul 2019 12:55:12 +0000

“Dita e mirë, duket që në mëngjes” – thotë populli dhe situata e Real Madrid e demonstron më së miri. Klubi i famshëm spanjoll po has probleme të mëdha. Dëmtimet e Asensios, Mendi dhe Joviç, situata me Garet Bejl, “ndarja” e ekipit në dy pjesë në lidhje me uellsianin dhe problemet mes Perez dhe Zidan nuk janë shenja të mira. Për fat të mirë sezoni i ri nuk ka nisu ende, por ai është te dera.

Sikur të mos mjaftojnë këto të gjitha, Reali është shqetësuar edhe në lidhje me Eden Hazard. Belgu është blerja më e mirë e merkatos deri tani, por ka një problem. Sport raporton se fantazisti është mbipeshë.

Ai nuk ka mbajtur regjim gjatë pushimeve dhe Sport raporton se ndodhet 7 kg sipër peshës natyrale! Stafi teknik do ta ndihmojë për të “zhdukur” kilet e tepërta dhe të njëjtën gjë duhet të bëjë edhe Hazard, i cili duhet të jetë në formë për nisjen e sezonit të ri.

E thotë shoku i argjentinasit: Hazard është pranë nivelit të Mesit

Sport Ekspres — Sun, 28 Jul 2019 08:05:39 +0000

Kristiano Ronaldo u largua drejt Italisë dhe në një farë mënyre e la vetëm Leo Mesin. Argjentinasi vitin e kaluar nuk ka pasur një rival të denjë, që del paralel me cilësitë e tij. Megjithatë, këtë vit mund të themi se ka ardhur një konkurrent, që me pak punë mund ta rrezikojë “kurorën mbretërore” të Leos.
Eden Hazard është një nga futbollistët më të mirë të dekadës së fundit. Këtë sezon do të jetë në Madrid dhe ka të gjitha asetet në dispozicion për të konkuruar Mesin për fronin e më të mirit në Spanjë.

I këtij mendimi është edhe Samuel Eto, ish-shoku i argjentinasit në dhomat e zhveshjes. Kamerunasi shprehet se niveli i Hazard është pranë atij të Mesit dhe se belgu duhet të fitojë një ditë “Topin e Artë”.

“Hazard duhet të fitojë Topin e Artë. Ai nuk është vlerësuar mjaft, por tani është në një nga skuadrat më të mira në botë dhe të gjithë sytë do të jenë në të. Është afër nivelit të Mesit dhe shpresoj që kur ai të luajë ndaj Barcelonës, të mos jetë në maksimumin e formës së tij”, deklaroi kamerunasi.

FIFA vendos, Hazard dhe Van Dijk në krye!

Sport Ekspres — Fri, 26 Jul 2019 16:56:52 +0000

Video-game më i famshëm në botë, “FIFA”, do të lançojë versionin më të fundit me datë 27 shtator, atë të FIFA 20 dhe një nga dilemat më të mëdha, ka marrë fund. Miliona të apasionuar pas kësaj video-game kanë qenë kuriozë për të parë se kush do të ishin yjet në kopertinën e FIFA 20, pas largimit të Juventusit nga kompania EA Sports. Mungesa e Kristiano Ronaldos është zëvendësuar me Eden Hazard, yllin më të ri te Real Madridit, dhe Virxhil Van Dijk, me shumë gjasa mbrojtësi më i mirë në botë.

Van Dijk dhe Hazard kanë reaguar menjëherë pasi ky lajm është bërë publik nga kompania multi-miliardere, EA Sports. Holandezi tha se ndihet shumë i emocionuar dhe se kjo është një arritje e madhe për të. Gjithashtu, edhe ylli belg i Real Madridit u pa i lumtur me këtë vlerësim, por që nuk është i pari për të gjatë viteve të fundit.

#FIFA20 Cover Stars revealed!

? Standard Edition: @hazardeden10
? Champions Edition: @VirgilvDijk
? Ultimate Edition: Coming Soon ?

Pre Order -> https://t.co/kNhJMf0Pmv pic.twitter.com/JteUkBH4e7

— EA SPORTS FIFA (@EASPORTSFIFA) July 26, 2019

Dream come true! It’s an honour to be representing @LFC on the Champions Edition cover of @EASPORTSFIFA #FIFA20 ? pic.twitter.com/Tu6HDAZbce

— Virgil van Dijk (@VirgilvDijk) July 26, 2019

Back on the cover of @EASPORTSFIFA! Not bad for a lad from a small village in Belgium! #FIFA20 #brainelecomte ? pic.twitter.com/RNGXlwuoxf

— Eden Hazard (@hazardeden10) July 26, 2019

VIDEO | Hazard debuton me humbje, Reali merr leksion nga Bajerni

Sport Ekspres — Sun, 21 Jul 2019 07:00:32 +0000

Real Madrid dhe Bajern Mynih kanë zhvilluar miqësoren e parë në SHBA në kuadër të turneut “International Champions Cup”. Zinedin Zidan hodhi për herë të parë në fushë blerjet e merkatos së verës si Hazard, Joviç, Kubo dhe Rodrigo, por në fund triumfuan bavarezët me rezultatin 3 – 1.

Toliso zhbllokon ndeshjen në minutën e 15’, ndërsa në pjesën e dytën Levandovski dhe Gnabri çojën shifrat në 3 – 0 me gola të njëpasnjëshëm në minutën e 67’ dhe 69’. Golin e vetëm të Realit e shënoi talenti 18-vjeçar Rodrigo. Braziliani ekzekutoi me përsosmëri një goditje dënimi.

Bajern Mynih 3 – 1 Real Madrid
Shënues: Toliso 15’, Levandovski 57’, Gnabri 69’ / Rodrigo 84’

https://www.youtube.com/watch?v=Ser_w7IbIBs

Hazard apo Nejmar? Marselo zgjedh dhe ka një kërkesë për Realin

Sport Ekspres — Sat, 20 Jul 2019 14:26:57 +0000

Nejmar është pranë largimit nga PSG. Braziliani nuk është i lumtur në kryeqytetin francez dhe ka prishur çdo raport me drejtuesit e klubit. Barcelona dhe Juventusi po garojnë fort mes tyre për të siguruar shërbimet e sulmuesit, por nuk duhet harruar Real Madrid.

“Los Blancos” mnd të ndërhyjnë nga momenti në moment me ndonjë ofertë surprizë për PSG-në. Rreth kësa çështje ka folur edhe Marselo. Mbrojtësi i majtë bën një krahasim midis Nejmar dhe Eden Hazard, shokut të ri të skuadrës.

“Eden është një kampion dhe një futbollist i nivelit te lartë. Ka kualitetin për të qenë midis 5 futbollistëve më të mirë në botë. Gjithsesi, mendoj se ai nuk mund të krahasohet me Nejmar. Braziliani është më i mirë sipas meje. Nejmar është i jashtëzakonshëm dhe është e vështirë ta markosh. Do të ishte kënaqësi e madhe të luaja me të te Reali, por nuk vendos unë. Reali duhet të përpiqet gjithmonë që të marrë më të mirët”, përfundon 31-vjeçari.

Prezantim me diamante për Hazard, zbulohet detaji “luksoz”

Sport Ekspres — Fri, 14 Jun 2019 10:52:26 +0000

E enjtja ishte një ndër ditët më të lumtura për Eden Hazard. Fantazisti belg u prezantua si lojtari më i ri i Real Madrid përpara 50 mijë fansave, të cilët krijuan një atmosferë të bukur në shkallët e stadiumit “Santiago Bernabeu”.

Një ëndërr e realizuar për ish-lojtarin e Çelsit, i cili tani do të stërvitet nga idhulli i tij, Zinedin Zidan. Një orë e veçantë dhe luksoze ra në sy gjatë prezantimit të 28-vjeçarit. Ajo i përket modelit Richard Mille.

View this post on Instagram

Playing his Final Game for Chelsea and Winning the 2019 Europa League Cup, Eden Hazard; was spotted wearing an 18KT White Gold Richard Mille RM016 Set with Factory Diamonds around the Case. ???? @hazardeden_10 ••••••••••••••••••••••••••••••••••••••••••••••••••••••••••••Price -UK List Price-£80,000 #CelebWatches ••••••••••••••••••••••••••••••••••••••••••••••••• #watch #watches #celebrities #celebrity #fashion #patek #rolex #richardmille #rolexgang #timepiece #instawatch #audemars #richlife #rich #wealth #money #hazard #chelsea #europa ••••••••••••••••••••••••••••••••••••••••••••••••• Like?Comment ?Tag Friend? Follow! Thanks to @umar_sakha1 for the spot?

A post shared by Celebrity Watch Spotter ?? (@celebwatchspotter) on May 29, 2019 at 3:46pm PDT

Lloji i saj është RM 016 dhe është e përbërë nga flori i bardhë 18-karatësh me diamante në pjesën e jashtme të saj. Një model i tillë u përdor edhe nga Rafa Nadal në Roland Garros dhe vlera e orës shkon 80 mijë sterlina.

“Janë më të mirët”, Hazard do edhe dy “bomba” te Reali

Sport Ekspres — Fri, 14 Jun 2019 09:20:32 +0000

Eden Hazard mbushi stadiumin “Bernabeu” në prezantimin e tij. Një ëndërr e realizuar për sulmuesin anësor, i cili kërkon të fitojë trofe të rëndësishëm në klubin spanjoll. Real e tentoi edhe vjet, por nuk ia doli ta blinte yllin e Çelsit.

Klubi spanjoll po përgatitet të bëjë të tjera afrime dhe emri më i bujshëm është ai i Pol Pogba. Trajneri Zinedin Zidan e do, por jo vetëm ai. Tashmë raportohet se edhe Hazard i ka kërkuar kampionit të botës t’i bashkohet te Reali i Madridit.

Gjithsesi ende nuk dihet se çfarë do të ndodhë, pasi drejtuesit e Realit kanë sugjeruar që të marrin Eriksen nga Totenhemi për mesfushën. Zidan nga ana tjetër e ka bërë të qartë kërkesën e tij. Nga ana tjetër, Hazard në prezantim u ngacmua se si do të ishte të ndante dhomat e zhveshjes me Pol Pogba dhe Kilian Mbape.

Sulmuesi ishte i sinqertë në përgjigjen e tij: “Dua të luaj me më të mirët dhe atë që përmendët ju janë më të mirët. Gjithsesi nuk më takon mua të flas për merkaton”. Në Mançester ende nuk kanë vendosur se çfarë do të bëjnë me Pogba.

Mendimet janë të ndryshme, kurse Reali nga ana tjetër duhet të bëjë llogaritë edhe me konkurrencën e Juventusit. Bardhezinjtë po mendojnë ta kthejnë francezin në Torino dhe drejtori Paratiçi po lëviz gjithë “gurët” për të bërë një marrëveshje me mesfushorin.

Hazard te Real Madridi, Guardiola ka mendimin e tij

Sport Ekspres — Thu, 13 Jun 2019 20:44:26 +0000

Eden Hazard është transferimi më i madh i kësaj merkatoje verore. Belgu realizoi ëndrrën e tij për të luajtur në “Santiago Bernabeu”. Ai cilësohet si një prej më të mirëve në botë dhe Real Madridi ka bërë një biznes mjaft të mirë me të. Pas ikjes së Ronaldos ai do të marrë rolin e lojtarit, që merr ekipin prej dore drejt triumfeve.
Një nga kundërshtarët më të mëdhenj të Realit, Pep Guardiola ka komentuar transferimin e 28-vjeçarit në Spanjë, te rivalët e ish-klubit të tij, Barcelonës. Trajneri i Mançester Sitit ka thurur elozhe për Hazard dhe është shprehur se tifozët madrilenë do të kenë kënaqësi ta shohin atë.

“Lojtari që Reali ka blerë nga Çelsi është shum, shumë i mirë. Është një nënshkrim i mrekullueshëm. Hazard është një nga futbollistët më të mirë që më kanë parë sytë. Madrilenët do të kenë kënaqësinë ta shohin atë teksa luan”, u shpreh Guardiola.

And Pep Guardiola has seen quite a few decent players. ? pic.twitter.com/SxittkjXLc

— Squawka News (@SquawkaNews) June 13, 2019

Yje dhe surpriza, ja kush janë 3 transferimet më të shtrenjta deri më tani

Sport Ekspres — Thu, 13 Jun 2019 18:51:30 +0000

Merkato ka filluar dhe paratë po shkojnë lumë. Ekipet gjigante të kontinentit synojnë të përforcojnë sa më shumë organikën e tyre, qoftë edhe me çmime që kapin qiellin. Tre ekipet me nisjen më të vrullshme janë Bajerni i Mynihut, Barcelona dhe sigurisht Reali i Madridit.

Blerjet më “të çmendura” janë bërë nga këto tre superfuqi. Lojtarë të mëdhenj, me talent bio dhe personalitet të hekurt. Këto janë karakteristikat e atyre, që kanë kushtuar më shtrenjt këtë merkato.
3-Vendin e tretë e mban Frenki De Jong. Tulipani ka mrekulluar gjithë opinionin sportiv me atë çka shfaq nq fushë, por edhe jasht saj. Një djalosh që flet thjeshtë, por bukur, me çiltërsinë e një fëmije, sikur nuk e di se çështë presioni.

Ai është ndoshta përfaqësuesi më i mirë i gjeneratës që po vjen. Një mesfushor “kameleon”, që mund të mbulojë shumë mirë fazën difensive, por edhe e nxjerr rrufeshëm ekipin në sulm. 21-vjeçari u bë pjesë e Barcelonës për 75 milionë euro nga Ajaksi. Këta të fundit e patën blerë për 1 euro nga Vilhelm II.
2-Në vendin e dytë është Lukas Hernandez. Kampion bote me Francën, ku ishte titullar i padiskutieshëm, madje një nga ingranazhet kryesorë për funksionimin e ideve të Deshamp.

Vetëm 23-vjeç, por ka luajtur mbi 100 ndeshje me një gjigant si Atletiko Madrid. Mbulon qendrën dhe krahun e majtë të mbrojtjes. Lojtar tepër i vlefshëm për çdo trajner. Kovaç është me fat. Vjen në “Allianz Arena” në këmbim të 80 milionë eurove.
1-Në shkallën më të lartë të podiumit është Eden Hazard. Një lojtar i konfirmuar tashmë, që shkon në Madrid me synime të qarta. Për ta ngjitur ekipin përsëri në majë dhe për të fituar trofeun më të madh individual për një futbollist, Topin e Artë.

Një nga lojtarët më të mirë të dekadës së fundit, nga ata që i janë afruar më shumë talentit të Mesit dhe Ronaldos. Vlera e tij është shumë më e lartë, por u transferua për 100 milionë euro në Madrid sepse kontrata e tij me Çelsin skadonte verën e ardhshme.

DENIS LALA

VIDEO: Gjesti i Hazard, tifozët e Realit çmenden që tani pas belgut

Sport Ekspres — Thu, 13 Jun 2019 18:36:11 +0000

Dita e Eden Hazard ka ardhur. Ylli belg është prezantuar pasditen e sotme në “Santiago Bernabeu”. Stadiumi është me gati 50 mijë të pranishëm. Tifozët e Realit kishin kohë pa e mbushur kështu arenën e tyre në prezantimin e një lojtari, që nga ardhja e Kristiano Ronaldos në vitin 2009.
Eden Hazard ja merr zemrën që tani tifozëve. Belgu premton shumë me talentin e tij se do e ngrejë përsëri Realin në majë. Përveç kësaj, duket qartë se i është plotësuar një ëndërr me transferimin te “Los Blancos”. Në një moment ai ka puthur stemën e Realit. Tifozët reagojnë si të kishte shënuar golin e parë.

#RealMadrid fans react to #Hazard kissing the badge. #Chelsea #EdenHazard #Thegalacticos pic.twitter.com/6KZ3gUodNz

— Marvin Scott (@ItsMarvinScott) June 13, 2019

ZYRTARE| “WELCOME EDEN”, Hazard është lojtar i Realit!

Sport Ekspres — Fri, 07 Jun 2019 20:08:56 +0000

Ka marrë fund saga e merkatos së Eden Hazard. Transferimi i sulmuesit belg te Real Madrid tani ka marrë formë zyrtare. Në një komunikatë të nxjerrë para pak minutash klubi madrilen ka njoftuar është gjetur marrëveshja me Çelsin dhe 28-vjeçari ka firmosur një kontratë 5-vjeçare.

Prezantimi i Hazard në “Santiago Bernabeu” do të kryhet të enjten e ardhshme më datë 13 qershor. Sipas medieve angleze transferimi i belgut i ka kushtuar 100 milionë euro arkave të Real Madrid.

? #WelcomeHazard pic.twitter.com/6CvH9LHXSy

— Real Madrid C.F. (@realmadrid) June 7, 2019

Ëndrra realizohet, quajeni Hazardi galaktik

Sport Ekspres — Thu, 06 Jun 2019 15:11:06 +0000

Eden Hazard do të luajë në “Santiago Bernabeu” sezonin e ardhshëm. Reali i Madridi ka arritur akordin me Çelsin për shumën e 88.5 milionë sterlinave.

Gjithçka në rregull edhe me fantazistin belg, i cili ka pranuar të gjitha pikat e kontratës që i ka ofruar Florentino Perez dhe do të firmosë për 5 vite me Realin e Madridit.

Zyrtarizimi i tij pritet të vijë në orët e ardhshme. 28-vjeçari po e priste me padurim kalimin te Reali i Madridit, që ishte edhe ëndrra e tij e madhe.

Një përforcim me vlera për “Los Blancos” dhe trajnerin Zidan, i cili do të ketë një nga fantazistit më të mirë në botë në ekip.

Eden Hazard to Real Madrid. Totally confirmed, also the £88,5M initial fee with add ons. Eden has accepted all the contract clauses. And now… here we go! ??? #CFC #RealMadrid #Chelsea #transfers https://t.co/cSgqvVb1wD

— Fabrizio Romano (@FabrizioRomano) June 6, 2019

E kryer, Hazard madrilen, ja kur prezantohet

Sport Ekspres — Wed, 05 Jun 2019 14:41:24 +0000

Eden Hazard dhe Real Madrid janë të destinuar për t’u bashkuar këtë verë. Marrëveshja është e kryer si me lojtarin ashtu edhe me klubin e Çelsit dhe pritet vetëm zyrtarizimi. “El Chiringuito TV” raporton se 28-vjeçari do të zyrtarizohet në orët në vazhdim si futbollisti më i ri i galaktikëve.

Kjo blerje do t’i kushtojë Florentino Perez 100 milionë euro. Hazard pritet të prezantohet brenda dy ditëve në stadiumin “Santiago Bernabeu”. Ai bëhet blerja e dytë e kësaj vere për Realin. Luka Joviç u vesh dje i bardhë për shifrën e 65 milionë eurove.

Në Madrid po ndodh një revolucion i madh me lojtarë të mëdhenj që do largohen dhe të tjerë qëafrohen. Eden Hazard pritet të jetë lokomotiva e “Los Blancos” drejt trofeve. Ai vjen edhe me synimin e tij për t’u ulur në fronin e më të mirit në botë, diçka që nuk ja mundësonin në Londër.

???EXCLUSIVA #JUGONES | El FICHAJE DE HAZARD por el REAL MADRID se hará OFICIAL en las PRÓXIMAS HORAS. El PRECIO rondará los 100 MILLONES. pic.twitter.com/fhBYtTaDcP

— El Chiringuito TV (@elchiringuitotv) June 5, 2019

Refuzohen dy oferta, komplikohet kalimi i Hazard në Madrid?

Sport Ekspres — Tue, 04 Jun 2019 11:07:38 +0000

Kalimi i Eden Hazard në Madrid është kryefjala e kësaj merkatoje prej kohësh, por ende asgjë nuk është zyrtarizuar. Fillimisht ishte thënë se belgu do të firmoste me 3 qershor, por diçka e tillë nuk ndodhi.

Përveç kësaj, së fundmi raportohet nga mediat se transferimi i Hazard në Madrid është vënë në pikëpyetje, pasi Çelsi vijon të rezistojë. Sipas mediave blutë kanë refuzuar dy oferta të Realit dhe ende nuk kanë rënë dakord.

? El fichaje de Hazard por el Madrid es cuestión de horas pero…
? “El Chelsea ya ha rechazado dos ofertas del Madrid por el jugador. La primera, de cien millones, en el mes de abril. La segunda, de 120 millones”https://t.co/QpxJSYbUdB

— AS (@diarioas) June 4, 2019

Çdo gjë duket e komplikuar tashmë për “Los Blancos” dhe kalimi i Hazard në Madrid duket çdo ditë e më larg. Gjithsesi, priten zhvillime të tjera…

Hazard kapet mat, fotoja që zbulon të ardhmen e belgut!

Sport Ekspres — Sat, 01 Jun 2019 08:33:05 +0000

Eden Hazard është padyshim emri më i përfolur i momentit, me belgun që pritet të transferohet drejt Realit të Madridit. Pavarësisht deklaratave të tij se do të largohet nga Çelsi, këta të fundit ende nuk janë dorëzuar.

Gjithsesi, së fundmi zërat për transferimin në Madrid konfirmohen edhe më shumë, teksa Hazard është fotografuar duke firmosur dhe duke pozuar me një fanellë të Realit. “Daily Mirror” e ka zbuluar diçka të tillë, me foton që ka bërë xhiron e Botës.

Hazard ndodhet në Spanjë momentalisht, teksa ka zgjedhur Marbelën për të kaluar disa pushime pas një sezoni të lodhshëm, të cilin e kurorëzoi me fitimin e Europa League.

? #LoMásVisto
? Firmó la camiseta del equipo blanco y se hizo una foto con ellahttps://t.co/NTm07OKs4I

— AS (@diarioas) May 31, 2019

Sarri konfirmon Juventusin: Napolin e dua shumë, por…

Sport Ekspres — Wed, 29 May 2019 22:07:53 +0000

Bashkëpunimi midis Mauricio Sarrit dhe Çelsit pritet të mbyllet gjatë ditëve në vazhdim. Tekniku italian do të rikthehet në Itali, ku do të vihet në drejtim të Juventusit. Në intervistën e dhënë pak minuta pas triumfit në finalene “Europa League” ndaj Arsenalit, Sarri është shprehur se ka ardhur momenti për një takim me kryesinë e klubit, ndërsa nuk mungon as nj mesazh për tifozët e Napolit, shumica prej të cilëve do ta kenë tejet të vështirë ta shohin vitin tjetër në krye të skuadrës torineze.

“Nuk ishte e lehtë të vije në një kampionat kaq të vështirë dhe të ambientoheshe menjëherë. Pata disa vështirësi, por në shkurt vura re një ndryshim në raportin me lojtarët. Ndoshta unë ndryshova gjithashtu”.

HAZARD – “Më vjen keq që do largohet. Është një lojtar i jashtëzakonshëm që mund të bëjë akoma më mirë”.

“Tani është momenti për të festuar. Nesër duhet të shikojme bilancet e sezonit. Kam dhe dy vite kontratë, por mendoj se një ballafaqim është i nevojshëm. Napolitanët i dua shumë. Vitin e kaluar zgjodha të mos vazhdoja në një skuadër italiane, por të largohesha. Megjithatë, futbolli ndonjëherë të çon në trajektore të atilla, që gjithsesi nuk mund të prishin marrëdhëniet që unë kam me klubin e qytetin e Napolit”, përfundoi Sarri.

Finalizohet marrëveshja, Reali kryen blerjen më të shtrenjtë të historisë!

Sport Ekspres — Wed, 29 May 2019 08:03:51 +0000

Po përflitej prej kohësh dhe duket se më në fund është mbyllur gjithçka. Eden Hazard do të jetë lojtar i Realit të Madridit, me marrëveshjen mes palëve që është gjetur në bazë të 115 milionë sterlinave.

Roman Abramoviç ka qenë ai që ka ndërhyrë për të mbyllur marrëveshjen sipas asaj që raporton “The Sun”. Hazard do të firmosë pas finales së Europa League dhe do të ketë një pagë prej 400 mijë sterlinash në javë, duke u shndërrruar në një ndër më të paguarit në Spanjë.

Chelsea agree Eden Hazard transfer feehttps://t.co/6Torq7SiKU pic.twitter.com/AyTl3FM32Z

— The Sun Football ? (@TheSunFootball) May 29, 2019

Gjithashtu, belgu do të shndërrohet në blerjen më të shtrenjtë të historisë së klubit, duke ulur nga froni Gareth Bejl.

Hazard: Në familje vetëm unë s’kam lëvizur, nuk firmos kurrë në Premier Ligë

Sport Ekspres — Wed, 29 May 2019 07:00:24 +0000

Eden Hazard është vetëm një firmë larg nga Real Madridi. Belgu ka arritur marrëveshjen personale dhe Çelsi është bindur për ta lënë të lirë. Megjithatë, belgu nuk zbulon asgjë rreth këtij transferimi dhe gjithmonë devijon nëpërmjet shakave, që i burojnë shumë lehtë. Këtë radhë ai e ka krahasuar veten e tij me dy vëllezërit. Të dy Torgan dhe Kilian kanë ndryshuar klub.

Torgan ka kaluar nga Borusia Monçengladbah te Dortmund, ndërsa Kilian u transferua tek Cercle Bryzh pas aventurës me të rinjtë e Çelsit. Eden shprehet se vetëm ai ka mbetur pa ndryshuar klub. Ndërkohë shprehet edhe se ka pasur oferta nga klubet e Premier Ligës, por ai nuk i ka pranuar. Ai nuk e dëshiron një transferim tek rivalët e Çelsit brenda vendit.

“Vëllezërit e mi kanë ndryshuar klub. Vetëm unë kam mbetur… Do të shohim nëse do të jem këtu sezonin e ardhshëm. Unë jam blu. Nuk do të shkoja kurrë në një klub tjetër të Premier Ligës. Unë mund të firmosja për Mançester Junajtid, Mançester Sitin, Totenhemin, por kurrë nuk kam menduar se është vendimi i duhur”, u shpreh 28-vjeçari.

Intervista e fundit, Hazard “skanon” shtatë vitet te Çelsi

Sport Ekspres — Tue, 28 May 2019 17:54:53 +0000

Eden Hazard është ulur ditën e sotme me gazetarët e gazetës “The Daily Mail” për të dhënë atë çka me shumë mundësi është intervista e fundit si lojtar i Çelsit. Belgu tregohet i sinqertë për pozitat në të cilët ndodhet dhe shpreh mirënjohjen e madhe për klubin e Çelsit, ku ka kaluar shtatë vite të mrekullueshme.

“Për momentin e kam mendjen te finalja me Arsenalin. Do të jetë një ndeshje e mrekullueshme, ndërsa e ardhmja ime është në duart e Realit dhe Çelsit. Goli nuk ka shumë rëndësi për mua, thjeshtë dua të fitoj këtë trofe.

“Kur erdha te Çelsi isha i vogël, ndërsa tani jam një burrë i pjekur. Nuk kam ndryshuar fare si person, Si lojtar, kam shënuar shumë dhe kam fituar eksperiencë. Megjithatë, tentoj të mos ndryshoj kurrë dhe të jem vetvetja.

“Kisha mundësinë për të nënshkruar me dy klubet e Mançesterit dhe Totenhemin, por mendoj se mora vendimin e duhur. Arsenali tentoi të bindte familjen time, por ndodhesha në bisedime të avancuara me Çelsin”.

“Fola me presidentin, trajnerin Di Mateo. Fola edhe me Drogba, ndërsa Xho Kol, ish-shoku im i skuadrës te skuadra e Lilës, me tha se nuk kishte klub si Çelsi. U tremba pak në fillim kur erdha, pasi Drogba u largua. Me të në ekip, e di se do të fitosh trofe. Gjithsesi, arrita të luaja me lojtarë të mëdhenj. Kur kthej kokën pas e kuptoj se janë arritur gjëra të jashtëzakonshme në 7 vitet e mia këtu, Kemi fituar shumë trofe”.

“Në vitin 2015 fituam titullin me Murinjon në stol. Mendoj se ishte viti im më i mirë. Ishte konstant në lojën time. Mua nuk më interesojnë golat, dua vetëm të zbavitëm në fushën e blertë dhe të jap më të mirën. Ju jap një shembull. Kundër Brazilit në Botëror zhvillova një nga ndeshjet e mia më të mira në karrierë. As nuk shënova, as nuk dhurova asist. Kjo është ajo çfarë më pëlqen të bëj”.

Hazard: Reali? Më parë triumfoj në Europa League!

Sport Ekspres — Thu, 23 May 2019 21:31:23 +0000

Real Madrid dhe Hazard ka muaj që mbushin faqet e para të gazetave për një bashkim të mundshëm. Belgut i skadon kontrata verën e ardhshme dhe nuk ka pranuar të rinovojë, pavarësisht ofertave të Celsit.

Sipas mediave evropiane, 28-vjeçari do të transferohet në Madrid në këmbim të 100 milionë eurove. Lojtari dëshiron përgjegjësi të reja. Ai është një prej lojtarëve më të mirë në Botë dhe Reali i Madridit ka qenë gjithmonë “streha” e yjeve të mëdhenj.

Megjithatë ai sa herë shfaqet para gazetarëve mundohet ta shmangë këtë temë. Në një prononcim të fundit, ylli i Çelsit këmbëngul për të mos e zbardhur të ardhmen e tij. Ai shprehet se është i fokusuar në finalen e Europa League.

“Ndeshja ime e fundit? Kjo nuk është pjesë e asaj që unë kam në mendje. Po mendoj të fitoj ndeshjen që na pret. Më pas çfarë është vendosur se do të ndodhë, le të ndodhë”, u shpreh ylli i bluve të Londrës.

Eden Hazard

Hazard-Real, Çelsi më në fund ul kokën

Sport Ekspres — Wed, 22 May 2019 19:42:20 +0000

Hazard dhe dëshira e tij për t’u transferuar në Madrid është e parezistueshme. Belgu dëshiron me patjetër transferimin në Madrid dhe Çelsi duket se është bindur për ta larguar. Londinezët po bënin një rezistencë të vazhdueshme ndaj Realit për ta mbajtur, por edhe për të rritur çmimin e shitjes, megjithatë nuk ja ka vlejtur.

Londinezët janë të gatshëm ta shesin 28-vjeçarin për 100 milionë euro. Arsyeja kryesore e kësaj tërheqjeje të klubit të Abramoviç është evitimi i problemeve me UEFA-n mbi ndershmërinë financiare. Një tjetër kalvar gjyqesh pas problemit me kontratat e minorenëve do e lodhte klubin nga Londra. Kështu zgjidhja është shitja e Hazard te Real. Njoftimi se marrëveshja është arritur pritet të dalë pas datës 29 maj, që përkon me finalen e Europa League.

Hazard: E kam marrë vendimin tim, klubi e ka të qartë!

Sport Ekspres — Mon, 13 May 2019 10:36:57 +0000

Eden Hazard mbylli sezonin e shtatë me Çelsin dhe e ardhmja e tij është La Liga. Belgu do të transferohet te Reali i Madridit në verë. “Los Blancos” duhet të gjejnë akordin financiar me klubin anglez, ndërsa 28-vjeçari do të bëjë realitet ëndrrën e tij për të luajtur në Santiago Bernabeu.

“E kam marrë vendimin tim, që nuk ka lidhje vetëm me mua. Ia kam bërë të qartë klubit përpara disa javësh. Dëshiroja që kjo gjë të sqarohej më herët, por nuk ndodhi. Po pres, ashtu siç po presin edhe tifozët.

Merkato nuk më ka shpërqendruar kurrë. Kemi finalen e Europa League për të luajtur. Kur je në fushë mendon vetëm për topin dhe për të dhënë më të mirën. Unë përpiqem të fitoj ndeshjet dhe nuk e lodh trurin me gjëra të tjera”, komentoi Hazard pas ndeshjes së fundit të kampionatit kundër Leister Sitit.

Rreth kësaj çështje ka folur edhe Mauricio Sarri. Italiani dhe Çelsi e mbyllën kampionatin në vend të tretë dhe do të luajnë finalen e Ligës së Europës kundër Arsenalit me datë 29 maj.

“Eden ka dhënë më të mirën këto shtate vite me Çelsin. Ai është bërë një nga tre futbollistët më të mirë në botë dhe unë mendoj se duhet ta respektojmë atë e vendimin e tij. Sigurisht që shpresoj, si çdo tifoz i joni, që Hazard të qëndrojë, por nuk di gjë për momentin”, thekson trajneri italian.

Merkatoja “faraonike” e Realit, dalin zhvillime të reja brenda klubit

Sport Ekspres — Mon, 13 May 2019 08:33:45 +0000

Tifozët e Realit të Madridit mezi po presin mbarimin e këtij sezoni për t’u konkretizuar blerjet dhe për të parë të veshur me të bardha yjet, që Florentino Perez ka si objektiv. Merkatoja në Madrid ka kohë që ka nisur dhe thuajse është projektuar fytyra e skuadrës së sezonit të ardhshëm. Militao në mbrojtje është e sigurt që do të afrohet që në fillimin e merkatos.

Sipas “EduPidal”, një media pranë “Los Blancos”, është e kryer se Eden Hazard do të jetë lojtar i Realit vitin e ardhshëm. Së shpejti priten të dalin edhe shifrat e transferimit. Pogba është i preferuari i trajnerit Zidan dhe shihet si synimi kryesor pas ardhjes së Hazard.

Ndërkohë Luka Joviç i Ajntrahtit të Fraknfurtit është shumë pranë arritjes së marrëveshjes. Perez pritet të hidhet në sulm edhe për një anësor të djathtë, pasi Bejl është në ditët e fundit të tij në “Santiago Bernabeu”. Në kë pozicion mbetet vetëm Lukas Vazkes, i cili nuk shihet si një lojtar, që arrin të mbajë gjithë presionin e një sezoni të tërë.

Hazard-Real Madrid, zbulohen detaje të reja

Sport Ekspres — Fri, 10 May 2019 20:30:19 +0000

Eden Hazard te Real Madridi është vetëm çështje kohe. Belgu është i lidhur ngushtë më një kalim te madrilenët dhe duket se marrëveshja është shumë afër finalizimit. Sipas “Daily Star”, termat financiare mes lojtarit dhe klubit të drejtuar nga Florentino Perez janë arritur. Kjo gazetë shprehet se Hazard dëshiron shumë të plotësojë dëshirën e tij për të luajtur në Madrid dhe ky fakt sjell shumë lehtësi për të arritur një marrëveshje të shpejtë.

Përveç Eden Hazard, “Los Blancos” pritet të transferojnë edhe yje të tjerë. Egoja e Florentino Perez nuk mund të durojë edhe një vit tjetër pa trofe dhe ka vënë një çek të bardhë në dizpozicion të Zidan për të kompletuar një ekip me mentalitet fitues. Pol Pogba, Luka Joviç apo yje të tjerë pritet të zbarkojnë në Madrid këtë verë. Megjithatë Eden Hazard do të ketë rolin e liderit për ta marrë skuadrën prej dore drejt triumfeve.

Hazard drejt Madridit, shikoni çfarë bëjnë tifozët e Çelsit

Sport Ekspres — Fri, 10 May 2019 07:00:10 +0000

Mendja e Eden Hazard është larg Londrës dhe afër Madridit. Në mediat e mëdha evropiane shkruhet çdo ditë rreth marrëveshjes së tij me Realin e Madridit dhe shifrave që do të ekzekutohet ky transferim. Belgu duket se e ka marrë vendimin e tij përfundimtar. Ai mendon se aventura e tij te Çelsi është konsumuar dhe i duhet të marrë përsipër një sfidë më të madhe.

Megjithatë tifozët e londinezëve gëzojnë një dashuri shumë të madhe për të dhe kujtojnë emocionet që 28-vjeçari i ka dhuruar. Ata kurrsesi nuk dëshirojnë të largohet “benjamini” i tyre. Hazard është lojtari më i mirë i bluve dhe një prej më të mirëve të planetit.

Mbrëmë në ndeshjen gjysëmfinale të Europa League ndaj Aintrahtit të Frankfurtit tifozët janë munduar të hyjnë në ndjenjat e belgut. Ata kanë shpalosur një flamur gjigant, ku tregojnë dëshirën e tyre që Hazard të mos largohet.

#Hazard banner out one last time in the Matthew Harding End. #CHEFRA pic.twitter.com/q7tL0nBDK1

— Simon Johnson (@sjstandardsport) May 9, 2019

Hazard goditja e madhe, Reali “respekton” Çelsin

Sport Ekspres — Fri, 03 May 2019 11:07:08 +0000

Eden Hazard do të jetë goditja e parë e madhe e Realit të Madridit për sezonin e ri. Belgu i Çelsit do të realizojë ëndrrën e tij për të luajtur në “Santiago Bernabeu”, ndërsa Zinedin Zidan do të ketë në ekip një nga të preferuarit e tij dhe një nga lojtarët më të mirë në botë.

Mediat spanjolle bëjnë me dije se akordi është arritur. Reali nuk po nxiton të zyrtarizojë marrëveshjen me lojtarin fantazist. Çelsi është në garë për fitimin e Ligës së Europës dhe një vend në katërshen e parë.

Lajmi i largimit të Hazard mund të sillte pasoja negative në këtë pikë të sezonit, kështu që dy klubet kanë vendosur të shtyjnë momentin e zyrtarizimit të marrëveshjes. Diçka e tillë do të ndodhë me 12 maj, pasi të jetë mbyllur Premier Liga.

Një detaj i pazgjidhur ka të bëjë edhe me çmimin e kartonit. Anglezët duan 140 milionë euro për 28-vjeçarin, shumë të cilën Reali e cilëson të madhe, duke marrë parasysh edhe faktin që belgut i përfundon kontrata me “Blutë e Londrës” në fund të sezonit të ardhshëm.

Megjithatë, Reali është i detyruar të pranojë kushtet e Çelsit dhe t’i dhurojë trajnerit Zidan dhe tifozëve një emër të madh për të ardhmen.

Largimi çështje kohe, Hazard: Sa shumë kujtime në këtë stadium

Sport Ekspres — Fri, 03 May 2019 08:03:00 +0000

Çelsi ka prezantuar uniformat e reja për sezonin e ri. Për herë të parë do të vishen në ndeshjen e së dielës kundër Uotfordit, ndërsa Eden Hazard mund t’i veshë edhe për herë të fundit.

Fantazisti belg ka qenë një nga tre futbollistët e përzgjedhur për të prezantuar uniformat, pavarësisht se ai është shumë afër kalimit te Reali i Madridit. Diçka e tillë është përforcuar edhe më shumë nga fjalët e Hazard, ndërsa pritet vetëm zyrtarizimi i këtij transferimi.

“Na lidhin shumë kujtime me ‘Stamford Bridge’. Është natyrale që t’i bëjmë tribut stadiumit tonë me bluzën e re të ekipit”, thekson Eden Hazard.

Introducing our 2019/20 @nikefootball home kit! ?

Get yours ? https://t.co/TJfP0JhBuG #ITSACHELSEATHING pic.twitter.com/mq5cKQ7VT4

— Chelsea FC (@ChelseaFC) May 2, 2019

“Hazard ndryshe nga të tjerët, do funksionoja me të”, Nejmar i bën lëmsh të gjithë!

Sport Ekspres — Fri, 26 Apr 2019 07:48:46 +0000

Eden Hazard është padyshim njeriu i momentit, pasi belgu është futbollisti më i përmendur aktualisht. 28-vjeçari pritet që verën e ardhshme të zbarkojë në Madrid, për të veshur fanellën e Realit.

Gjithsesi, nuk bëhet fjalë për një lajm merkatoje, por për një intervistë të Nejmar Zhunior, dhënë për “Fox Sport”. Braziliani gjatë intervistës përmend pikërisht Eden Hazard, të cilin e cilëson si një lojtar ndryshe nga të tjerët dhe se do të funksiononte në një ekip me të.

Nuk dihet nëse ky është një ngacmim për Hazard për të ndryshuar drejtim dhe për ta rimenduar të ardhmen e tij, apo një shenjë se sulmuesi brazilian mund edhe të bashkohet me Realin e Madridit, gjë që është përmendur më parë.

HAZARD – “Mendoj se Hazard është një lojtar ndryshe nga të tjerët dhe është shumë i ngjashëm me mua për sa i përket stilit të lojës. Besoj se do të funskiononte të isha në një ekip me të.”

LOJTARI MË I MIRË – “Nuk është një obsesion, sigurisht që është ëndërr, jo vetëm për mua, por për çdo futbollist. Por siç e thashë, nuk është obsesion. Mendoj se Mesi është përpara. Aktualisht, mënyra se si ai luan është ndryshe, është stili Mesi”, përfundoi braziliani.

Çfarë shifrash për Hazard, Perez ia plotëson ëndrrën me… miliona!

Sport Ekspres — Thu, 25 Apr 2019 10:51:42 +0000

Eden Hazard pritet të jetë një nga përforcimet e para të Realit të Madridit në merkaton e verës. Belgu nuk e ka fshehur kurrë dëshirën e tij për të luajtur në Madrid, madje e ka përsëritur disa herë diçka të tillë.

Kontrata me Çelsin i përfundon në verën e vitit 2020. Rinovimi nuk ka shanse të ndodhë dhe drejtuesit e klubit anglez janë të detyruar që ta shesin “yllin” e tyre, për të mos e humbur me parametra zero.

Sipas raportimeve të “The Sun”, Çelsi do e lejë të lirë fantazistin për shumën e 100 milionë sterlinave (rreth 116 milionë euro). 28-vjeçarin e pret një kontratë faranike. Presidenti Perez është gati t’i ofrojë 400 mijë sterlina në javë, ose ndryshe 24 milionë sterlina në vit!

Arrihet marrëveshja, Hazard shitet për 100 milionë €

Sport Ekspres — Fri, 19 Apr 2019 15:18:55 +0000

Eden Hazard mund të largohet këtë verë nga Çelsi, edhe pse londinezët janë të dënuar për të mos bërë afrime dhe kjo do i penalizonte goxha. Sulmuesi belg është nën kontratë deri në verën e vitit 2020 dhe klubi që garon në Premier League mund ta humbasë me parametra zero.

Sipas asaj që raporton spanjollja Marca, është arritur marrëveshja dhe Hazard do të jetë pjesë e Realit të Madridit sezonin e ardhshëm. Belgu shikohet si pasardhësi ideal i Kristiano Ronaldos dhe vetë lojtari e ka shprehur hapur që do donte të ishte pjesë e madrilenëve. Zidan është idhulli i tij dhe dëshira është e madhe për të punuar me francezin.

Dy ditë më parë ishte Fabio Kapelo ai që deklaronte se kishte informacion të sigurt që Reali këtë verë do të shpenzojë shumë në merkato. Sipas trajnerit italian, plot 500 milionë euro është fondi i ndarë nga klubi për të bërë transferimet e duhura. Sa duket, Hazard do jetë goditja e parë.

Skuadër galaktikësh, ja si do të jetë formacioni i Realit sezonin e ardhshëm

Sport Ekspres — Tue, 16 Apr 2019 07:32:41 +0000

Reali i Madridit dëshiron të krijojë një skuadër më të uritur për trofe. Për këtë “Los Blancos” i pret një verë shumë e nxehtë në aspektin e merkatos. Florentino Perez gjithmone dëshiron t’i veshë me të bardha më të mirët. Të shumtë janë synimet në merkato. Emra si Kilian Mbape, Pol Pogba apo Eden Hazard janë të shkruara me gërma kapitale në listën e Zidanit.

Prestigjozja “The Sun” bën një tabllo sesi mund të jetë formacioni i madrilenëve për sezonin e ardhshëm. Në portë nuk ka prurje të reja me Navas apo Kurtua në mes të katërkëndëshit. Mbrojtja ka ndryshime.

Në qendër do të jetë Militao, që do të zëvendësojë Varanen dhe në krahun e majtë nuk do të jetë as Marselo, as Regulion, por Grimaldo i Benfikës. Mesfusha dhe sulmi janë repartet që pësojnë një ndryshim radikal.

Emra si Kros, Modriç, Bejl apo Benzema do të zëvendësohen nga Pogba, Deklan Rajs i Uest Hem, Kilan Mbape dhe Eden Hazard. Të vetmit që mbijetojnë janë Isko dhe Vinisius Zhunior. Për të bërë bashkë të gjithë këto yje Realit do t’i duhej një shifër e frikshme prej rreth 500 milonë eurosh.

“Magjia” e Hazard dhe makthi i 2014-ës, Klop gati për finalen me Çelsin

Sport Ekspres — Fri, 12 Apr 2019 21:55:51 +0000

Liverpuli pret nesër në “Anfield” Çelsin. “The Reds” u duhet medoemos fitorja për të qëndruar në luftën për titullin kampion që u mungon prej më shumë se dy dekadash.

Në daljen për shtyp për takimin e nesërm, trajneri Jyrgen Klop u pyet në lidhje me humbjen e pësuar në vitin 2014, kur në drejtim të Çelsit ishte Zhoze Murinjo, ndeshja kjo që i dha fund garës për titull në atë sezon.

HUMBJA E 2014-ës – “Nuk është e rëndësishme që të bisedojmë për të shkuarën. Ka kaluar shumë kohë, gjithçka ka ndryshuar. Kemi plot arsye për të qenë optimist para kësaj sfide. Djemtë kanë bërë shumë deri tani. Jemi ende në luftë për titullin dhe kjo është një gjë brilante”.

HAZARD – “Më duhet të hedh në fushë 13 lojtarë kësaj radhe, dhe dy prej tyre do të merren vetëm me Hazardin. Duhet të mos ta lëmë të shkëlqejë. Na duhet të lexojmë lojën, pasimet etj. Në situata një kundër një, nuk mund ta mbrosh atë. Në ditën e tij ai mund të jetë lojtari më i mirë në botë. Ka pasur një karrierë brilante deri më tani dhe s’ka mbaruar ende. Më pëlqen kënaqësia që ka në lojë, shpejtësia forca”, tha Klop.

Hazard te Reali, zbulohet se kur do të bëhet zyrtarizimi!

Sport Ekspres — Tue, 09 Apr 2019 20:15:24 +0000

Eden Hazard dëshiron të transferohet te Reali i Madridit. Çelsi nuk do që ta humbë yllin e skuadrës, por dëshira e tij është mbi gjithçka. Ardhja e Zidan duket se e ka bindur belgun të tranferohet në “Santiago Bernabeu”. Florentino Perez është gati të hapë thesin për të siguruar shërbimet e 28-vjeçarit.

Këtë e konfirmojnë edhe nga Spanja. Gazetari i njohur, Eduardo Inda jep një deklaratë të guximshme ku shprehet se ky operacion është i mbyllur dhe pritet të shpallet para finales së Championsit.

“Nënshkrimi i Hazard do të shpallet 20 apo 25 ditët e ardhshme. Me siguri para finales së Championsit. Marrëveshja është praktikisht e mbyllur dhe pritet vetëm zyrtarizimi”, shprehet Eduardo Inda.

Thuajse e kryer, Real Madridi më në fund merr një “superstar”

Sport Ekspres — Sat, 06 Apr 2019 10:35:32 +0000

Kalimi i Eden Hazard tek Reali i Madridit po shndërrohet në një fakt. Belgu kërkohet prej kohësh nga madrilenët, që janë gati të hapin thesin për ta shkëputur nga Çelsi. Zidan është përgjegjësi i merkatos tashmë dhe francezi ka dhënë “bekimin” e tij për ardhjen e 28-vjeçarit.

Shpejtësia, teknika e lartë apo aftësia finalizueze e tij janë diçka që mungon në Madrid. Së fundmi gazeta “Marca” jep lajmin e madh për tifozët e “Los Blancos”. Marrëveshja mes Florentino Perez dhe zyrtarëve londinezë është thuajse e mbyllur.

Lojtari kështu do të arrintë të përmbushte ëndrrën e tij për të luajtur me galaktikët sezonin e ardhshëm. Në ditët në vijim pritet që Eden të udhëtojë për në kryeqytetin spanjoll për të njohur qytetin dhe për të gjetur një shtëpi. Kontrata do të jetë gjashtë vjeçare.

Hazard thumbon Totenhemin: Stadiumi i ri? Po trofetë?!

Sport Ekspres — Thu, 04 Apr 2019 14:57:03 +0000

Çelsi dhe Totenhemi njihen për rivalitetin mes tyre, duke ditur që të dyja janë klube londineze. Ndeshjet e mes dy skuadrave shpesh karakterziohen nga një luftë e madhe sportive, por ka raste që përplasjet kalojnë edhe jashtë fushës, ku thumbimet nuk mungojnë.

Më i fundit ka ardhur nga Eden Hazard. Belgu, i pyetur për stadiumin e ri që rivalët e Çelsit kanë bërë, u përgjigj me ironi, duke thënë se është diçka shumë e mirë, por që trofetë përsëri i ka Çelsi dhe jo Totenhemi. Konkretisht, sulmuesi u shpreh:

Stadiumi i ri i Totenhem

“Për Premier Ligën është diçka e mirë, një stadium i ri si dhe lojtarët e nivelit të lartë. Gjithsesi, në fund duhet të dini që Çelsi ka shumë trofe, ata nuk kanë, kështu që shpresoj që diçka e tillë të vazhdojë”, përfundoi Hazard.

Eden Hazard destroys Spurs and their new stadium: “For the Premier League it is good – new stadium, they have top players. But at the end you know Chelsea we won a lot of trophies, they have not, so I hope this continues.” pic.twitter.com/3D5isb8Je2

— Sarrismo (@Blue_Footy) April 4, 2019

Drogba qetëson tifozët: Hazard largohet si një legjendë

Sport Ekspres — Fri, 29 Mar 2019 11:55:39 +0000

E ardhmja e Eden Hazard po duket gjithmonë e më larg Çelsit. Belgu është shumë pranë kalimit te Real Madrid. Dy klubet ndodhen në fazën e negociatave dhe me shumë gjasa marrëveshja do të kryher për një shumë që i kalon 100 milionë eurot.

Për të qetësuar raportin e Hazard me tifozët, ka ndërhyrë një legjendë e klubit londinez, si Didier Drogba. Ish-sulmuesi e konsideroi belgun si një ndër legjendat e Çelsit për ato çfarë ai ka arritur në gjashtë vite me fanellëne bluve të Londrës.

“Hazard është një legjendë pavarësisht se çfarë do të ndodhë. Mjafton të shikosh se çfarë ka arritur në gjashtë vite me klubin. Ai është dikush që ka pritshmëri shumë të mëdha ndaj vetes dhe kolegëve të tij pasi kërkon gjithmonë të fitojë”.

“Ka fituar dy herë kampionatin, ka fituar kupën, ka fituar çmimin lojtari i vitit. Është thjesht Eden Hazard”, përfundoi Drogba.

Hazard tallet me gafën e Kurtua: Sheh videot e mia, tentoi të më imitonte

Sport Ekspres — Fri, 22 Mar 2019 13:11:14 +0000

Tibo Kurtua është prej kohësh një nga portierët më të mirë në botë. Belgu la Çelsin në verë për t’u transferuar te Reali i Madridit. Aventura me “Los Blancos” nuk po shkon në mënyrën më të mirë të mundshme dhe 26-vjeçari po zhvillon një sezon aspak pozitiv.

Ai ka pësuar 42 gola në 32 ndeshje të zhvilluara me Realin dhe ka arritur ta mbajë portën të paprekur në vetëm tetë ndeshje. Forma e dobët u përsërit edhe në ndeshjen e kombëtares.

Belgjika nuk vuajti shumë për të mposhtur Rusinë 3-1 dhe për t’i nisur me fitore eliminatoret e Euro 2020, por Kurtua ju fali një gol rusëve. Ishte minuta e 16-të, kur portieri tentoi një driblim të panevojshëm, duke ia dorëzuar topin Çerishevit, i cili barazoi përkohësisht ndeshjen.

Në rrjetet sociale kanë shpërthyer ironitë kundrejt Kurtuasë, të cilit i ka dalë në mbrojtje Eden Hazard. Fantazisti i Çelsit ka bërë humor, duke dashur të ulë pak tensionin e atij episodi.

“Ndoshta Kurtua i sheh shumë videot e mia dhe ka provuar që të imitojë. Tashmë të gjithë në rrjete sociale po flasin vetëm për gabimin e tij, por kjo është diçka normale”, thekson Eden Hazard.

Çelsi reziston për Hazard, Reali kërkon zbulimin e Igli Tares

Sport Ekspres — Thu, 21 Mar 2019 19:29:02 +0000

Eden Hazard vazhdon të jetë një nga objektivat kryesorë të Realit të Madridit. Vetë lojtari ëndërron një transferim në kryeqytetin spanjoll, ndërsa duhet bindur Çelsi. Sipas raportimeve të “Sky Sport”, klubi anglez ka refuzuar 70 milionë sterlina të Realit për belgun.

Drejtuesit e “Los Blancos” po mendojnë për një tjetër alternativë. Siç raporton katalanasja ”Sport”, Reali pëlqen edhe Felipe Anderson. Braziliani la Lacion në fillim të këtij sezoni për të kaluar tek Uest Hemi në ishull.

25-vjeçari po bën shumë mirë me “Çekiçët”, aty ku ka shënuar 11 gola dhe ka dhuruar 4 asiste. Uest Hemi pagoi 40 milionë euro te bardhekaltrit e Igli Tares, ndërsa mund ta lënë të mirë brazilianin e talentuar për shifrën që është ofruar për Hazard.

Felipe Anderson po zhvillon një sezon shumë të mirë, ka luajtur të gjitha ndeshjet me Uest Hemin dhe ka arritur të gjejë vazhdimësinë e munguar prej tij. Zidan e pëlqen dhe Reali mund të vendosë të investojë te ky lojtar në fund të sezonit.