ECA

Nuk do të ketë një Superligë Europiane, një “SuperChampions” në sfond?

Sport Ekspres — Tue, 20 Nov 2018 13:45:49 +0000

Ideja e krijimit të Superligës Europiane qarkullon prej kohësh, por një gjë e tillë është përgënjeshtruar nga Andrea Anjeli dhe Aleksandër Ceferin.

“Unë mund të konfirmoj që nuk e kemi diskutuar dhe as jemi përfshirë në krijimin e Superligës Europiane. Ne jemi plotësisht të impenjuar me UEFA-n për avancimin e lojës së futbollit”, konfirmon Andre Anjeli, presidenti i Juventusit dhe kreu i ECA (Shoqata e Klubeve Europiane).

Në të njëjtën linjë qëndron dhe presidenti i UEFA-s, Aleksandër Ceferin. Slloveni e përjashton një gjë të tillë, ndërkohë që i hap rrugën krijimit të një… SuperChampions Lige, siç citon “Gazzetta dello Sport”, që do të përbëhet nga 32 skuadra.

“Nuk do të ketë Superligë Europiane. E gjitha që mund të them është që kjo ide është jashtë diskutimeve tona. Të gjithë do të kenë mundësinë për të konkurruar në çdo kompeticion europian. Detyra jonë është të ruajmë trashëgiminë e futbollit europian, por nga ana tjetër jemi të vetëdijshëm se duhet të mendojmë dhe për tregje të tjera. Tifozët mund të qëndrojnë të qetë. Nëse do të krijojmë një produkt të ri, jemi të sigurt që do të përfshihen tifozë nga e gjithë europa.”

SuperChampions mund të lindë në vitin 2024, ndërkohë që licencimi i një kompeticioni të tillë mund të ndodhë në vitin 2021.

Risitë e futbollit, Anjeli paraqet pesë ndryshimet!

Sport Ekspres — Thu, 13 Sep 2018 07:08:54 +0000

Andrea Anjeli, presidenti i Juventusit dhe i Shoqatës së Klubeve Europiane (ECA), ka propozuar pesë ndryshime sa i përket rregullave të futbollit. Ndryshim të rëndësishme, por dhe të nevojshme. Propozimet e tij ndoshta nuk do të merren në konsideratë të gjitha, por me shumë mundësi do të ketë ndryshime.

1: Futja e teknologjisë VAR në kompeticionet europiane sa më shpejt të jetë e mundur.

2: Futja e kupës së tretë europiane, duke filluar nga sezoni 2021/2022.

3: Kufizimi i fuqisë së menaxherëve të lojtarëve në tratativat dhe negociatat e merkatos.

4: Ndërprerjet e kampionatit per 2 javë, kur ka kombetare, të mos jenë 4 here në vit si tani, por 2 ose 3 herë në vit dhe reformimi i kalendarit ndërkombëtar duke filluar nga viti 2024 dhe në vazhdim.

5: Mbyllja e merkatos në të njëjtën kohë në të paktën, pesë kampionatet kryesore të Europës.

Rumenige heq dorë nga presidenca e ECA-s

Sport Ekspres — Fri, 11 Aug 2017 09:49:24 +0000

Shefi ekzekutiv i Bajernit, Karl-Hainc Rumenige, pas nëntë vitesh nuk do të jetë më kreu i ECA-s, Shoqata e Klubeve Evropiane.

61-vjeçari dje ka njoftuar zyrtarisht klubet pjesëmarrëse, se muajin e ardhshëm nuk do të kandidojë më për këtë post. Aktualisht, gjermani është numri 2 i klubit më të madh në Gjermani.

“Ka ardhur momenti të kaloj përgjegjësinë. Gjithmonë kam thënë se zyrtarët duhet të harrohen në çdo rast dhe e kam thënë seriozisht”, – është shprehur ish-lojtari i kombëtares 4-herë kampione bote. Për këtë vendim të tij janë njoftuar edhe klubet shqiptare pjesë të ECA-s.