30-vjeçari është përshëndetur me shokët e skuadrës dhe pas 1 viti e gjysmë, ka mbyllur aventurën e tij te Kukësi. Dzaria iu bashkua Kukësit në janar të vitit 2018, nga skuadra gjeorgjiane, Dila. Me verilindorët, mesfushori ka luajtur 43 ndeshje në Superiore, ku ka shënuar 5 gola.

I pari ishte futbollisti i kombëtares, Andi Lila, i cili ka ardhur për të ndjekur me interes skuadrën e Tiranës, për të cilën ka shprehur gjithmonë simpati. Përveç mbrojtësit kuqezi, në stadium ishte dhe mesfushori i Kukësit, Irakli Dzaria.

Ky i fundit nuk ka qenë në gjendjen e tij më të mirë shëndetësore dhe ka vetëm pak ditë që ka dalë nga spitali. Megjithatë, kjo gjë nuk e ka ndaluar që të ndjekë skuadrën e Kukësit në kryeqytet.

SKEMA E GOLIT – “E kemi provuar skemën edhe në stërvitje dhe në ndeshje, e kryem me sukses dhe shumë bukur. Jam shumë i lumtur që skuadra ka filluar të fitojë, por jam i lumtur edhe për golin tim. E rëndësishme është që të fitojë skuadra”.

GOLAT – “Më mungon shumë Musolli, pasi ai rrinte prapa dhe unë kisha më shumë liri përpara në sulm. Musolli nuk është i gatshëm dhe më duhet të qëndroj më mbrapa”.

SKËNDERBEU – “Të gjitha ndeshjet për ne janë shumë të rëndësishme. Skënderbeu është një skuadër shumë e fortë, por ne duam të fitojmë, pasi synojmë titullin kampion”.

PARTIZANI – “Edhe Partizani është një ekip shumë i mirë, por nuk fituan me Tiranën dhe ne ngushtuam diferencën. Nëse duam të fitojmë titullin kampion, është e thjeshtë: Duhet të mundim Partizanin”,- u shpreh Dzaria.

Gjithsesi, mbrojtësi është rikthyer në formën e tij optimale, ndërsa Musolli ka zbritur sot në fushën e blertë, duke kryer në seancë të plotë stërvitore pas shumë muajsh. Një tjetër rikthim i rëndësishsmë është ai i mesfushorit Dzaria, një lojtar të cilit Cungu i beson shumë.

Kordeiro vuan prej disa kohësh nga një dëmtim në dorë dhe vazhdon të jetë ende i fashuar. Megjithatë, braziliani ka qenë gjithmonë i gatshëm për të zbritur në fushën e lojës, duke sakrifikuar dhe gjendjen e tij. Me kalimin e javëve, Kukësi i Armando Cungut po e kompleton organikën dhe do të vazhdojnë deri në fund të rivalizojnë me Partizanin, që po udhëheq kampionatin që në javët e para të sezonit.

Për ndeshjen e ardhshme, trajneri Armando Cungu do të ketë një alternativë më shumë në skuadrën e tij. Irakli Dzaria do të jetë nën urdhrat e trajnerit, pasi e ka shlyer pezullimin që pati për shkak kartonësh, duke mos qenë prezent në sfidën me Partizanin.

Te Kukësi e kanë përmendur shpesh se mungesat kanë qenë një nga faktorët që rezultatet e tyre nuk kanë përligjur pritshmëritë, megjithatë duhet të kujtojmë që kuksianët ishin një prej ekipeve që bënë më shumë lëvizje se të gjitha skuadrat e tjera në merkaton e verës.

Mungesë e sigurt është ajo e Iralkli Dzaria, i cili në ndeshjen me Skënderbeun mori kartonin e katërt të verdhë. Gjeorgjiani bëri një ndeshje mjaft të mirë ndaj korçarëve, por është i detyruar që ta ndjekë nga tribuna ndeshjen e radhës.

Vëmendja është nga infermieria, ku shpresohet që të jetë i gatshëm Donjet Shkodra. Ky i fundit ishte në stol në takimin e fundit dhe me shumë gjasa do të jetë i gatshëm për ta nisur nga minuta e parë ndeshjen e së premtes.

Vëmendja është edhe nga Shafik Tigruxha, i cili prej pak javësh nuk është i disponueshëm. Po ashtu edhe kapiteni Ylli Shameti ka postuar ditën e djeshme një foto, ku shihet se po bën terapi, por nuk pritet që gjirokastriti të mungojë.

Shameti, Dzaria, Rexhinaldo dhe Shkodran kanë nga tre kartonë dhe nëse do të ndëshkohen nesër javën e ardhshme do të jenë të detyruar që ta ndjekin takimin me kryesuesit nga tribuna. Në këtë pikë Skënderbeu rrezikon akoma dhe më shumë.

Korçarët kanë plot 5 lojtarë që rrezikojnë të humbasin ndeshjen e javës së ardhshme. Aliti, Abazi, Demte, Dita, Bregu kanë të gjithë nga 3 kartonë dhe një ndëshkim në sfidën e Kamzës ndaj Luftëtarit nuk do të jenë në fushë. Një ndeshje e madhe, por që do kujdes. Kjo gjë mund të privojë disi lojën e fortë, sidomos te Kukësi, pasi askush nuk do të humbasë ndeshjet e mëdha.

Te Kukësi, Donjet Shkodra ka shfaqur probleme fizike, si pasojë e goditjeve të marra në ndeshjen me Flamurtarin. Mesfushori është në diskutim për ndeshjen e nesërme, por duket shumë e vështirë që të jetë në fushë. Do të ishte një hall shumë i madh për Cungun, nëse nuk do e kishte të gatshëm për këtë sfidë. Arsyeja është e thjeshtë, në stol nuk është askush i gatshëm për ta zëvendësuar 29-vjeçarin.
Edhe pse rikthehet Irakli Dzaria, problem mbete numri i të huajve në fushë dhe aktualisht nuk është asnjë mesfushor qendre me pasaportë shqiptare i gatshëm për teknikun Shkodra. Në të tilla kushte mundësitë janë vetëm dy.

Kukësi ose do të ndryshojë modul loje, duke aplikuar një skemë tjetër ku Cungu të ketë mundësinë që të aktivizojë vetëm 4 lojtarë të huaj, ose do të improvizohet një futbollit krahu që të luajë si mesfushor qendre. Mundësia e tretë është që të aktivizohet ndonjë futbollist nga të rinjtë, por kjo duket një mundësi gati e pamundur, duke ditur rëndësinë e kësja sfide.

Situata te verilindorët është jo e mirë, pasi Musolli, Rrumbullaku dhe tani Shkodra janë të dëmtuar. Po ashtu edhe Çyrbja është dërguar te ekipi B. Cungu duhet të gjejë një zgjidhje, por nuk e ka aspak të lehtë, pasi duhet rikujtuar që Limaj, ndonëse është shqiptar, posedon vetëm pasaportë gjermane, çka e privon nga mundësia për t’u pajisur me pasaportë tjetër.

-Si e prisni këtë përballje, duke qenë që luani ndaj një skuadre nga Gjeorgjia?
Është hera e parë që unë do të jem kundërshtar në arenën europiane ndaj një skuadre të vendit tim. Do të ishte më mirë sikur të luanim në fazën “play-off” të Championsit bashkë.

-Si e shikoni Torpedon në këtë përballje?
Torpedo është një ekip shumë i mirë, me lojtarë cilësor. Skuadra është fuqizuar ndjeshëm për Kupat e Europës. Ata kanë një trajner shumë të mirë. Do të jetë një ndeshje shumë e vështirë dhe e tensionuar.

-Si i shikoni shanset në këtë përballje?
Shanset them se janë 50 me 50. Por, çdo gjë do të vendoset në ndeshjen e dytë në Shqipëri.

– Keni pasur një problem fizik, do jeni gati për ndeshjen?
Në minutat e fundit me Karabakun pata disa shqetësime dhe jam shkëputur pak nga përgatitjet. Tani do të filloj trajnimin dhe do të jem gati për ndeshjen e radhës.

– Kukësi nuk është paraqitur mirë në Europë, çfarë nuk shkon në skuadër?
Nga skuadra është larguar shënuesi më i mirë, por dhe disa lojtarë të tjerë, çka nuk ishte diçka shumë e mirë. Ata ishin një forcë e madhe për ekipin. Ne kemi bërë shumë afrime, por problemi i vetëm është se duhet kohë që të përshtaten me ekipin.

-Kemi parë shumë pak tifozë në stadiumin tuaj…
Ne nuk luajmë në qytetin tonë dhe një pjesë e tyre jetojnë dhe në Tiranë. Në të tilla kushte, ata duhet të udhëtojnë për të ardhur në Shkodër. Do i kishim tribunat plot nëse do të luanim në stadiumin tonë. Uroj që të na mbështesin në këtë ndeshje.

-Mund të na e krahasoni futbollin gjeorgjian me atë shqiptar?
Sipas meje në Gjeorgji luhet më shumë futboll teknik, ndërsa na Shqipëri luftohet fort për gjatë 90 minutave. Këtu nuk do jetë e lehtë për ju që të fitoni.

Në portalet gjeorgjiane shihet qartë interesimi i madh që kanë për Kukësin, ku nuk kanë nguruar që të bëjnë një profil të plotë të skuadrës verilindore, duke treguar historikun e nënkampionëve.

Veç vlerësimit që kanë për blutë, në Gjeorgji e theksojnë shumë se “ylli” i Kukësit është pikërisht një nga lojtarët e vendit të tyre, Irakli Dzaria, duke kujtuar se ishte pikërisht goli i mesfushorit që i dha kualifikimin skuadrës kuksiane në përballjen me Valetën e Maltës.