Në Gjermani janë të jashtëzakonshëm, spektakël në… hokej!

Sport Ekspres — Sun, 13 Jan 2019 10:28:57 +0000

Futbolli në Gjermani është shumë i ndjekur dhe të gjithë shkojnë në stadium. Pavarësisht gjendjes së ekipit, apo kategorisë ku luan, tifozët mbushin stadiumet dhe udhëtojnë masivisht dhe nëpër transferta.

Mos të flasim për ndeshjet derbi, aty ku nuk ka rëndësi se çfarë loje luhet: futboll, apo… hokej! Këln-Dyseldorf është një derbi i zjarrtë dhe të shtunën dy skuadrat përballeshin mes tyre në hokej.

DEL #Wintergame2019 in #Rheinenergiestadion pic.twitter.com/B7lwoI6VAV

— Onnetar (@Onnetar) January 12, 2019

Stadiumi “RheinEnergieStadion” i vendasve ishte i mbushur plot e përplot, me tifozët që dhuruan një atmosferë spektakolare. E rrallë të shohësh një stadium me kapacitet rreth 50 mijë tifozë plot me tifozë në një ndeshje hokeji.

Këlni e humbi ndeshjen me rezultatin 2-3, duke mos arritur t’ia shpërblejë tifozëve të zjarrtë mbështetjen e madhe, por kjo nuk ka rëndësi. Atmosfera ishte e jashtëzakonshme, ultrasit përgatitën dhe koreografi, ndërsa të gjithë tifozët e Këlnit dhuruan emocione të mëdha.

WOW! #DELWINTERGAME2019 <3 pic.twitter.com/y6LuGG1asH

— Kölner Haie (@Koelner_Haie_72) January 12, 2019

Tre gola Bajernit pas 17 viteve: Lukebakio, talenti të cilin e ëndërroi Interi

Sport Ekspres — Mon, 26 Nov 2018 23:01:39 +0000

Njeriu që ekzekutoi Bajernin e Mynihut ka një emër dhe një fytyrë: ai është Dodi Lukebakio Ngandoli. I lindur në vitin 1997, me origjinë belge, por me pasaportë të Republikës Demokratike të Kongos. Ai u bë lojtari i parë që shënon tre gola në portën e bavarezëve pas 17 vjetëve (i fundit që e kishte realizuar diçka të tillë ishte Ebe Sand i Shalkes).

Aspak keq për një lojtar vetëm 21-vjeçar, i cili luan me Fortuna Dyseldorf. Me tre golat e tij, Lukebakio rikuperoi dy golat e Myler dhe atë të Sules, duke i dhuruar skuadrës së tij një pikë shumë të rëndësishme në “Alianz Arena”. Pas asaj paraqitje, e gjithë vëmendja ndërkombëtare është përqendruar te talenti i sulmit.

Edhe pse ka luajtur me ekipet e moshave të Belgjikës, ai zgjodhi të përfaqësojë Kongon në arenën ndërkombëtare. Teknikë dhe shpejtësi, që e bëjnë mjaft të rrezikshëm në driblime dhe në luftën një kundër një. Tashmë luan në Bundesligën gjermane, por është rritur në akademinë e Anderlehtit.

Pikërisht aty ra në sytë e vëzhguesve të klubeve të mëdha, pasi me skuadrën mbretërore belge arriti edhe gjysmëfinalet e “Youth League 2015”. Në ekipin e parë debutoi kur ishte vetëm 18-vjeçar dhe më pas u huazua te Tuluza dhe Çarleroi, përpara se të shitej për 5 milionë euro te Uotford, skuadër që aktualisht zotëron kartonin e tij.

Në të kaluarën, për Lukebakion ishte interesuar Spal-i, ndërsa kur ishte pjesë e Anderlehtit kishte tërhequr edhe vëmendjen e Interit. Me pak fjalë, djaloshi që mahniti Europën me tre golat e tij ndaj Bajernit, ishte një talent i cili kishte nevojë për besim dhe hapësira. Një yll në rritje, që nuk ka aspak ndërmend të ndalojë.