“Të them të drejtën, nuk është se jam menduar dy herë për këtë përzgjedhje, që do të thotë se qysh në kontaktin e parë kam pranuar pa as më të voglin hezitim skuadrën e Tomorit. Shpresoj shumë që duke kontribuar maksimalisht, të jap gjithçka nga vetja ime, në mënyrë që në sezonin e ri futbollistik ne të arrijmë ngjitjen në Superiore. Kam shumë besim që me një klub dhe skuadër shumë të njohur si Tomori, të realizojmë atë ëndërr të njohur dhe të mundshme plotësisht për tu realizuar, që të rikthejmë pas gjashtë sezoneve skuadrën në Superiore.

“Unë ndaj kam zgjedhur Tomorin, jo vetëm për historinë e lavdishme që ka kjo skuadër dhe investimin që po kryen klubi, por edhe se për këtë sfidë jam duke i përgatitur seriozisht që në fund të sezonit të deklarohem si një bast i fituar, si për veten, ashtu edhe për klubin e njohur beratas. Mbi të gjitha vlerësoj këtë tifozeri të mrekullueshme që kam gjetur këtu, të cilës dua t’ia shpërblej qysh në ndeshjen e parë ndaj Lushnjës në Berat”, ka deklaruar shkodrani 22-vjeçar, i cili përveçse me Vllazninë, ka luajtur edhe me Kastriotin.

Edi Spahiu

Ai e ka njoftuar diçka të tillë përmes një postimi në “Instagram”, ndërkohë që ka një mesazh të koduar. Arsyet pse largohet nuk i zbulon, por lë për të kuptuar se diçka nuk shkon. 22-vjeçari vjet e nisi kampionatin me Kastriotin në Kategorinë e Parë, ku spikati me 4 gola në 11 takime.

Dyca u rikthye te Vllaznia në merkaton e Janarit, por nuk mundi të gjente hapësira në ekipin e parë, pasi u aktivizua vetëm me ekipin rezervë ku nuk mundi të përsëriste ecurinë e mirë që kishte kryer në me krutanët në fazën e parë.

Ndërkohë, një tjetër problem imazhi ka prekur klubin e Vllaznisë. Televizioni lokal “TV1 Channel” ka publikuar një video ku shihen lojtarët e Vllaznisë duke mbajtur radhën për ujë gjatë miqësores me Veleçikun. Pamjet kanë shkaktuar irritim dhe komente tallëse te shumta tallëse nga tifozë e skuadrës shkodrane.

Bujar Balliu

Krutanët janë në rrugën e duhur, pasi në dy javët e para të kampionatit kanë arritur të marrin dy fitore, duke e nisur në mënyrën më të mirë të mundshme sezonin e ri. Kastrioti, aktualisht ndodhet në krye të grupit me 6 pikë, 2 më shumë se vendi i dytë. Sot, ekipi i drejtuar nga Samuel Nikaj, do të zbresë në Kamzë, ku do të nisë edhe përgatitjet për përballjen e Kupës ndaj Vllaznisë e cila zhvillohet në mesjavë. Ndeshja e parë, e zhvilluar në Krujë, u mbyll në barazim pa gola, ndërsa të mërkurën luhet ndeshja e kthimit. Objektiva në Kupë nuk ka, megjithatë do të luhet futboll, shprehen Krutanët. Sakaq, po këtë fundjavë krutanët kanë një tjetër përballje me Vllazninë, vetëm se kësaj radhe me ekipin B, me të cilën luajnë për kampionat, dhe për llogari të javës së tretë. Synimet e krutanëve janë të qarta këtë sezon, kudo për tri pikë. Megjithatë, përballja me Vllazninë B, është më e rëndësishme se përballja e Kupës.

DYCA – Një shkodran i talentuar u huazua po nga Vllaznia te Kastrioti në merkaton e verës, madje në ndeshjen e së shtunës në kampionat, shkëlqeu duke krijuar volum loje dhe raste të shumta shënimi. Në një prononcim të shkurtër për “Sport Ekspres” Dyca, flet mbi synimet e tija personale dhe të skuadrës, por nuk lë pa përmendur edhe përballjen me skuadrën “mëmë”. “Jam shumë i kënaqur, që e kemi nisur me këmbën e mbarë kampionatin. Këto pikë janë fryt i mirë organizimit dhe harmonisë së grupit. Megjithatë, duhet të kemi kujdes, duhet të ruhemi nga euforia dhe të qëndrojmë me këmbë në tokë, pasi kampionati sapo ka nisu. Personalisht jam i kënaqur, nga besimi i dhënë nga trajneri duke marrë minuta. Unë do mundohem të jap më të mirën time duke e justifikuar besimin e dhënë. Shoh, që çdo repart është i dubluar dhe konkurrenca për një vend titullari është e madhe. Kjo është diçka pozitive, për një ekip me pretendime siç jemi ne. Përballemi me Vllazninë këtë javë, dhe është një ndjesi e veçantë për mua, pasi aty jam formuar si futbollist. Primare kemi kampionatin, ku do synojmë patjetër tri pikshin, ndërsa në Kupë me Vllazninë, thjesht do të luajmë futboll”, –  përfundon Dyca prononcimin e tij.

Krutanët vazhdojnë që çdo ditë të afrojnë futbollistë cilësorë. Por, si edhe kanë pohuar drejtuesit më të lartë të klubit të Kastriotit, nuk do të heqin dorë edhe nga të rinjtë e talentuar. Ergi Borshi i afruar pak ditë më parë, por edhe disa të rinj vendas janë përfshirë në planet e drejtuesve. Por, dje duket se është gjetur akordi me një tjetër lojtar të ri të talentuar. Bëhet fjalë për Denis Dycën, sulmuesin 21-vjeçar i cili dje ka rënë dakord me drejtuesit dhe ditët në vijim pritet edhe hedhja e firmës.

Dyca, edhe pse i ri në moshë, në tre sezonet e fundit ka qenë pjesë e Vllaznisë në Superiore, ku edhe është aktivizuar në disa ndeshje deçizive, kurse edicionin e shkuar ka luajtur edhe me skuadrën e Vllaznisë B, në Kategorinë e Dytë ku edhe ka shënuar disa gola të rëndësishëm. Me këtë akord, numri i lojtarëve që ka afruar Kastrioti shkon në 7-të, por në ditët në vijim priten të tjera përforcime cilësorë. Me sa duket, krutanët po mendojnë të ndërtojnë një skuadër të konsoliduar, ku nuk janë të përqendruar vetëm te emrat, por edhe tek talentet.