Duvan Zapata

Lukaku iku, Konte piketon bomberin kolumbian

Sport Ekspres — Fri, 02 Aug 2019 17:43:26 +0000

Interi duhet ta harrojë Lukakun dhe të përqëndrohet në lojtarë të tjerë. Konte e di se belgu i ka ikur nga duart dhe është hedhur në sulm për të marrë Duvan Zapatën nga Atalanta. 28-vjeçari është treguar një sulmues i madh sezonin e kaluar, duke shënuar 28 gola në 48 ndeshje.

Atalanta dëshiron 60 milionë euro. Një përfshirje e Mateo Politano do të ishte e favorshme për të dy ekipet. Trajneri Gasperini e pëlqen shumë anësorin zikaltër dhe e shëh si një përforcim të madh për skuadrën e tij, që sezonin e ardhshëm do të luajë në Champions League për herë të parë në histori.

Duvan Zapata

Lukaku tepër i shtrenjtë, Marota në sulm për “bishën” e Serie A

Sport Ekspres — Tue, 16 Jul 2019 08:05:47 +0000

Antonio Konte e ka bërë të qartë prej kohësh që sulmuesi ideal për të tek Interi është Romelu Lukaku. Megjithatë, negociatat për sulmuesin belg nuk po rezultojnë të frytshme. Mançester Junajtid nuk pranon ta lëshojë 26-vjeçarin pa 80 milionë euro.

Duke qenë se çmimi i lartpërmendur është i papërballueshëm për financat e Interit, drejtori Marota ka filluar të mendojë për alternativa të tjera. Sipas “Corriere Dello Sport”, fokusi i klubit zikaltër tashmë është te kolumbiani Duvan Zapata.

Duvan Zapata

Sulmuesi i Atalantës mbylli sezonin më të mirë të karrierës së tij, ku në 37 ndeshje shënoi 23 gola. Kontrata e Zapatës me klubin bergamask mbaron në fund të sezonit të ardhshëm, një fakt ky që i bën më të lehta negociatat për kartonin e lojtarit.

https://www.youtube.com/watch?v=ZUmP4fptSuo

Zapata braktis Atalantën, bomberi me ekip të ri!

Sport Ekspres — Tue, 25 Jun 2019 08:34:54 +0000

Duvan Zapata zbarkoi për herë të parë në Serie A në vitin 2013. Sulmuesi qëndroi dy sezone te Napoli, aty ku luajti pak. Ai shënoi 5 gola sezonin e parë dhe 6 të dytin. Më pas Udineze, Sampdoria dhe Atalanta.

Çdo vit është përmirësuar dhe çdo sezon ka shënuar më shumë së në paraardhësin. Sot është një futbollist ndryshe, lufton, vrapon dhe shënon shumë gola.

Kolumbiani mbylli një sezon fantastik me Atalantën. 23 golat e shënuar në kampionat (28 në total) e ndihmuan ekipin bergamask të kualifikohet në Champions Ligë për herë të parë në histori.

Gjimshiti, Zapata, Pashaliç

Forma e mirë po vazhdon edhe me kombëtaren, që po garon për fitimin e Kupës së Amerikës. Zapata ka shënuar në dy ndeshjet e para kundër Argjentinës dhe Katarit.

Në jug janë penduar për faktin që e lanë të largohej këtë futbollist dhe duan të rregullojnë gabimin e bërë para 4 vitesh. Zyrtarë të klubit kanë nisur kontaktet me lojtarin. 28-vjeçari e ka pritur me entuziazëm interesimin sipas “Il Mattino”.

Zapata është dakord parimisht për t’u transferuar tek ekipi i Ançelotit, ndërsa Napolit i duhet të gjejë akordin financiar me lojtarin dhe sidomos me Atalantën, që është edhe pjesa më e komplikuar.

“Ndihem për mrekulli”, surpriza e Serie A qetëson tifozët

Sport Ekspres — Mon, 03 Jun 2019 07:32:25 +0000

Atalanta zhvilloi një sezon të mrekullueshëm dhe siguroi kualifikimin në Champions Ligë për herë të parë në historinë e saj 112-vjeçare. Sukses i merituar i ardhur nëpërmjet një futbolli modern dhe shumë të bukur.

Ardhja e Duvan Zapatës në verë nga Sampdoria u prit me entuziazëm, por as tifozi më i zjarrtë i ekipit bergamask nuk e kishte ëndërruar një sezon të tillë nga bomberi kolumbian.

23 gola dhe 7 asiste për 28-vjeçarin në kampionat (vetëm Kualjarela shënoi më shumë se ai) dhe 28 gola në total në të gjitha kompeticionet e këtij sezoni. Ofertat për shërbimet e tij nuk kanë munguar, por Zapata e ka ndarë mendjen.

Gjimshiti, Zapata, Pashaliç

Ai ndihet për mrekulli në Bergamo dhe dëshiron të luajë në Champions me shokët e tij. Në prononcimin e dhënë për “Gazzetta dello Sport, sulmuesi latin i shpall besnikëri Atalantës.

“Dua të fitoj trofe me kombëtaren dhe Atalantën. Ky do të ishte maksimumi. Nuk kam ndërmend të lëviz, dua të qëndroj tek Atalanta. Kemi arritur një objektiv të madh me shokët e mi dhe ndihem shumë mirë. Kemi punuar jashtëzakonisht fort, por lumturia e përjetuar në fund nuk ka çmim”, përfundon Duvan Zapata.

Në pritje të përgjigjes së Gasperinit, Roma tenton lëvizjen fituese

Sport Ekspres — Tue, 28 May 2019 13:14:39 +0000

Roma nuk ia doli të kualifikohej në Champions për sezonin e ardhshëm, por diçka e tillë i ka motivuar më shumë drejtuesit që të ndërtojnë një skuadër edhe më të fortë.

Zgjedhja e trajnerit të ri është hapi i parë. Verdhekuqtë preferojnë Xhan Piero Gasperinin për stolin dhe i kanë bërë ofertën e tyre trajnerit të Atalantës: tre vite kontratë me tre milionë euro rrogë në sezon.

Trajneri që kreu mrekullinë me ekipin bergamask nuk ka kthyer ende përgjigje. Fakti që Atalanta e tij do të luajë në Champions Ligë sezonin e ardhshëm e ka futur në dilema dhe kompeticioni më i rëndësishëm për klube e tundon.

Për t’i mbushur mendjen, Roma ka zgjedhur një mënyrë. Edin Xheko është me valixhe gati (ashtu si dhe mbrojtësi Manolas) dhe klubi kryeqytetas ka zgjedhur zëvendësuesin e tij. Ai është Duvan Zapata, bomberi kryesor i Atalantës.

Transferimi i kolumbianit te Roma mund të ndikojë te Gasperini për të pranuar ofertën, pasi 61-vjeçari do të kishte mundësinë për t’i besuar çelësat e sulmit lojtarit të tij të preferuar.

Pasardhësi i Ikardi, një kandidat dhe dy alternativa për Interin

Sport Ekspres — Tue, 23 Apr 2019 10:22:29 +0000

Largimi i Mauro Ikardit në fund të sezonit është i sigurt. PSG është ekipi i fundit që është futur në garë për shërbimet e sulmuesit argjentinas, i cili kërkohet edhe nga Juventusi e Atletiko Madrid.

Tek Interi nuk duan të mbesin të papërgatitur dhe kanë nisur punën për gjetjen e një bomberi. Tre janë alternativat dhe dëshirat: Edin Xheko, Romeo Lukaku dhe Duvan Zapata.

Boshnjaku i Romës pëlqehet shumë nga dyshja Marota-Auzilio dhe ai shihet si partneri i duhur për rritjen e Martinez, Negociatat me lojtarin kanë nisur prej kohësh. Xheko është dakord për t’u transferuar tek Interi, që ofron 10-15 milionë euro, ndërsa Roma kërkon 25-30 milionë euro për 33-vjeçarin. Akordi mund të arrihet edhe me përfshirjen e ndonjë lojtari në tratativa.

Romeo Lukaku është i preferuari i madh i Antonio Kontes. Ai ka shënuar 12 gola sivjet me “Djajtë e Kuq”. Dëshira e sulmuesit belg është për t’u larguar, ndërsa Serie A e tundon prej kohësh. Problem mbetet kartoni i lartë prej 70-80 milionë eurosh dhe rroga prej 10 milionë eurosh në sezon.

Në fund kolumbiani i Atalantës. Zapata dhe shokët e tij po shijojnë një super sezon. Sulmuesi gjeti golin e 26-të për këtë sezon kundër Napolit. Ai është i huazuar deri në vitin 2020 tek Atalanta, ndërsa për t’ia “vjedhur” nga duart ekipit bergamask nevojiten të paktën 45 milionë euro.

E monitoron prej kohësh, Napoli përgatit rikthimin e bujshëm

Sport Ekspres — Sun, 21 Apr 2019 10:34:43 +0000

Çdo vit është përmirësuar dhe çdo sezon ka shënuar më shumë së në paraardhësin. Sot është një futbollist ndryshe, lufton, vrapon dhe shënon shumë gola.

Duvan Zapata

Kolumbiani po zhvillon një sezon fantastik me Atalantën dhe një radhë e madhe klubesh interesohen për të. Zapata me shokë janë një hap larg finales së Kupës së Italisë dhe në luftë për kualifikimin në Champions Ligë.

25 gola të shënuar në të gjitha kompeticionet gjatë këtij sezoni për 28-vjeçarin. Interi është një nga klubet më të interesuara, por në garë është futur edhe… Napoli!

Në jug janë penduar për faktin që e lanë të largohej këtë futbollist dhe duan të rregullojnë gabimin e bërë para 4 vitesh. Napoli dërgon prej kohësh një përfaqësues të klubit për të ndjekur nga afër lojërat e shokut të Berishës e Gjimshitit.

Nesër zhvillohet ndeshja Napoli-Atalanta dhe palët mund të nisin kontaktet për rikthimin e bujshëm.

Lautaro nuk mjafton, Interi 50 milionë euro për pasuesin e Ikardit

Sport Ekspres — Mon, 01 Apr 2019 19:12:06 +0000

Mauro Ikardi duket se është i destinuar për t’u larguar nga Interi në fundin e këtij sezoni, me ish-kapitenin që nuk luan që nga muaji shkurt. Gjithashtu, Lautaro Martinez nuk është se bind në majën e sulmit, prandaj në këtë situatë, klubi zikaltër është hedhur në sulm për të gjetur zëvendësuesin ideal të sulmuesit argjentinas.

Drejtuesit e Interit, duket se e kanë gati alternativën dhe ai është Duvan Zapata. Kolumbiani po përjeton një sezon perfekt me Atalantën, ku ka shënuar plot 19 gola. Sulmuesi u vëzhgua në ndeshjen ndaj Parmës, ku nuk zhgënjeu, pasi shënoi një dopietë.
Interi do të përpiqet të shfrytëzojë marrëdhëniet e mira që ka me klubin e Atalantës, ku mjafton të kujtojmë transferimin e Galjardinit. Në rast të një marrëveshje të mundshme, kostoja e operacionit pritet të kapë 50 milionë eurot. Kontrata e Duvan Zapatas skadon në vitin 2020.

Rekordi fantastik: Atalanta “mbretëresha”, sipër Zapatës vetëm Mesi!

Sport Ekspres — Mon, 01 Apr 2019 11:11:00 +0000

Xhan Piero Gasperini ka formuar një ekip fantastik tek Atalanta. Dy sezonet e fundit u mbyllën me kualifikimin në Ligën e Europës, ndërsa sivjet ëndërrohet Champions Liga. Fitorja e fundit ka dërguar skuadrën ku aktivizohen Etrit Berisha me Berat Gjimshitin në vendin e gjashtë me 48 pikë, tre më pak se Milani i vendit të katërt dhe pesë më pak se Interi i vendit të tretë.

Fitorja e djeshme në transfertë përballë Parmës me rezultatin 1-3 ka thyer një rekord. Goli i Pashaliç dhe dygolëshi i Zapatës kanë ngjitur Atalantën në kuotën e 60 golave të shënuar në kampionat, duke ndarë vendin e parë me kryesuesit e Juves.

Por jo vetëm, Atalanta ka sulmin më të mirë në ndeshjet jashtë fushe në Serie A dhe në 5 kampionatet kryesore të Europës. Papu Gomez me shokë kanë festuar 35 herë jashtë Bergamos dhe pas tyre renditen bardhezinjtë e Alegrit me 27 gola të shënuar.

Gjimshiti, Zapata, Pashaliç

Ekipi i Gasperinit kryeson edhe në Europë. Me 35 gola të shënuar në 15 ndeshje, Atalanta lë mbrapa Bajernin e Mynihut, PSG, Totenhemin, Liverpulin, dy ekipet e Mançesterit, Barcelonën dhe Realin.

Aktori kryesor i kësaj ecurie është Duvan Zapata. Djali nga Kali po zhvillon sezonin më të mirë personal dhe kundër Parmës shënoi dy herë, duke u ngjitur në kuotën e 24 golave në 38 ndeshje sezonale. Nga muaji dhjetor e deri tani, Zapata ka shënuar 21 gola. Më mirë se ai gjatë kësaj periudhe ka bërë vetëm i madhi Leo Mesi me 24 gola (41 në total në 38 ndeshje gjatë këtij sezoni).

28-vjeçari i Atalantës feston sot ditën e lindjes dhe është në garë për të fituar edhe titullin e golashënuesit në Serie A. Në krye qëndron Fabio Kualjarela me 21 gola, i ndjekur nga Zapata, Kristof Piatek dhe Kristiano Ronaldo me nga 19 gola.

Renditja e ekipeve me numrin më të madh të golave të shënuar në transfertë

Atalanta – 35 gola në 15 ndeshje
Bajerni i Mynihut – 34 gola në 14 ndeshje
PSG – 34 gola në 14 ndeshje
Barcelona – 31 gola në 14 ndeshje
Totenhemi – 33 gola në 17 ndeshje
Mançester Siti – 28 gola në 15 ndeshje
Mançester Junajtid – 30 gola në 16 ndeshje
Liverpuli – 26 gola në 16 ndeshje
Reali i Madridit – 28 gola në 14 ndeshje
Juventusi – 27 gola në 14 ndeshje

Zapata: Golat për ditëlindjen time, ju tregoj objektivin e Atalantës

Sport Ekspres — Sun, 31 Mar 2019 14:25:58 +0000

Duvan Zapata shënoi dy herë kundër Parmës dhe i dhuroi një fitore tepër të rëndësishme Atalantës së tij. Goli i 19-të në kampionat për sulmuesin, i cili barazoi Piatekun e Milanit dhe Ronaldon e Juventusit.

Kolumbiani mbush 28 vjeç nesër dhe dygolëshin e fitoren ia dedikon vetes. Ëndrra e madhe është kualifikimi në Champions. Milani i vendit të katërt është vetëm 3 pikë larg, por Zapata nuk flet për objektiva, por vetëm për të fituar ndeshjen e radhës.

“Jam shumë i kënaqur për 19 golat e shënuar në kampionat. Arritëm një fitore jetike, bravo të gjithëve. Nuk ishte e lehtë për të kthyer ndeshjen. Dygolëshin ia dedikoj vetes, pasi nesër kam ditëlindjen dhe do të bëhem më i vjetër. Objektivat? Çdo ndeshje duhet të futemi në fushë për ta fituar, më pas të shohim se çfarë do të ndodhë. Tifozët ishin të mrekullueshëm. Na ndoqën 4 mijë në transfertë dhe kjo është gjë e madhe. Ika në fund drejt tyre dhe e hodha bluzën”, përfundon Duvan Zapata.

Goleadorët më të mirë të vitit 2019, dominojnë latinët

Sport Ekspres — Wed, 13 Feb 2019 08:47:04 +0000

Duvan Zapata është një nga sulmuesit më në formë në Europë. Kolumbianin nuk po ndalon askush dhe me golat e tij po udhëheq Atalantën drejt një vendi në Champions Ligë. Kundër Spalit, Zapata shënoi golin e fitores dhe të 16-in në kampionat në këtë sezon, ku ka dhuruar dhe 5 asiste.

Më mirë se shoku i skuadrës së Berishës dhe Gjimshitit këtë vit ka bërë vetëm Serxho Aguero, i cili shënoi dy trigolësha radhazi në kampionat.

Por Zapata ka mesataren më të mirë të golave të shënuar për ndeshje, pasi gjatë këtij viti ka shënuar 9 gola në vetëm 6 ndeshje. Leo Mesi renditet vetëm në vendin e pestë, ndërsa Kieza i Fiorentinës është lojtari tjetër nga Serie A që bën pjesë në dhjetëshen e parë.

Serxho Aguero (Mançester Siti) – 10 gola në 10 ndeshje
Duvan Zapata (Atalanta) – 9 gola në 6 ndeshje
Edinson Kavani (PSG) – 9 gola në 7 ndeshje
Gabriel Zhezus (Mançester Siti) – 9 gola në 9 ndeshje
Lionel Mesi (Barcelona) – 8 gola në 8 ndeshje
Federiko Kieza (Fiorentina) – 7 gola në 6 ndeshje
Karim Benzema (Real Madrid) – 7 gola në 11 ndeshje
Kilian Mbape (PSG) – 6 gola në 7 ndeshje
Antuan Grizman (Atletico Madrid) – 6 gola në 8 ndeshje
Horge Molina (Getafe) – 6 gola në 9 ndeshje

Zapata: Po “fluturojmë” falë Gasperinit, Juves i shënoj prej… Napolit!

Sport Ekspres — Fri, 01 Feb 2019 20:14:58 +0000

Duvan Zapata nuk u ndal as kundër Juventusit në Kupë dhe shënoi një dygolësh (u ka shënuar dy gola dhe në ndeshjen e kampionatit) për të dërguar Atalantën e tij në gjysmëfinalet e Kupës së Italisë.

Kolumbiani ndodhet në një formë të mrekullueshme. Në dhjetë ndeshjet e fundit ka shënuar plot 17 gola midis kampionatit dhe dy ndeshjeve të Kupës. Të gjithë i janë vënë pas dhe ofertat në merkato janë të shumta, por 27-vjeçari mendon vetëm për ekipin aktual.

Në fillim nuk e donte askush, ndërsa vetëm Atalanta besoi tek ai. Klubi nga Bergamo pagoi 12 milionë euro te Sampdoria për huazimin dyvjeçar e bomberit dhe 12 të tjera do të paguhen në fund, për një total kartoni prej 24 milionë eurosh.

Shpërthimi i Zapatës ndodhi në muajin dhjetor, ndërsa dhe viti i ri ka nisur në mënyrën më të mirë. Djemtë e Gasperinit do të luftojnë me Fiorentinën për një vend në finale, ndërsa ëndrra është kualifikimi në Champions.

Milani i vendit të katërt është vetëm tre pikë larg dhe ekipi ku aktivizohen dhe Etrit Berisha me Berat Gjimishitin po befason me lojën, golat e shënuar dhe rezultatet e arritura. Zapata ka folur për “Sky Sport”, duke u ndalur te forma e tij, trajneri Gasperini, objektivat e klubit, merkato dhe festa pas fitores 3-0 kundër Juventusit në kupë.

MOMENTI – “Jam shumë i lumtur dhe po shijoj një moment të bukur. Po marrim kënaqësi të mëdha dhe mund të them se jemi një ekip shumë i fortë. Dua t’i falënderoj të gjithë ata që më kanë mbështetur.”

ATALANTA – “Isha në dijeni të insistimit të klubit për të më sjellë në Bergamo. Vuajta pak për t’u përshtatur, por qëndrova i qetë. Qetësia vjen falë punës dhe ishte e rëndësishme të punoja fort për të pritur më pas atë që po ndodh tani. Ekipi është në formë dhe duam të vazhdojmë përpara në këtë mënyrë.”

SEKRETI – “Nuk ka asnjë sekret për golat e shënuar. Jam përmirësuar vit pas viti në Itali në aspektin e golave dhe paraqitjeve të dhuruara në fushë. Ketë sezon po punoj me Gasperinin dhe ai po na ndihmon mua dhe shokëve të bëhemi më të fortë.”

TRAJNERI – “Duhet të pyesni atë se kush është sekreti i tij. Gasperini është shumë i rëndësishëm për ne. I përgatit shumë mirë ndeshjet dhe na transmeton shumë energji. Po e demonstrojmë që mund të mposhtim çdo skuadër. Në fillim të sezonit kemi vuajtur pak për të siguruar rezultate, ndërsa tani po korrim frytet e punës tonë. Trajneri më kërkon që të mos luaj me shpinë nga porta.”

GOLAT NDAJ JUVENTUSIT – “Nuk e di, ndoshta i shënoj gjithmonë bardhezinjve për shkak se në fillim të aventurës time në Serie A luaja me Napolin. Bëj shaka, por jam me të vërtetë i lumtur. Shpresoj të shënoj në çdo ndeshje dhe jo vetëm kundër bardhezinjve.”

MERKATO – “Më parë nuk më donte askush, tani ndihem mirë dhe të gjithë më kërkojnë. Unë mendoj vetëm për Atalantën dhe ndihem mirë këtu. Dua të vazhdoj të provoj kënaqësi me këtë ekip.”

OBJEKTIVAT – “Shpresojmë të kualifikohemi në Champions. Çdo ndeshje është thelbësore për ne. Nuk duam të vendosim objektiva, por të shohim në fund të sezonit se ku do të mbërrijmë.”

FESTA E KUALIFIKIMIT – “Tifozët bënë të tyren, por dhe ne festuam në dhomat e zhveshjes. Unë u vonova pak, sepse po bëja kontrollin anti-doping, por të gjithë po festonin dhe ishin të lumtur. Por vetëm aty, sepse e dimë që duhet të përgatitemi për ndeshjen e së hënës në kampionat kundër Kaljarit.”

“Po erdhe tek Atalanta, të dhuroj numrin 10”, ftesa origjinale e Papu Gomez për yllin e… Bajernit!

Sport Ekspres — Mon, 28 Jan 2019 13:55:36 +0000

Atalanta është një nga ekipet më të mirë të 3-4 viteve të fundit në Serie A. Diferenca me Juventusin dhe Napolin është e madhe, por ekipi i Gasperinit po lufton fort për një vend në Champions Ligë. Dy sezonet e fundit ata arritën të kualifikohen në Europa Ligë, ndërsa tashmë ambiciet janë shtuar.

Milani i vendit të katërt është vetëm tre pikë larg, ndërsa ekipi i Berishës dhe Gjimshitit po bën një kampionat shumë të mirë. Pjesa e parë me Romën ishte e dobët dhe miqtë shënuan tre herë. Kastanje shënoi për Atalantën në fundin e pjesës së parë, ndërsa Toloi dhe i zakonshmi Zapata dërguan tifozët në ekstazë me golat e tyre.

Pikë me vlera për Atalantën dhe goli i 15 në kampionat për sulmuesin kolumbian, i cili ndodhet në një formë të mrekullueshme. Zapata ka ndarë lumturinë e tij me tifozët në rrjetet sociale, ndërsa në bisedë janë përfshirë dhe Hames Rodrigez dhe Papu Gomez.

Rodrigez dhe Zapata me kombëtaren e Kolumbisë

Ylli i Bajernit ka komentuar në postimin e patriotit të tij duke vlerësuar Zapatën me “emoji”, ndërsa ka komentuar dhe Papu Gomez. Komenti i kapitenit ka bërë të ëndërrojnë për një moment tifozët e Atalantës.

“Hames, nëse dëshiron të provosh futbollin italian, Atalanta është shtëpia jote. Të dhuroj dhe numrin 10, nëse e dëshiron”, komenton Papu Gomez. Një ftesë origjinale dhe e sinqertë e kapitenit, ndërsa tashmë pritet “përgjigja” e fantazistit kolumbian.

View this post on Instagram

Orgoglioso di questa grande reazione che ci ha permesso di pareggiare una partita che sembrava già compromessa!!! Siamo un grande Gruppo, grande Dea, grande Tifo!?????? Orgulloso de esta gran reacción.. Empatamos este partido que al inicio parecía ya perdido… Vamos por mas! ???? #duvanzapata #Dz91 #GoAtalantaGo @atalantabc @seriea DIOS ANTE TODO!!

A post shared by ??Duván Esteban Zapata (@duvanzapata91) on Jan 27, 2019 at 12:45pm PST

Presioni ndaj Ikardit, Interi kërkon “mbretin” e dhjetorit

Sport Ekspres — Fri, 18 Jan 2019 17:05:41 +0000

Interi po kërkon një emër për repartin e sulmit dhe drejtuesit e klubit kanë një dëshirë. Emri zbulohet nga “Sportmediaset” dhe ai është Duvan Zapata. Kolumbiani i Atalantës po kalon një formë fantastike, ka shënuar 13 gola këtë sezon me ekipin bergamask (10 gola dhe 3 asiste vetëm në kampionat), ndërsa tetë i shënoi vetëm në muajin dhjetor.

Marrëdhëniet mes dy klubeve janë shumë të mira dhe Interi po tenton të ofrojë gjigantin e sulmit, i cili do të zëvendësonte Mauro Ikardin. Kapiteni nuk ka rinovuar akoma kontratën me zikaltrit, por nëse vazhdon të qëndrojë, Spaleti do të kishte në duar një dyshe të frikshme përpara: Ikardi-Zapata.

Duvan Zapata

27-vjeçari është huazuar për dy vite nga Sampdoria tek Atalanta, që ka të drejtën e blerjes për shumë e 26 milionë eurove. Nëse palët arrijnë akordin, Interi është gati të dërgojë Lautaro Martinez në ekipin e Berishës dhe Gjimshitin me Zapatën që do të transferohej në Milanon zikaltër.

RENDITJA E MUAJIT DHJETOR

Duvan Zapata (Atalanta) 8 gola në 5 ndeshje: 1 gol çdo 54 minuta

Leo Mesi (Barcelona) 6 gola në 4 ndeshje: 1 gol çdo 60 minuta

Heung-Min Son (Totenhem) 6 gola në 6 ndeshje: 1 gol çdo 70 minuta

Fabio Kualjarela (Sampdoria) 6 gola në 5 ndeshje: 1 gol çdo 74 minuta

Timo Verner (Laipcig) 5 gola në 5 ndeshje: 1 gol çdo 90 minuta

Herri Kejn (Totenhem) 5 gola në 6 ndeshje: 1 gol çdo 90 minuta

Mohamed Salah (Liverpul) 5 gola në 6 ndeshje: 1 gol çdo 92 minuta

Pierr-Emerik Obamejang (Arsenal) 5 gola në 6 ndeshje: 1 gol çdo 108 minuta

Rekordi i sulmuesit, Zapata shpallet “mbreti” i dhjetorit

Sport Ekspres — Fri, 28 Dec 2018 07:48:48 +0000

Atalanta ishte pranë arritjes së një fitore të madhe kundër Juventusit, por Kristiano Ronaldo barazoi shifrat në minutën e 78-të dhe ndeshja u mbyll me rezultatin 2-2. Dy golat e vendasve u shënuar nga Duvan Zapata.

Sulmuesi 27-vjeçar ndodhet në një formë të mrekullueshme dhe kundër bardhezinjve të Juventusit ai shënoi golin e 8-të në pesë ndeshjet e fundit, të gjitha të muajit dhjetor.

Askush nuk ka bërë më mirë se kolumbiani i Atalantës në muajin e festave në kampionatet kryesore europiane, ndërsa Zapata mund të përmirësojë rekordin e tij në ndeshjen e fundit kundër Sasuolos.

Pas shokut të skuadrës së Berishës dhe Gjimshitit renditet Leo Mesi, ndërsa podin e plotëson Heung-Min Son, koreano-jugori i Totenhemit, i cili ka “rilindur” pas evitimit të rrezikut për të kryer ushtrinë në vendin e tij.

RENDITJA