President që në vitin 2002: “Po, ka qenë një punë e palodhshme e imja dhe e stafit tim. Kemi arritur suksese dhe objektiva historikë për ne. Tani jemi në një fazë të vështirë, të rikonfirmojmë sukseset që kemi arritur deri më tani.

Europiani Euro2016: “Padiskutim që ishte një arritje historike, për ne dhe për popullin shqiptar. Meritë absolute kanë lojtarët dhe trajneri Xhani De Biazi, pasi bënë një punë të shkëlqyer”.

Panuçi: “Një person shumë i mirë, por ende me mentalitetin që kishte si lojtar. Nuk ishte një eksperiencë e bukur, por duhet të pranojmë se të kushdo që do të ishte pasuesi i DE Biazit, do ta kishte të vështirë”.

Edi Reja: “Reja i jep shumë prioritet faktit që çdo rrezik duhet shamgnur. Karriera e tij flet vetë”, përfundoi Duka.

NDESHJET NDAJ ISLANDËS DHE MOLDAVISË  – “Ekipi i njëjtë është. Në këndvështrimin tim në këto dy ndeshje ka pasur një dëshirë më të madhe, më shumë besim dhe një atmosferë më pozitive. Ndaj Islandës meritonim më shumë. Duke parë statistikat dhe rastet mendoj se meritonim të paktën 1 pikë. Me më shumë përqendrim ekipi mund ta kishte evituar. Në Islandë luajtëm më mirë. Kundër Moldavisë gjithçka ishte shumë më e vështirë. Skuadra kishte shumë presion dhe goli vonoi. Patëm pak fat te goli. Fatmirësisht shënoi Cikalleshi, i cili kishte kohë që nuk shënonte. Moldavia ishte një ekip që luante futboll, bënte qarkullim topi. Unë mendoja se do rrinin vetëm në mbrojtje”.

EDI REJA – “Përveç se është një ekspert futbollit është një njeri goxha i komunikueshëm. Di të motivojë ekipin e ti marrë gati 100%-shin skuadrës. Taktikisht edukon shumë mirë ekipin. E kisha menduar më parë Edi Rejën. E tentova disa vite më parë, por ai nuk donte të vinte në Shqipëri në atë kohë”.

GRUPI – “Grupi ka qenë i vështirë që në fillim. Nëse bëjmë maksimumin tonë mund të arrijmë gjithçka. S’po flas për ndeshjet ndaj Moldavisë dhe Andorrës, duhet të bëjmë mirë ndaj Islandës, Turqisë dhe Francës. Asgjë s’është e pamundur. Turqia mundi Francën duke dominuar e më pas u mund me Islandën. Përse mos ta bëjmë dhe ne, qoftë edhe me Francën.

KOSOVA – “Patjetër që i kam parë ndeshjet me Malin e Zi dhe Bullgarinë. Ka qenë ndeshje të interpretuara shumë mirë. Është e rëndësishme që ka një atmosferë shumë pozitive jo vetëm në ekip, por gjithkund. Në ndryshim nga ne, atmosfera rreth ekipit kombëtar ka ndryshuar shumë. Kur ishim në Europian s’dinim ku t’i fusnim personat “VIP” dhe politikanët, sot nuk na vjen kush. Tani kjo ndarje është fakt, duhet të bëjmë më të mirën që të dyja ekipet të jenë sa më të përgatitura”.

ARENA KOMBËTARE – “Është e vështirë, por do bëjmë maksimumin që të luajmë më 11 shtator me Islandën. Inspektorët e UEFA-s do ta kontrollojnë në gusht. Nj problem tjetër është fakti që është e detyrueshme që të ketë ndeshje testi. Pa dashur të kaloj topin ka dhe një problem me sheshin përballë stadiumit, ku bashkia po ndërton një parkim nëntokësor. Gropa është hapur dhe parkingu është përfunduar, por tani duhet të mbyllur, çka më duket e vështirë të bëhet në kohë”.

ZYRAT E FSHF – “Besoj se brenda e këtij viti do mbyllen zyrat, por ne duam që të futemi kur të mbyllet tërësisht kompleksi me 2 ministadiumet. Është një kompleks që i ka të gjitha. Aty do qëndrojë ekipi A dhe ato të moshave. Aty mund të zhvillohen edhe turne për moshat në të ardhmen. Besoj se e kemi zbukuruar atë pjesë të Tiranës me një vepër të bukur arkitektonike”.

“Suksese Partizanit, Kukësit, Teutës dhe Laçit në përfaqësimin europian! Sot skuadrat shqiptare kanë njohur kundërshtarët e tyre në kompeticionet europiane, UEFA Champions League dhe UEFA Europa League.

Dua t’i uroj të katër skuadrave shumë suksese në këtë garim në sfidat europiane dhe dëshiroj që të shkojnë sa më larg. Me strategji dhe objektiva seriozë për të arritur objektiva të rëndësishëm, si dhe me besim e punë mund të shkoni larg, duke e bërë të pamundurën të mundur dhe utopiken një realitet të prekshëm. Suksesi është gjithmonë i arritshëm! Armand Duka”.

“Së pari do të doja t’i uroja mirëseardhjen presidentit të federatës së futbollit të Çekisë, z. Martin Malik. Ka qenë një ftesë e bërë nga ne që është pranuar me kënaqësi. Qëllimi ka qenë për të shkëmbyer eksperienca. Jemi federata lë të themi të mesme e të vogla që mund të kemi shumë gjëra për të shkëmbyer”.

STADIUMI GATI NË SHTATOR – “Objekti është shumë i madh. Është i bukur e komod. Është punuar në të gjitha drejtimet me mjete bashkëkohore. Brenda njerëzve që bëjnë stadiumin shumëkush e sheh gjysmë plot e gjysmë bosh përsa i përket afatit të shtatorit. Ne i kemi vënë objektiv kompanisë që duam të luajmë në shtator. E kemi shumë të domosdoshme këtë gjë. Në këtë mënyrë besojmë se mund të arrijmë një rezultat të mirë në praninë e më shumë e spektatorëve dhe me një atmosferë akoma dhe më të mirë. Kompania po bën të gjitha përpjekjet. Ka shumë skeptikë dhe shumë optimistë. Gjithsesi s’mund të jemi shumë të sigurt për shtatorin”.

“Çdo ndeshje është shumë e rëndësishme, por për ne ndoshta kjo fitore ka më shumë rëndësi për faktin se kemi bërë pak rezultate pozitive. Uroj që t’i ketë kthyer fat ekipit dhe të kthejë atmosferën pozitive rreth ekipit kombëtar, që është arma më e fuqishme për të arritur te suksesi”.

“Jam më i kënaqur me këtë loje dhe këtë rezultat. Bëmë lojë më të mirë në Islandë, ne komanduam lojën, ato morën rezultatin. Unë mendoj se sot patëm edhe lojë edhe gabim”.

TRAJNERI – “E vetmja vërejtje që më kanë bërë kur kam zgjedhur Rejën trajner është mosha e madhe e tij, 73 vjeç. Për të tjerat s’kam pse flas, është një trajner shumë i mirë. Ka kontribuar maksimalisht me atë që mund të bënte për pak ditë. Ndryshoi atmosferën tek ekipi dhe ngriti besimin te lojtarët”.

GRUPI – “Nuk mund të themi se jemi i afruar vendit të dytë meqë jemi me 6 pikë dhe kundërshtarët kanë nga 9 pikë. Ky grup ka pasur vetëm 3-pikësha deri tani , besoj se do të ketë dhe 1-pikësha, uroj që mos të jemi ato që do barazojmë. Është një grup i fortë. Çdo njeri që ndjek futboll mendon se Franca është favoriti kryesor, Turqia dhe Islanda pak më pak dhe Shqipëria afër tyre. Gjithsesi ne kemi për detyre të luftojmë deri në fund”.

“Arena Kombëtare” nuk është gati për ndeshjen kundër Moldavisë. Uroj që në shtator të mos gabojmë më dhe të jemi në afatin e duhur. Kampionati? Asnjëherë nuk ka titull të pamerituar, sidomos në një kampionat si ky, me katër faza, 36 ndeshje. Partizani e ka fituar titullin 3 javë më para, ekipet tjera po luftojnë fort për Europë dhe mbijetese. Mund të themi se është një kampionat shumë i fortë”, tha Duka.

Shqipëria do të luajë takimin kundër Moldavisë më datë 11 qershor, por tre ditë më herët, me datë 8 qershor, kuqezinjtë tanë do të udhëtojnë drejt Islandës.

“Akoma nuk kemi një trajner të zgjedhur. Bulku dhe Mema ishin një zgjidhje emergjente për atë ndeshje dhe tani. Shkarkimi nuk ishte faret i papritur. Vendimi u mor në varësi të performancës ndaj Turqisë. Aty u vërtetua se nuk kishte mundësi për ta inkurajuar më ekipin. Shprehja e ekipit dhe atmosfera nuk është se ka qenë e pranueshme. Ishte një kimi që nuk shkonte”.

LOJA NË ANDORRË – “Jo për faktin se Panuçi i kishte bërë mos të ishin të lirë, por për faktin se futbollistët ndjenë më shumë përgjegjësi, pasi nuk kishin një “timonier” zyrtar, por një timonier të improvizuar. Dua ta përgëzoj Bulkun dhe Memën, bënë maksimumin”.

MOMENTI I SHKARKIMIT – “Për të qenë i sinqertë kemi qenë në diskutim me stafin teknik të federatës dhe e lamë që ta diskutonim pas ndeshjes me Turqinë. Vendimi u mor në bashkëpunim me stafin. E mora në mëngjes dhe i thashë: Mister situata është e vështirë. Ai më tha merr vendimin që duhet. E takova në hotel”.

TRAJNERI I RI – “Tani realisht nuk kemi marrë një propozim ose kemi bërë një ofertë për të gjithë teknikët që kam lexuar në media. Unë kam kontaktuar vetëm Edi Rejën në stadium, edhe një trajner tjetër italian Kalori, por ishte diçka rastësore”.

BESNIK HASI –“Ne ja kemi propozuar njëherë Hasit ekipit kombëtare, 6 ose 7 vite më parë, para se të vinte De Biazi. Është një trajner shumë i mirë mund të jetë kandidat. Rikthimi i De Biazit? Jo nuk e besoj.”

DONADONI – “Trajner shumë i mirë, nuk e di nëse është i gatshëm të vijë në Shqipëri dhe a është i gatshëm të pranojë ofertën tonë. Donadoni do të më pëlqente, por është një kandidat që e kam parë nëpër media, nuk e di nëse ai është i interesuar për këtë gjë. Nëse po me kënaqësi.

BUXHETI PËR TRAJNERIN – “Buxheti jonë vjetor është 200-250 mijë euro. De Biazi ishte një trajner i mirë dhe më këtë buxhet paguhej.”

MUNDËSI PËR RRITJEN E BUXHETIN – “Nëse ndërhyn kryeministri po. Ka shumë shtete që paguajnë trajenët. Bëj shaka (qesh), nuk kam kontakt me kryeministrit, thjesht një batutë”.

I HUAJ APO SHQIPTAR –“Nuk mund të them se do të jetë i huaj ose shqiptar. Një trajner shqiptar ka një plus, pasi njeh ambientin dhe mentalitetin e lojtarëve dhe opinionit sportiv. Nuk mendoj se kemi ende trajner që mund të ndërtojnë ekipe me pretendime për evente ndërkombëtare”.

GJENDJA E KOMBËTARES – “Kombëtarja ka potencial për më shumë. Asnjëherë nuk kemi pasur në ekip pesë futbollistë të Serie A. Tani të gjithë futbollistë luajnë në ndryshim nga viti i kaluar. Kjo ishte një ndër arsyet që u zhgënjyem në ndeshjen ndaj Turqisë, pasi prisnim më shumë”.

FUTBOLLISTËT NGA KOSOVA – “Çdo futbollist është i lirë të luajë ku të dojë. I fundit është Ismajli që ka zgjedhur të vazhdojë me ne”.

KAMPIONAT I PËRBASHKËT SHQIPËRI-KOSOVË “Për sa kohë ka dy shtete, ka dy kampionate. Gjithsesi kjo nuk të ndalon që të bësh turne të tjera. Ka kohë që ne bëjmë një kupë, por që nuk është bërë në nivelin e duhur. E kam fjalën për Kupën Pavarësia, mund ta zhvillojmë dhe ta bëjmë në një kompeticion më të mirë.”

KAMPIONATI – “Kampionati po vjen drejt fundit dhe si çdo kampionat që vjen drejt fundit ka akoma më shumë përplasje”.

INFORMALITETI NË FUTBOLL  – “Futbolli shqiptar është si pjesa tjetër e ekonomisë shqiptare. Një vend që e ka 60% të biznesit informal, nuk ka se si të ketë futboll formal”.

OBJEKTIVAT E KOMBËTARES – “Objektivi jonë mbetet për të qenë të dytët në grup. Siç humbëm në Shkodër, mund të fitojmë në Shqipëri. Asnjë ekipi nuk do i shkojë vaj, qoftë edhe me Andorrën”.

INVESTIMET – “Për të pasur një futboll që të konkurrojmë ne nivelet që ne pretendojmë duhen investime nga pushteti qendror dhe vendor. Në Shqipëri janë rikonstruktuar ato ambiente që kanë ngelur. Na duhen 10-fish më shumë fusha sportive për të plotësuar nevojat”.

INAUGURIMI I STADIUMIT – “Objektivi është që luajmë në qershor kundër Moldavisë, por është diçka e vështirë. Në marrëveshjen me kompaninë është  e shkruar që ndërtimi mbaron në qershor, nëse jo do luajmë në shtator”.

EMRI I STADIUMIT – “Emri i stadiumit do të komercializohet, në mënyrë që të japim të ardhura stadiumit. Së shpejti do të fillojmë procedurat. Këtu në këtë vend po diskutohet të kemi këtë emër e këtë, por këtë praktikë bëjnë dhe në Gjermani si për shembull “Allianz Arena”.

Presidenti i FSHF-së, Duka shkroi: “Të dashur miq të familjes së madhe të futbollit, me hidhërim kam mësuar lajmin e trishtë të ndarjes nga jeta të Ali Memës, një ish-mesfushor i shkëlqyer i Tiranës dhe ekipit kombëtar, drejtues futbolli dhe mik i mirë. Në këtë moment hidhërimi për futbollin shqiptar dua ti shpreh ngushëllimet më të sinqerta familjes dhe të afërmve. Ai ishte një ikonë e futbollit shqiptar dhe një nga më të ndriturit e familjes simbol të futbollit të Tiranës, dhe si i tillë do të kujtohet gjithmonë nga komuniteti futbollit”.

Ndërsa ekipi i Partizanit shfrytëzoi faqen zyrtare në Facebook për të shprehur ngushëllimet e tyre për ndarjen nga jeta të Ali Memës, duke shkruar: “Klubi Partizani përcjell ngushëllimet më të sinqerta familjes dhe të afërmve, për ndarjen nga jeta në moshën 76 vjeçare të ikonës së futbollit Ali Mema. Ali Mema një prej yjeve të Futbollit tonë të viteve 60 – 70, emblemë e klubit të Tiranës dhe ekipit tonë kombëtar, përgjatë karrierës së tij ka luajtur edhe për ngjyrat e Vllaznisë dhe Partizanit. FK PARTIZANI i gjendet pranë familjes Mema në këtë moment të vështirë. U prehsh në paqe Ali Mema!”

VENDIMI – “Prisnim që të kishte një energji ndryshe skuadra, një paraqitje ndryshe në ndeshjen e parë. Kuptohet se ishte një ndeshje e rëndësishme për të gjithë edicionin. Kjo është një arsye pse menduam që edhe pas një  “Nation League” jo shumë të suksesshme të vazhdonim me Panuçin, sepse ndoshta të krijonte atë njohjen e duhur në skuadër dhe diçka do të ndryshonte. U pa një skuadër pothuajse inekzistente ndeshjen e parë, që na çoi në një vendimmarrje le të themi të detyrueshme për të ndryshuar diçka. Dhe ajo që mund të ndryshonim ishte pikërisht trajneri.”

Të gjithë në njëfarë mënyre jemi përgjegjës, qoftë dhe unë që kam emëruar Panuçin, qoftë skuadra, që duhej të demonstronte diçka më shumë në fushë. Besoj se edhe ai vetë do të dëshironte të bënte më shumë e të arrinte më shumë. Ishte eksperienca e tij e parë si trajner i një përfaqësueseje, por nuk arriti, nuk arriti të merrte maksimumin që mund të japim.

Për shumë arsye e ndërpremë këtë marrëdhënie për të menduar më shumë për të ardhmen dhe do të mendojmë më gjatë për ndeshjet e qershorit, në të cilët kush do që të jetë stafi do të ketë kohë për ta përgatitur skuadrën, pasi atëherë do të kemi mundësi për ta grumbulluar skuadrën rreth dy-tre javë.

EDI REJA DHE TRAJNERI I RI – “Edi Rejan e kam takuar në stadium pas ndeshjes, kishte ardhur për punët e tij, për të vëzhguar disa futbollistë. Nuk di ta them tanët apo të Turqisë. Nuk kam menduar asgjë se kush do të jetë trajner i Shqipërisë. Pas ndeshjes me Andorrën do të mendojmë për teknikun që i duhet skuadrës së bashku me stadin teknik të federatës. Nuk është një gjë e lehtë”, përfundoi Duka.

De Biazi bëri një mrekulli, edhe për faktin se u shqiptarizua, ndërsa Panuçi mbeti një “gjeneral” që nuk i kuptoi kurrë as ushtarët e tij dhe as popullin shqiptar, që në mënyrë të bujshme e ka ofenduar në dy ndeshjet e fundit, diçka pa precedent te Shqipëria dhe ndoshta në gjithë botën.

Humbja kundër Turqisë ishte sinjali më i qartë se nuk kemi të ardhme, për faj të Panuçit dhe fajin tonë, sepse kemi bërë një çorbë të madhe pas Euro 2016, duke mos e kuptuar se rinovimi gradual duhej bërë me këmbë në tokë, duke mos premtuar sërish ëndrra dhe duke punuar për të prodhuar vetë talentet që më parë ia rrëmbenim Kosovës motër.

Pas ndeshjes kundër Turqisë Duka ka qëndruar për dy orë brenda stadiumit Loro Boriçi, i zemëruar, i zhgënjyer, ndoshta duke menduar lëvizjen e radhës.

Në ambientet e brendshme të stadiumit Duka ka takuar trajnerin italian Edoardo Reja, një veteran i stolit në Serinë A, ku ka drejtuar shumë klube, edhe Napolin e Lacion. Eksperienca nuk i mungon, një stol kombëtareje po.

Një babaxhan, që rrallë grindet me ndokënd, ndoshta Reja do ishte zgjedhja ideale për Shqipërinë e tronditur keq. Shkumbin Qormemeti ishte krah tij në Loro Boriçi, jo rastësisht. Ashtu si takimi me Dukën, jo rastësor.

DURMISHAJ – “Jemi marrë me të. Edhe me lojtarin nga Berati që luan te Uillem IInë Holandë, Mario Vrushaj, kemi kontaktuar, por ka zgjedhur Greqinë. Ai e refuzoi  kërkesën tonë. Durmishaj ka qenë pjesë e Shpresave tona. Ai mori një ftesë nga Panuçi. Qëndrimin e ka bërë publik. Zgjedhja është e tij. 

Do t’ia thosha edhe po të ishta fëmija im. Nuk ka bërë zgjedhjen e duhur. Nuk mendoj se do të ketë shumë persepektiva për karrierën. Uroj që me kalimin e kohës të thotë se gabova. Ai largohet më pas nga Greqia, zgjedh një ekip të huaj, shkon në Holandë, ç’lidhje ka me Greqinë?!

DËNIMI I KAMZËS – “Çdo akt dhune është i shëmtuar, njerëz që hynë në fushë dhe goditën zyrtarët dhe në një moment e dëmtoi keq kampionatin e Kategorisë Superiore Shqiptare. Vendimet dhe rregulloret e aktivitetit parashikojnë masa të tilla ku ka akte dhune dhe antisportive. Është një ngjarje që s’kishte lidhje me sportin dhe tejkalonte çdo gjë. Kemi arbitra që stërviten si futbollistët, patjetër që edhe gabojnë, por nuk pranohet rezultati dhe në fakt nuk ndryshohet asgjë.

Praktika botërore është që çdo shkeje e ligjit dënohet, por në një vend si ne që shkeljet së ligjit nuk i shkohet deri në fund e vetmja mënyrë është dhuna për t’iu përgjiur, se prania e policisë është dhunë dhe unë e kam parë dhe në fushat të tjera. Pas takimit me kryeministrin, dëgjova mjekë që thoshin nuk punojmë pa praninë e policisë dhe kur nuk funksionon, duhet ruajtur me dhunë deri sa Shqipëria dhe ligjet e zbatimi i tyre të funksionojnë”, tha Duka.

“Na duket që sot është  e parakohshme që forcat e rendit të mos jenë në stadium. Sot klubet shqiptare e kanë të pamundur për arsye financiare garantimin  e sigurisë nëpërmjet kontraktimit të sigurie”.

“Është nevoja e formalizimit të klubeve profesioniste. Klubet duhet ndihmuar me anë të lehtësive fiskale, si për shembull duhet ulje e tvsh-së. Terrenet sportive t’i kalojnë klubeve pa shpërblim dhe për çdo investim në sport, qeveria të investojë”.

“Prokuroria e përgjithshme nuk na është përgjigjur kërkesave tona për të hetuar mbi rastet e trukimit të ndeshjeve dhe pastrimit të parave në futboll. Të gjithë duhet të jemi të ndërgjegjshëm se problemet e futbollit shqiptar nuk janë vetëm probleme të sportit, por të të gjithë shoqërisë shqiptare. E falënderoj kryeministrin dhe i them se nëse ka vullnet politik, çdo gjë mund të rregullohet”.

“Duhet ta fusim futbollin në një shtrat të ri. Unë besoj se futbolli mund të kthehet në një industri fitimprurëse, ku nuk do të jetë nevoja për të përdorur fonde nga bashkitë. Për këtë duhet përmirësuar produkti. Kjo kryhet në bashkëpunim me shtetin, që të mundësojë lehtësira fiskale ”.

Fjalën më pas e mori dhe kreu i komisionit të etikës, Fatmir Braka, i cili pati gjithashtu një thirrje për prokurorinë.

“Do të doja të ishte këtu dhe prokurorja e përgjithshme, pavarësisht angazhimeve që ka, pasi thirrjet tona bien në vesh të shurdhët. Në asnjë rast nuk ka hetime nga prokuroria nga Gjykata dhe Shqipëria. Arbitrazhi shqiptar? Po është diçka që mund të bëhet në Shqipëri dhe do t’i jepte zgjidhje shumë çështjeve”.

ZGJEDHJA NË KOMITETIN EKZEKUTIV – “Çdo garë është e vështirë, sidomos duke parë realitetin që jemi një vend i vogël si Shqipëria. Ky është organi drejtues më i lartë pas kongresit.

FADIL VOKRRI –  “Fadili ka qenë shtysa e parë që të kandidoja dhe dy vite më parë. Atëherë nuk isha shumë i vendosur, por ai më shtyu ta provoja. Do doja që këtë rezultat ta ndanim bashkë. Gjithsesi ka vazhduar mbështetje nga federata e Kosovës dhe  federata e Maqedonisë që tani drejtohet nga një shqiptar”.

DISAVANTAZHET – “Kur je pjesëtar i një federate të vogël me problematikat tona, kur ulesh në tavolinë me drejtues të shteteve të tjera ke një disavantazh. Nuk është thjeshtë çështje lobimi ose raportesh miqësore. Sigurisht këto ndikojnë, por është më shumë çështje serioziteti. Kemi bërë progres të madh në zhvillimin e futbollit shqiptar. Tani kemi pesë shqiptarë anëtarë të komiteteve të ndryshme që ka UEFA, dikur nuk kemi pasur asnjë”.

“Fryma e solidaritet që ka UEFA me federatat e vogla duhet të vazhdojë. Nëse klubet dhe federatat e vogla nuk kanë zërin e tyre atëherë situata mund të ndryshojë. Si federatë nuk do të kemi përfitime ekonomike, por do të punojmë për të mirën e komunitetit”.

“Unë nuk e shikoj si një sukses personal, por si një zhvillim pozitiv për federatën shqiptare të futbollit dhe më shumë për të thënë se jemi dhe ne, ose më shumë për të marrë atë imazh që na takon. Për mua është e rëndësishme që Shqipëria është pjesë e Komitetit Ekzekutiv, ashtu siç ishte pjesë e Europianit. Natyrisht nuk është në nivelit e Europianit, por për aq sa vlen”.

LICENSIMET – “Niveli i licencimit në Shqipëri ka ndryshuar shumë. Çdo vit ne bëjmë ndryshime duke vënë kritere më të forta, në mënyrë që të shkojmë te kriteret maksimale. Besoj në dy vite çdo klub që do të jetë pjesë e Superiores do të duhet të plotësojë kriteret për të marrë pjesë në Kupat e Europës”.

FORMULA E SUPERIORES – “Mendoj se kemi gjetur një skemë optimale për vetë specifikat që ka Shqipëria. Me rrethanat dhe me aq mundësi financiare sa kemi mendoj se kampionati ka skemën e përshtatshme. Donim të bënim ndryshime në formatin e Kupës së Shqipërisë. Më parë tentuam të përdornim një format me grupe. Në teori ishte një ide e mirë, por vumë re se u shtua dukuria e trupimit të ndeshjeve, prandaj u kthyem në formatin me eliminim direkt. Kupa e Shqipërisë është kompeticioni ku hasim më shumë probleme me trukimin e ndeshjeve”.

FORMULA E SUPERIORES – “Mendoj se kemi gjetur një skemë optimale për vetë specifikat që ka Shqipëria. Me rrethanat dhe me aq mundësi financiare sa kemi mendoj se kampionati ka skemën e përshtatshme. Donim të bënim ndryshime në formatin e Kupës së Shqipërisë. Më parë tentuam të përdornim një format me grupe. Në teori ishte një ide e mirë, por vumë re se u shtua dukuria e trukimit të ndeshjeve, prandaj u kthyem në formatin me eliminim direkt. Kupa e Shqipërisë është kompeticioni ku hasim më shumë probleme me trukimin e ndeshjeve”.

KOMBËTARJA – “Mendoj se shumica e lojtarëve të kombëtares janë në një formë më të mirë se në muajt e mëparshëm. Objektivi jonë mbetet kualifikimi në Europian. Do të jetë shumë e vështirë

EMRA TË RINJ –  “Panuçi ka ndjekur 2-3 futbollistë që kanë luajtur me U21 ose me U19, të cilët nuk është çudi t’i shohim në ndeshjet ndaj Turqisë ose Moldavisë. Është një sulmues në Greqi që po shënon shumë (Durmishaj) është dhe një mbrojtës i Veronës, Kumbulla, i cili tani është i dëmtuar. Nuk është çudi që t’i shohim me kombëtaren”.

REKRUTIMET TE MOSHAT – “Në ekip kombëtare do të luajë ai që është më i miri, pavarësisht se i ka prindërit emigrantë ose në Shqipëri. Ne kemi ndërmarrë një politikë që do fokusohemi në Shqipëri. Sigurisht do të merren më të mirët, por nëse kemi modele të barabarta do t’i jepet përparësi lojtarëve që janë në Shqipëri në mënyrë që të japim dhe një model, që ne Shqipëri mund të prodhohen lojtarë të kombëtares”.

“Në ekipet kombëtare do të luajë ai që është më i miri, pavarësisht se i ka prindërit emigrantë ose në Shqipëri. Ne kemi ndërmarrë një politikë që do fokusohemi në Shqipëri. Sigurisht do të merren më të mirët, por nëse kemi modele të barabarta do t’i jepet përparësi lojtarëve që janë në Shqipëri në mënyrë që të japim dhe një model, që ne Shqipëri mund të prodhohen lojtarë të kombëtares”.

“Nuk ka për të ndodhur që talenteve që luajnë jashtë Shqipërisë të mos t’i jepet mundësia për të luajtur për kombëtaren shqiptare. Siç e thash në rast të barabarta do t’i jepet një dorë lojtarëve që jetojnë në Shqipëri, por nëse ka lojtarë që spikasin nuk do t’i mbyllet rruga. Në të shkuarën ka pasur tendenca për të marrë emra që luajnë në kampionate dhe skuadra me emër. E kemi pasur këtë kompleks, por lojtarin nuk e vlerësohet nga fakti që luajnë me moshat e Interit, por nga fusha e lojës”, përfundoi Duka.

FUTBOLLI I MOSHAVE – “Ka nevojë për shumë reforma në organizimin e kampionateve profesionistë e amatorë, por çështja kryesore është infrastruktura. Duhet një ndryshim i madh në infrastrukturë. Nuk mund t’ia dilet më vetëm me investime të federatës duhet të investojë shteti në mënyrë që të bëjmë hapin cilësor. Kam bindje se do ta bindim politikën për të ndihmuar futbollin”.

MBËSHTETJA – “Nuk më ka mbështetur dhe Zvicra, pasi mendonte që përfaqësues në Organin Drejtuese të UEFA-s nga rajoni jonë janë shumë dhe kalojnë balancat nga kjo pjesë e Evropës. Ajo që ka ndryshuar me dy vite më parë, janë mbështetja e vendeve nordike dhe Britania e Madhe, të cilët më kanë mbështetur me 100%”.

MESAZHI ANONIM – “Po, e konfirmoj e-mailin anonim, të cilin unë e kam në një adresë “Yahoo”. Më kanë dërguar edhe para dy vitesh, edhe sivjet të njëjtin mesazh dhe ndryshimi i vetëm ishte një anglishte pak më e përmirësuar. Nuk mund ta di se kush e ka dërguar, pasi nuk kam marrë përsipër të bëj investigime dhe nuk kam mundësi ta bëj një gjë të tillë. Është një dërgues që nuk ka emër dhe i është drejtuar të gjitha Federatave Evropiane.

ÇFARË SHKRUHEJ – “Në atë e-mail shkruhej që nuk duhet ta votoni Dukën, nuk duhet të jetë pjesë e Komitetit Ekzekutiv kreu i Federatës Shqiptare të Futbollit, për arsye se është njeri i korruptuar, ka bërë shumë dëme në futbollin shqiptar, ku di unë… Një nga akuzat tjera është se i ka hequr rrogën një muaj administratës së Federatës (qesh), ka ndikuar në deformimin e rezultatit të Shqipërisë për pjesëmarrjen në “Euro2016” sepse Shqipëria nuk e meritonte”,- tha Duka.

Zgjedhja si anëtar i Komitetit Ekzekutiv – “Besoj se është mirë për futbollin shqiptar, për FSHF-n, që është e përfaqësuar në këtë organ ekzekutiv. Në fakt nuk është një rastësi, kemi tentuar edhe para dy vitesh. Ka kohë që përfaqësohemi në të gjitha komitetet e UEFA-s. Garat gjithmonë janë të vështira, duke qenë se vjen nga një vend modest, nga një federatë modeste, të bindësh 36 anëtar, nuk është e lehtë.

Përfitimet financiare në Shqipëri – “Nuk është se funksionon kështu. Kush shkon në qeveri nuk merr më shumë nga pjesa e tokës për vendin e vetë. Të gjithë bashkë punojmë për mbarëvajtjen e futbollit”-tha Duka.

Ndryshimet në infrastrukturë – “Ne meritojmë, që me përmirësimin e infrastrukturës, të organizojmë aktivitete ndërkombëtare. Pse jo edhe një finale të Superkupës së Europës apo Ligës së Kombeve”,- u shpreh Duka.

KRAHASIMI ME GJICIN – “Nuk dua të flas për modelet e të tjerëve. Nuk kam informacion si është i organizuar Kukësi dhe as për financat e këtij klubi. Unë e vlerësoj për rezultatet sportive, sepse Kukësi ka vite që është në majën e futbollit shqiptar dhe meriton përgëzime. Megjithatë, ne kemi politikë tjetër, politika jonë është realiste dhe nuk bazohet në planifikime që nuk justifikohen as me të ardhura dhe as me rezultate. Duke qëndruar në binarë realistë, me bilanc të balancuar, krejtësisht transparent me shtetin, të bazuar në detyrime fiskale, tatimore, kontraktore e ligjore, klubi ynë është shumë i qëndrueshëm, duke pasur mundësinë të promovojë vlera dhe të ndërtojë karriera.

Në këtë aspekt, ndryshimi më i madh i Apolonisë nga klubet e tjera është se Apolonia është pa dyshim shkolla më e mirë e futbollit që ka sot Shqipëria, gjë që duket nga lojtarët që janë promovuar në tregjet e zhvilluara të futbollit, apo në tregun e brendshëm. Edhe aktualisht kemi shumë talente që besojmë se do të lënë gjurmë në futbollin tonë në të ardhmen. Apolonia do vazhdojë në këtë mënyrë, nëse sot stërvitim 250 lojtarë, synimi është që vitin e ardhshëm të stërvitim 500 lojtarë. Apolonia investon më shumë në teknologji, infrastrukturë dhe trajnim, sesa në paga lojtarësh, sepse duam të rritim djemtë e vendit dhe lojtarët e Akademisë tonë. Jo rastësisht pjesa dërmuese e lojtarëve të ekipit të parë të Apolonisë vinë nga Akademia jonë e futbollit.

PROBLEMET NË SUPERIORE – “Në përgjithësi, futbolli shqiptar është rritur shumë këto vitet e fundit dhe FSHF ka merita, sepse nga një federatë shumë e varfër dha pa kapacitete është shndërruar në një institucion i pasur, që ka punuar shumë edhe në aspektin e infrastrukturës dhe në shumë drejtime të tjera. Megjithatë, janë pjekur kushtet që futbolli shqiptar të reformohet rrënjësisht, me qëllim që ai të mos jetë futboll i klubeve piramidale. Duhet seriozitet, në çdo drejtim, pasi përndryshe bëjmë vetëm dëme dhe nuk prodhojmë asgjë. Duhen marrë masa urgjente, që loja të jetë më e pastër dhe cilësore dhe që klubet të jenë solide në aspektin financiar dhe të trajtohen të gjithë njësoj.

Problemi që ngrini ju është real dhe serioz. Kjo reformë duhet bërë në mënyrë urgjente, pasi nëse disa klube kanë probleme dhe u largohen lojtarët, apo luajnë mes gjyqesh dhe nuk licencohen dot për kupat e Europës, domethënë se kemi një shtrembërim të garës. Disa luajnë dhe punojnë duke qenë korrektë, ndërsa disa të tjerë thjesht zvarriten deri në mbyllje të sezonit, duke shpresuar që FSHF të mos i dënojë apo përjashtojë”.

TALENTET TE APOLONIA – “Aktualisht tek Apolonia kemi tre grupe lojtarësh të rinj shumë të talentuar. Grupi i parë janë 22 vjeçarët Buzi, Andoni dhe Prifti. Këta luajnë shumë bukur krahas lojtarëve të formuar e të pjekur Hysenshahaj, Nako dhe Çako që luajnë dhe mbajnë peshë të madhe te skuadra jonë. Grupi i dytë janë tre 18-vjeçarë të formacionit bazë Omeri, Zogaj dhe Gjata. Grupi i tretë përbëhet nga lojtarët 19-20 vjeçarë Mihana, Memeti, Sota dhe Harizi. Janë katër lojtarë fantastikë. Njëri më i mirë se tjetri. Mund të luajnë titullarë në çdo ekip të Superiores.

Redon Mihana, është një lojtar i shkëlqyer dhe shumë interesant. Ka qenë i dëmtuar për pak kohë, por tashmë ka rigjetur formën e plotë dhe është kthyer në fushë. Është shumë premtues, do të keni mundësi ta shihni edhe në vazhdim. Mendoj se bëhet fjalë për një talent që do të lërë gjurmë në futbollin tonë dhe nëse ndodh, është diçka që do të na gëzonte shumë, pasi do të konfirmonte punën e mirë që po bëhet tek Apolonia me këta talente. E rëndësishme është që këta futbollistë të rriten gradualisht, t’i hedhin hapat një nga një, derisa të arrijnë maksimumin e vet dhe të ndihmojnë klubet ku do të luajnë, por edhe veten.

Për punën e jashtëzakonshme që bëhet me këta talente të veçantë dua të përgëzoj trajnerët e Apolonisë. Ata janë vërtet skuadra më e madhe e KLUBIT dhe Akademisë tonë.

DUKA – “Kam pasur besim se zoti Duka do e fitonte vendin në këtë organ kaq prestigjioz dhe të rëndësishëm. Ai e meritonte. Ka bërë shumë për futbollin. Zgjedhja e Dukës është një ngjarje historike për futbollin Shqiptar. Është vërtet shumë e rëndësishme për Shqipërinë. E kam inkurajuar të konkurrojë dhe jam i lumtur që ia doli”.

Megjithatë, në deklaratën e tij të parë pas zgjedhjes në qeverinë e UEFA-s Duka tregohet i matur dhe ka një mesazh të shkurtër për të gjithë, duke e konsideruar një fitore për futbollin shqiptar, jo për të personalisht.

“Të dashur miq,

Nga sot më është besuar detyra e anëtarit të Komitetit Ekzekutiv të UEFA-s. Emocion i papërshkrueshëm, fitore e madhe për futbollin e vendit tim.

Duhet të falënderoj të gjithë kolegët e federatave anëtare, që më votuan në garën për një vend në Komitetin Ekzekutiv të UEFA-s. Një besim dhe një përgjegjësi e madhe për mua dhe futbollin shqiptar.

Jam shumë i nderuar që për herë të parë në histori më takon mua të përfaqësoj futbollin shqiptar në pozicionin më të lartë qeverisës së UEFA-s”.

UEFA dhe 55 federatat anëtare do të mblidhen në kryeqytetin italian, ku presidenti Aleksandër Çeferin do të konfirmohet për një mandat 4-vjeçar, pas 2 vitesh e gjysmë në drejtim, kur pasoi Mishel Platini, i cili u largua për shkak të skandalit të korrupsionit.

Çeferin është tashmë kandidati i vetëm, ndaj nuk ka ndonjë interes të madh në lidhje me rizgjidhjen e tij.

Pas presidentit, do të zhvillohen zgjedhjet edhe për Komitetin Ekzekutiv të UEFA-s, ku do të zgjidhen 8 anëtarë, nga të cilët do të jetë të paktën një femër.

Pikërisht për Komitetin Ekzekutiv garon sërish presidenti i Federatës Shqiptare të Futbollit, Armand Duka, i cili në vitet e fundit ka punuar shumë për imazhin e Federatës Shqiptare në arenën ndërkombëtare, ka krijuar jo pak lidhje e ka bërë jo pak takime, në një kohë që suksesi i kombëtares në Euro 2016 ka qenë një armë e fortë për të treguar se futbolli shqiptar e meriton të ketë një përfaqësues në UEFA, të paktën për 4 vitet e ardhshme.

Ceremonia nis paraditen e sotme, rreth orës 9.30, ndërsa do të përfundojë rreth orës 13.00.

Pas një viti të vështirë, Duka tregon se është gati për të bërë mirë te skuadra e Partizanit, duke treguar dhe periudhën e tij të vështirë të dëmtimit, por edhe kohën kur ai priste që të bëhej baba. Mesfushori flet për situatën dhe objektivat tek kryesuesit, duke veçuar se klubi synon që të bëjë paraqitje të mira në arenën ndërkombëtare.

TRANSFERIMI – “Kisha mundësinë për të lëvizur dhe në verë, por asokohe po më lindte gruaja dhe nuk mund të largohesha. Jam i gëzuar që u krijua mundësia për ta realizuar këtë lëvizje edhe në janar. U bashkova me skuadrën në Turqi dhe u njoha me situatën këtë. Gjithçka po shkon mirë”, tregon Duka.

OBJEKTIVAT – Më pas mesfushori foli për klubin e ri: “Jam në një skuadër shumë serioze e cila ndodhet në vendin e parë. Skuadra ka bërë një punë të mirë dhe prodhon futboll. Mund të përshtatem shpejt besoj. Jam në një skuadër me cilësi dhe të gjithë kemi si objektiv që në arenën ndërkombëtare të bëjmë mirë në verë”.

VERA – “Kishte momente kur ishte vërtet e sikletshme, sepse kisha kaq shumë kohë të lirë, nuk dija ç’të bëja dhe nuk isha mësuar të qëndroja i mbyllur në shtëpi. Stërvitesha dhe më pas duhej të kaloja ditën i lirë. Aty doli në skenë FC Motown”, ka shtuar Duka.

VËSHTIRËSITË – “Nuk e di si do ia kisha dalë mbanë të luaja futboll në nivele të larta dhe të ndihmoja edhe bashkëshorten. Ishte një bekim që isha në shtëpi dhe nuk udhëtoja shpesh”. Gruaja dhe fëmijët do bashkohen me Dukën në Tiranë këtë muaj.

Ai ka gjetur një apartament në Tiranë dhe klubi e ka ndihmuar. “Sezoni 2018 tek Motown ishte ashtu si dukej në fushë apo në media, të gjithë zbaviteshin dhe po e shijonin futbollin. Më ndihmoi realisht të rigjeja dashurinë për futbollin”, përfundon mesfushori i të kuqve.

Dilaver Duka bëhet kështu afrimi më i fundit te Partizani dhe do të jetë një vlerë e shtuar për të besuarit e Gegës, që kërkojnë me doemos të arrijnë te titulli kampion. Në faqen zyrtare të klubit në “Facebook”, është bërë zyrtare firma e Dukës me skuadrën e Partizanit.

“Klubi njofton arritjen e marrëveshjes me Dilaver Dilly Dukën. Kontrata e firmosur me drejtuesit e klubit do të jetë e vlefshme për pjesën e mbetur të këtij sezoni futbollistik me opsion rinovimi edhe për vitin e ardhshëm. Mesfushori shqiptar gëzon një karrierë të suksesshme në kampionatin profesionist të Shteteve të Bashkuara të Amerikës, ku ka qenë pjesë e ekipeve elitare New York Red Bulls dhe Chicago Fire. Duka do të provojë eksperiencën e parë në kampionatin tonë dhe do të mbajë në fanellë numrin 28”, njofton klubi i kuq.

“2018-ta është një hap pozitiv për futbollin shqiptar. Gjithkund ka pasur hapa pozitivë. Hapat pozitivë nuk maten vetëm me rezultate, por me të gjitha gjërat në përgjithësi. Natyrisht mbeten ende shumë problematika”.

INFRASTRUKTURA – “Tanimë kemi një stadium modern në Elbasan, një tjetër në Shkodër, do të mbarojë së shpejti “Arena Kombëtare”, ndërsa kemi një projekt tjetër në Kukës. Sigurisht nuk mjaftojnë, pasi numri i personave që luajnë futboll në Shqipëri është rritur shumë”.

ÇËSHTJA SKËNDERBEU – “Skënderbeu ka një problem juridik. Ata akuzohen për trukim dhe po mbrohen për këtë gjë, pasi ata thonë se nuk ka trukim. Mund të them vetëm një gjë. Ndaj tyre është përdorur një dënim i paprecedentë. Juristët do ta gjykojnë nëse janë fajtorë ose jo. ”

RIVALITETI NË SUPERIORE – “Është një realitet normal i të gjithë kampionateve me 10 skuadra. Të gjitha skuadrat e kreut, nga Partizani i vendit të parë deri te Flamurtari, janë të afta për të marrë titullin kampion. Shpresoj të jetë kështu deri në fund”.

TIRANA – “Tirana është klub shumë i mirë në histori, por jo në fakt. Do doja shumë që të ishin në pozitat e Partizanit duke luftuar për titull. Ata kanë shumë resurse të mira, kanë infrastrukturë të mirë dhe janë ekipi i kryeqytetit”.

LIGA DHE KRYETARI LIBOHOVA – “Libohova është një njeri me shumë eksperiencë dhe i aftë për atë punë. Propozimi im ka qenë që të ishte një ndër presidentët e klubeve. Liga do të qetësojë disi klubet, pasi do të kenë kontroll më të madh në emërimin e arbitrave”.

E DREJTA TELEVIZIVE – “Para disa vitesh kemi qenë në një situatë paradoksale ku televizionet na kërkonin para për të transmetuar ndeshjet e kampionatit ose të kombëtares. Tani ndodh e kundërta, madje paratë nga e drejta televizive janë dyfishuar me kalimin e viteve dhe të gjitha këto para i shkojnë klubeve”.

PANUÇI – “Në futboll rezultati është ai që mbahet mend. Unë nuk besoj se gjatë këtij edicioni me Panuçin, kombëtarja ka pësuar rënie ose kemi ulje të cilësisë së lojtarëve. Nuk mendoj se “Nations League” duhet quajtur një kompeticion i dështuar, pasi dështim do të ishte nëse do binim një ligë më poshtë. Ne nuk meritonim 0 pikë në Izrael, atje bëmë lojën më të bukur që ka bërë kombëtarja gjatë viteve të fundit, por humbëm 2-0”.

ZGJEDHJA E PANUÇIT – “Ne vinim pas një suksesi dhe është shumë e lehtë që një pjesë e futbollistëve të binin në vetëkënaqësi. Kjo ndodhi dhe u pasua me disa ndeshje të dobëta të kombëtares, prandaj gjeta konsensus me De Biazin. Mendova të merrja një emër me staturë të madhe për t’u treguar futbollistëve se kanë dhe shumë për të arritur. Tjetër arsye është se më pëlqen grinta e tij. Ultimatume? Nuk është natyra ime të bëj të tilla gjëra. Madje para ndeshjes me Uellsin e kam çtensionuar situatën duke i thënë se do të vazhdonte”.

MARRËDHËNIA ME TIFOZËT KUQEZI – “Unë përpiqem që të ndërtoj raporte korrekte me këdo. Me grupimin Tifozët Kuqezi kam marrëdhënie shumë të mira. Janë një grupim i organizuar që na mbështesin jashtë dhe brenda. Kur kemi pasur pakënaqësi i kemi zgjidhur bashkërisht” .

SHORTI I KOMBËTARES – “Është një short i pranueshëm. Mund të luftojmë për të shkuar në Europian. Në letër duket se Franca si kampione bote i ka të gjitha shanset për të qenë vendi i parë i grupit. Turqia do të luftojë për vendin e dytë së bashku me ne dhe Islandën. Por, duhet të vlerësojmë maksimalisht dhe Andorrën dhe Moldavinë. Do luftojmë e do luajmë për të qenë në Europian. Nëse fitojmë ndeshjen e parë ndaj Turqisë më 22 mars, do të na bëhen llogaritë shumë më të lehta.

TURQIA – “Turqia është një ekip shumë i mirë. Janë një shtet me 70 milionë banorë, me futboll të zhvilluar. Nuk mund të themi se jemi para atyre”.

NDRYSHIMET TEK EKIPET E MOSHAVE – “Në rastin e Bogdanit mund të them se u krijua një shkëputje reale e trajnerit me futbollin e moshave në Shqipëri. Kishte grumbullime vetëm nga jashtë. Trajnerët tani do të punojnë full-time në Shqipëri dhe Bogdani nuk mund ta përballonte këtë. Do të kemi një bashkëpunim më të mirë mes trajnerëve dhe menaxherit të kombëtareve Mustedanagiç”.

SPEKULIMI PANUÇI TE ROMA – “Nuk jam në dijeni të këtij lajmi. Nuk besoj që një trajner profesionist si Panuçi të bëjë biseda kur është në kontratë me ne”.

NGËRÇI ME QEVERINË – “Në fillim të projektit bëmë një plan financiar, ku llogaritëm sa do investonim ne dhe kompania e ndërtimit. Në këtë plan ishte planifikuar që do të rimbursohej tvsh-ja. Papritur na informohet nga ministria se është anuluar kjo marrëveshje. Kjo çështje është çuar në gjykatë. Do të na jepet e drejta është diçka e shkruar e zeza të bardhë. Nuk ka shans të ndodhë ndryshe. Kjo cenon afatet e punimeve. Ministria e Financave nuk ka pse bllokon stadiumin kombëtar. Besoj se do të zgjidhet shumë shpejt”.

PUNIMET E ARENËS KOMBËTARE – “Ne kemi ndërprerë pagesat për shkak të problemit të rimbursimeve. Kjo na ka vënë në siklet me kompaninë ndërtuese, por për momentin punimet e nuk janë ndaluar. Nëse si situata do vazhdojë e tillë, sigurisht që mund të na hapen probleme. Pres që punime të mbarojnë në qershor. Shpresoj që shteti të na ndihmojë me një fond shtesë”

ZYRAT E REJA TË FSHF-së – “Është një projekt madhor. Shpresoj të mbarojë brenda vitit 2019. Ministadiumet që po ndërtojmë do t’i shërbejnë të gjitha ekipeve kombëtare”.

AKUZAT E FINOS PËR SHOQATAT – “Asambleja e futbollit ka qenë ajo për shumë vite me radhë. Është statuti ai që vendos anëtarët në zbatim të ligjeve shqiptare. Ky është një kapitull i mbyllur”

AKUZET E BRAÇES PËR EVAZION FISKAL – “Në Federata nuk ka se ti ketë evazion fiskal. Tatimet kontrollojnë çdo vit bilancet tona. Përse duhet ta bëj Federata këtë gjë, s’ka asnjë arsye. Gjyqi? Mendova të ndjekë rrugën ligjore, pasi u mërzita me akuzet e shpifjet, por më pas kuptova se nuk ia vlente dhe tërhoqa”.

KANDIDATURA PËR ANËTAR TË KOMITET EKZEKUTIV–  “Mendoj se është mirë për Shqipërinë që të kemi përfaqësues në komitetet e UEFA-s. Tani kemi përfaqësues në pesë komitete të ndryshme. Sa më shumë të përfaqësohemi aq më mirë është për interesat e institucionit dhe të vendit. Përse të mos kemi një anëtar nga Shqipëria në organin më të lartë të UEFA-s? Në 7 shkurt do të shohim se kë do të votojnë anëtarët”.

President, si e komentoi hapin e parë për krijimin e Ligës Profesioniste?
Mbledhja ishte iniciativë e klubeve të Kategorisë Superiore, për të përfunduar procesin e krijimit të Ligës profesioniste, e cila përfundoi me sukses dhe u vendos krijimi i Ligës. U bënë zgjedhjet për drejtuesin e saj me konsensus të të gjitha klubeve. Do të jetë zoti Edvin libohova drejtuesi i Ligës. Tani Liga duhet të regjistrohet sipas rregullave dhe procedurave juridike dhe do të fillojë aktivitetin e saj, për të marrë në dorë administrimin, organizimin dhe mirë menaxhimin e aktivitetit të Kategorisë Superiore.

Sa i rëndësishëm është krijimi i Ligës?
Teorikisht duket një proces shumë i mirë dhe i rëndësishëm për zhvillimin e futbollit. Në konceptin tim, ajo çka është kryesorja, duke qenë me interes të një grupi më të ngushtë se federata e Futbollit, do i shohë më mirë, do t’i menaxhojnë më mirë, do të kujdes më mirë ndoshta për të rritur imazhin e këtij produkti të përbashkët, për ta mbrojtur më shumë dhe për t’i diskutuar dhe zgjidhur problemet e tyre në tavolinë dhe jo jashtë saj.

Pse mungoi sot një përfaqësues nga Tirana?

Në dijeninë time ishte një mungesë për arsye objektive, por jo se është kundër krijimit të Ligës. E ka mbështetur iniciativën e krijimit të Ligës, madje e ka firmosur edhe statutin e saj.

Çfarë do të ndodhë me të drejtën televizive?
Të gjitha të drejtat e menaxhimit të aktivitetit të Kategorisë Superiore do t’i ketë Liga. Të drejtat e emrit, të drejtat e marketingut, të drejtat televizive etj.

Çfarë do të ndodhë me komisionet?
Komisionet juridike dhe Komisionet e arbitrave janë një dhe nuk mund të ketë komisione paralele, por gjithsesi Federata do i japë akses Ligës që të kontrollojë 100% ato çka kanë lidhje dhe interesa të garës tyre.

A do të japë dorëheqje nga posti i zëvendës presidentit zoti Libohova?
Jo. Të gjitha duhet të miratohen nga Asambleja e Futbollit, e cila do të mblidhet në gjashtë mujorin e parë të vitit e ardhshëm. Në statut do i propozohet Asamblesë që gjithmonë presidenti i Ligës të jetë dhe anëtar i Komitetit Ekzekutiv dhe zëvendëspresidenti i Federatës së Futbollit.

Si e shikoni garën këtë edicion?
Gara e këtij viti mund të vlerësohet nga ana ime me një hap pozitiv, duke e krahasuar me vitet e mëparshme. Klubet janë akoma më të organizuara, cilësia është më e mirë dhe gara është në mesin e saj. Duhet kohë për të mësuar se kush do të jetë fituesi.

Duka ka kandiduar edhe më parë për të qenë pjesë e këtij Komiteti, saktësisht në vitin 2017, duke marrë 22 vota nga 55. Numri një i FSHF-së doli i 9-ti, duke mos arritur për shumë pak vota që të futej në bordin drejtues.

“Miqtë e mi!

Do të jem një nga kandidatët për Anëtar të Komitetit Ekzekutiv të UEFA-s. Shpresoj që në Kongresin e 43-të që do të mbahet në Romë në 7 shkurt 2019, të ketë sa më shumë federata mbështetëse.

Kandidoj me dëshirën për të përfaqësuar futbollin shqiptar dhe interesat e federatave të vogla në organin më të lartë të futbollit Europian”.

https://www.facebook.com/PresidentiFutbollitShqiptare/photos/a.246839272093311/1891166644327224/?type=3&theater

Numri një i Federastës Shqiptare të Futbollit analizoi dhe ecurinë e trajnerit Kristian Panuçi, duke veçuar arsyet se pse ai i besoi projektit të tij. Duka po ashtu nuk la jashtë vëmendjes edhe temën e mbylljes së basteve.

President, si e komentoni shortin për Shqipërinë?
Nuk ka grupe të lehta, të gjitha grupet janë të balancua në një lloj mënyre, me skuadra shumë të forta, mesatare dhe me më pak të forta. Mund të ishte dhe më keq, nëse do të qëllonim në një grup me Gjermaninë dhe Holandën, që ta bëjnë të pamundur objektivin. Jemi në një grup ku mund të pretendojë kemi kundërshtarë me të cilët mund të luajmë, mund të arrijmë një vend fitues, vendin e parë ose të dytë.

Ka ndonjë përfitim që ne do të ndeshemi me Francën, sa i përket të drejtës televizive?
Nuk ndryshon asgjë. Të drejtat e transmetimit janë të grumbulluara nga UEFA dhe shpërndahen në një mënyrë të përcaktuar. Nuk ka të bëjë me ekipet e mëdha apo të vogla në short. I vetmi interes është ai sportiv, ku mendon se është më e kalueshme apo më pak e kalueshme.

Sa shanse kemi të kualifikohemi?
Pas kualifikimit në 2016 bëhet akoma dhe më e vështirë, pasi e ka vendosur aty stekën. Të gjithë kërkojnë që ne të jemi pjesëmarrës vazhdimisht, por ne mbetemi një përfaqësuese modeste, edhe pse kemi filluar të bëjmë mirë dhe duhet të vlerësojmë çdo kundërshtar. Sytë të gjithë i kanë tek Islanda dhe Turqia, por për mua duhet të vlerësohet dhe Andorra shumë, pasi vlejnë sa pikët ndaj Francës dhe mund t’i humbësh nëse do të shkosh në fushë me mendje që i ke të fituara. Duke punuar seriozisht dhe duke pasur në dispozicion të gjithë ekipin, pasi dihet që në 2018 kemi pasur shumë mungesa.  Edhe një ekip i madh, po marr rastin e Barcelonës nëse i heqim Mesin mund të humbasë një ndeshje me Zhironën. Ne kemi pasur 4-5 mungesa dhe kjo gjë do të reflektohej edhe në fushë.

E ndiqini përfaqësuesen e Kosovës?
Patjetër që po. Ndjek çdo përfaqësuese në Europë dhe në Botë, por akoma dhe më shumë skuadrën e Kosovës sepse e ndjej pas Shqipërisë.

Çfarë ju bindi që e rikonfirmuar Panuçin?
Nuk mund të them se ishte një zhgënjim. Sa më lart të ngjitesh aq më e vështirë bëhet. Pritshmëritë janë të mëdha kur merr pjesë në Europian dhe më pas renditesh në vendin e tretë në një grup me Italinë dhe Spanjën. Kishte specifikat e veta, edhe komepticioni dhe grupi jonë që ishte me tre, mjaft i vështirë, për të rikuperuar qoftë dhe një gabim. Shqipëria mbeti në Ligën C, çka tregon se nuk ishim një prej skuadrave më të këqija të ligës.

Nuk ishte i njëjti besim edhe për trajnerët e skuadrave të moshave që u ndryshuan?
Ndryshimet nuk ishin emocionale apo pas një rezultati jo të mira. Nuk ishte një ndryshim i menjëhershëm. I kanë pasur mundësitë për të punuar akoma dhe më shumë, për të marrë rezultate. Kur nuk kanë ardhur rezultatet dhe performanca nuk ka qenë e duhur, patjetër që ka pasur ndryshime. Stafi aktual ka vetëm një vit në krye të Kombëtares. Nuk ka pasur të gjithë potencialin e mundshëm. Them se ka vend për përmirësim dhe unë kam kritikat e mia, por jo deri aty sa për të ndryshuar diçka. Jemi para një kompeticioni shumë të rëndësishëm dhe nuk kemi kohë për eksperimente, pasi në mars kemi ndeshjet e para zyrtare.

Jeni i kënaqur me Panuçin deri tani, pavarësisht rezultateve?
Jo, duke qenë se mbahen mend rezultatet, duke qenë se rezultatet nuk kanë qenë edhe aq të kënaqshme. Me të drejtë njerëzit presin rezultat dhe kërkojnë që të shënjestrojnë atë që nuk e merr rezultatin. Në futboll shënjestrohet gjithnjë atë që nuk jep rezultatin. Në futboll zakonisht shënjestrohet trajneri, pasi është e vështirë që ta ndryshosh skuadrën. Në kushtet që jemi them se kemi marrë vendimin e duhur.

Pas largimit të Canës, duket se ka një debat të hapur për shiritin e kapitenit…
Kemi zgjedhur një kapiten, siç duhet është Mërgim Mavraj, Hysaj është i dyti, por kemi dhe një të tretë.

Kalojmë pak te kampionati ynë, ka pasur shumë akuza për blerje e shitje ndeshjes…
Ku ka gjë këtu në Shqipëri që nuk akuzohet për blerje dhe për shitje. Shqipëria ka krizë besimi në çdo aktivitet, akoma dhe më shumë në një lojë. Kam dëgjuar njerëz që luajnë skedona e baste nja një mijë apo nga dy mijë lekë dhe kur e humbasin thonë e shiti Mesi dhe Ronaldo. Nuk them se nuk ka vend për përmirësim, pro jo për të errësuar me gjuhën e një bastexhiu të rëndomte.

Mund të ulet ky fenomen tani që do të mbyllen pikat e basteve?
Pikat e basteve do të mbyllen aq sa është ndaluar pirja e cigareve në lokale.

Kemi parë shumë herë që Komisioni i Disiplinës mbyll dyert e stadiumeve, është një tregues i dhunës në futbollin tonë?
Ne duhet të kemi një nivel të kulturuar, ku të vijnë edhe femrat. Duhet të mbajmë përgjegjësi ne që të krijojmë një klimë të pranueshme. Nuk mund ta etiketoj kampionatin si një kampionat të dhunshëm.

Ka pasur ndonjë moment të vështirë Duka apo ndonjë dështim gjatë periudhës që drejton FSHF-në?
Nëse nuk dështon, nuk arrin të bësh sukses. Gabimet dhe pengesat të bëjnë që të mësosh dhe të ecësh para dhe mbase të arrish dhe te suksesi.

Deputeti Braçe ka dalë shumë herë kundër jush….
Nuk është vetëm Braçe që është kundërshtar, pastaj kritika do të ketë për çdo person që bën një detyrë publike. Nga të gjitha kritikat nëse ka diçka që duhet ta korrigjosh, duhet të korrigjohet. Duhet t’i marrim me sportivitet.

Si e komentoni largimin e policisë së shtetit nga shkallët e stadiumit?
Nuk ka qenë një kërkesë e jona dhe nuk kemi qenë shumë pro vendimit të marrë nga shteti në lidhje me largimin e policisë së shtetit. Jemi munduar që të bëjmë më të mirën. Nuk është koha që të bëjmë krahasime me Anglinë, apo Spanjën. Ne e kemi të vështirë.

De Biazin e shohim gati çdo ndeshje në stadium kur luan Kombëtarja, si rrallë ndonjë trajner. Mund të themi se është një dashuri e madhe në mes e pakushtëzuar?
Suksesin më të madh të jetës së tij e ka arritur me Shqipërinë dhe ndihet mirë. Shqiptarët e respektojnë shumë pasi ne arritëm rezultate historike me të. përderisa ndihet mirë dhe nuk ka angazhimet e tij të tjera, vjen e sheh ekipin, takon miqtë e tij.

Ka pasur keqardhje kur u largua ish-trajneri, pse erdhi kjo lëvizje?
Them se ishte fundi i një cikli. Kishte nisur një edicion tjetër jo aq i suksesshëm. Ishte një marrëveshje e dyanshëm, por një konsensus që ky bashkëpunim të ndërpritet dhe të vijë dikush tjetër.

Mund të kemi një rikthim të De Biazit në të ardhmen?
Është një diskutim që nuk na çon aksin sot. Kemi një trajner dhe një staf të kompletuar gati për të nisur një kompeticion të ri.

Panuçi është shfaqur mjaft i nervozuar në daljet për mediat, ndërsa edhe në skuadër nuk duket se klima është më e mira e mundshme. Presidenti i FSHF-së, Armand Duka ka komentuar sot për mediat dhe situatën ku ndodhet skuadra, por njëkohësisht ka folur dhe për trajnerin. Presidenti është i qartë dhe thekson se një fitore do të shpëtonte edicionin, por në anën tjetër veçon se bilancet për italianin do të bëhen pas ndeshjeve të këtij muaji. Nënkuptohet se nëse do të dështojmë ndaj Skocisë, e ardhmja e Panuçit në krye të stolit kuqezi mund të vihet në pikëpyetje.

“Stadiumi i ri do të jetë gati në mars me shumë mundësi. Na duhet marrim fitore me Skocinë. Nuk do të ishte një edicion i dështuar nëse do ia dilnim. Nuk duhet të harrojmë që kemi shumë mungesa dhe është një problem jo i vogël. Bilanci për Panuçin do të bëhet pas dy ndeshjeve që kemi, nuk mund të flasim që tani. Të presim dhe shortin e kualifikueseve të Europianit”.

Sigurisht që nuk kanë munguar dhe batutat nga ana e presidentit ë FSHF-së, që ka admiruar punën e deritanishme, duke u shprehur se me këtë punë që është bërë nuk është çudi që të nxjerrin ndonjë ligj për t’i marrë zyrat. Natyrshëm një shaka e rastit.

“Kaq të bukura sa janë bërë zyrat, do na i marrin më duket. Do ta nxjerrin ndonjë ligj për të na i marrë. Zyra e presidentit ku është? Se atë erdha të shoh. Në katin lart? Po normal, nuk ka ku të jetë tjetër”.

“Stadiumi i ri do të jetë gati në mars me shumë mundësi. Na duhet marrim fitore me Skocinë. Nuk do të ishte një edicion i dështuar nëse do ia dilnim. Nuk duhet të harrojmë që kemi shumë mungesa dhe është një problem jo i vogël. Bilanci për Panuçin do të bëhet pas dy ndeshjeve që kemi, nuk mund të flasim që tani. Të presim dhe shortin e kualifikueseve të Europianit”.

“Rezultati nuk më pëlqeu, por pati një mobilizim, lojtarë të rinj në fushë dhe u përgatitëm për Izraelin. Uroj të marrim një rezultat të mirë në Izrael”.

“Kundërshtari nuk ishte në nivelin e Skocisë, ishte më i dobët dhe them se mund të bënim diçka më mirë”.

“Kjo ndeshje ishte e rëndësishme jo vetëm te përgatitja për Izraelin por edhe testi i disa lojtarëve për t’i pasur si alternativa në të ardhmen”.

“Uzuni bëri një debutim të mirë. Më erdhi keq për Mihajn që u vra”.

Në lidhje me deklaratën që ka konfirmuar trajnerin: “Nuk kam bërë ndonjë reagim, por kam dhënë një mendim timin, rreth asaj që dikush e ndërtoi si një situatë. Panuçi nuk del në konferencë për të dhënë kafe, por për t’u përgjigjur dhe unë nuk di që të mos e ketë bërë diçka të tillë. Donim shumë ta fitonim atë ndeshje, edhe ai vetë do donte si çdo futbollit. I tillë është futbolli. Kemi humbur një ndeshje dhe nuk duhet ta trajtojmë si tragjedi. Edhe kur e fitoni nuk mund ta cilësosh finale. Duhet analizuar dhe dalluar problemet. Analizat bëhen dhe kur fitohet. Edhe në fitoren me Izraelin kishte probleme. Rezultati i vë kapak. Nuk duhet dramatizuar. Ishte mendimi im, është një lojë kolektive. Nuk jam i kënaqur për humbjen, por nuk mund ta dramatizoj. Kërkoj dhe nga opinion në përgjithësi, pasi edhe presioni dhe kërkesa është e madhe. Ne kërkojmë nga ata, pasi vetë ata e kanë rritur standardin”.

Shifrat e Panuçit: “Nuk janë shifrat e Panuçit, por të Kombëtares. Nuk janë rezultate e Panuçit, as të De Biazit dhe as të Dukës. Nuk më kënaqin rezultatin. Asnjë humbje nuk më kënaq. Do doja fitore dhe në Skoci. Nuk jemi Italia që nuk ka shkuar në Botëror, por kemi humbur në Skoci. Kundërshtari ka lojtarë që luajnë në Premier League dhe kanë qenë shumë herë pjesë e Kupës së Botës. Nuk thashë që Panuçi është i pagabueshëm dhe lojtarët nuk kanë gjë për të korrigjuar. Më duket se është i orkestruar ky shigjetim ndaj Panuçit”.

Atmosfera në ekip: “Këtë po tentoj të ndryshoj dhe unë. E konsideroj si një faktor shumë të rëndësishëm atmosferën. Këtë gjë duhet të bëjë një president federate, të rregullojë çdo lloj komponenti. Kam kritikuar edhe Panuçin dhe zyrën e shtypit në lidhje me mënyrën se si duhet ta informojmë publikun. I vetmi futbollist që nuk është thirrur në Zvicër ka qenë Agolli, të tjerët nuk kanë qenë të disponueshëm, ose për dëmtimin ose datat nuk ishin të lira nga FIFA dhe klubet nuk i lëshonin lojtarët e tyre. Kishte dëmtime dhe në grumbullim, u dëmtua dhe Lilaj e më pas u aktivizua Ajeti si mesfushor. Ka bërë disa gjëra të detyruara. Unë e respektoj Agollin, si të gjithë ata që punojnë në FSHF, për atë që kanë dhënë. Trajneri i ka thënë që do provojë për ta zëvendësuar dhe kur të jetë nevoja do ta thërrasë. Në shtator e ftoi. Në Elbasan të gjithë menduan se ishte zgjedhje e drejtë aktivimi i Binakut. Nëse nuk do të funksiononte do të aktivizonte një tjetër. Nuk është e vërtetë që nuk ka klimë. Nuk e kam dëgjuar dhe nuk është e vërtetë. Publiku duhet të informohet më mirë, pasi është detyrë e trajnerit dhe zyrës së shtypit që ta bëjë këtë gjë. Nuk e di se pse nuk ka marrëdhënie të mirë me gazetarët siç thoni. Ne nuk jemi në momentin më të mirë të mundshëm, por nuk mund të thuhet se kjo ka ardhur ngaqë nuk janë ftuar në ekip disa lojtarë”.

Deklaratat e Hysajt dhe Memushajt? “Ndryshimi që bëri me Skocinë ishte i njëjti që bëri në Izrael, çka funksionoi, por në Skoci nuk ndodhi kjo gjë. Ishte e njëjta lëvizje”.

A jeni penduar që keni zgjedhur Panuçin? “I kam kërkuar kohë publikut që të mos ushtrojë presion ndaj një njeriu apo ndaj një skuadre. Nuk kemi thënë bëmë mirë apo keq, jemi munduar të bëjmë më të mirën. Kemi pasur trajnerë të ndryshëm të huaj, të cilët kanë pasur të mirat dhe të këqijat e veta dhe do i gjenim 1000 gabime dhe 1000 të mira. Trajneri aktual nuk ka kaq shumë kohë sa për ta vënë kaq shumë në presion. Edhe vetë çdo trajner pasi mbaron loja, edhe pse e ka vendosur vetë ekipin në fushë dhe ka pasur vendimmarrje të plotë, sheh që mund të ketë probleme”.

Sa i shqetësuar është presidenti? “Nuk mund të flas për anën e skemave. Për asnjë ekip nuk mund të thuhet se mund të luhet me një skemë të caktuar. Skuadra ndërtohet në bazë edhe të kundërshtarit që ke përballë dhe skuadrës që ke në dispozicion. Nuk mund të luash me 4-4-2 në çdo ndeshje. Dy trajnerët kroatë që kemi pasur, Kuzhe dhe Bariç dyshonin shumë skemat gjatë 90-minutëshit dhe kjo më pëlqente. I përshtateshim realiteti dhe kundërshtarit. Nëse skemat që ai ndryshon a janë apo jo të suksesshme është një diskutim tjetër”.

Klima jo e mirë? “Futbollisti mund të jetë i pakënaqur dhe pse nuk luan. Një futbollist i diskuton me dikë nuk do të thotë se ka një problem në skuadër”.

Agolli kapiten vetëm një konferenca? “Do doja të ishte dhe një herë 25 vjeç dhe të kontribuonte dhe një herë për ekipin.  Unë do doja të luante gjithnjë”.

Raportet jo të mira mes lojtarëve dhe trajnerit: “Nuk janë të vërteta lajmet që nuk ka raporte të mira mes lojtarëve dhe trajnerëve. Nëse një futbollist që flet kështu, duhet të dijë që problemet duhet t’i zgjidhë brenda skuadrës dhe nuk besoj të jetë e  vërtetë, nëse do të dëgjoja diçka të tillë do tentoja që të riktheja harmonin. Nëse nuk do të rikthehej do të operoja me ndryshime. Lojtarët dhe mund të debatojnë, por kjo nuk duhet të dalë në media”.

Mbështetja ndaj trajnerëve: “Dua t’i mbështes trajnerët për të arritur rezultatin. U kam dhënë shanin që të ecin para bashkë me ekipin. Nuk mund të gjykosh Bogdanin me 3 ndeshje zyrtare. Nuk mund të thuash se duhet të zëvendësojmë një ish-lojtar të Kombëtares me tre ndeshje. Nuk ka pasur paraqitje të dobëta. Duhet të presim ndeshjet zyrtare “.

Biletat: “Do doja që dhe tifozët të vinin pa bileta, por të vetmet të ardhura janë nga bileta dhe të ardhurat mga e drejta televizive. Do doja që t’i hiqja, kemi tentuar që të bëjmë ndryshime në disa raste, nuk kemi vepruar në varësi të gjendjes së skuadrës. Është një kontribut i të gjithëve, vetëm për të ardhur ajo skuadër në Shqipëri shkon në 100 mijë euro, që nuk bëhen me biletat”.

Çfarë ndodh me Panuçin nëse nuk i fiton dy ndeshjet e radhës? “Dua të mendoj pozitiv, uroj të fitojmë dy ndeshjet e radhës. Ne synojmë që të dalim të parët në grup. Dëshira dhe objektivat janë gjëra të ndryshme. Do ishte fatale që dikush të thoshte nuk do fitojmë”.

“Pse vendosa të marr Panuçin? Erdhëm pas një suksesi të madh dhe kishte eufori. Skuadra kishte nevojë për një emër apo staturë apo autoritet që mund ta menaxhojë apo ta drejtojë. Ishte emër i madh i futbollit të luajtur dhe mendova se mund ta drejtojë pas atij suksesi. Nëse do të kisha një Panuç tjetër me të njëjtën karrierë si futbollist, por dhe me nja 20 vite eksperiencë do ta merrja, edhe pse nuk kam mundësi dhe buxhet për ta marrë”.

Paralelizmi me De Biazin: “Edhe me De Biazin kemi pasur një situata të tillë në dy vitet e para, ndërsa më pas situata ndryshoi”.

Panuçi ka hedhur në gjyq ish-presidentin Nishani: “Flasim për ish-presidentin tim dhe nuk do më vinte mirë që të akuzohej nga dikush. Nuk më ka pëlqyer ajo deklaratë. Nuk kemi të drejtë t’i themi dikujt sharlatan. Nuk do ja lejoja vetes që t’i thosha dikujt tjetër sharlatan. Ish-presidenti është një institucion dhe nuk është një tifoz i thjeshtë. Nuk do isha dakord që të akuzoja ish-presidentin tim”.

Një grup lojtarësh kanë dashur që të vijnë të flasin me ju, a jeni në dijeni për këtë situatë? “Nuk kam dijeni dhe do më vinte keq nëse do kishin thënë këtë gjë. Ekipi Kombëtar nuk ka senator, pavarësisht nga mosha dhe janë të barabartë për aq sa japin. Kanë dhënë shumë dhe jam i kënaqur nga kontributi i tyre”.

Trajneri nuk e ka një lider, kemi 5 kapitenë: “Mund të jetë një fazë kalimtare, por vetë trajneri së bashku me lojtarët kanë vendosur se lojtari me më shumë ndeshje në fushë të mbajë shiritin. Ai shiriti nuk të bën dhe as nuk ta heq të qenurit lider. Është e drejta e trajnerit, e parashikuar në kontratë. Nëse do isha unë trajner do të bëja Agollin gjithnjë”.

“Nuk jam i bindur se lojtarët nuk e kanë bërë 100% sepse kanë gabuar. Kjo është lojë dhe gabohet. A ka aq shumë gabime sa ta dëmtojë të qenurit trajner? Unë mendoj që jo. Nuk i ngjan edicioni edicionit. Kemi bërë paraqitje të mirë dhe në të shkuarën me skuadra të mëdha, por jemi mundur dhe me skuadra më inferiore. Ne nuk jemi në momentin më të mirë të mundshëm të viteve të fundit. Uroj që situata të ndryshojë. Kishim lojtarë pa shumë minuta dhe që nuk ishin stabilizuar. Tani, edhe sot janë aktivizuar dhe uroj që të jemi më mirë në të ardhmen”.

Ndeshja me Skocinë: “Nuk mund të futem dhe të analizoj lojtarët në mënyrë individuale. Nuk them se nuk gabuan, pasi nuk do të kishim pësuar. Nuk mendoj se futbollistë e aktivizuar nuk e meritonin të aktivizoheshin”.

Raportet me Panuçin: “Nuk kam raporte me Panuçin, e kam trajner, kam raporte institucionale me të, janë tjetër gjë raportet njerëzore. Nëse nuk do të ishim respektuar nuk do të vijonim me kontratën”.

Mbrojtja e trajnerit: “Duhet të ndihmoj ekipin kombëtar. Dua të menaxhoj situatën dhe të zbutet klima”.

Komentet: “Të drejtë kanë të japin mendimin e tyre gazetarët, specialistët dhe tifozët. Nga ana teknike dhe sportive duhet të flasin ata që janë specialistë futbolli”.

Është ndjerë fakti që Kosova ka Kombëtare më vete: “Do të kishim më shumë alternativa nëse do të ishim vetëm ne, tani kemi dy skuadra. Janë disa kualitete që po bëjnë shumë mirë atje do të ishin alternativa për ne. Jemi dobësuar”.

Kosova: “Kosova ka bërë 4 pikë. Nuk i kam parë ndeshjet pasi kemi qenë paralele. Do doja ta ndiqja në stadium. Është pretendenti kryesor për të qenë kokë grupi”.

Skuadrat zinxhir: “Në një ndeshje është mirë të fitosh dhe lojtarët rriten më shumë kur fitojnë. Objektivi i moshave është që të furnizojë skuadrën A, pasi ajo është skuadra që përfaqëson vendin. Të ndaj trajnerët e moshave për rezultate nuk kemi kohë dhe mundësi për ta bërë. FSHF i kushton shumë vëmendje skuadrave të moshës. Ka shumë më shumë angazhim se në të shkuarën”.

Largimi i Lalës: “Lala është tërhequr vetë nga ekipi Kombëtar për arsye personale, jo sportive”.

Kampionati shqiptar: “Duket shumë kompetitiv. Koha sjell zhvillim dhe ekipet janë përgatitur më mirë. Kanë cilësi. Javët e para kanë qenë të nivelit të kënaqshme dhe uroj të shkojë mirë deri në fund”.

Ligji i sportit: “Është një vendim i nxituar. Nuk jemi në kohën që duhet të largojmë policinë nga shkallët e stadiumit. Është e vështirë që të menaxhohet ndeshja vetëm me stjuardë, është e vështirë nga pikëpamja financiare. Kemi mbi 400 ndeshje në javë, duke përfshirë dhe moshat. Ky është realiteti jonë. Nuk mund të fshihemi. Luajmë në impiante ku nuk ka kushte sigurie. Ky është realiteti shqiptar, që nuk mund ta ndryshojë as Duka dhe asnjë nga ne. Duket e nxituar. E kam kundërshtuar ligjin që ditën e parë. Ky është fakt. Kemi pasur presion nga klubet, kemi bërë takime me policinë dhe kemi kërkuar që të ndryshojë kjo gjë. Nuk e kemi parë të udhës që të ndërpritet kampionati. Nuk bëhet vetëm për në Superiore. Tek moshat mund të ndodhë që një prind të godasë gjyqtarin, por këtu nuk ka asnjë ligj që ta dënojë”.

Si do të evitohen rastet për gjykimin, siç ndodh në fundin e edicioneve? “Uroj mos të ketë gabime siç nuk ka pasur këto javë. Me rritjen e futbollit duhet të rritet dhe niveli i arbitrimit”.

Grupi i kombëtares ishte thuajse i plotë, por përjashtim bënte mbrojtësi Elseid Hysaj, i cili u la pushim, për shkak të axhendës së ngjeshur nga e cila vinte mbrojtësi shkodran.

Një fakt interesant ishte se në stërvitje ishte prezent dhe presidenti i Federatës Shqiptare të Futbollit, Armando Duka, së bashku me zëvendës-presidentin Lutfi Nuri, të cilët kanë ndjekur stërvitje nga fillimi deri në fund.

Më pas, Duka takoi edhe skuadrën, duke pasur edhe takime me lojtarë të veçantë, duke besuar në lidhje me momentin në kampin kuqezi. Situata nuk është e mirë në aspektin e rezultateve dhe të lojës, edhe pse në ekip ka qetësi për momentin dhe është e qartë që bëhet fjalë vetëm për takime miqësore të fundsezonit, që nuk duhen vlerësuar më shumë sesa duhet, ashtu si nuk duhet konsideruar ndonjë sukses i madh dhe kthesë gjigante nëse fitojmë ndaj Ukrainës.

Presidenti Duka ka dashur t’u japë një shtysë më shumë, një inkurajim lojtarëve për të mos u demoralizuar nga humbja ndaj Kosovës dhe kritikat që pasuan. Natyrisht, ambienti ka nevojë për një shkundje dhe kjo ka qenë edhe vizita e Dukës, pasi është e qartë që kur rezultatet negative rreshtohen, edhe entuziazmi bie ndjeshëm, ashtu si humbasin siguritë e krijuara ndër vite.

DISKUTIMI – “Ajo që kaloi, kaloi, nuk duhet të rrimë me kokën pas. Kemi këtë ndeshje me Ukrainën, por realisht fokusi është te ndeshjet e shtatorit, që janë ndeshje zyrtare dhe natyrisht përqendrimi duhet të jetë maksimal, ashtu si skuadra duhet të jetë sa më e plotë. Duhet të përgatitemi mirë dhe të japim maksimumin në miqësoren kundër Ukrainës, pasi impenjimi ka më shumë rëndësi sesa rezultati. Humbja ndaj Ukrainës ishte me lojë të shëmtuar dhe kjo nuk është pëlqyer, përtej humbjes ndaj vëllezërve tanë.

“Duhet harruar urgjentisht ajo paraqitje aspak e mirë në miqësoren e fundit, ashtu si paraqitja ndaj Norvegjisë, ku sërish skuadra vuajti dhe nuk ishte e zakonshmja, edhe për shkak të ndryshimeve të shumta në formacion dhe provave, që janë normale në ndeshje të tilla”, mësohet të ketë thënë ndër të tjera Duka para lojtarëve, që kanë qenë të qetë në ditën e sotme, duke u stërvitur në kushte mjaft të mira, edhe pse ditët e fundit është parë me shqetësim fakti që nuk do luhet në stadiumin e qytetit të Evianit, në Francë.

Administratori i Flamurtarit sot ka dërguar një ftesë zyrtare për të dy kandidatët për president të Federatës Shqiptare të Futbollit, për t’i pasur në stadium të premten.

Natyrisht, Fino do të jetë, sepse Idrizi është aleat i madh në garën zgjedhore, por nuk dihet nëse do të paraqitet Duka, i cili në Vlorë shihet si armik, me një mëri që e ka zanafillën në vitin 2011, kur Skënderbeu i rrëmbeu Flamurtarit një titull plot helm dhe politikë brenda, ndërkohë që FSHF nuk mundi të bënte asgjë për të frenuar trukimet e frikshme dhe presionet politike në prag të një viti zgjedhor.

Prej vitesh Duka nuk shkon më në stadiumin Flamurtari, ndaj prania e tij do të ishte një sinjal i rëndësishëm për të treguar se nuk ka asgjë me vlonjatët, por nga ana tjetër është e qartë që në stadium do të krijohej një atmosferë e rëndë dhe nuk do të mungonin ofendimet, që shpesh janë dëgjuar këtë sezon dhe që kanë çuar në disa dënime e mbyllje të stadiumit Flamurtari. Këtë gjë e di mirë edhe Sinan Idrizi, por me sa duket ai është i sigurt se Duka nuk do të pranojë të shkojë.

“Masivizimi i futbollit, fëmijët, të rinjtë, femrat, rezultatet e skuadrës Kombëtare me objektivin madhor për kualifikimin në EURO 2020 dhe Kupën e Botës 2022, arritjet e klubeve në arenën ndërkombëtare, politikat e futbollit dhe e ardhmja e garantuar më japin besim se sërish do vendosim për një futboll shqiptar gjithnjë e më të mirë”, shkruhet në statusin e Dukës.

Kjo është rruga e zgjedhur prej Dukës për të zyrtarizuar kandidimin, ndërsa në mbrëmje pritet ta imitojë Bashkim Fino, por me një dalje televizive në RTSH.

DEKLARATA

Së bashku për futbollin

Ndihem jo vetëm i detyruar por mbi të gjtha i vlerësuar dhe i respektuar që një pjesë e konsiderueshme e komunitetit të futbollit dhe anëtarëve të Federatës Shqiptare të Furbollit ka kërkuar rikandidimin tim në rolin e presidentit të ketij institucioni.

Pas konsultave me faktorë të rëndësishëm dhe grupe interesi që përfaqësojnë të gjjtha kategoritë, moshat dhe gjinitë vendosa të rikandidoj i bindur se të gjthë bashkë përfshirë dhe ju që nuk keni të drejtë vote mund të vazhdojmë se bashku një rrugë e cila në mënyrë të pashmangshme na ka dërguar te progresi.

“Shqipëria ka dhënë prova se di të organizojë edhe ndeshje të një risku të lartë. Ndeshja mes Skënderbeut dhe Partizanit të Beogradit e vërtetoi më së miri këtë. Nuk kisha ndonjë merak se mund të ndodhte ndonjë gjë, por kisha shumë dëshirë që Skënderbeu të fitonte. Ishte një ndeshje shumë e bukur dhe ne të gjithë duhet ta komplimentojmë Skënderbeun që po na përfaqëson denjësisht në Europa League”, u shpreh Duka në mikrofonin e Supersportit, duke shtuar se Skënderbeu po përfaqëson më shumë se një qytet.

“Të gjithë shqiptarët janë tifozë të futbollit dhe përderisa Skënderbeu po na përfaqëson në ndeshjet europiane, pa dyshim që do ta mbështesin. Nuk ka dyshim që gjëja më e mirë që ka Shqipëria është futbolli.”

Ndërkaq, për mediat ka folur edhe arkitekti Marko Kazamonti: “Jemi të lumtur me ecurinë e punimeve, është një vepër e bukur. Do të jetë një kënaqësi për çdo tifoz të ndjekë ndeshjet në një stadium krejtësisht të mbuluar dhe me mundësinë për të qenë shumë pranë fushës. Do të jetë si një teatër”.

Olsi Avdiaj
Presidenti i Federatës Shqiptare të Futbollit Armand Duka pas ndeshjes së Superkupës ka lavdëruar Tiranën. Në një prononcim për “Sport Ekspres”, numri një i FSHF-së u shpreh se bardheblutë luajtën më mirë dhe e merituan trofeun. Po kështu dy fjalë edhe për sezonin e ri që nis të shtunën, por edhe ndeshjen e kombëtares në Strumica.
-Sezoni u nis mbarë. Një ndeshje shumë e bukur me një Tiranë që edhe pse ra në Kategorinë e Parë tregoi se është e madhe?
Ndeshje e bukur. Tirana e meritoi trofeun, sepse luajti më mirë se ekipi tjetër. Pati disa raste. Mesa kuptohet ka nxjerrë mësime nga edicioni i kaluar dhe tani gjërat po i bën më mirë në këtë sezon.
-Ky është një mesazh për të gjithë?
Sigurisht që po. Kush punon merr dhe frytet e punës.
–Sezoni i ri ka nisur, por të shtunën është java e parë e kampionatit?
Uroj që sezoni i ri të jetë më i miri. Kam parë që skuadrat janë përgatitur shumë mirë. Uroj që të kemi një kampionat me sa më shumë të ardhura, lojëra të mira, sa më shumë cilësi dhe lojtarë dhe “fair-play” e në fund sa më shumë spektatorë. Kam shumë besim se të gjithë këta gjëra do të jenë shumë të arritura, duke parë lëvizjet e lojtarëve dhe atë që kanë bërë klubet deri më sot. Jam i bindur se do të jetë kampionati më i mirë se paraardhësit e tij.
–Shumë para është hedhur këtë sezon. Ndoshta si asnjëherë tjetër…
Merkatoja ka qenë shumë e mirë. Po kështu edhe investimet, faza përgatitore. Klubet tani janë më të organizuara dhe kjo do të bëjë që të kemi një kampionat më të bukur.
-Ndoshta sezoni i ri mund të niste pak më shpejt?
Edhe po ta kishim nisur më herët, do të ishin ankuar të tjerë përse nuk e nisëm më vonë dhe nuk do ta gjenim dot asnjëherë të vërtetën.
-Kombëtarja merr një barazim në Maqedoni?
Rezultati për mua ishte shumë i kënaqshëm. Brenda objektivave që unë kisha. Një rezultat na konsolidon në vendin e tretë. Mund të kishim marrë më shumë pikë, por edhe mund të kishim ardhur edhe pa pikë. Jemi të kënaqur. Ishte një ndeshje me rrezikshmëri të lartë. Ishte e organizuar shumë mirë dhe ne morëm një pikë ndaj një kundërshtari që luajti më mirë se të gjithë edicionin.
-Ishte një ndeshje e organizuar më mirë sesa në Serbi?
Ishte shumë më mirë, shumë më lart sesa ndeshja me Serbinë në Beograd. Dua ta pranoj se organizimi ishte për t’u vlerësuar.

Duke parë listën e seancave në KAS, të paktën deri në tetor nuk bëhet fjalë që të merret ndonjë vendim, ndaj duket se kjo histori do të vazhdojë gjatë, me Partizanin që pret të marrë titullin, si skuadra që e mbylli e dyta në renditje.

Duka ka komentuar edhe ecurinë e mrekullueshme të Skënderbeut në Europa League këtë verë: “Skënderbeu është bërë si Italia pas Calciopolit, që u shpall kampione bote. Tani kanë një ndeshje jashtëzakonisht shumë të vështirë kundër Dinamos së Zagrebit, pasi nuk kanë bërë as 50% të punës me rezultatin 1-1 në takimin e parë. I mbetet edhe rreth 70% e punës për ta bërë në Elbasan. Nëse do t’ia dalin, do të na bëjnë të lumtur”.

Megjithatë, në një intervistë në emisionin “Wake Up” në Top Channel, Duka sqaron logjikën që e çoi te zgjedhja e Panuçit.

“Italianët janë më të disiplinuarit në botë për futbollin dhe disiplina është shumë e rëndësishme në këtë sport. 80% e mendimit teknik në Federatë, por jo vetëm, ka qenë e mendimit se duhet të kishim një trajner italian, pasi shkolla e tyre ka sjellë trajnerë të suksesshëm. Kjo është një nga gjërat kryesore që të merrnim trajner italian”, tha Duka.

Për sa i përket eksperiencës, Duka bën një krahasim interesant: “Ne e kemi pasur ëndërr ta shohim në televizor dhe jo më “live”. Është një nga emrat më të mëdhenj ndër vite të futbollit italian. Duhet ta kemi për nder që e kemi këtu. Ka bërë shumë mirë atje ku ka trajnuar. Nuk besoj që ka më pak se Zidan”, është shprehur Duka, duke iu referuar francezit të famshëm, i cili nuk kishte drejtuar asnjë ekip profesionist para Realit.

“Ndeshja me Maqedoninë në Strumica? Nuk është vendosur ende, kemi pasur ankesat tona, vërejtjet dhe kemi biseduar me UEFA-n, jemi në pritje. Por, na duhet fitorja, skuadra duhet të qëndrojë e qetë.

“A ishte vendimtar aspekti financiar? Jo, nuk e zgjodhëm Panuçin se kërkoi pak, sepse buxheti ishte i njëjtë për të gjithë.

“Ishte zgjedhje e vështirë, për shumë arsye. Më parë me zor gjenim trajner të gatshëm të merrte Shqipërinë, tani lista ishte pa fund dhe është diçka e bukur që trajnerët e duan Shqipërinë.

“Sot zyra për shtyp do të njoftojë afatin e fundit të zyrtarizimit, apo të përfundimit të këtij procesi. Nuk ka qenë e lehtë përzgjedhja, është njësoj si të kesh pesë portierë shumë të mirë dhe nuk di kë të fusësh në portë”, tha Duka, në përfundim të mbledhjes me klubet për krijimin e Ligës profesioniste të futbollit.