Fillimisht u ndëshkua Valmir Nafiu për një faull si lojtar i fundit. Ky vendim i uellsianit nuk u prit mirë nga lojtarët e skuadrës tetovare. Agim Ibraimi ishte më i inatosuri për këtë vendim të gjyqtarit. Sulmuesi e teproi me reagimin duke  e shtyrë me kokë arbitrin, gjë që u pasua me një tjetër karton të kuq.

Në fund të takimit lojtarët e Shkëndijës rrethuan trupën e gjyqtarëve për t’i kërkuar shpjegime në lidhje me vendimet e ndeshjes, ku gjyqtari kryesor dha tre kartonë të kuq për skuadrën tetovare.

Pjesa e parë u mbyll me dominimin e Shkëndijës, por kuqezinjtë nuk ia dolën që të shënonin. As vendasit nuk rrezikuan dhe fraksioni i parë u mbyll i bardhë. Në të dytën, Dudelanzh do të kalonte i pari në avantazh, falë golit të Delgado në minutën e 78. Shkëndija barazoi me Ibraiminin në sekondat e fundit, por me rezultatin 1-1, mbaroi takimi. Musliu, Nafiu dhe Ibraimi u ndëshkuan me kartonë të kuq.

UEFA Europa League, kualifikuese

Dudelanzh – Shkëndija  1-1
Delgado 78’ / Ibraimi 90+2’

“Jemi këtu në Luksemburg për të synuar të përmbysim rezultatin e ndeshjes së parë dhe të kualifikohemi në turin e tretë të Europa League. Kemi dy ditë kohë për akomodim, besojmë se jemi të aftë të përmbysim rezultatin”.

“Jam i sigurt se secili lojtar që do të jetë në fushë, do të japë më të mirën nga vetja për të realizuar atë që kërkon nga ne stafi teknik dhe trajneri”, u shpreh mes të tjerash ish-mbrojtësi i Kukësit e Skënderbeut.

Skuadra luksemburgase arriti të kualifikohej për herë të parë në Europa League dhe sot në qytezën që mban të njëjtin emër do të luajë një “gjigant” europian si Milani. Për të shpjeguar diferencat e mëdha midis skuadrave mjafton të themi se stadiumi mitik i italianëve “San Siro” ka 40-fishin e stadiumit të Dudelanzh, që ka një kapacitet prej 2000 vendesh, ndërsa qyteza ka vetëm 2000 banorë.

Sigurisht që stadiumi “liliput” nuk i kap kërkesat e UEFA-s, prandaj ndeshja do të luhet në kryeqytet. Një tjetër diferencë e frikshme është dhe ajo midis selive të ekipeve. Zyrat qëndrore të klubit të Dudenlanzhit janë një dyqan i vogël më pak se 80 metra katrorë, ndërkohë Milani krenohet me godinën 9000 metra katrorë “Casa Milan”, që në brendësi ka një muze, restorante dhe ambiente të tjera tregtare.

Sido që të përfundojë ndeshja e sotme për Dudelanzhin përballja me Milanin në një ndeshje zyrtare është një fitore më vete, një ëndërr e bërë realitet me plot kuptimin e fjalës.

Tani duan ta shijojnë këtë gjë dhe nesër kundër Milanit është festë për të gjithë në Luksemburg. Trajneri i Dudelanzh flet për kundërshtarin, Higuanin veçanërisht, si dhe për Daniel Sinanin, mesfushorin me tipare sulmuese të skuadrës së tij.

MILANI – “Jemi shumë të lumtur për këtë ndeshje, do të jetë një festë për të gjithë vendin, por gjithashtu edhe një ndeshje e vështirë në të cilën do të jemi të gatshëm për çdo gjë. Kam shumë besim tek ekipi im dhe jam i sigurt që do të bëjmë një ndeshje të madhe. Nesër do u tregoj djemve të mi videot për analizën e fundit dhe shpresoj të shohim një ndeshje të bukur nga Dudelanzh. I respektojmë shumë kuqezinjtë, por nuk kemi frikë”.

HIGUAIN – “Është një lojtar i klasit botëror, të gjithë e dinë dhe të gjithë e dinë gjithashtu se duhet të mbrojnë duke u përqendruar maksimalisht. Atij i duhet shumë pak për të kthyer një aksion normal në gol. Milani nuk është vetëm Higuain, ka edhe lojtarë të tjerë të fortë”.

DANIEL SINANI – “Është një lojtar i nivelit të lartë, dëshiron shumë të luajë dhe nesër duhet të përballojë një presion të madh. Por do të bëjë një ndeshje të madhe, jam i sigurt për këtë”.