Për të qetësuar raportin e Hazard me tifozët, ka ndërhyrë një legjendë e klubit londinez, si Didier Drogba. Ish-sulmuesi e konsideroi belgun si një ndër legjendat e Çelsit për ato çfarë ai ka arritur në gjashtë vite me fanellëne bluve të Londrës.

“Hazard është një legjendë pavarësisht se çfarë do të ndodhë. Mjafton të shikosh se çfarë ka arritur në gjashtë vite me klubin. Ai është dikush që ka pritshmëri shumë të mëdha ndaj vetes dhe kolegëve të tij pasi kërkon gjithmonë të fitojë”.

“Ka fituar dy herë kampionatin, ka fituar kupën, ka fituar çmimin lojtari i vitit. Është thjesht Eden Hazard”, përfundoi Drogba.

“Çfarë ka bërë Hazard te Çelsi nuk e ka bërë askush. Që në ditën e parë kur erdhi këtu tha që do të bëhet më i mirë dhe besimi që kishte në vete e ka bërë lojtarin më të mirë në Premier Ligë. Për mua, ai do të mbetet një legjendë e skuadrës, edhe në rast se largohet”, tha Drogba.

Për Hazard, interesimi nga Reali i Madridit nuk mungon dhe vetë ylli belg preferon një kalim te “Los Blancos”. Shanset për një transferim të Hazard te Reali janë shtuar edhe më shumë pas rikthimi të Zinedin Zidan në krye të pankinës, i cili është dhe idhulli i sulmuesit të Çelsit.

Drogba ka arritur që të fitojë edhe Championsin me Çelsin, ndërsa së fundmi është aktivizuar në Amerikë, ndërsa në të shkuarën ka kontribuar edhe në futbollin kinez e atë turk. Sulmuesi ka shënuar dhe 40 gola me përfaqësuesen e Bregut të Fildishtë.

“Ishte vitit 1989 kur filloi gjithçka. Duke menduar 20 vitet e karrierës time si profesionist dhe duke parë këtë foto nuk mund të ndihem më krenar për atë që kam arritur si futbollist, por mbi të gjitha se si ky udhëtim më ka formuar si njeri.  Nëse dikush u thotë që ëndrrat tuaja janë shumë të mëdha, ju duhet ta falënderoni dhe të vijoni të punoni me zgjuarsi, për t’i kthyer ato në realitet.

Unë dua të falënderoj të gjithë lojtarët, menaxherët, ekipet dhe tifozët që kam takuar dhe ata që kanë qenë bashkudhëtar me mua.

PO ashtu një falënderim të madh me shumë dashuri kam për familjen time, që më ka mbështetur gjatë gjithë karrierës time në çdo moment që kam qenë. Shohim përpara, për të tjerë kapituj, duke shpresuar se zoti do më bekojë po aq sa bëri për karrierën time si sportist”.

Aventura e tij me Feniks po shkon mjaft mirë, teksa ekipi amerikan luan për momentin në “play-off”, pasi e përfundoi kampionatin e rregullt në vendin e tretë. Mbrëmjen e kaluar ekipi i Drogba priste ekipin e dytë të Portland, në një sfidë të vlefshme për fazën e 1/8-ave. Takimi përfundoi me fitoren e pastër të Feniks, të cilët likuiduan miqtë nga Portland me tre gola.

Goli që hapi rrugën e suksesit për vendasit, ishte pikërisht i Didier Drogbasë, i cili me një goditje dënimi shënoi një supergol. Edhe pse tashmë është në moshën 40-vjeçare, lojtari nga Bregu i Fildishtë vazhdon të tregojë se pavarësisht moshës, klasi tek ai ngelet gjithmonë.

1.Rafael Van Der Vart

Fantazisti holandez luan në Danimarkë me Esbjergut. 35-vjeçari vendosi të zhvendosej në qytetin danez për shkak të gruas së tij, e cila është një hendobolliste me famë dhe aktivizohet në skuadrën e qytetit të Esbjergut.

2.Hulio Baptista

Futbollisti brazilian Hulio Baptista është ngulitur në memorien e milionave fansve për dy arsye: Së pari ka pasur një karrierë me përvoja në klube elitare si Reali dhe Roma deh së dytë: Fiziku i tij ngjasonte më shumë me një fizikin e një shtangisti sesa një futbollisti. Baptista ka pak ditë që ka mbushur 37-vjeç dhe aktivizohet me skuadrën e Bruzhit.

3.Didier Drogba

Ish-futbollisti i Çelsit dhe kombëtares së Bregut të Fildishtë Didier Drogba vazhdon të ushtrojë profesionin e futbollistit. 40-vjeçari luan në amerikë me Feniks Rajsing, klub ky ku është aksioner maxhoritar, pra kolegët e tij në fushën e lojës janë njëkohësisht dhe punëtorët e tij.

4.Eshli Koul

Një tjetër ish-fubollist i Çelsit që vazhdon të luajë futboll profesionist është Eshli Koul. Mbrojtësi i majtë luan prej tri vitesh në ekipin e Los Angelos Galaksi, ku prej një viti ka marrë dhe shiritin e kapitenit. Kontrata e 37-vjeçarit mbaron në dhjetor dhe pritet që anglezi të varë këpucët në gozhdë pas një karriere që ka zgjatur gati 19 vite.

5.Lusio

Lusio, luajti çdo minutë në Botërorin e vitit 2002, ku Brazili fitoi titullin e pestë dhe të fundit deri më tani. Ish-mbrojtësi i Interit dhe Juventusit edhe pse 40-vjeç vazhdon ta ushtrojë profesionin e futbollistit.  Braziliani luan në vendlindje me skuadrën e SE Gamës, ekip që militon në ligat rajonale të Brazilit.