Drenica

Edhe Mustafa “ndjek modën”, rikthehet në Kosovë

Sport Ekspres — Sat, 27 Jul 2019 10:36:29 +0000

Argjent Mustafa është një lojtar i njohur i Superligës shqiptare. Mesfushori nga Vushtrria ishte pjesë e Flamurtarit të Vlorës sezonin e kaluar, aty ku u aktivizua për 1902 minuta.

26-vjeçari ka qenë më parë pjesë e Prishtinës, Trepçës ‘89, Besës së Kavajës, Partizanit, Laçit, Tiranës, Vushtrrisë, Kamzës dhe Flamurtarit. Mustafa ka vendosur të rikthehet në Kosovë dhe sezonin e ardhshëm do të mbrojë ngjyrat e Drenicës.

Klubi nga Skenderaj ka publikuar në faqen zyrtare akordin me lojtarin, i cili do t’i bashkohet sot ekipit të ri në stërvitje, ndërsa prezantimi i tij do të ndodhë në ditët e ardhshme.

VIDEO | Fazliu dërgon Feronikelin në krye, kampionët pengojnë Prishtinën

Sport Ekspres — Sat, 04 May 2019 16:03:41 +0000

Një gol i Astrit Fazliut në mesin e pjesës së dytë i ka dhuruar fitoren e radhës Feronikelit. Ish-sulmuesi i Partizanit shënoi me kokë në minutën e 66-të, duke vulosur triumfin përballë Drenicës në transfertë. Ekipi nga Drenasi është rikthyer të kryesojë i vetëm pas frenimit të Prishtinës në Gjilan.

Djemtë e Josës nuk arritën të përmbysnin dizavantazhin e pjesës së parë. Drita gjeti golin shumë shpejt me anë të Fidan Gërbeshit. 33-vjeçari u tregua i saktë nga pika e penalltisë dhe zhbllokoi shifrat.

Miqtë reaguan në pjesën e dytë. Kongolezi Makenda barazoi rezultatin në minutën e 56-të dhe ky ishte goli i fundit për këtë ndeshje. Ky barazim e mban Prishtinën në vendin e dytë me 69 pikë, dy më pak se Feronikeli kryesues.

Gara për titullin kampion do të jetë e ashpër deri në sekondat e fundit, ndërkohë që kanë mbetur edhe tre ndeshje deri në fund. Gjithçka mund të zgjidhet në javën e fundit. Feronikeli pret ekipin nga kryeqyteti me datë 25 maj dhe kjo mund të jetë finalja e madhe e kampionëve të rinj të futbollit dardan.

Drenica-Feronikeli 0-1
(Fazliu 66’)

Drita-Prishtina 1-1
(Gërbeshi 7’ / Malenda 56’)

Kelmendi i jep shpresë Flamurtarit, barazim spektakolar në Gjilan

Sport Ekspres — Sun, 14 Apr 2019 15:28:05 +0000

Një gol i Shend Kelmendit në min e 55’ i ka dhënë tre pikë të arta ekipit të Flamurtarit. Kuqezinjtë nga Prishtina mposhtën në shtëpi Lirinë e Prizrenit në një duel direkt për mbijetesë.

Ky trepikësh, që mungonte prej 18 shkurtit në fitoren e derbit përballë Prishtinës, e ngjit Flamurtarin në vendin e nëntë me 32 pikë dhe shpresat për të qëndruar në kategori janë rritur shumë. Liria mbetet e parafundit dhe është katër pikë larg zonës “play-out”.

Drita dhe Drenica u ndanë në një barazim spektakolar 2-2. Liberiani Andrews shënoi dy herë në pjesën e parë për Drenicën, ndërsa vendasit reaguan në pjesën e dytë. Betim Haxhimusa shkurtoi rezultatin 15 minuta përpara fundit, ndërsa Fidan Gërbeshi shmangu humbjen me golin e shënuar në minutën e pestë shtesë.

IPKO SUPERLIGA E KOSOVËS – Java 28

Drita-Drenica 2-2
Shënues: Haxhimusa 75’, Gërbeshi (pen) 90+5′ / Andreus 12’, 42’

Flamurtari-Liria 1-0
Shënues: Kelmendi 55’

IPKO Superliga | Llapi i falet një autogoli, Uka qetëson Drenicën

Sport Ekspres — Sat, 06 Apr 2019 14:56:37 +0000

Llapi nuk e pati aq të thjeshtë sa mendohej kundër KEK-ut. Ekipi nga Podujeva vuajti në transfertë përballë ekipit të vendit të fundit. Ndeshja u vendos nga një autogol i Vitisë në minutën e 72’.

Kjo fitore e ngjit Llapin në vendin e dytë me 57 pikë. Feronikeli kryesues ndodhet dy pikë më shumë dhe do të luajë të hënën në Prizren përballë Lirisë, sikurse Prishtina (56 pikë) udhëton në të njëjtën ditë në Ferizaj.

Drenica siguroi një fitore qetësie në shtëpi përballë Trepça ’89. Dygolëshi i Kreshnik Ukës, golashënuesit më të mirë të ekipit, vendosi ndeshjen. Ky ishte rezultati i gjashtë pozitiv për vendasit, ndërsa ekipi nga Mitrovica vazhdon të jetë afër zonës së rrezikut.

IPKO SUPERLIGA E KOSOVËS – Java 26

E shtunë, më 6 prill 2019, ora 15:00

Drenica-Trepça ’89 2-0
Shënues: Uka 10’, 55’

KEK-u-Llapi 0-1
Shënues: Vitija (aut) 73′

VIDEO | Ballkani ndal Llapin, Drita “blindon” vendin e katërt

Sport Ekspres — Sat, 16 Mar 2019 14:58:54 +0000

Llapi nuk ia ka dalë të mposhtë Ballkanin në shtëpi. Ndeshja përfundoi në barazim 1-1dhe ekipi nga Podujeva numëron 4 pikë më pak se Feronikeli kryesues, që pret nesër ekipin e Trepça ’89 në shtëpi.

Pikë e mirë për miqtë, të cilët renditen në vendin e gjashtë me 29 pikë. Ballkani shënoi shumë shpejt. Jetmir Topalli gjeti golin që në minutën e pestë, ndërsa Llapi barazoi shumë vonë. Mentor Zhdrella u tregua i saktë nga pika e penalltisë, duke i dhuruar një pikë ekipit të tij me golin e shënuar në minutën e 84-t.

Drita nuk u ndal as kundër Lirisë. Fitorja e katërt rresht për kampionët në fuqi, të cilët mposhtën 2-0 ekipin nga Prizreni. Filonit Shaqiri gjeti golin e avantazhit 11-të minuta përpara fundit, ndërsa Betim Haxhimusa vulosi fitoren gjashtë minuta më vonë.

Ky trepikësh e ngjit Dritën në vendin e katërt me 38 pikë, ndërsa Liria qëndron e parafundit me 24 pikë. Ndeshja midis Drenicës dhe Ferizajt u mbyll ashtu si nisi. Pikë e rëndësishme për miqtë, të cilët e kanë marrë vetën pas rikthimit të Sokolit në stol.

IPKO SUPERLIGA E KOSOVËS – JAVA 23

E shtunë, më 16 mars, ora 14:00

Drenica-Ferizaj 0-0

Drita-Liria 2-0
Shënues: Shaqiri 79’, Haxhimusa 85’

Llapi-Ballkani 1-1
Shënues: Zhdrella 84’ (pen) / Topalli 5’

Feronikeli “shtyp” Gjilanin, Prishtina likuidon KEK-un

Sport Ekspres — Sun, 10 Mar 2019 14:25:18 +0000

Feronikeli marshon, pasi është rikthyer te fitorja dhe këtë herë ka mposhtur Gjilanin me rezultatin 3-0. Një fitore me vlera për skuadrën nga Drenasi, që ruan kryesimin e kampionatit me pesë pikë më shumë se Llapi dhe Prishtina. Këta të fundit bënë detyrën sot në transfertë kundër KEK-ut të vendit të fundit, teksa fituan me rezultatin 1-2.

Sa i takon përballjes së Feronikelit, ishte Kastriot Rexha ai i cili arriti të shënonte dy herë më fraksionin e parë të lojës. Yll Hoxha shërbeu dy herë për shtatlartin dhe ai nuk gaboi. Në minutat e fundit kishte kohë edhe për një gol të Mevlan Zekës.

Prishtinë gjithashtu nuk gaboi dhe e zgjidhi ndeshjen shumë shpejt. Miftaraj që në minutën e shtatë kaloi në avantazh bardhekaltrit, ndërsa 20 minuta më pas ishte Armend Dallku autor i golit të dytë përmes një 11-metërshi. Qerimi në fillim të pjesës së dytë veçse e ngushtoi diferencën, pasi Prishtina e ruajti epërsinë dhe mori pikët e plota.

Liria kërkon të mbijetojë në Ipko Superliga, por nuk arriti të fitonte kundër Drenicës në Prizren. Bardhezinjtë shënuan të parët përmes Karahodës, por avantazhi zgjati vetëm shtatë minuta. Pasoma prishi planet e bardhezinjve, që morën vetëm një pikë. Në orën 17:00 u përball edhe Flamurtari me Ballkanin, në një sfidë që përfundoi 0-0.

IKPO SUPERLIGA E KOSOVËS – JAVA 22

E diel, më 10 mars 2019

KEK-Prishtina 1-2
Shënues: Qerimi 53’ / Miftaraj 7’, Dallku 27’ (pen.)
Feronikeli-Gjilani 3-0
Shënues: Rexha 24’, 38’, Zeka 85’
Liria-Drenica 1-1
Shënues: Karahoda 24’ / Pasoma 31’
Flamurtari-Ballkani 0-0

E shtunë, më 9 mars 2019
Drita-Ferizaj 1-0
Llapi-Trepça ’89 3-1

Ndalet Prishtina e Josës, Drenica triumfon ndaj Trepça ‘89

Sport Ekspres — Fri, 23 Nov 2018 14:38:58 +0000

Prishtina është ndalur në transfertë me Ferizajn. Një ndeshje e mbyllur në barazim pa gola, që i jep mundësinë Feronikelit të marrë vendin e parë në rast fitoreje në transfertë me Dritën kampionë në fuqi.

Bardhekaltrit u përpoqën të fitonin, por edhe vendasit nuk u dorëzuan dhe morën një pikë që u vlen në luftën për të qëndruar në elitën e futbollit kosovar. Sot u luajt edhe një ndeshje tjetër, me Drenicën që triumfoi 3-0 kundër Trepça ’89.

Ndeshja u zhbllokua që në fillim të pjesës së parë, kur shkodrani Arsen Sykaj me kokë realizoi golin e avantazhit. Pasoma pesë minuta nga nisja e pjesës së dytë dyfishoi shifrat, kurse Musa në shtesë realizoi sërish dhe Drenica mori tre pikët që e largojnë disi nga zona e ftohtë.

IPKO SUPERLIGA – JAVA 16

Drenica-Trepça ‘89 3-0
Shënues: Sykaj 15’, Pasoma 50’, Musa 93’
Ferizaj-Prishtina 0-0

E shtunë, më 24 nëntor, ora 13:30
Flamurtari-Llapi
Ballkani-Gjilani
KEK-u-Liria

E diel, më 25 nëntor, ora 13:30
Drita-Feronikeli

Morina merr për dore Prishtinën, Vilfor Hysa Gjilanin

Sport Ekspres — Sun, 11 Nov 2018 14:25:22 +0000

Prishtina është në rrugë të mbarë, pasi sot ka mposhtur me rezultatin 2-0 skuadrën e Ballkanit. Ekipi i drejtuar nga Mirel Josa ka shënuar dy her ënë pjesën e dytë të takimit dhe ai që hapi ndeshjen ishte Mario Morina.

Sulmuesi tiranas po kalon një formë shumë të mirë dhe këtë e tregoi edhe sot, kur me një goditje nga distanca e kaloi Prishtinën në avantazh. Goli i pestë në gjashtë ndeshjet e fundit për Morinën. Fitoren e hipotekoi Korenica, i cili realizoi edhe golin e dytë.

Gjilani i është falur Vilfor Hysës në takimin me Drenicën. Sulmuesi shtatshkurtër realizoi pak minuta nga fundi i takimit. Skuadra e kuqe ngjitet në këtë mënyrë në vendin e katërt në klasifikim. Tre pikë me shumë vlera për Gjilanin.

Trepça ’89 ka bërë detyrën ndaj KEK-ut, duke fituar me rezultatin 4-1. Miqtë befasuan me një gol të shpejtë të Gashit, por Mersini e vendosi shumë shpejt baraspeshën. Në pjesën e dytë ishte Rusi që gjeti dy herë rrugën e rrjetës për skuadrën nga Mitrovica. Në fund Manaj plotësoi “pokerin” për Trepça ‘89.

IPKO SUPERLIGA – JAVA 15

Gjilani-Drenica 1-0
Shënues: Hysa 84’
Prishtina-Ballkani 2-0
Shënues: Morina 65’, Korenica 69’
Trepça ’89-KEK-u 4-1
Shënues: Mersini 13’, Rusi 49’, 51’, Manaj 88’ / Gashi 8’

Feronikeli marshon me Rexhën, Llapi befasohet në shtëpi

Sport Ekspres — Wed, 31 Oct 2018 14:31:53 +0000

Feronikeli marshon dhe pret hapat falas të rivalëve. Skuadra nga Drenasi kaloi me sukses Drenicën, që e mposhti me rezultatin e ngushtë 2-1. Zhan Karioka, ish-mesfushori i Kukësit, ishte ai që shënoi golin e parë për skuadrën e drejtuar nga Zekerija Ramadani.

Gjithsesi Drenica nuk u dorëzua edhe me anë të Mëziut arriti të barazonte pak nga fundi i pjesës së parë. Me rezultatin 1-1 skuadrat iu drejtuan dhomave të zhveshjes. Feronikeli e kishte të qartë që duhet të fitonte dhe ia doli falë golit të shënuar nga Kastriot Rexha. Pikërisht për të zgjidhur “telashet” ia morën Dritës në verë goleadorin shtatlartë.

Llapi është befasuar në shtëpi nga Ballkani dhe ka humbur terren me Feronikelin kryesues. Një gol i shënuar nga Gashi i ka dhënë tre pikët skuadrës vendase dhe për skuadrën nga Podujeva ka marrë një goditje të rëndë.

Gjilani ka bërë detyrën ndaj KEK-ut të vendit të fundit, teksa ka fituar me rezultatin e pastër 2-0. Perez në pjesën e parë zhbllokoi ndeshjen, ndërkohë që Vilfor Hysa ishte ai që pak minuta para fundit të takimit i mbyll llogaritë e këtij takimi me golin e shënuar.

IPKO SUPERLIGA – JAVA 13

Gjilani-KEK-u 2-0
Shënues: Perez 33’, Hysa 86’

Feronikeli-Drenica 2-1
Shënues: Karioka 33’, Rexha 78’ / Mëziu 43’

Llapi-Ballkani 0-1
Shënues: Gashi 71’

Trepça ’89 çmonton Lirinë, Drenica Flamurtarin

Sport Ekspres — Tue, 16 Oct 2018 14:58:41 +0000

U luajtën dy ndeshjet e para të javës së 10-të në elitën e futbollit në Kosovë. Drenica dhe Trepça ’89 morën fitore të thella në transfertë. Këta të fundit mposhtën me rezultatin 0-4 Lirinë e Prizrenit, në një ndeshje që nuk pati asnjë gol në 45 minutat e para.

Mirçevski ishte ai që zhbllokoi ndeshjen në minutën e 47, ndërkohë që në minutat e fundit fundit skuadra e Gugash Maganit gjeti edhe tre herë të tjera rrugën e rrjetës. Muja, Hyseni dhe Manaj ishin autorët e golave.

Në Prishtinë Flamurtari u mund keq nga Drenica. Dajaku dhe Uka shënuan dy herë në pjesën e parë, duke bërë që praktikisht ndeshja të mbyllej. Mustafa shënoi me fillimin e pjesës së dytë dhe me rezultatin 0-3 Drenica iu gëzua fitores dhe tre pikëve.

IPKO SUPERLIGA – JAVA 10

Flamurtari-Drenica 0-3
Shënues: Dajaku 21’, Uka 26’, Mustafa 46’
Liria-Trepça ‘89 0-1
Shënues: Mirçevski 47’, Muja 85’, Hyseni 89’, Manaj 94’

Feronikeli e Ferizaj në festë, gëzon edhe Duro me Dritën e tij

Sport Ekspres — Sat, 06 Oct 2018 15:27:09 +0000

Feronikeli i Zekerija Ramadanit marshon në krye të Ipko Superlika e Kosovës. Ditën e sotme ata kanë kaluar me sukses skuadrën e KEK-ut, duke e mposhtur me rezultatin 4-1. Shënuan Karioka, Fazliu dhe Magani, të cilët më parë kanë luajtur në Superiore.

Triumf edhe për Dritën e Gjilanit. Skuadra e drejtuar nga Shpëtim Duro fitoi vetëm në fund kundër Drenicës në transfertë. Bujar Shabani, ish-mesfushor i Skënderbeut, shënoi golin e parë për bardhekaltrit.

Pesë minuta nga fundi i takimit ishte Taulant Dajaku që barazoi shifrat, duke realizuar me penallti. Gjithsesi Drita nuk u dorëzua dhe mori një fitore jetike. Xhevdet Shabani, ish-futbollist i Teutës, shënoi golin që vendosi fatet e ndeshjes.

Në takimin tjetër mes Ballkanit dhe Ferizajit ishte Dren Gashi ai që shënoi në pjesën e dytë dhe i dha fitoren skuadrës së tij në transfertë. Pikë me vlera për Ferizajin.

IPKO SUPERLIGA – JAVA 9

Drenica-Drita 1-2
Shënues: Dajaku 85’ (pen.)/ B. Shabani 65’, Xh. Shabani 89’

Ballkani-Ferizaj 0-1
Shënues: Gashi 79’

Feronikeli-Kek 4-1
Shënues: Karioka 12’, Fazliu 19’, Magani 48’, ? / ?

Sa shumë gola në Kosovë: Feronikeli kap kreun, Llapi përmbys në shtëpi Lirinë

Sport Ekspres — Sat, 22 Sep 2018 16:14:13 +0000

Sot janë zhvilluar tri ndeshje të javës së gjashtë të IPKO Superligës. Në të tre takimet ka fituar ekipi udhëtues, me Feronikelin, Llapin dhe Drenicën që futën në xhep tri pikët pas transfertave përkatëse.

Feronikeli ka marrë fitoren e katër radhazi duke mundur Flamurtarin dhe duke u ngjitur në krye të renditjes. Skuadra e drejtuar nga Zekerija Ramadani mori tri pikëshin pas golave të Hotit, Da Silvës e Maganit, ndërkohë që për Flamurtarin golin e nderit e shënoi sulmuesi Alban Shillova.

Një ndeshje me shumë gola ishte dhe ajo midis KEK-ut dhe Drenicës. Skuadra mike fitoi me rezultatin 4-2, falë katër golave nga katër lojtarë të ndryshëm, përkatësisht Abazi, Rexhaj, Dajaku dhe Uka, ndërsa për KEK-un shënuan Gashi dhe Preniqi.

Ndeshja më emocionuese e ditës ka qenë ajo midis Lirisë së Prizrenit dhe Llapit. Vendasit e mbyllën pjesë e parë në avantazhin e një goli, por në të dytën skuadra nga Podujeva përmbysi gjithçka duke fituar me 2-3 falë tripletës së Bekim Alidemës.

Ballkani ndal vrullin e Prishtinës, ngec edhe Gjilani

Sport Ekspres — Tue, 11 Sep 2018 16:41:01 +0000

Janë mbyllur në barazim të dyja ndeshjes e ditës së sotme të Superligës së Kosovoës. Prishtina e Mirel Josës ka barazuar 1-1 në trasnfertën ndaj Ballkanit. Kryeqytetasit shkuan të parët në avantazh falë golit të sulmuesit Mankenda, ndërsa për vendasit, shifrat i barazoi Blend Baftiu.

Në barazim pa gola ka përfunduar dhe takimi midis Drenicës dhe Gjilanit. Katër ndeshjet e tjera të xhiros së katërt do të zhvillohen ditën e nesërme.

Java e 4-t

Sot

Ballkani – Prishtina 1-1

Shënues: Baftiu 72’ / Mankenda 54’

Drenica – Gjilani 0-0

Nesër

Kek-u – Trepaça 89

Ferizaj – Feronikeli

Drita – Llapi

Flamurtari – Lira Prizren