Draxler

“Gjermania e re do rikthejë forcën e vjetër”

Sport Ekspres — Fri, 07 Jun 2019 19:14:00 +0000

Julian Draksler është grumbulluar me kombëtaren e Pancerave pas një viti. 25-vjeçari nuk ka arritur të jetë pjesë e skuadrës në ndeshjet e mëparshme të këtij viti për shkak të dëmtimeve, që kanë rastisur me ndeshjet e Gjermanisë. Mesfushori ka folur rreth zhvillimeve të shumta që kanë ndodhur në kombëtaren e drejtuar nga trajneri Hoakim Lëv.
Ky i fundit ka spastruar gardën e vjetër, që ishte edhe baza e kombëtares që fitoi Botërorin e 2014-ës. Sipas Draksler, këto lëvizje kanë sjellë ndryshime në hierarkinë e skuadrës. Ylli i Parisit është i lumtur që është pjesë e Gjermanisë së re.

Shprehet se duhej patjetër të kishte ndryshime pas figurës së keqe që lanë në Rusi. Draksler beson se ky ekip i ri që po formohet do të kthejë forcën e vjetër të Pancerave. Edhe pse është një nga lojtarët më me eksperiencë në kombëtare, ai nuk pretendon të marrë shumë peshë në ekip.
“Në grumbullimet e mëparshme ka rastisur që të mos jem në gjëndje të luaj. Ndihem shumë i lumtur që jam rikthyer. Kanë ndodhur shumë gjëra gjatë muajve të fundit. Kemi filluar të ndërtojmë një ekip të ri. Duhej patjetër të ndodhte diçka pas paraqitjes së dobët në Kupën e Botës. Kemi fituar motivimin dhe jemi gati të luftojmë për gjërat e mëdha që kemi para. Do duhet të kemi durim për t’u kthyer në skuadrën që ishim në vitet 2014 dhe 2016.”

“Nëse punojmë fort, do e gjejmë rrugën për të rikthyer forcën e vjetër. Jam i kënaqur që do të ndihmoj në formimin e një ekipi të ri. Hirearkia në skuadër ka ndryshuar. Ka shumë lojtarë të rinj. Unë kam 50 ndeshje me kombëtaren. Kam një eksperiencë jo të vogël, por e shoh larg marrjen e të gjitha përgjegjësive të skuadrës”, u shpreh Draksler.

“Kujt i flet ashtu?”, Nejmar për pak sa nuk përleshet me shokun e ekipit!

Sport Ekspres — Tue, 07 May 2019 19:40:44 +0000

Nejmar duket se nuk ka më qetësi, që prej eliminimit të PSG-së në Champions League, që do të thotë një tjetër sezon i dështuar, përtej titullit kampion.

Pas finales së kupës braziliani shigjetoi të rinjtë në ekip, duke thënë se “duhet të dëgjojnë, jo të flasin”, ndërsa tani Le Parisien zbulon se ndër lojtarët në shënjestër për sjelljen e tyre kanë qenë portieri Alfons Areola dhe mbrojtësi Presnel Kimpembe, të cilët sipas Nejmar kanë ndryshuar sjellje që kur janë bërë kampionë.

Inati me Kimpembe lidhet me një ngjarje në pushimin e ndeshjes ndaj Nantës, që kryesonte 2-1. Aty mungonin Tiago Silva, Mbape dhe Edinson Kavani, ndërsa trajneri Tuhel e kritikoi ashpër ekipin.

Pas largimit të tij, kapiteni në atë ndeshje, pikërist Kimpembe, mbajti një fjalim para ekipit në dhomën e zhveshjes, duke u thënë shokëve të mos e dëgjonin trajnerin dhe të jepnin gjithcka në pjesën e dytë. Kjo e nervozoi pa mase Nejmarin.

SHERRI – Episodi i dytë erdhi javën e shkuar në ndeshjen ndaj Monpeljesë. Atë ditë Draksler i kërkoi llogari Nejmarit, duke i thënë që të mos e tepronte me mbajtjen e topit dhe të kërkonte më shumë shokët e ekipit.

Nejmar, i tërbuar, iu kthye gjermanit: “Kujt i flet ashtu? E vetmja gjë që di të bësh është të pasosh pas“. Debati u nxeh keq, aq sa u rrezikua boksi, por ndërhynë trajneri Tuhel dhe drejtori sportiv Antero Henrike, për t’i ndarë.

Eksperiment i çmendur i Tuhel, PSG-ja “asgjëson” mesfushën

Sport Ekspres — Sun, 03 Feb 2019 20:51:06 +0000

Tomas Tuhel ka një reputacion si një trajner që nuk ndalet dot së eksperimentuari. Tekniku gjerman zor se mban të njëjtin formacion nga ndeshja në ndeshje. Megjithatë, së fundmi ai ka shfrenuar fantazinë me formacionin e përzgjedhur për përballjen ndaj Olimpikut të Lionit.

Një modul loje 3-4-3 (5-2-3 në fazën mbrojtëse), ku në mungesë të të dëmtuarit Nejmar, reparti i sulmit përbehet nga Di Maria, Kavani dhe Mbape. Porta mbrohet nga Areola, që ka përpara tij Tiago Silvën, Kimpemben dhe Kehrer, ndërsa në krahë të mbrojtjes janë Dani Alvesh e Bernat.

Deri më tani asgjë jashtë normales, por nëse i hedhim një sy mesfushës situata ndryshon krejtësisht. Dyshja e repartit qendror përbëhet nga qendërmbrojtësi Markuinjos dhe sulmuesi Draksler. Sigurisht kemi të bëjmë me një zgjedhje të sforcuar për shkak të dëmtimit të Marsial dhe përjashtimit të Rabio nga klubi, ndërsa blerja e merkatos së janarit Leandro Paredes është preferuar të mbahet ne stol.

“Të zhdukurit” e Championsit: nga Kurtua te Kaliniç, një formacion i tërë

Sport Ekspres — Tue, 23 Oct 2018 15:24:53 +0000

Mbrëmjen e sotme do të nisë java e tretë e ndeshjeve të luajtura në grupet e “UEFA Champions League”. Pikërisht ndeshjet e treta dhe të katërta në grupe gjithmonë kanë vendosur shumë, për sa i përket ekipeve që do të kalojnë më tej dhe atyre që do të shkojnë në Europa Ligë apo dhe do të eliminohen.

Ekipet në përgjithësi janë munduar që mos të ndryshojnë fytyrën e tyre në dy ndeshjet e para dhe shumë lojtarë kanë ngelur akoma pa u aktivizuar, ose janë aktivizuar jashtëzakonisht shumë pak. E përditshmja spanjolle “Marca” ka bërë formacionin e lojtarëve që janë aktivizuar shumë pak ose aspak deri tani në këtë Champions.

Një formacion ku spikasin emra si Kurtua, Keita Balde, Gelson Martins apo dhe finalisti i vjetshëm Dejan Lovren. Gjithashtu Vidal, Draksler apo Kaliniç e Mahrez janë pjesë e këtij formacioni.