Julian Draksler, Tomas Mënier, Kristofer Nkunku, Edinson Kavani, Çupo-Moting, Stenli Nsoki, Kurzaua, Musa Diabi dhe Prensel Kimpembe janë në listën e dy drejtuesve të klubit për t’u larguar në verë. Një listë mjaft e gjatë me dhumicën e këtyre lojtarëve që janë aktivizuar me pikatore. Bien në sy emra si Kavani, Draksler dhe Kimpembe.

Kavani e ndjen veten më pak të rëndësishëm, me dyshen Nejmar-Mbape, që mbajnë peshën më të madhe në ofensivën pariziene. Qendërsulmuesi prej kohësh përflitet për një rikthim në Serie A. Kimpembe është një lojtar i ri dhe shihej si e ardhmja e mbrojtjes së francezëve. Gjithsesi 23-vjeçari, përtej besimit të trajnerit Tuhel, nuk ka treguar rritje në lojën e tij. Ai ka mbetur një djalosh, që herë pas here bën gabime dhe nuk pasqyron siguri.

Me Julian Draksler është një situatë më e ndërlikuar se me të tjerët. Vetë lojtari e ka pranuar publikisht se dëshiron të vazhdojë në Paris. Trajneri e pëlqen gjermanin dhe deri këtu gjithçka është në rrugën e duhur. Por drejtori Henrike nuk ka besim te aftësitë e gjermanit dhe dëshiron ta largojë 25-vjeçarin. Ai sheh si zëvendësuesin ideal të tij meksikanin e PSV, Hirving Lozano. Ky i fundit është një lojtar, që kanë shfaqur interes disa klube dhe deri para pak ditësh shihej shumë pranë Napolit.

Shuma e grumbulluar nga shitja e gjithë këtyre lojtarëve do ta ndihmonte skuadrën franceze të evitonte problemet me rregullat e ndershmërisë financiare të UEFA-s dhe të futej fuqishëm në merkato. Nëse të gjithë këto lojtarë do të shiteshin me vlerën reale të tregut të transferimeve, presidenti Al Kelaifi do të arketonte rreth 155 milionë euro në llogarinë e klubit.

“Unë nuk jam drejtori sportiv i PSG, gjithsesi meqë më pyesni po ju them që kam besim se Nejmar dhe Mbape do të qëndrojnë këtu. Misioni i tyre këtu në Paris nuk ka përfunduar ende, kështu që ato do të vazhdojnë me ne.”

Në lidhje me të ardhmën e tij ai shprehet se i pëlqen jeta në Paris dhe ndihet mirë. Gjermani konfirmon që është i gatshëm për të hapur bisedimet e rinovimit.

“E ardhmja ime? Nëse klubi dëshiron të më mbajë jam gati të bisedoj për rinovimin. Ndihem shumë mirë këtu. Nuk janë paratë arsyeja, por sepse shkoj shumë mirë me shokët e ekipit. Më pëlqen Parisi dhe dua të jetoj në këtë qytet”, përfundoi Draksler.  

Një modul loje 3-4-3 (5-2-3 në fazën mbrojtëse), ku në mungesë të të dëmtuarit Nejmar, reparti i sulmit përbehet nga Di Maria, Kavani dhe Mbape. Porta mbrohet nga Areola, që ka përpara tij Tiago Silvën, Kimpemben dhe Kehrer, ndërsa në krahë të mbrojtjes janë Dani Alvesh e Bernat.

Deri më tani asgjë jashtë normales, por nëse i hedhim një sy mesfushës situata ndryshon krejtësisht. Dyshja e repartit qendror përbëhet nga qendërmbrojtësi Markuinjos dhe sulmuesi Draksler. Sigurisht kemi të bëjmë me një zgjedhje të sforcuar për shkak të dëmtimit të Marsial dhe përjashtimit të Rabio nga klubi, ndërsa blerja e merkatos së janarit Leandro Paredes është preferuar të mbahet ne stol.

Sipas medies spanjolle “sport”, agjenti i Draksler është shumë pranë finalizimit së një marrëveshje me Seviljen. Bëhet fjalë për një huazim 1-vjeçar dhe asgjë më shumë, por nuk i dihet asnjëherë se çfarë mund të rezervojë e ardhmja për ish-lojtarin e Shalkes dhe Volfsburgut.

Në një vit e gjysmë me PSG-në, Draksler u aktivizua në 73 takime, ku shënoi 15 gola, si dhe regjistroi 12 asiste.  Në sezonin që sapo lamë pas, Draksler luajti më së shumti si mesfushor i avancuar për shkak të ardhjes së Nejmarit dhe Mbapesë.

Në “Signal Iduna Park” ai do të gjente tre kolegë të kombëtares gjermane në sulm, Mario Gëce, Marko Rojs dhe Andre Shyrrle (ky i fundit, në fakt, ka kohë që nuk luan me “pancerat”, por mbetet lojtar për t’u ndjekur).

Draksler më parë ka luajtur te Shalke 04 dhe Volfsburgu. Në Paris ai e ka të vështirë të luajë titullar, sidomos pas blerjes së Nejmarit për 222 mln euro. Për të ka shprehur interes edhe Bajerni.

Epo, kështu duket, sepse ka edhe prova! E përditshmja gjermane “Bild” ka publikuar një foto, ku shfaqet agjenti i mesfushorit, Roxher Uitman, në qytetin spanjoll.

Ai është njeriu i cili përfaqëson prej vitesh kampionin e botës dhe ndoshta po negocion me katalanasit për transferimin e 23-vjeçarit në “Camp Nou”. Me shitjen e Nejmarit te PSG-ja (për 222 mln euro), Barcelona ka nevojë për një anësor të majtë dhe Draksler është premtues.

Në fakt, nënkampionët e La Ligës duket se kanë arritur akordin me Kutinjon e Liverpulit, por kjo nuk e pengon si mundësi blerjen e Drakslerit.

Arsyeja është e thjeshtë: Barça ka shumë para’ për këtë merkato vere dhe Nejmar nuk zëvendësohet thjesht me një lojtar.