Paulo Dibala nuk do të përfshihet në këtë operacion. Argjentinasi nuk e sheh me sy të mirë transferimin në Old Traffod, ndërsa edhe vetë Junajtid kërkon një juventin tjetër.

Daily Mail raporton se “Djajtë e kuq” kërkojnë Dagllas Kostën dhe “Zonja e vjetër” është dakord që braziliani të largohet drejt Premier Ligës. Edhe Interi nuk qëndron duarkryq.

Oferta e fundit për sulmuesin belg shkon në 75 milionë sterlina, 70 në dorë dhe 5 në formë bonusesh. Zikaltrit janë gati të përfshijnë edhe Ivan Perishiç në këtë tratativë, por Junajtid preferon më shumë Dagllas Kostën e Juves.

Diçka të tillë e raporton “Tuttosport”, sipas të cilëve Dagllas Kosta ka bërë gati valixhet dhe është thuajse i larguar nga Torino. Braziliani me sa duket është në kërkim të sfidave të reja dhe nuk kërkon të vijojë të jetë pjesë e Serie A.

Destinacioni i ardhshëm i anësorit pritet të jetë Ligue 1 ose Premier League. PSG dhe Mançester Junajtid kanë shfaqur interes konkret për 28-vjeçarin dhe një nga dy ekipet pritet të jetë edhe shtëpia e re e Dagllas Kostës.

Një emër që ju pëlqen të gjithëve është Markinjos. Braziliani luan prej vitit 2013 me PSG-në dhe është një nga pikat më të forta të repartit defensiv të kampionëve të Francës. Cilësitë e tij pëlqehen shumë nga Paratiçi dhe Mauricio Sarri.

Drejtori sportiv ka nisur kontaktet me Leonardon. PSG nuk do të heqë dorë lehtë nga shërbimet e Markinjos. Vetëm 25-vjeç, por me një eksperiencë të madhe mbi supe. Braziliani shihet si përforcimi i duhur për italianët.

Lojtari përfiton një rrogë prej 10 milionë eurosh në sezon dhe ka edhe tre vite kontratë me klubin francez. Nëse PSG blen De Ligt, lehtësohet kalimi i Markinjos në Torino.

“Zonja e Vjetër” ka edhe një kartë të fundit. Drejtuesit e Juves janë gati të ofrojnë kartonin e Dagllas Kostës për të mbërritur te mbrojtësi. Bisedimet kanë nisur dhe në fillim duhet të mësojmë të ardhmen e 19-vjeçarit holandez.

Opsion mbetet edhe Kulibali i Napolit, por presidenti De Laurentis nuk e ka ndërmend t’ia dhurojë mbrojtësin Juventusit dhe Sarrit.

Gjatë ditës së sotme ka ndodhur një tjetër episod i pakëndshëm. Dagllas Kosta ka pësuar një aksident automobilistik, por ia ka hedhur paq dhe nuk ka pësuar dëmtime. Braziliani ka qenë duke udhëtuar me Jeep Cherokee e tij, kur është përplasur me një Fiat Punto.

Anësori ofensiv ka shpëtuar mirë, ndërsa drejtuesi i mjetit tjetër ka përfunduar në spital. Dagllas Kostës nuk po i ndahen problemet, pasi më parë është dëmtuar dhe dënuar si pasojë e disa gjesteve të pahijshme.

Lojtari ka shënuar vetëm një gol në 24 ndeshjet e zhvilluara në këtë sezon me bardhezinjtë, ndërsa sot ka shpëtuar mirë dhe kjo mjafton për të qetësuar tifozët e Juventusit.

Mungoi në listën e shënuesve Kristiano Ronaldo, që e kishte fikur motorin sonte, duke luajtur larg nivelit të vet e duke humbur edhe një 11-metërsh në minutën e 52-të, me 39-vjeçarin  Sorrentino që priti mjaft bukur. Gjithsesi, ky Juventus nuk ka rivalë, edhe kur luan pa sforcuar fare.

Sfida u zgjidh që në pjesën e parë për ekipin e Alegrit, ku shënuan dy herë me anë të Douglas Kostës dhe Emre Xhan. Në minutën e 13-të, braziliani me një inkursion individual shënoi një gol mjaft të bukur, ndërsa turko-gjermani dyfishoi në fundin e pjesës së parë, pas një pasimi të Paulo Dibalas.

Fraksioni i dytë nisi përsëri me bardhezinjtë në sulm, të cilët fituan të drejtën e një 11-metërshi në minutën e 52-të. Gjithsesi, Kristiano Ronaldo nuk arriti të tregohej i saktë, teksa Stefano Sorrentino u tregua fenomenal, duke ndalur portugezin. Në fundin e takimit pak lavdi edhe për Ruganin, autor i një goli me kokë, i vetëm në zonë pas krosit nga Bernardeski.

Mediat në Angli kanë nisur të spekulojnë se “djajtë e kuq” kanë bërë gati plot 60 milionë euro për Dagllas Kostën, i cili aktivizohet me Juventusit. Lojtari pëlqehet shumë nga drejtuesit e Junajtid, të cilët e kërkuan dhe verën e kaluar anësorin, por nuk arritën të konkretizonin asgjë.

Gjithsesi, mediat në Itali, konkretisht “Tuttosport”, zbulon se braziliani është i lumtur në Torino dhe nuk dëshiron të largohet, pavarësisht se në këtë sezon është parë si një zgjedhje e dytë, pasi si titullar kanë luajtur më së shumti treshja, Dibala-Ronaldo-Manxhukiç.

Siç raporton “AS”, anglezët kanë ofruar 60 milionë euro për kartonin e Dagllas Kostës. 28-vjeçari brazilian po has vështirësi pas ardhjes së Kristiano Ronaldos dhe sivjet është aktivizuar në 16 ndeshje, nga të cilat katër i ka nisur si titullar.

Bardhezinjtë tundohen nga oferta, por ata dëshirojnë të fusin në tratativa dhe Pol Pogba. Largimi i francezit kundërshtohet në mënyrë kategorike nga Junajtid, që e ka bërë hapin e parë duke paraqitur ofertën e tyre për brazilianin ofensiv.

Anësori ofensiv sqaron për herë të fundit çështjen me juventinin dhe refuzon në mënyrë kategorike që të ketë thënë shprehje raciste ndaj Dugllas Kostës.

“Kisha premtuar që nuk do të flisja më për këtë episod, por jam ndjerë keq nga fjalët që kanë qarkulluar në rrjetet sociale. U përpoqa të tërhiqesha nga kjo çështje dhe më duhet të falënderoj trajnerin dhe familjen time, të cilët më qëndruan pranë. Tani dua ta hedh pas krahëve këtë kapitull.

Çfarë i thashë Douglas Kostës? Thjesht fraza loje, që thuhen dhe mbesin në fushën e blertë. Le të vdes sot, nëse i kam thënë fraza raciste Douglas Kostës”, përfundon Di Françesko.

Bëhet fjalë për një dëmtim në kyçin e këmbës, ku lojtarit i janë dëmtuar ligamentet dhe muskujt rrethues.  Alegrit do i duhet të llogarisë sulmuesin anësor jashtë planeve të tij për të paktën dy një muaj e gjysmë.

Kosta nuk ishte i vetmi lojtari i Juventusit që u dëmtua në transfertën spanjolle. Mesfushori gjerman Sami Kedira, është gjithashtu i dëmtuar për një kohë të gjatë. Gjithsesi “zonja e vjetër” është ekipi më i përgatitur në Itali për një krizë dëmtimesh, pasi stoli i kampionëve të Italisë është i mbushur me lojtarë cilësorë, që do të kishte zili çdo klub.

Falë ndërhyrjes së VAR-i, gjyqtari i takimit e ndërshkoi 28-vjeçarin me një karton të kuq. Por, braziliani nuk ia hedhur vetëm më kartonin e kuq, pasi tani komisioni i ligës italiane la vendosur që ai të ndëshkohet me katër ndeshje pezullim.

Kosta do të humbasë ndeshjet ndaj Frozinones, Bolonjës, Napolit dhe Udinezes. Një dënim që erdhi në momentin më të papërshtatshëm, pasi sulmuesi i krahut po kalonte një formë shumë të mirë si me Juventusin, por edhe me kombëtaren braziliane.

Shtyrje, tentativë për të gjuajtur me kokë, goditje me bërryl dhe pështymje. Arbitri Daniele Çifi e toleroi sa e toleroi, por në fund u dorëzua dhe e nxori kartonin e kuq. Dashamirësia ndaj lojtarit të Juventusit nuk mund të ishte e pafundme.

https://twitter.com/Matt_Santangelo/status/1041359235718762497

Sipas rregullores, 28-vjeçari mund të dënohet me tre ndeshje pezullim, çka do bënte që ai të humbiste sfidën Napolit më datë 29 shtator. Lojtari ka reflektuar pas ndeshjes dhe u ka kërkuar falje fansave me anë të një postimi në Instagram.

https://twitter.com/Qmlachuperoures/status/1041346899440218112

“Dua t’i kërkoj falje të gjithëve tifozëve të Juventusit për atë veprim të pamenduar gjatë lojës së sotme. U kërkoj falje dhe kolegëve të mi, të cilët janë gjithnjë pranë meje në momente të mira dhe të këqija. Ishte diçka e shëmtuar dhe jam i ndërgjegjshëm për këtë. Dua të bëj të qartë që ky ishte një rast i izoluar  që nuk korrespondon me ato çfarë unë kam treguar gjatë të gjithë karrierës sime”, shkroi Kosta.

https://www.instagram.com/p/Bny1Lljht-y/?utm_source=ig_web_copy_link

Bisedimet me drejtuesit e Bajernit kanë ecur shkëlqyeshëm dhe kjo e lejoi Bajernin të merrte Hamesin nga Bajerni.

Douglas Kosta kalon te Juventusi në huazim për 6 milionë euro, ndërsa do të bëhet detyrimisht bardhezi për 40 milionë euro të tjera, nëse përmbushen disa kushte, si numri i aktivizimeve, shkruan gianlucadimarzio.com.

Anësori i kombëtares së Brazilit do të jetë që sot në Torino, ku nesër do të kryejë kontrollet mjekësore.

Ditën e sotmr klubi torinez ka marrë aprovimin e futbollistit dhe ka gjetur marrëveshjen për 6 milionë euro në vit.

Tani nisin bisedimet me Bajernin, që ka vendosur një çmim prej 40 milionë eurosh plus bonuse, që e çojnë çmimin deri në 50 milionë, shifër e lartë për Juven, që kërkon ulje çmimi për futbollistin e Brazilit, i cili ka humbur vendin në formacionin bavarez.

Ecuria

Duhet pranuar se Kosta pati luajtur mirë në gjashtë muajt e parë të sezonit 2015-2016, i pari për të si bavarez, por më pas gjithçka ndryshoi. Gjendja e tij u përkeqësua sivjet, me trajnerin Karlo Ançeloti i cili i dha më pak hapësira. Sançes, ndërkohë, i blerë vjet me shumë bujë nga Benfika, nuk e ka justifikuar investimin e drejtuesve të Bajernit. Ai ka luajtur pak dhe ka shfaqur mangësi në aspektin fizik dhe atë taktik. Kështu, mund të thuhet se të dy tashmë do të largohen nga Mynihu, por duhet pritur se në çfarë skuadrash do të përfundojnë.

Opsionet

Shitja e Sançesit nuk pritet të jetë problem te Bajerni. Bavarezët kanë katër emra për ta zëvendësuar atë, Leon Gorecka, Rabiot, Marko Verrati dhe Luka Modriç. Ndërkohë, shitja e Kostës me siguri do të jetë “sakrifikimi” për blerjen e Aleksis Sançezit, i cili pritet t’i kushtojë jashtëzakonisht shumë Bajernit, edhe pse ka vetëm një vit kontratë me Arsenalin.