Befasia e vëllezërve Dos Santos, fillojnë karrierën muzikore

Sport Ekspres — Sat, 29 Dec 2018 17:50:42 +0000

Vëllezërit Xhovani dhe Xhonatan Dos Santos mund të ndërpresin karrierën e tyre në futboll, për të hedhur hapat e parë në industrinë e muzikës. Sipas “ESPN”, futbollistët meksikanë po merren së fundmi me një videoklip, që po realizohet gjatë këtyre javëve.

Vëllezërit Dos Santos, të cilët aktivizohen në kampionatin amerikan me “Los Angeles Galaxy”, nuk do të jenë të parët futbollisti të këtij kalibri që do tentojnë të futen në industrinë e muzikës. Ish-lojtari i PSG-së Hese Rodrigez ka hedhur në treg dy këngë të rrymës “Reggaeton”, ndërsa të njëjtën gjë ka bërë dhe sulmuesi holandez Memfis Depai, i cili ka dy këngë në reportorin e tij.

Kënga e tyre e parë pritet të hidhet në treg në muajin shkurt, kur dy vellëzerit të inagurojnë klubin e tyre në natës në Meksikë.