Dortmundi

Sanço do të largohet, Dortmundi e zëvendëson me një të panjohur

Sport Ekspres — Fri, 26 Apr 2019 18:39:09 +0000

Borusia e Dortmundit po shikon me kujdes sulmuesin nigerian, Henri Oniekuru, si pasuesi i Xhejdon Sanço. Sipas “Sporx”, lojtari i Evertonit është objektivi primar i verdhezinjve gjermanë.

Sanço me shumë gjasa do të largohet nga Borusia e Dortmundit, pasi me formën që po kalon këtë sezon, vështirë se skuadrat “big” do ta lënë të qetë dhe gati gjysma e Europës synon firmën me 18-vjeçarin e talentuar anglez.

Prandaj drejtuesit e Dortmundit kanë filluar të ndjekin me interes Oniekurun, një emër që mund të quhet i panjohur në futbollin europian. 21-vjeçari është në pronësi te Evertonit. Sezonin e shkuar, ka luajtur i huazuar te Anderlehti, ndërsa këtë sezon, po bën ndeshje të shkëlqyera me skuadrën e Gallatasaj në Turqi.

Më të uriturit për futboll: Shumë Gjermani, Sanderlend surprizues dhe Italia në krizë

Sport Ekspres — Fri, 12 Apr 2019 12:41:37 +0000

Në Gjermani janë të “çmendur” pas futbollit dhe këtë e thonë shifrat. Borusia e Dortmundit është klubi që ndiqet më së shumti nga tifozët, teksa numërojnë mesatarisht 80 mijë spektatorë në çdo ndeshje që zhvillojnë në shtëpi. Një shifër mjaft e lartë për verdhezinjtë, që lënë pas klube si Mançester Junajtid (75218) dhe Barcelona (74876).

Renditja e publikuar merr për bazë ndjekshmërinë e klubeve në pesë vitet e fundit dhe në 10-she përfshihen edhe klubet të tjera gjermane si Bajerni i Mynihut (Vendi i katërt – 73781), Shalke 04 (Vendi i gjashtë – 61328), Hamburgu (Vendi i tetë – 52349).

Në Itali klubi që ndihet më shumë është Interi, i renditur në vendin e 23-të me rreth 47 mijë tifozë për ndeshje. Milani i ndjek me 6 mijë spektakorë më pak. Juventusi dhe Napoli janë aty-aty, ndërsa Roma ka një shifër pak më të ulët se klubet e mësipërme.

Angli ofron raste interesante. Junajtid ndiqet nga Siti dhe Njukasëll, që kanë më shumë se 50 mijë spektatorë për ndeshje. Po kaq ndiqet edhe Benfika në Portugali, apo Atlanta Junajtid në SHBA. Liverpuli renditet i 21-ti, me mesatarisht 48 mijë tifozë për ndeshje. Të gjithë këto klube angleze i lë pas Borusia M’Gladbah, çka tregon edhe njëherë se sa ndiqet futbolli në Gjermani. Surpriza e bukur nga Anglia është Sanderlendi: 39249 tifozë për ndeshje, edhe pse garon në ligën e tretë në Angli.

Statistika e veçantë: Askush si Verder Bremen, Interi dominon në Itali

Sport Ekspres — Sat, 05 Jan 2019 20:15:40 +0000

Gjatë këtij sezoni, ekipi që ka dërguar më shumë lojtarë te goli është Roma, me plot 18 futbollistë goleador. Por, gjatë vitit 2018, ka një garë të fortë italo-gjermane.

“Opta” ka bërë një studim në 5 kampionatet më të forta të Europës dhe raporton se në kampionatin italian renditet Interi i pari, me 20 futbollistë që kanë arritur të shënojnë gol. Më mirë se zikaltrit ka bërë vetëm Verderi i Bremenit.

Ekipi ku aktivizohet dhe Milot Rashica ka arritur të dërgojë 21 futbollistë te goli gjatë këtij viti në Bundesligë. Verderi kryeson mbi të gjithë, ndërsa pas tyre renditen Interi, Bajerni i Mynihut, Dortmundi dhe Betis Sevilja me nga 20 lojtarë golashënues.

Verder Bremen – 21 lojtarë shënues
Inter – 20 lojtarë shënues
Bajern Mynih – 20 lojtarë shënues
Betis Sevilja – 20 lojtarë shënues
Dortmund – 20 lojtarë shënues