Në ndeshjen me krutanët drejtuesit kanë menduar të mos paguajnë gjobën që do të rikthente tifozët në stadium. Nuk është thjesht çështje financiare, edhe pse 5 milionë lekë nuk janë një shifër e vogël. Ekziston frika që mund të ketë edhe ndonjë trazirë, ndaj edhe lojtarët duhet ta fitojnë vetë këtë ndeshje. Është detyrim.

GRUPI I LOJTARËVE – Ditën e djeshme është stërvitur normalisht edhe Dorian Kërçiku. Mbrojtësi i djathtë mungon prej disa javësh për shkak dëmtimi dhe tanimë ka nisur punën me grupin. Në mungesë të Karabecit, ai mban edhe shiritin e kapitenit dhe ndaj Kastriotit pritet më shumë mundësi si titullar nga fillimi.

Në seancën e djeshme stërvitore kanë shfaqur probleme dy futbollistë. Bëhet fjalë për mesfushorët Edon Hasani dhe Asion Daja, të cilët kanë punuar veçmas grupit. Për të dy nuk ka probleme madhore dhe pritet që të jenë gati për ndeshjen e së shtunës.

Dorian Kërçiku gjithashtu për arsye dëmtimi e kishte humbur takimin me Luftëtarin, ndërkohë që në infermieri ka përfunduar edhe kapiteni Erando Karabeci. Në sfidën e Kupës me gjirokastritët ai pësoi një dëmtim në gju dhe pritet të kryejë kontrollet mjekësore për të mësuar shkallën e dëmtimit.

Së fundmi shqetësime ka ndjerë edhe Eni Imami. Lojtari i linjës së majtë, i cili është përshtatur në qendër të mbrojtjes këtë sezon, ka ndjerë dhimbje në gju dhe nuk është stërvitur me grupin. Shanset janë të vogla që të jetë gati për ndeshjen ndaj Luftëtarin.

Alternativat për trajnerin Mema nuk mungojnë në fakt. Vinsent Atinga, Marvin Turtulli, Gentian Muça dhe Jurgen Goxha janë ata që luftojnë për dy vendet në qendër të mbrojtjes. Ish-lojtari i Erzenit është favorit për njërin vend dhe pritet të mësohet se kush do të jetë lojtari tjetër që do të aktivizohet krah tij.

Sipas asaj që mjekët i kanë thënë lojtarit, Kërçikut do t’i duhen dy deri në tre javë të jetë i gatshëm për lojë. Kështu, automatikisht ndeshjet në Kupë dhe në kampionat me Luftëtarin mbrojtësi i djathtë nuk do të jetë nën urdhrat e trajnerit Ardian Mema dhe stafit të tij.

Me gjasa edhe ndeshjen e kampionatit me Skënderbeun do ta humbë. Në rastin më të mirë, pra nëse bëhet gati për dy javë, shanset janë që Kërçiku të rikuperohet plotësisht dhe të jetë gati për ndeshjen e kthimit me Luftëtarin në Kupë.

Nëse ndodh ndryshe, atëherë ai mund të humbasë jo vetëm sfidën me bluzinjtë, por rrezikon edhe derbin me Partizanin. Gjithsesi gjendja e mbrojtësit do të shikohet kohë pas kohe dhe shpresohet që të rikthehet sa më shpejt.

Trajneri Ardian Mema këtë herë do ta ketë grupin më të plotë. Dorian Kërçiku e ka shlyer pezullimin prej kartonëve të verdhë dhe mund të llogaritet për ndeshjen me Kukësin. Gjithsesi rikthimi i madh e ka emrin Majkëll Ngo.

I pezulluar me pesë ndeshja pas ndeshjes me Laçin, gjiganti anglez ka shlyer tre prej ndeshjeve dhe referuar rregullores për të luajtur ndeshjen e radhës duhet të paguajë gjobën prej 2 milionë lekësh (1 milion për ndeshje) dhe të shlyejë kështu pezullimin e Disiplinës.

Ngo është një lojtar shumë i rëndësishëm për Tiranën dhe normalisht gatishmëria e tij është një lajm i mirë. Gjatë kësaj periudhe ai ka pasur një dëmtim, por rikuperimi i tij ka shkuar mirë dhe sulmuesi shtatlartë është gati për lojë.

Një seanca jo e plotë për Tiranë, që po përgatitet për ndeshjen e së dielës kundër Teutës në transfertë. Skuadra kryeqytetase do të ketë mungesa, teksa nuk mund të aktivizohet mbrojtësi Dorian Kërçiku i pezulluar me kartonë të verdhë.

Ndeshja me Kamzën, e marrë në tavolinë nga bardheblutë, nuk përllogaritet. Ky është versioni i Federatës Shqiptare të Futbollit dhe Kërçiku do të mungojë në Durrës. Gjithashtu edhe Majkëll Ngo nuk mund të aktivizohet.

Sulmuesi anglez është rikuperuar dhe është në gjendje të luajë, por sfida me Kamzën as për të nuk llogaritet. Kështu, kur kanë kaluar vetëm dy ndeshje nuk mund të shlyhet dënimi me gjobë. Pas Teutës, Tirana mund të paguajë 2 milionë lekë dhe Ngo, i pezulluar me pesë ndeshjeve pas ndeshjes me Laçin, mund të luajë.

Edhe sot pritet që të mos stërvitet dhe nga nesër do të shihet situata e tij. Nuk mendohet të ketë diçka serioze dhe në ndeshjen e radhës me Kastriotin në transfertë pritet të jetë i gatshëm. Gjithsesi asgjë nuk është përfundimtare dhe duhet pritur që Kërçiku të zbresë fillimisht në fushën e stërvitjes.

Në takimin me Kastriotin trajneri Ardian Mema do të ketë një mungesë të sigurt. Mbrojtësi Marvin Turtulli ka plotësuar numrin e kartonëve të verdhë dhe nuk mund të aktivizohet. Stafi teknik ka disa alternativa për qendrën e mbrojtjes dhe pritet të përcaktohet se kush do të luajë krah Imamit.

NDESHJA – “Mendoj se ne bëmë një ndeshje shumë të mirë si skuadër. Patëm shumë raste dhe fati nuk ishte me ne sot. Shpresoj të rikthehemi te fitorja në javën tjetër”.

VITI I RI – “Fazën përgatitore e bëmë shumë të mirë. Me ardhjen e Memës në pankinë kemi bërë ndeshje të mira, por fati nuk ka qenë me ne. Në 2019-ën, kemi qenë më me shumë fat dhe kemi marrë rezultate pozitive”.

SHTYLLA – “Humbëm shumë raste në pjesën e parë dhe e ndjeva në dhomat e zhveshjes se mund të ndëshkoheshim nga një episod. Shyqyr zotit topi shkoi në shtyllë dhe nuk u ndëshkuam”.

E ARDHMJA – “Kam dhe një vit kontratë me Tiranën dhe këtu në Shqipëri, nuk lëviz askund veç Tiranës. Nëse më bëhet më mirë për të luajtur jashtë, e di presidenti dhe mund të lëviz”,- tha Kërçiku.

Ndeshja e radhës është përsëri në shtëpi dhe bardheblutë do të presin Teutën. Mema nuk do të ketë të gatshëm Dorian Kërçikun, i cili ka pësuar një dëmtim muskulor. Mësohet se anësori i krahut të djathtë do të qëndrojë një javë pushim, ndërsa është në dyshim prezenca e tij në ndeshjen e kthimit në kupë kundër Flamurtarit.

25-vjeçarit nuk i janë ndarë problemet muskulore dhe kjo është ndalesa e radhës. Ai nuk u aktivizua gjatë ndeshjes së djeshme, por do të bëjë maksimumin për të qenë i pranishëm kundër vlonjatëve. Gjatë këtij sezoni Kërçiku numëron 321 minuta aktivizim në kampionat dhe 139 minuta në kupë.