“Në platformën e klubit për sezonin e ri, një vend të rëndësishëm zënë edhe rinovimet e futbollistëve të sezonit të kaluar. Jemi në proces dhe këto ditë thuajse kanë rinovuar të gjithë. Ky ka qenë prioriteti ynë në këtë merkato vere. Mendoj se kështu kompaktësimi i skuadrës do të jetë më i mirë, pasi janë futbollistë që e njohin lojën e njeri-tjetrit në fushën e lojës”, deklaron Bubeqi.

Ndërkohë, për përforcimet dhe përgatitjet, trajneri kavajas shton: “Përgatitjet për sezonin e ri kemi menduar që t’i nisim më 22 korrik dhe deri atëhere ekipi do jetë i kompletuar edhe me dy-tre afrime të reja, që javën e ardhshme do të zyrtarizohen nga drejtuesit e klubit”.

AGRON KAJA

Ky i fundit është kërkuar edhe nga skuadra të Superiores, por trajneri Dorian Bubeqi deklaron për SportEkspres.com se ai është në kontratë me Korabin dhe nuk e lëshojnë. “Skuka është lojtar kyç te Korabi dhe aktualisht ka kontratë 3-vjeçare. Ne nuk e lëshojmë, edhe pse ndaj tij kanë ardhur disa oferta, kryesisht nga Kategoria Superiore.

Së bashku me drejtuesit e klubit e kemi diskutuar largimin e tij, por për momentin ai është lojtar i Korabit. Ndërsa për lëvizjet e tjera prioritet i kemi dhënë rinovimeve me lojtarët që mbyllëm sezonin e kaluar”, theksoi Bubeqi në deklaratën e tij.

Tekniku i dibranëve tregoi edhe planet e merkatos dhe të përgatitjeve: “Grupi është i konsoliduar dhe ne si fillim menduam që të hynim në merkato për një mbrojtës të djathtë, një mesfushor qendre dhe një sulmues krahu. Sulmin e plotësuam me Albi Xhebrahimin dhe tani jemi në kërkim të dy pozicioneve të tjera. Në mesin e muajit korrik do të nisim përgatitjet, dy javë në Tiranë dhe gjithë muajin gusht në Peshkopi. Kushtet stërvitore aty janë shumë optimale”.

AGRON KAJA

SITUATA – “Kjo është kohë pushimi për lojtarët, por ne si staf, bashkë me presidentin Fehmi Mëziu po vazhdojmë punën. Kemi qenë gjithë kohën në veprim për të plotësuar sa më mirë vendet e atyre lojarëve që nuk do jenë më pjesë e Korabit për sezonin e ardhshëm. Duam që këtë sezon të krijojmë një skuadër të denjë dhe konkurrente me elementë që të garantojnë synimet tona”.

MERKATO – “Në merkaton e kësaj vere ne do përqendrohemi kryesisht në Kategorinë e Parë, por unë kam disa ditë në Itali ku po shikoj për disa lojtarë në Serinë C dhe D, të cilët mund të jenë të vlefshëm për Korabin. Nga ekipi i sezonit të kaluar do mbajmë mbi 90% të lojtarëve, dhe Presidenti është i gatshëm të plotësojë kërkesat e mia, sepse synimi madhor është Superliga”.

SYNIMET – “Për sezonin e ri, synimi ynë madhor është Kategoria Superiore, ndaj kemi nisur që tani bisedime me disa lojtarë cilësorë në Kategorinë e Parë, por edhe këtu në Itali. Me disa thuajse kemi arritur marrëveshje dhe kur të nisim nga përgatitjet emrat e tyre do ti zyrtarizojmë. Fazën përgatitore kemi menduar që ta nisim me skuadër të kompletuar”.

AGRON KAJA

Kjo ndeshje, për dibranët është një sfidë luksi. Kështu shprehet për SportEkspres.com Dorian Bubeqi, trajneri i Korabit. “Gara në grupin tonë mendoj se po zhvillohet e fortë, por edhe e bukur. Korabi i ka luajtur me seriozitet të gjitha ndeshjet, jo vetëm tani në fazën e tretë. Kështu, edhe në ndeshjen e radhës ndaj Vllaznisë do të shkojmë në Shkodër jo vetëm të shijojmë një sfidë luksi, por edhe të synojmë tri pikët”, shprehet kavajasi.

Synimin për fitore Bubeqi e mbështet te situata e skuadrës së tij, ndërkohë që synimi i dibranëve është pozicionimi në vendin e dytë në fund të kampionatit. “Jemi në garë për vendin e dytë dhe si skuadër i kemi mundësitë ta arrijmë objektivin. E kam quajtur një mini-kampionat këtë synim të skuadrës sonë dhe besoj se do t’ia dalim”, përfundon Bubeqi.

AGRON KAJA

I ftuar në emisionin “Ditë të mbarë” në RTSH 2, ishte trajneri Dorian Bubeqi ai që ka komentuar ngjarjet e ndodhura në takimin Besa-Bylisi. Kavajasi është i habitur me sjelljen e tifozëve, që nuk kanë reaguar ashtu edhe në momente më të vështira të verdhezinjve.

“Nuk e prisja atë reagim nga publiku kavajas. Të gjithë duan të fitojnë. Drejtuesit duhet të kishin bërë më shumë, siç bënë duke bërë thirrje për të mbështetur skuadrën. Kavaja nuk e meriton një sjellje të tillë në stadium. Besa ka qenë edhe më keq, ka rënë nga kategoria, por nuk ka pasur sjellje të tilla”, ka deklaruar me të tjerave Bubeqi.

I pyetur nëse gurët e hedhur në fushë mund të kishin qenë vdekjeprurës, trajneri aktuali i Korabit deklaron: “Hedhjet sendeve në fushë ndodhin, por jo sa aty. Mund të ishin vrarës ata gurë. Dënimi? Mund ta kalojnë edhe me ndeshje në fushën e vet”, u shpreh Bubeqi.

“Për ne gara në fazën e tretë është bërë e fortë dhe me rivalitet. Këtë e tregon edhe renditja, teksa jemi tre skuadra me pikë të barabarta. Këtë javë luajmë në fushën tonë me Besëlidhjen, një ndeshje e vlerësuar maksimalisht dhe që kërkojmë ta fitojmë. Lezhjanët janë kundërshtarë të fortë dhe vetëm një pikë larg nesh. Të shtunën do të japim gjithçka për tri pikët”.

Ndërkohë që rivalitetit për vendin e 2-të Bubeqi nuk i trembet, sepse fitorja me Besëlidhjen e ngjit Korabin në këtë pozicion. “Kalojmë Besëlidhjen e ngjitemi në vendin e dytë në renditje, sido që të dalë sfida mes Dinamos dhe Erzenit”, u shpreh tekniku kavajas, që nuk pret ndonjë “ndihmë” nga të tjerët deri në fund të kampionatit.

AGRON KAJA

Ndeshja luhet në Pezë-Helmës prej orës 15:00 dhe do u shërbejë trajnerëve Ramadan Ndreu dhe Dorian Bubeqi për të parë gjendjen aktuale të skuadrave. Sigurisht për ritmin e të dyja skuadrave është një sfidë mjaft e rëndësishme.

Për SportEkspres.com, trajneri Bubeqi deklaron: “Nuk mund të qëndronim vetëm në kuadrin e përgatitjeve në këto dy javë pushim, ndaj do të luajmë një ndeshje miqësore me Kukësin. Është një test shumë i fortë për skuadrën para sfidës me Dinamon, duke patur parasysh se synimi ynë tashmë është vendi i dytë në klasifikim”.

AGRON KAJA

Për SportEkspres.com, Bubeqi deklaron: “Rezultati ishte i hapur si për ne, ashtu edhe për Erzenin. Duke qenë dy skuadra pa objektiva në këtë fazë të tretë, ne hymë në fushë për të dhënë më të mirën. Loja na e shpërbleu. Kjo fitore na fut në një kampionat të ri, këtë herë për vendin e dytë. Besoj se deri në fund do të jetë një garë e bukur për këtë synim”.

Bubeqi është i kënaqur edhe nga loja e katër të rinjve që ai aktivizoi Erzenin. “Duke qenë se gara jonë është e lehtë në këtë fazë të tretë, aktivizimi i të rinjve ka qenë një nga synimet që kam patur në skuadër. Me Erzenin luajtën Haka, Shehu, Hoxha e Disha, nga të cilët në tërësi jam i kënaqur. Në ndeshjen e radhës me Dinamon do të ketë të tjerë të rinj që do aktivizohen, por vendi i dytë mbetet tashmë objektivi ynë i ri”, përfundoi Bubeqi.

AGRON KAJA

“Nëse fitoni, do të keni një drekë speciale për tri pikët. Do ta kthejmë në festë, sepse luajmë një nga ndeshjet më të forta të fazës së tretë. Korabi e meriton”, u ka thënë Bubeqi futbollistëve, sikurse mëson SportEkspres.com.

Dibranët do të tentojnë ta ndalojnë Vllazninë kryesuese. Për ta është një ndeshje prestigji, pasi nuk ëshët se synohet ngjitja në Superiore. Kuqeblutë janë favoritët kryesorë për t’u rikthyer në elitë dhe duan që sa më parë ta realizojnë objektivin e tyre. Në Peshkopi këtë javë është e sigurt që nuk do ta kenë të lehtë.

Këtë moment, tekniku kavajas i dibranëve e quan si një mundësi reale që i shërben më shumë formatimit të një skuadre bazë për sezonin e ardhshëm. “Humbja me Besëlidhjen nuk më shqetësoi shumë, sepse është një nga skuadrat pretendente të Grupit A. Por duke qenë se aktivizova disa futbollistë të ardhur gjatë merkatos së janarit, të cilët nuk kishin gjetur hapësira, si dhe të tjerë nga ekipi i të rinjve, unë jam i kënaqur me premierën e tyre  me fanellën e Korabit. Paraqitja e tyre ishte e mirë dhe në ndeshjet e tjera besoj se do të kenë më shumë përmirësim”, u shpreh Bubeqi për SportEkspres.com.

Ndërkohë, trajneri i Korabit thekson më pas se gjatë fazës së tretë do të fitohen më shumë ndeshje, që do të jenë si teste për sezonin tjetër. “Faza e tretë na jep mundësinë që të luajmë më lirshëm dhe të aktivizojmë sa më shumë futbollistë. Ne nuk pretendojmë ngjitje në renditje, por do të synojmë të fitojmë sa më shumë ndeshje, që së pari do të jenë teste për futbollistët që do të aktivizohen”.

AGRON KAJA

“Ka qenë një rrugë e vështirë në 17 javët që janë luajtur, në të cilat Korabi ka treguar seriozitet, ka prodhuar lojë dhe i ka merituar 27 pikët. Natyrisht që ky është një kontribut i gjithë skuadrës, stafit teknik e drejtuesve tanë që kanë qenë mbështetje në këtë arritje. Nuk harroj këtu edhe tifozët dibranë që na kanë dhënë emocione me përkrahjen e tyre në këto ndeshje, në të dyja fazat. Sukseset meritojnë të festohen edhe me valle”, kështu deklaroi sot trajneri i Korabit, Dorian Bubeqi.

Në ndeshjen e fundit të fazës së dytë Korabi luan në Lezhë ndaj Besëlidhjes, e këtu Bubeqi mendon se do jetë një ndeshje kolauduese për Korabin, kryesisht për ndeshjet e vështira të fazës së tretë.

AGRON KAJA

“Në të gjitha ndeshjet miqësore që kemi zhvilluar gjatë muajit janar, më shumë se sa rezultatet që kemi fiksuar, mua më ka interesuar testimi i gjendjes së skuadrës. Sepse kemi para një gjysmë sezoni shumë të vështirë, ku Sopoti ka si objektiv të parë renditjen në pesë skuadrat e para në Grupin A. Skuadra është e gatshme ta përballojë me sukses, që në sfidën e parë me Veleçikun, me synimin e vetëm fitoren”, kështu deklaroi Bubeqi për SportEkspres.com.

Dibranët kanë ruajtur kontigjentin që mbylli pjesën e parë të sezonit, por nga skuadra është larguar vetëm Kovaçi në drejtim të Vorës, ndërsa në provë ka qenë Jurgen Mehidri. Lajmi i keq për trajnerin Bubeqi është mungesa e sulmuesit kryesor Murrja, i cili do t’i nënshtrohet një ndërhyrje kirurgjikale.

AGRON KAJA

Kjo ndeshje do të luhet në Kavajë prej orës 13:30, ndërkohë që pritet të debutojë edhe afrimi i fundit Sadush Danaj. Drejtuesit ndërkohë po punojnë për të bërë edhe disa afrime të tjera në vazhdim.

Ndërkohë edhe klubi i Tomorit ka gjetur një kundërshtar për miqësore. Është gjetur gjuha e përbashkët për të luajtur kundër skuadrës së Korabit, që gjithashtu garon në Kategorinë e Parë. Kjo ndeshje do të luhet prej orës 11:00 në “Olympic Park” në Durrës.

Për SportEkspres.com, trajneri i Korabit, Dorian Bubeqi, deklaron se ende skuadra e tij ka nevojë për kolaudim: “Tomorin e quaj një skuadër të mirë për t’u testuar në këtë periudhë pa aktivitet zyrtar. Ende nuk e kemi arritur kolaudimin e plotë të skuadrës. Në miqësoret e kaluara titullarët janë shprehur mirë, por me të rinjtë dhe ata që do të jenë si alternativa brenda skuadrës, nuk më kanë bindur. Ndoshta kjo miqësore do të jetë një mundësi më shumë për ta”.

AGRON KAJA

“Në pjesën e parë aktivizova të gjithë futbollistët që kanë formën më të mirë fizike, dhe rezultati 2-0 e tregoi se ata u shprehën mirë në fushë. Natyrisht që prej tyre do të ndërtoj formacionin e skuadrës për vazhdimësinë e vështirë”, kështu deklaroi trajneri Bubeqi i Korabit, i cili më pas ka kritika për 10 futbollistët që aktivizoi në pjesën e dytë: Mehidri, Gjediku, Lala, Velaj, Raza, Dida, Bogdani, Disha, Hysi dhe Hoxhaj.

“Të gjithë më kanë zhgënjyer në pjesën e dytë, sepse prisja tjetër nivel prej tyre. Me këtë paraqitje që treguan, besoj se nuk do të kenë hapësira në kampionat. Korabi synon renditje në pesë skuadrat e para të Grupit A, dhe këta lojtarë nuk na garantojnë”. Skuadra e Korabit renditet në vendin e 4-t në Grupin A me 21 pikë dhe në javën e 15-të që luhet më 2 shkurt 2019, pret Veleçikun e vendit të 6-të.

AGRON KAJA

Por trajneri Dorian Bubeqi deklaroi për SportEkspres.com se ky ishte më shumë një test stërvitor. “Nga kjo miqësore Korabi tregoi se e ruan gjendjen e mirë fizike. Skuadra ishte ajo që mbylli 14 ndeshjet e para të kampionatit dhe mbetem i kënaqur, edhe pse humbëm 0-2”, ishte kjo deklarata e teknikut të Korabit, i cili ka parë edhe një lojtar të Partizani B, i cili kërkon të jetë pjesë e dibranëve, por që ende nuk është i bindur.

MIQËSORE – E PREMTE, MË 11 JANAR

KORABI-PARTIZANI B 0-2
Shënues: Beqiraj 41 (pen.), Beqiraj 79′

AGRON KAJA

Ndërsa për pjesën e dytë të këtij sezoni, tekniku kavajas deklaron se synimi është që në fazën e dytë Korabi të renditet në pesë skuadrat e para të Grupit A dhe në fazën e tretë që do të përgjysmohen pikët, skuadra do të synojë një renditje edhe më të mirë se kjo e 14 javëve të para.

INTERVISTOI: AGRON KAJA

Pas javës së 14-të, Korabi u rendit në vendin e 4-t në Grupin A të Kategorisë së Parë. Ishte ky synim i arritur për ju?
-Synimi ynë në fillimin e këtij sezoni ishte që Korabi të renditej në pesë skuadrat e para të Grupit A. Aktualisht, pas javës së 14-të ne u renditëm në vendin e 4-ët me 21 pikë. Kjo arritje është pjesë e punës të përbashkët, pa diskutim dhe e mbështetjes së presidentit Fehmi Mziu.

Kryesisht në fazën e parë, skuadra e Korabit tregoi luhatje në lojë dhe në renditje. Pse ndodhi kjo situatë?
-Sepse skuadra erdhi e pa konsoliduar mirë në kampionat pas fazës përgatititore, por edhe kalendari i fazës së parë nuk ishte shumë i favorshëm për ne. Në fazën e dytë skuadra e rriti nivelin e lojës dhe rezultatet ishin më shumë pozitive. Kjo luhatje i shërbeu për mirë Korabit.

Pse pikërisht në katër ndeshjet e fazës së dytë ju mendoni se kolaudimi i skuadrës ishte kryesori në rezultate?
-Sepse kryesisht në ndeshjet e fazës së dytë skuadra e Korabit e tregoi fytyrën e vërtetë. Alternimi që ne bëmë në skuadër, ku krahas futbollistëve më me përvojë si Hoxha, Doçi, Karaj e Kalluci, aktivizuam të rinj dibranë, si Raza, Murja e Skuka. Kjo ka qenë politika e klubit.

Dhe ju mendoni se Korabi duhet të kishte grumbulluar më shumë pikë në 14 ndeshjet e luajtura?
-Për mua si trajner, ekipi e ka merituar renditjen në vendin e 4-t në Grupin A, por duhet të kishim më shumë pikë. Jemi treguar ekip i rasteve të humbura në ndeshje të veçanta, ku edhe kemi lënë pikë. Kjo gjë nuk do të ndodhë në pjesën e dytë të Kampionatit.

Në këtë sezon, a ka patur Korabi mbështetje nga pushtet lokal në Peshkopi?
-Nëse do të ishte për pushtetin lokal në Peshkopi, skuadra e Korabit sot mund të ndodhej në vendet e fundit të renditjes. Por falë mbështetjes së presidentit të skuadrës, Fehmi Mziu, ne ndodhemi sot në pozitat e vendit të katërt në Grupin A.

Kjo periudhë pushimi pa aktivitet zyrtar, si do të shfrytëzohet nga ana juaj?
-Janë katër javë pa aktivitet zyrtar dhe ne kemi menduar që skuadra të mblidhet në javën e parë të muajit janar 2019. Në programin tonë për këto javë janë tri pika: stërvitje-ndeshje miqësore-merkato. Por këtu me shumë kujdes, pasi tregu i dimrit nuk ofron shumë lojtarë cilësorë.

Në katër javët e fazës së dytë dhe për fazën e tretë, cili mbetet synimi i Korabit?
-Synimi ynë është që në fazën e dytë Korabi të renditet në pesë skuadrat e para të Grupit A dhe në fazën e tretë që do të përgjysmohen pikët, do të synojmë një renditje edhe më të mirë se kjo e 14 javëve të para.

“Skuadra e Korabit kërkon që të renditet në pesë skuadrat e para të Grupit A, dhe ndeshjet e fazës së dytë, për të do të jenë si finale”, kështu deklaroi dje për Sportekspres.com trajneri i Korabit, Dorian Bubeqi, i cili tregohet i kënaqur me skuadrën me 11 javët e luajtura.

“Ne jemi brenda objektivit tonë, për të qenë në pesëshen e parë në grup. I kemi kaluar ndeshjet e vështira të transfertës, e tashmë mbetemi “besnikë” të fitoreve në fushën tonë”.

Në javën e 12-të Korabi pret në fushën e tij Shënkollin, dhe tekniku kavajas kërkon që skuadra e tij të mos gabojë në këtë sfidë ndaj një rivali të fortë për vendin e 5-të në grup. “Shënkolli është skuadër e fortë dhe e vështirë. Ne do të luajmë me vlerësim maksimal, të gabojmë sa më pak dhe ta parakalojmë në renditje”.