Kjo është një sëmundje e rrallë, që prek në përgjithësi moshat mbi 55 vjeç. Simptomë e kësaj sëmundje janë humbjet e theksuara të kujtesës. Gjithashtu, ajo shkakton dëmtime të theksuara në tru. Personat e prekur nga Alzheimer, nuk kanë shumë jetë në dispozicion.

Maradona përgënjeshtron çdo gjë që është thënë. Sipas tij, e vetmja arsye e tërhqjes së tij nga Dorados është operacioni që do të kryejë në gju. “Fjala Alzheimer është e huaj. Të prekurit nga kjo sëmundje nuk jetojnë. Unë, siç e shihni, nuk po vdes. Disa njerëz vetëm flasin dhe krijojnë konfuzion”, u shpreh argjentinasi.

58-vjeçari pati probleme shëndetësore gjatë muajit janar dhe u shtrua me urgjencë në spital. Tani pritet të bëjë dy operacione: në shpatull dhe në gju. Diçka e tillë do i kërkojë kohë që të rikuperohet plotësisht dhe Maradona ka hequr dorë nga roli i trajnerit.

Argjentinasi mori drejtimin e klubit të divizionit të dytë meksikan gjatë shtatorit të kaluar. A ishte pranë rikthimit të Dorados në elitë, por ekipi ngeci në finalen e ndeshjeve play-off.

Komentet politika janë të ndaluara në kodin etik të futbollit meksikan dhe tashëm Maradona rrezikon dënimin. Po çfarë tha 58-vjeçari?

“Dua t’ua dedikoj fitoren presidentit Maduro dhe gjithë popullit venezuelian, të cilët po vuajnë për shkak të amerikanëve. Ata janë sherifët e botës dhe mendojnë se mund të komandojnë vetëm pse kanë bombën më të madhe në botë. Megjithatë, ai kukull që kanë si president nuk do arrijë të na blejë”.

Kjo nuk është hera e parë që Diego kritikon SHBA. Në kohën e miqësisë së tij me Fidel Kastron e Kubës, Diego akuzonte presidentin Xhorxh Bush si “perandori i së keqes”.

Gjithsesi,  aventura e Diegos në Meksikë dhe skuadra është mëse e gëzuar që bashkëpunimi me legjendën do të vazhdojë edhe për të paktën një viti. Lojtari më i afërt me Maradonën në skuadër është portieri argjentinas Gaspar Servio dhe këtë e themi mbështetur në prova, pasi së fundmi ka çuditur të gjithë me një tatuazh, ku ka përjetësuar portretin e Maradonës në trupin e tij.

https://www.instagram.com/p/BtfGIG5Bj2g/?utm_source=ig_web_copy_link

Poshtë portretit të trajnerit është i vendosur mbishkrimi: “Besoj në Zot”. Me siguri ky është një rast i rrallë, pasi shanset që të gjendet një futbollist i dytë që të ketë tatuazh portretin e trajnerit janë shumë të pakta.

Legjenda argjentinase prej ditësh nuk duket asgjëkund dhe klubi meksikan nuk ka arritur të kontaktojë me të. Mediat aludojnë se largimi i zëvendëstrajnerit, Luis Isla, i cili është dhe krahu i djathtë i “El Pibe de Oro”, mund të jetë faktori kryesor i zhdukjes së Maradonës, pasi ndoshta ky i fundit nuk do të vazhdojë me aventurën e tij në Sinaloa.

Për herë të fundit, 58-vjeçari është parë në Argjentinë, ku ka kaluar festat e fundvitit pranë familjes. Maradona gjithmonë kujdeset që të jetë në qendër të vëmendjes edhe këtë gjë ka arritur ta bëjë edhe duke mos qenë prezent.

Pavarësisht kësaj, Maradona ka zhvilluar një punë shumë të mirë, pasi e mori ekipin në vendet e fundit dhe e dërgoi një hap larg ngjitjes në kategori. Mosarritja e objektivit ka krijuar polemika në Meksikë kundrejt trajnerit.

Tifozët e Dorados nuk e kanë pritur mirë “dështimin” dhe kanë nisur të këndojnë kore ofenduese për Maradonën. Ky i fundit nuk është një tip, i cili duron shumë dhe kaq është dashur për të ”shpërthyer”.

I zemëruar për eliminimin dhe i acaruar nga fjalët që po i dëgjonin veshët, Maradona është bërë pjesë e një kontakti fizik me tifozët e tij. Legjenda argjentinase ka tentuat të sulmojë njërin prej tyre, por është bllokuar nga forcat e sigurisë. Diego ishte i pezulluar dhe e ndoqi takimin nga tribunat e stadiumit.

Maradona explotó por los cánticos contra él pic.twitter.com/QTk6MIOIzR

— AS (@diarioas) December 3, 2018

Dorados është kualifikuar për fazën finale të “play-off” dhe një gjë e tillë festohet me këngë e kërcime në ekipin e legjendës argjentinase. Kjo gjë është kthyer në ves, me Maradonën të parin që feston dhe zbavitet.

“Nga dora e Maradonës çdo ndeshje do të fitojmë”, këndojnë lojtarët në nderim të trajnerit të tyre. Kundërshtari i Dorados do të jetë një mes fituesit të çiftit Atlante-Atletiko San Luis.

?? ¡Baile Jefe, baile! ??#ConElPezEnLaFinal pic.twitter.com/xCFdkpdAr5

— #ConElPezEnLaFinal (@Dorados) November 25, 2018

Legjenda argjentinase dhuroi shfaqje dhe gjatë Botërorit të zhvilluar në Rusi me festimet e tij unike, ndërsa kësaj radhe ka festuar në dhomat e zhveshjes më djemtë e tij. Unik, origjinal dhe i çmendur.

Me një patericë në duar për shkak të problemeve me gjunjët, por kjo nuk e pengon Maradonën të dhurojë spektakël. Siç shihet në video, argjentinasi feston duke kërcyer me një nga lojtarët e tij, ndërsa fton dhe lojtarët e tjerë t’i bashkohen skenës.

.

Trajneri argjentinas ka polemizuar pas ndeshjes me arbitrin e ndeshjes, duke e akuzuar këtë të fundit për lejimin e lojës së ashpër dhe faktin që ndeshja i doli jashtë kontrollit.

“Nuk më pëlqen të flas për arbitrat, por nevojitej një arbitrim ndryshe për këtë ndeshje. Të dyja skuadrat luajtën në mënyrë barbare dhe dikush duhet të kontrollonte dhe të mbante rregull. Arbitri nuk i respektoi fare rregullat e lojës. Nuk dua një futboll të dhunshëm, dua që kjo që ndodhi të mos përsëritet më”, përfundoi Diego Maradona, i cili do të përgatisë një raport për FIFA-n për arbitrimin e ndeshjes së humbur.

Me këtë tre pikësh ekipi i Maradonës është ngjitur në vendin e 10-të në divizionin e dytë të futbollit meksikan, ndërsa trajneri, i cili kishte pësuar shumë kritika, ka reaguar pas kësaj fitore. Diego është i kënaqur me debutimin e tij dhe shpreson që kjo fitore t’i bëjë të heshtë kritikët e shumtë.

“Nuk e di nëse do të mbyllen shumë gojë që flasin, unë kam ardhur këtu për të punuar me stafin tim. Disa thanë që Maradona nuk ishte i mirë për asgjë, por e panë se çfarë mund të bëj. Nuk kemi fituar asgjë, ishte vetëm një ndeshje dhe kemi dhe shumë të tilla përpara. Është thjesht një ëndërr e bukur, që sapo ka nisur”, përfundon Diego Maradona.