Në Champions League dhe në kampionatin e vendit të tij ai regjistron plot 12 gola dhe 12 asiste. Vetëm 22-vjeçar, kosto transferimi shumë më të ulët se Pogba dhe statistika që francezi nuk i afrohet. Të gjitha këto e bëjnë Perez të shkojë drejt yllit tulipan.

Marca raporton se negociatat mes Reali dhe Ajaksit kanë nisur dhe marrëveshja mund të arrihet për shumën e 60 milionë eurove. Arkat e klubit holandez do të mbusheshin sërish, por ata nuk duan të heqin dorë nga shërbimet e 22-vjeçarit.

Gjithsesi, presingu i Realit është i madh dhe lojtari i kombëtares tulipane mund të përfundojë nën urdhrat e Zinedin Zidan, ndërsa ky do të ishte një përforcim me vlera për klubin spanjoll.

I preferuari i trajnerit francez quhet Doni Van de Bek. 22-vjeçari holandez ka një kontratë deri në vitin 2022 me Ajaksin dhe kartoni i tij vlerësohet rreth 50-60 milionë euro.

Sipas raportimeve të “The Telegraaf”, negociatat mes palëve kanë nisur dhe janë në rrugë të mbarë. Vetë lojtari ndihet i nderuar nga interesimi i “Los Blancos” dhe është gati të transferohet në Madrid.

Florentino Perez është gati të paguajë kampionët e Holandës, ndërkohë që duhet gjetur edhe akordi me mesfushorin ofensiv. Van de Bek shënoi 17 gola gjatë sezonit të kaluar me Ajaksin dhe numëron pesë ndeshje të zhvilluara me kombëtaren tulipane.

Interesimi për shërbimet e tij është i madh, por e ardhmja mund të jetë Premier Liga. Mesfuhsori ofensiv, i cili numëron pesë ndeshje me kombëtaren tulipane, dallohet për inteligjencë, inkursione dhe ftohtësinë përpara portës kundërshtare.

Sipas raportimeve të Talksport, për shërbimet e tij ka një garë të fortë mes Mançester Junajtid dhe Totenhemit. Trajnerët Solskjaer dhe Poçetino i pëlqejnë shumë cilësitë Van de Bek dhe janë gati për ta transferuar në ishull.

Ajaksi nuk e përjashton largimin, ndërsa ka vendosur edhe çmimin e lojtarit. Kampionët e Holandës kërkojnë të paktën 50 milionë euro dhe fërkojnë duart prej faktit që rivaliteti për shërbimet e tij mund të rrisë edhe çmimin.

Sipas “Calciomercato”, përfaqësuesit e Van de Bek kanë udhëtuar në Milano për të biseduar mbi një transferim të mundshëm. Për momentin nuk ka zëra për një marrëveshje, por negociatat po shkojnë mirë dhe në ditët në vijim pritet të kemi një marrëveshje. Ajaks nga ana e tij kërkon 50 milionë euro. Shifër që Marota e sheh të arsyeshme të shpenzohet për një nga talentet më të mirë në qarkulllim.

Për të interesohen shumë gjigantë të Evropës. Totenhem e dëshiron si zëvendësues të Eriksen në rast largimi te Reali i Madridit. Borusia Dortmund dhe Bajerni i Mynihut janë gati të paguajnë mbi 60 milionë euro për ta bërë të tyrin. Së fundmi edhe Barcelona është vënë në sulm për yllin holandez. Katalanasit duan ta bashkojnë me De Jong për të formuar një dyshe që kombinohen me sy mbyllur për të kthyer “Tiki-Taka-n” e famshme.

Rud Gulit është një legjendë e Milanit të madh të viteve ’90, ndërsa ka luajtur për tre sezone me “Blutë e Londrës”. Holandezi i famshëm nuk e kupton lëvizjen Zhorzhinjo. Italo-braziliani është një mesfushor shumë i mirë, por blerja e tij ishte e panevojshme.

“Sarri erdhi në një moment kur skuadra duhej rindërtuar dhe nuk ka patur shumë kohë në dispozicion. Megjithatë, mendoj se ka bërë një gabim. Fakti që mori me vete Zhorzhinjon. Jam dakord që ai është një futbollist i mirë, por kishte një francez në atë rol, një kampion bote. Pse duhet të marrësh një lojtar tjetër kur ke Ngolon në atë rol, pse?”

Gulit nuk mund të mos komentojë edhe paraqiten e Ajaksit. “Harkëtarët” i dhuruan botës një futboll të mrekullueshëm, por fati i keq i la jashtë finales së madhe të Champions Ligës. Ish-mesfushori ndalet te një lojtar i ekipit surprizë të këtij sezoni.

“Kam punuar me Van de Bek para një viti në kombëtare. Më pëlqen shumë ajo çfarë ka në kokë, është shumë i pjekur për moshën që ka. Punon fort dhe e di mirë se çfarë kërkon. Doni shënon edhe shumë gola, njësoj si Lampard te Çelsi. Është teknik dhe i ftohtë para portës, prandaj e krahasoj me ish-mesfushorin e Çelsit”, përfundon Rud Gulit.

Reali i Madridit dëshiron të sjellë fytyra të reja në skuadër me një revolucion që është çdo ditë e më pranë. Me shumë mundësi një mes Modriç dhe Kros do të hapë krahun në mesfushën madrilene. Pol Pogba është një alternativë potenciale, gjithsesi jo çdo gjë po shkon mirë në operacionin për francezin.

Në Madrid ka një mospërputhje dëshirash mes Zidan dhe zyrtarëve të klubit. Këto të fundit nuk e shohin si një ide shumë të mirë transferimin e 26-vjeçarit. Van de Bek pritet të fitojë terren ndaj francezit në ditët në vijim.

Këto informacione mbeteshin vetëm aludime, por ka menduar agjenti i 22-vjeçarit, Rob Vitshge për t’i bërë gjërat më serioze. “Tani Van de Bek është i përqëndruar te futbolli për të mbyllur sa më mirë këtë sezon. Pas kësaj do të shohim. Ka pak klube, që e përballojnë çmimin e tij.”

“Mundësinë për t’u transferuar në Napoli nuk e konfirmoj, por as nuk e mohoj. Doni do të ishte i lumtur po të stërvitej nga një trajner si Ançeloti. Gjithçka do vendoset pas fundit të sezonit”, përfundoi agjenti, duke shtuar kështu mundësinë e transferimit të klientit të tij në “San Paolo”.

Sipas mediave britanike, lojtari që po kërkohet me ngulm nga klubi anglez është ylli i Ajaksit, Doni Van de Bek. 22-vjeçari luan kudo në mesfushë dhe po bën paraqitje të shkëlqyera me Ajaksin, si në kampionatin holandez, ashtu dhe në Champions League. Ishte pikërisht Van de Bek ai i cili shënoi një nga golat që eliminoi Juventusin.

Vlera e mesfushorit holandez ka kapur majat në muajt e fundit dhe në rast se “Topçinjtë” duan të arrijnë te firma e tij, duhet të paguajnë të paktën 40 milionë, një shumë e konsiderueshme. Pas shitjes së De Jong te Barcelona, Ajaksi nuk preferon të humbasë një tjetër mesfushor, por nëse vjen oferta e duhur, transferimi mund të kryhet.