Për këtë arsye, drejtuesit e Milanit e kanë vendosur që në verë të bëjnë spastrim, duke nisur nga trajenri Gatuzo e duke vazhduar me lojtarë si Bakajako, Çalhanoglu e shumë të tjerë.

Gjithsesi, lojtarët e rinj nuk do të preken dhe në kampin kuqezi kanë shuar çdo shpresë të klubeve të tjera për të rrëmbyer portierin Donaruma dhe qendërmbrojtësin Romanjoli.

Të dy janë lojtarë kyçë për të ardhmen, edhe në aspektin e imazhit, sepse Milani kërkon të ndërtojë një bërthamë lojtarësh të rinj dhe me ndikim edhe te tifozët, që kanë nevojë për disa figurë qendrore në ekip, përveçse presin disa përforcime reale, për të pasur një ekip të denjë të paktën të rivalizojë me Napolin për vendin e dytë në Serinë A, pasi Juve duket vite dritë larg.

Pjesa e parë u karakterizua me raste nga të dyja palët. Një veprim individual i Susos i jep avantazhin Milanit, ndërsa në fraksionin e dytë të lojës Borini dyfishon avantazhin, por Bolonja përgjigjet pesë minuta më vonë me Destron.

Në minutën 77-të, Paketa tradhtëohet nga nervat duke shtyrë arbitrin pas një kartoni të verdhë prej të cilit humbi ndeshjen e radhës ndaj Fiorentinës. Gjithsesi për fatin e mirë të Milanit, Bolonja nuk mundi ta shfrytëzonte siç duhej avantazhin numerik, kjo dhe falë disa pritjeve fantastike të Donarumës. Në fund nervat kapën dhe lojtarët e Bolonjës që morën dy kartonë të kuq për shkak të protestave ndaj  arbitrit.

Një tjetër moment pikant i këtij takimi ishte një debat në stol midis Bakajokos dhe Gatuzos, një episod ky që nuk i shpëtoi regjisë italiane.

Milan 2 – 1 Bolonja
Shënues: Suso 37’, Borini 68’ / Destro 82’

Pas ndeshjes Donaruma doli për mediat, duke kërkuar falje: “Ndihem keq, sepse gabimi im na kushtoi humbjen. Ndoshta përqendrimi në fillim është më i ulët, falënderoj shokët që më ngushëlluan”.

Nuk është hera e parë që Donaruma bën diçka që tërbon tifozët: “Në të vërtetë, kjo që më ndodhi nuk është diçka e re, kam përjetuar situata më të këqija dhe ia dola mbanë t’i kaloja, ndaj jam i qetë”.

Mesjavën e ardhshme Milani pret Udinezen: “Të mendojmë për atë takim, duhet ta fitojmë patjetër dhe do të japim gjithçka, duke luajtur në sulm dhe duke vazhduar ta nisim lojën që nga porta, nuk do ndryshojmë gjithçka për një episod ters'”.

Sipas “Sportmediaset”, drejtuesi i lartë i Milanit, Leonardo, ka filluar bisedimet me agjentin e njohur Mino Raiola për të rinovuar kontratën e portierit Xhanluixhi Donaruma. Marrëveshja aktuale e italianit përfundon në vitin 2021, ndërsa Leonardo synon që të arrijë një marrëveshje për tri sezone të tjera.

Negociatat nuk do të jenë aspak të lehtë pasi Donaruma është një ndër portierët më të lakmuar në botë për shkak të aftësive që ka dhe moshës së re. Aktualisht 20-vjeçari është lojtari më i paguar i Milanit me një pagë sezonale prej 6 milionë eurosh në sezon.

Për të qenë më të saktë, ditën e sotme mbush 20 vjeç. Me një video të postuar, vetë klubi i Milanit ka emocionuar portierin, teksa në video shfaqen të gjithë momentet e bukura të Donarumës të përmbledhura në gati 1 minutë.

Padyshim një pikë kyçe për ekipin kuqezi, sidomos këtë sezon. 20-vjeçari numëron më shumë se 150 ndeshje me klubin nga “San Siro”, ku debutimin e tij e ka bërë në moshën 16-vjeçare, kohë kur u bë portieri i dytë më i ri që ka luajtur në Serie A.

POST SUPERKUPA – “Humbja në Superkupë dhemb, por objektivi ynë është vendi i katërt dhe ja ku jemi. Tani të fokusohemi në ndeshjen e ardhshme, pasi kjo e sotmja ka mbaruar”.

NDESHJA – “Nuk ishte një fillim i mirë, vuajtëm të gjithë së bashku dhe kjo është më e rëndësishmja. Luftuam fort dhe kualiteti që kemi në skuadër na dha fitoren në këtë ndeshje të vështirë”.

HIGUAIN – “Në qoftë se Higuain bëri një zgjedhje do ketë pasur patjetër arsyet e tij, por ai mbetet miku im dhe i uroj më të mirat”.

ECURIA – “Kemi një rrugë të gjatë përpara, do të bëjmë gjithçka për të arritur objektivin tonë dhe do ti marrim ndeshjet një e nga një”.

PËRBALLJET ME NAPOLIN – “Jam një fans i madh i Napolit, është qyteti im dhe jam i lumtur që po bëjnë mirë, por shpresoj që të fitojmë ne javën e ardhshme dhe në kupën e Italisë gjithashtu”.

Numri 1 i “Djallit” ka firmosur rinovimin për 4 vite, me 6 milionë euro në sezon.

Vendimtar takimi në selinë e Milanit, mes Fasones, Mirabelit, portierit dhe familjes së tij.

Një goditje e madhe për Milanin, sidomos në aspektin e imazhit, edhe pse natyrisht në këtë mes del i fituar agjenti Mino Raiola, sepse merr kontratën që do për klientin e tij dhe sistemon te Milani edhe Antonio Donarumën, vëllain më pak të njohur të Xhixhios, që do të marrë 1 milion euro në sezon te kuqezinjtë.

Sipas mediave italiane, në kontratë është përfshirë edhe klauzola e prishjes së kontratës, 75 milionë euro, në rast se Milani nuk shkon në Champions League dhe Donaruma kërkon largimin.

Gazzetta dello Sport shkruan se portieri 18-vjeçar do të jetë i treti më i paguar në botë, me 6 milionë euro neto në vit, për 5 vitet e ardhshme.

Më mirë se ai, vetëm Manuel Nojer me 9 milionë te Bajerni dhe David de Gea me 6.8 milionë te Mançester Junajtid.

Me pak fjalë, shifra “monstruoze” për të mbajtur Donarumën, në një tratativë ku si zakonisht Mino Raiola ka qenë protagonist absolut, duke aktruar bukur, herë me kërcënime e herë me ledhatime, herë me bisedime me Realin e herë me flirte të shpikura nga gazetarët miq të tij. Synimi u arrit: kontratë super por Donarumën, disa milionë edhe për Raiolën, por edhe një klauzolë për prishjen e kontratës, që gjithsesi është goxha e lartë.

Jo vetëm që Donaruma do të fitojë 30 herë më shumë se me kontratën që kishte kur ishte ende minoren (160.000 euro në vit), por edhe vëllai i vet Antonio do të përfshihet në pazar. Sipas thashethemeve të fundit, 27-vjeçari i rritur te të rinjtë e Milanit është gati të kthehet dhe të luajë si portier i tretë, me një kontratë serioze, pas eksperiencës greke te Asteras Tripolis, ku luajti 21 ndeshje në formacion kampionatin e fundit.

Duhej të fliste për ndeshjen e nesërme kundër Spanjës, por natyrisht çështja e ditës mbetet Milani dhe rinovimi i refuzuar.

Portieri kuqezi, në një linjë me menaxherin Mino Raiola, lë hapur gjithça për të biseduar pas Europianit: “Dola sot para jush për të treguar që jam i qetë dhe mendoj vetëm për ndeshjen e nesërme. Më vjen keq për rrëmujën e shkaktuar, për të ardhmen do të mendoj pas Europianit. Kam pësuar gola të lehtë ndaj Çekisë, por nuk do të thotë se e kam mendjen gjetkë.

” Rrjetet sociale? I përdor për të shtyrë kohën, mund të jenë zbavitës ose jo, varet. Do ta përdor sërish llogarinë që më vodhën në Instagram.

“Kontestimi ndaj Danimarkës? Pas ndeshjes e mora vesh që kishin hedhur dollarë pas portës sime. Gjithçka zgjati shumë pak, jam i përqendruar te Europiani”.

I tillë ishte ai i djeshmi: Donaruma fillimisht postoi në Twitter një shkrim: “DonaRaiola, dje, sot e nesër”.

Më pas në Instagram portieri kuqezi shkroi: “Kërkoj falje për shqetësimin, e dua Milanin dhe i dua tifozët. Pas Europianit, së bashku me familjen dhe menaxherin, do takohem me Milanin për rinovimin”.

Deklaratë që pak më vonë u përgënjeshtrua nga vetë Donaruma në Twitter: “Më vodhën llogarinë në Instagram, nuk kam shkruar asgjë”.

Si është e vërteta? Një zot e merr vesh, por sot Mino Raiola ka konfirmuar atë që shkruhej dje në Instagram, sepse agjenti i portierit kuqezi ka shkruar në Twitter: “Pas Europianit do të takohemi me Milanin. Tani rëndësi ka Kombëtarja”.

DONNARAIOLA x HATERS 1-0
What’s next?

— Mino Raiola (@MinoRaiola) June 25, 2017

Megjithatë, drejtori sportiv Fasone lë hapur merkaton për ndonjë emër me peshë dhe mbi të gjitha jep një lajm për Donarumën.

“Presim ende diçka të rëndësishme. Trajneri dëshiron ta ketë gati pjesën më të madhe të skuadrës dhe deri më 3 korrik synojmë përforcime të tjera. Merkatoja zyrtarisht nis më 1 korrik dhe po punojmë për të mbushur boshllëqet.

” Donaruma? Jemi në pritje, por jo pafundësisht. Më 3 korrik presim një përgjigje”.

Trajneri Vinçenco Montela ka vizituar familjen e portierit të talentuar të kombëtares italiane dhe ka qenë një gjest që ka kënaqur pa masë të afërmit e Donarumës.

“Jemi të lumtur për vizitën, nuk do të kushtëzojmë zgjedhjet e Xhixhios. Duam më të mirën për të, mjafton që të jetë i lumtur”, deklaron babai i Donarumës, Alfonso.

Pak nga pak “lufta” në distancë po harrohet dhe po shkohet drejt zgjidhjes që kënaq të gjithë: rinovim dhe më pas diskutim me qetësi për të ardhmen.

Jo rastësisht, Milani ka ndalur kërkimet për portier, duke lënë Perinin dhe Neton në pritje dhe duke rinisur bisedimet me Mino Raiolën.

Ky i fundit e ka kuptuar se beteja me Milanin nuk i sjell përfitim askujt, ndaj pas Europianit U-21 do të bisedojë me Donarumën dhe është gjithnjë e më e mundshme që të gjendet një zgjidhje që kënaq të gjithë, ndoshta duke futur në kontratën e rinovimit një klauzolë për prishjen e saj, nëse vjen një ofertë e caktuar dhe ajo pranohet nga portieri.

Presidenti madrilen ka folur për radion spanjolle Onda Cero dhe ka komentuar zërat se Ronaldo kërkon të largohet: “Herët a vonë do të flas me Kristianon, nuk e kam bërë ende sepse nuk dua ta shqetësoj derisa të përfundojë Kupa e Konfederatave. Nuk na ka ardhur asnjë ofertë, as për të, as për Moratën, pas për Hamesin, ndaj mendojmë se Ronaldo është dhe do të mbetet futbollist i Realit. Natyrisht, nëse dikush paguan 1000 milionë euro, le ta marrë. Kam besim të plotë te Ronaldo, më vjen keq që disa media ia kanë njollosur imazhin”.

Më pas, Perez ka folur edhe për të ardhmen dhe talentet që synohen: “Mbapé e Donaruma janë objektiva të rëndësishëm të klubit, është normale që t’i ndjekim me vëmendje, ashtu si Vinisius dhe disa të tjerë. Nëse janë të mirë, Reali do t’i kërkojë herët a vonë, sepse te ne vijnë më të mirët në botë. Për Donarumën do të pyes trajnerin, me Raiolën kam biseduar vetëm për Pogbanë dhe nuk ia dolëm të merreshim vesh. De Gea? Asnjë marrëveshje me Mançester Junajtid”.

Tani Donaruma është në Poloni me Italinë U-21, për kampionatin europian.

Aty do të shkojë sot edhe drejtori sportiv i Milanit Masimiliano Mirabeli. Sipas mediave në Itali, synimi është i dyfishtë: takim tjetër me Donarumën, por edhe vëzhgim i disa portierëve që mund të jenë në planet e Milanit.

Donaruma kërkon kohë dhe sipas Il Giornale, i ka thënë Mirabelit që do të dëshironte të vendoste në tetor a më vonë për rinovimin.

Në editorialin e tij në Gazzetta dello Sport, trajneri legjendar ka qortuar ashpër Donarumën për kërkesën për largim nga Milani, duke i kujtuar se veprim të tillë e kanë bërë të tjerë, si Kakà e Shevçenko, por janë penduar rëndë.

“E çmoja Donnarumën si djalë e si lojtar, por kam mbetur i shtangur nga mungesa e mirënjohjes kundrejt Milanit. Ky vendim më krijon dyshime jo vetëm për integritetin e tij njerëzor, por edhe për të ardhmen e karrierës së tij.

“I kujtoj që ata që kanë zgjedhur paratë, si Kakà e Sheva, të cilët u larguan te Rrali e Çelsi, më pas u penduan rëndë“.

Megjithatë, Mirabeli bën të qartë qëndrimin e Milanit, që nuk ka ndërmend të dorëzohet: “Klubi nuk do të pranojë oferta, sepse për ne Donaruma nuk ka çmim. Për momentin nuk e shesim. Një gjë duhet të jetë e qartë: kushdo që luan te Milani, kushdo që pranon të vijë te Milani, duhet të kuptojë mirë çfarë domethënieje ka kojo fanellë dhe duhet të synojë maksimumin në çdo kompeticion. Nuk dua të jem mendjemadh, por duke nisur nga Europa League, pastaj kupa e kampionati, do të luftojmë gjithnjë për të triumfuar”.

Tani Milani merr masa për pasuesin e Donarumës dhe i përzgjedhuri është Matia Perin.

24-vjeçari i Xhenoas konsiderohet ndër portierët më të mirë në Itali, por një dëmtim i rëndë në ligamentin krociat e ka ndalur dy herë në dy sezonet e fundit.

Gjithsesi, Milani beson se Perin nuk do të ketë më probleme dhe ofron 15 milionë euro, të ndara në 7 milionë në dorë dhe 8 në bonuse. Xhenoa kërkon 10 milionë në dorë dhe kjo është pengesa e vetme momentalisht.

Ndërkaq, për Donarumën nuk ka nxitim: Milani do ta shesë, por jo për shifra qesharake. Kush e do, duhet ta vlerësojë Donarumën ashtu si e vlerëdon Mino Raiola: top player, që meriton pagë prej superstari, ndaj çmimi nis nga 60 milionë euro.

Kush e kërkon Donarumën? Sipas Sportitalia, është Reali klubi që ka joshur Donarumën dhe Raiolën, duke ofruar të paktën 6 milionë euro në sezon për portierin dhe natyrisht duke i premtuar një fitim kolosal edhe Raiolës.

Portieri kuqezi, kontrata e të cilit mbaron në 2018, ka refuzuar ofertën kuqezi, nëpërmjet menaxherit Mino Raiola.

Lajmin e ka bërë zyrtar administratori i deleguar i Milanit, Marko Fasone: “Raiola na ka informuar se Donaruma ka vendosur të mos rinovojë me Milanin.

“Ne kishim bërë një propozim të rëndësishëm, lojtari e vlerësoi dhe ka bërë vlerësimin e tij jo thjesht ekonomik, por na ka komunikuar se nuk dëshiron të rinovojë.

” Vendimi i tij na ka kapur në befasi, sepse shpresonim se Donaruma do ta udhëhiqte Milanin drejt së ardhmes. Vendimi na lë një shije të hidhur, por natyrisht do të shohim nga e ardhmja”.

Vetë Donaruma deklaroi edhe dje se dëshiron të qëndrojë te Milani, por firma nuk ka dhe drejtori i përgjithshëm i Milanit, Marko Fasone, ka shpjeguar ku qëndron problemi, duke folur për Radio 24: “Shpresoj me gjithë zemër ta mbajmë Donarumën, është një djalosh shumë i talentuar. PO mundohemi ta joshim ashtu si bëhet me një femër të bukur, por në këtë rast është edhe dikush në mes dhe që di ta bëjë mirë zanatin e vet… Shpresoj që gjithçka të përfundojë në mënyrën më të mirë të mundshme për Milanin”.

Pa ia përmendur emrin, Fasone “thumbon” Mino Raiolën, agjentin e famshëm i cili vazhdon të refuzojë ofertën e Milanit për rinovim deri në vitin 2022 me 4-4,5 milionë euro neto në vit, plus bonuse. Arsyeja? E thjeshtë, ka klube që ofrojnë më shumë, për Donarumën dhe Raiolën.

Para dy ditësh Raiola, Donaruma e drejtori sportiv Mirabeli u takuan në Montekarlo dhe në atë takim Donaruma u shpreh: “Dua të qëndroj te Milani”.

Një ditë më pas, nga grumbullimi i kombëtares italiane, ai bëri një hap pas: “Rinovimi? Të shohim, të shohim…”.

Milani i ofron një kontratë 5 vjeçare, me 4 milionë në vit, plus 1 milionë bonus çdo sezon, në rast kualifikimi në Champions League dhe nëse Donaruma luan titullar.

Sipas Gazzetta dello Sport, zgjidhja është futja e disa klauzolave në kontratë, ndoshta për çdo fundsezoni, me portierin që do të nxirrej në shitje nëse Milani nuk shkon në Champions.

Situata e ndërlikuar, por që duket qartë ku e ka zanafillën: Raiola pret dhe fiton kohë, sepse e di që te Milani apo gjetkë, Donaruma mund të paguhet edhe 6 milionë e lart në vit.