Futbollisti nga Mozambiku ka treguar që një rol të rëndësishëm në këtë transferim ka luajtur edhe Donjet Shkodra, mesfushori që në Shqipëri është aktivizuar me Flamurtarin, Skënderbeun dhe Kukësin. Rexhinaldo nga ana tjetër falënderon klubet me të cilat ka luajtur në vendin tonë, sikurse edhe drejtuesit e Shakterit.

“Nisa një cikël të ri në karrierën time profesionale. Shumë faleminderit Shakter Karagandit për besimin dhe bastin e vënë mbi mua. Falënderime speciale për presidentin Andrei Stepanov, që më solli mua në këtë klub me histori. Faleminderit Donjet Shkodra që luftove të vija në këtë klub dhe që më dhe gjithë informacionet e duhura që të vija këtu. Ju ishit gjithashtu shumë i rëndësishëm për të marrë këtë vendim. Faleminderit”, shkruan sulmuesi.

Më tej ai shton:  “Premtoj që do t’ua shlyej në mënyrën më të mirë, me shumë punë, siç kam bërë deri më tani, duke ndihmuar klubin të arrijë objektivat që ka. Kisha shumë propozime, por zgjodha këtë dhe mendova se ishte më i miri në të gjithë mënyrat. Kështu që jam këtu”.

Rexhinaldo ka spikatur në Shqipëri, ku ëshët aktivizuar me tre klube dhe për ta ka vetëm fjalë të mira: “Gjithashtu dua të falënderoj Shqipërinë që më hapi dyert, veçanërisht Luftëtarin, Laçin dhe të fundit Kukësin, që e mbaj mend përjetë, pasi aty kam arritur gjërat më të bukura në karrierë. Mirënjohje pafund”.

Shkodra, në minutën e 22-të të takimit, shfrytëzoi një top të lënë në zonë nga skuadra mike dhe me një goditje të fortë me të majtën e dërgoi topin drejt e në rrjetë. Goli i tij i dha avantazhin Shaktar Karagandit. Miqtë kanë barazuar në të 64’ më anë të Bjedov.

30-vjeçari ka shënuar një perlë të vërtetë në ndeshjen që po luhet aktualisht mes ekipit të tij Shaktjor Karagandit dhe Kairat Almatiti, një prej ekipeve më të mira në Kazakistan.

Në minutën e 28-të, futbollisti nga Prishtina ka gjetur hapësirë për të djathtën e tij dhe ka lëshuar një predhë drejt katërkëndëshit, me topin që nuk mund ta ndalte gjë tjetër përveçse rrjetës. Ndërkohë, sfida vijon të jetë me shifrat 1-0.

Sfida u mbyll me barazimin spektakolar 2-2, me Danilo Alvesh që ishte protagonist me golin e tij të parë në Kazakistan. Në minutën e 77-të, ish-sulmuesi i Flamurtarit i dha avantazhin e përkohshëm ekipit të tij, duke u treguar i saktë përballë portierit.

Nga ana tjetër, Donjet Shkodra vijon të konfirmohet një pjesë e rëndësishme e Karagandit, me mesfushorin që ishte titullar për 90 minuta.

Vetë Shkodra pat pohuar për “SportEkspres.com” se nuk do të jetë më pjesë e Kukësit, por vetëm sot ka ardhur zyrtarizimi nga ana e klubi verilindor. Nuk mungojnë falënderimet në adresë të mesfushorit, i cili pritet që së shpejti të vendosë se ku do ta vijojë karrierën.

NJOFTIMI – “Donjet Shkodra zyrtarisht nuk është më pjesë e skuadrës së FK Kukësit. Marrëveshja mes tonë dhe kosovarit ka përfunduar. 29-vjeçari, i cili iu bashkua skuadrës sonë gjatë sezonit të kaluar, është aktivizuar në 46 ndeshje në të gjitha kompeticionet, duke arritur të shënojë 3 gola. FK Kukësi falënderon Donjet Shkodrën për kontributin e dhënë me skuadrën tonë dhe i uron suksese në karrierë”, shkruhet në deklaratën e klubit të Kukësit.

https://www.facebook.com/FKKukesiAlbania/photos/a.313620202116667/1648454408633233/?type=3&theater

29-vjeçari vlerëson kundërshtarin, me të cilin është aktivizuar më parë. Lojtari nga Prishtina ka lënë pas krahëve problemet me klubin, ndërkohë që Cungu po e aktivizon në rolin e qendërmesfushorit . Shkodra nuk e ka problem përshtatjen me rolin e ri, ndërkohë që beson te vazhdimësia e mirë e ekipit.

KUNDËRSHTARI – “Skënderbeu karikon çdo ekip, pasi këto vitet e fundit ka treguar se ka qenë gjithmonë pretendent dhe kampion. Ata janë pretendentë, pavarësisht se kanë humbur disa lojtarë. Ata kanë humbur disa lojtarë, por nuk është e lehtë për t’i mposhtur.”

ROLI I RI – “Tani kam një moshë që kam luajtur goxha futboll dhe nuk i kam problem të zbatoj detyrat ku më jep trajneri. Me eksperiencën që kam mund t’i zbatoj detyrat taktike.”

MARRËDHËNIA ME KLUBIN – “Në çdo klub të botës ka tension dhe marrëdhënie të tilla. Jam i kënaqur që janë shuar dhe janë rregulluar. Ndihem mirë dhe shpresoj që ndeshje pas ndeshjeje të rritem në aspektin fizik.”

RIKTHIMI NË KORÇË – “Kam disa miq atje, është bukur të kthehem dhe të luaj kundër tyre. Tani ne kemi synimet tona dhe shkojmë për fitore në Korçë.”

OBJEKTIVI – “Jemi një grup i mirë dhe po punojmë me seriozitet. Mendoj se nëse punojmë fort, mund të vazhdojmë me këtë ecuri. Barazimi apo fitore? Ne do të mundohemi gjithmonë për fitore dhe jo për barazim, por varet se si shkon dhe loja.”

Më tej Shkodra pranon se nuk ka dhënë ende më të mirën: “Mendoj se këto gjashtë muaj nuk ka qenë të këqija për ne si ekip. Kemi bërë gjëra të mira, por mendoj që individualisht ndoshta mund të bëj më shumë, siç kam bërë vitet e tjera të karrierës sime”.

TEUTA – Mesfushori i Kukësit vlerëson maksimalisht Teutën, kundërshtar me të cilin do përballen të shtunën: “Personalisht mendoj se këtë vit Teuta ka një ekip të mirë, një trajner të mirë dhe them se këtë vit ata do ia bëjnë të vështirë çdo ekipi, gjithashtu edhe neve. Nuk do të jetë ndeshje e lehët, por mendoj se Kukësi nuk duhet të shkojë në një takim me mendimin se nuk do të fitojë”.

REXHINALDO – Sulmuesi kryesor i Kukësit nuk do të jetë i gatshëm për trajnerin Cungu. “Dihen cilësitë e tij, në fakt i dinim kualitetet e tij para se të shënonte tre golat me Tiranën. Normalisht që do na mungojë, pasi për të shënuar ka ardhur. Gjithsesi do tentojmë që mos ta ndjejmë shumë mungesën e tij”, përfundoi Shkodra.

“SportEkspres.com” mëson se Shkodra ka pasur një takim me drejtuesit e Kukësit, ku është riparë dhe një herë kontrata e lojtarit. Në fund lojtari dhe klubi kanë gjetur gjuhën e përbashkët. Klubi nuk e kishte në planet e tij mesfushorin dhe e kishte dërguar tek ekipi i dytë për t’u stërvitur. Shkodra ka pasur një pagë të konsiderueshme dhe ka qen një nga arsyet se pse drejtuesit e kishin në planet për ta larguar, por tani ësht arritur akordi dhe lojtari në fjalë do të jetë i gatshëm për trajnerin Armando Cungu.

Edhe mesfushori tjetër Valon Ethemi do të jetë pjese e ekipit të parë, pasi kujtojmë se ka qenë ne ekipin e dytë, për shkak se kishte pasur një mosmarrvjeshje me drejtuesit dhe këta të fundit e kishin dënuar. Në këtë mënyrë mbyllen edhe dy çështje te Kukësi, duke e normalizuar situatën. Gjërat tani duket se po vihen në udhën e mbarë tek verilindorët, të cilët siç duket gjetën qetësinë që u nevojitej pas suksesit me Tiranën.

“Nuk besoj se ka një çështje Shkodra. Ai është pjesë e klubit të Kukësit sërish, ju e keni parë në formacion, që do të thotë se ka qenë një lojtar që e kemi menduar si një element që mund të kontribuojë për Kukësin. Është pjesë e planeve të tuaja? Është pjesë e Kukësit. Sa kohë stërvitet me Kukësin, patjetër që është pjesë e planeve”, shprehej para ndeshjes me vlonjatët Cungu në daljen para mediave.

Qartë kuptohet se sa e kanë plane mesfushorin te Kukësi. Tanimë është kthyer në një “mundje krahu” dhe duhet parë se kush do të dorëzohet i pari. E sigurt është që Cungu nuk do të thotë më se e ka në plane Shkodrën…

Sigurisht shkodrani nuk është përgjegjës për kontratat e lojtarëve, apo problemet që ata kanë me klubin, por këto situata të krijuara nuk i shërbejnë as atij dhe pjesës tjetër të ekipit.

Shkodrani më pas komentoi edhe largimin e Allës, mohoi të ketë probleme me Donjet Shkodrën, por nga ana tjetër lëshoi një mesazh për presidentin Safet Gjici, pasi kërkon që në ekip të afrohet edhe një lojtar tjetër që të bëjë diferencën.

Takimi i radhës kundër Flamurtarit. Sa e rëndësishme është kjo sfidë?
Çdo ndeshje është e rëndësishme, jo vetëm për ne, por për të gjitha ekipet. Duke futur edhe objektivin që ka Kukësi, ne synojmë tre pikët në çdo ndeshje, sikurse edhe nesër. Ky është objektivi ynë

Sa ka ndikuar barazimi me Laçin? A e ka prekur harmoninë në ekip?
Nuk besoj se ka prekur një ndeshje harmoninë. Ajo nuk duhet prekur kurrë dhe duke qenë një klub profesionist nuk ka arsye të mendohet diçka e tillë. Natyrshëm që dëshira ishte e madhe për ta fituar ndeshjen me Laçin, sikurse dëshira është për të fituar çdo ndeshje. Futbolli i ka të tria rezultatet brenda, normalisht kur nuk menaxhon lojën siç duhet merr edhe ato rezultate që nuk i pret. Kjo na ndodhi me Laçin, edhe pse ishim superiorë. Është ndeshje e lënë prapa. Të shohim përpara tani.

Çfarë ka ndryshuar te Kukësi pas ndeshjes së parë?
Kanë ndryshuar disa individë përsa i përket formacionit. Pres dhe shpresoj edhe në aspektin fizik, pasi isha i vetëdijshëm që ndaj Laçit nuk kishte freskinë e duhur. Kjo pasi nuk ishin bërë tre ditë t plota prej ndeshjes me Torpedon. Ekipi shpenzoi energji dhe kjo ka qenë një nga arsyet se pse ekipi nuk kishte ritmin e duhur në lojë. Nesër shpresojmë të shohim një Kukës me ritëm tjetër.

Keni parë ndonjë defekt kundër Laçit? Jeni munduar t’i rregulloni ato?
Çdo ndeshje ka anët e mira dhe të këqija. Mund të fitosh me goleadë dhe të gjesh gjëra që nuk shkojnë. I ndodh çdo ekipi në botë.  Nuk bëmë mirë në aspektin e finalizimit, mund të shënonim golin e dytë dhe të tretë, por edhe në pësimin e golit gabuam. Ishte një gabim i joni, një dhuratë për kundërshtarin. Kemi punuar gjithë javën dhe shpresoj që nga nesër gabime të tilla të minimizohen. Nuk mund të them të shuhen, pasi është e pamundur.

A është i gjithë grupi?
Kam pak problematika me 1-2 lojtarë. Pres deri nesër rikuperimin e tyre. Kemi lojtarë në dispozicion që duhet të tregojnë vlerat e tyre dhe se e meritojnë që janë pjesë e rëndësishme e ekipit.

Sa e njihni Flamurtarin?
Nuk mund të them jo unë, por asnjë trajner që e njeh Flamurtarin. Kjo pasi është një ekip që ka ndryshuar pothuajse rrënjësisht. I kam parë në ndeshjen kundër Teutës dhe normalisht duke pasur parasysh organizimin dhe kontingjentin, janë një ekip jo i lehtë. Gjithsesi Kukësi ka emrin e vet, kualitetin dhe ambicien e vet, ndaj nuk kemi pse i druhemi asnjë kundërshtari.

Ka një çështje Shkodra, nuk është as në stërvitje…
Nuk besoj se ka një çështje Shkodra. Ai është pjesë e klubit të Kukësit sërish, ju e keni parë në formacion, që do të thotë se ka qenë një lojtar që e kemi menduar si një element që mund të kontribuojë për Kukësin.

Është pjesë e planeve të tuaja?
Është pjesë e Kukësit. Sa kohë stërvitet me Kukësin, patjetër që është pjesë e planeve.

Kur mund ta shohim Kukësin që Cungu do?
Realisht duhet kohë, Kukësi ka ndryshuar shumë, ka shumë ardhje. Në këto kushte duhet kohë, jo mua, por lojtarëve, të cilëve u duhet kohë për t’u ambientuar dhe për t’i vendosur të gjithë në pozicionet optimale të tyre. Dëshira është që të vijnë sa më shpejt. Kam thënë edhe më parë, shpresoj të vijë edhe një lojtar që merr përgjegjësi dhe tregon vlera në rrugën jo të shkurtër. Shpresojmë ta shohim sa më shpejt harmonizimin e këtij grupi.

Alla iku, vjen Krasniqi. Një Kukës më i dobët apo…
Duhet të kuptojmë diçka, që jo çdo herë ndodhin gjërat brenda dëshirave të klubit apo të sportistëve. Alla është larguar me dëshirën e vet. Dëshira e klubit dhe e imja personalisht ishte të rrinte, unë kam këmbëngulur për këtë. Është një lojtar që vlerat ia njihja, sikurse edhe drejtuesit. Kam qenë pjesë e bisedimeve, presidenti e ka thirrur Allën për të pasur një bashkëpunim tjetër. Ai ka preferuar të bëjë zgjedhje tjetër, që jemi të detyruar ta respektojmë.

Kukësi nuk humbet në Vlorë që nga tetori i vitit 2013…
Nuk u besoj këtyre gjërave. Traditës i besoj, por kësaj ne në Shkodër i themi “me qit fall me groshë”. Futbolli është futboll, ndryshojnë kohët, ndryshojnë momentet, ndryshojnë ekipet, ndryshojnë trajnerët. Kjo nuk do të thotë asgjë. Nëse ecim me traditë, Tirana duhet të dilte kampion vjet, Vllaznia të mos binte nga Kategoria. Kështu duhet të fokusohesh me çdo ekip, pasi edhe fëmijët të nxjerrin probleme nëse nuk përqendrohesh, e jo më Flamurtari.