Donis Avdijaj

Avdijaj i jep fund “pushimeve”, firmos në Turqi

Sport Ekspres — Mon, 08 Jul 2019 17:56:15 +0000

Donis Avdijaj është prezantuar si lojtari më i ri Trabzonsporit. Sulmuesit të dalë nga akademia e Shalkes iu ndërpre kontrata me holandezët e Vilem II në muajin janar për shkak të disa shkeljeve disiplinore. Pas pushimeve që zgjatën më shumë se 6 muaj, Avdijaj do tentojë të bëjë kthesën në kampionatin turk.

Kontrata e nënshkruar midis palëve është shumë e veçantë. 22-vjeçari ka firmosur një kontratë 1-vjeçare, ku klubi ka një opsion rinovimi për tri vite të tjera, klauzolë kjo që do të aktivizohet nëse Avdijaj do ia dalë të bindë me paraqitjet e tij.

Donis Avdijaj ve Ahmet Baha Bilgin ile sözle?me imzalad?k

Detaylar ? https://t.co/iQqs7qIuH4 pic.twitter.com/767LLoKEic

— Trabzonspor (@Trabzonspor) July 8, 2019

Firma me ekipin turk është një lajm shumë i mirë dhe për trajnerin e Kosovës Bernard Shaland. Avdijaj është një ndër lojtarët e preferuar të zviceranit, por mbetja pa ekip e të riut shqiptar e bëri të pajustifikueshëm rikthimin e tij në grumbullimet e përfaqësueses.

Një makineri golash, talenti 14-vjeçar thyen rekordin e Avdijajt!

Sport Ekspres — Sun, 02 Jun 2019 15:11:47 +0000

Ende nuk i ka mbushur 15-vjeç, por talenti gjerman Jusufa Mukoko po përmendet gjithmonë e më shumë nga mediet sportive në Gjermani. Sulmuesi bën pjesë në akademinë e Borusia Dortmund, ku po mahnit javë pas jave me golat e tij.

Mukoko aktivizohet me ekipin U17 të verdhezinjve. Pavarësisht se pjesa dërrmuese e kundërshtarëve janë 2 ose 3 vite më të mëdhenj se ai, kjo nuk përbën aspak problem për djaloshin me origjinë kamerunase .

14-vjeçar e mbylli këtë sezon të Bundesligës U17 me një numër rekord prej 46 golash në 25 ndeshje. Tripleta në takimin e fundit ndaj Duisburgut i mundësoi Mukokos thyerjen e rekordit të golave në këtë kampionat, rekord që mbahej prej pesë vitesh nga ish-futbollisti i Shalkes Donis Avdijaj me 44 gola.

???????? #Moukoko-Show in #Brackel. Die #BVB-U17 führt nach 40 Minuten mit 5:0 gegen @arminia. (Video: @RN_Florian) pic.twitter.com/VqQFq6iDxn

— Ruhr Nachrichten BVB (@RNBVB) May 25, 2019

Rekordi i Avdijajt në rrezik, një mega-talent i Dortmundit po çmend Gjermaninë

Sport Ekspres — Tue, 21 May 2019 17:11:42 +0000

Lojtari i përfaqësueses së Kosovës, Donis Avdijaj, ka qenë dikur ndër talentet më premtues të futbollit gjerman. Sulmuesi ishte një fenomen i rrallë në kampionatin e grupmoshave U17 të Bundesligës ku në sezoni 2012/2013 vendosi një rekord që nuk është kthyer edhe sot e kësaj dite: 44 Gola!

Megjithatë, së fundmi një talent tejet i rrallë po bën bujë në futbollin gjerman. Quhet Jusufa Mukoko dhe është pjesë e ekipit U17 të Borusias së Dortmundit. Kur kanë mbetur edhe dy ndeshje nga fundi i kampionatit, Mukoko ka shënuar 39 gola, tri më shumë se sezonin e kaluar.

Megjithatë, ajo çka bën të pabesueshme këto shifra, është fakti që Mukoko ende nuk ka festuar 15-vjetorin e tij dhe arrin të bëjë diferencën kundër lojtarëve tri vite më të madh në moshë se ai.

“Ringjallet” Avdijaj, klubi italian merr në provë sulmuesin

Sport Ekspres — Wed, 27 Mar 2019 16:44:06 +0000

Donis Avdijaj është prej më shumë se një muaji një lojtar i lirë. Sulmuesi i përfaqësueses së Kosovës ndërpreu me marrëveshje bashkëpunimin me klubin holandez Uilem II.

Sipas medieve italiane, 22-vjeçari ndodhet prej dy ditësh në provë te Peskara, klub ku luajnë futbollistët shqiptarë Ledian Memushaj dhe Elhan Kastrati.

Avdijaj ishte dikur një ndër talentet më premtues të akademisë se Shalkes dhe kombëtares së moshave të Gjermanisë, por gjatë viteve të fundit karriera e tij nuk ka pasur zhvillimin që pritej.

Futbollisti nuk aktivizohet prej katër muajsh, çka ka bërë që të mos grumbullohet më nga trajneri i Kosovës Bernard Shaland, pavarësisht se në vitin 2018 ka qenë pjesë e rregullit e përfaqësueses.

Avdijaj “shtegton” në Zvicër, skuadra holandeze nuk ia fal “prapësitë”

Sport Ekspres — Wed, 13 Feb 2019 16:36:53 +0000

Donis Avdijaj është shumë pranë largimit nga klubi i Vilem II, ku luan prej dy sezonesh. Drejtuesit e klubit holandez kanë vendosur ta shesin lojtarin për shkak të sjelljes problematike të 22-vjeçarit.

Sipas medies zvicerane “Blick”, destinacioni i ardhshëm i 22-vjeçarit do të jetë Lucerna. Merkato në kampionatin zviceran mbyllet ditën e premte dhe përfaqësuesit e Lucernës po mundohen të mbyllen sa më shpejt negociatat me palën holandeze.

Avdijaj ka qenë një ndër lojtarët kyç të skuadrës së Vilem II për gjysmën e parë të sezonit, por holandezët u kujdesën që të merrnin masa për largimin e lojtarit të përfaqësueses së Kosovës, duke huazuar për një vit e gjysmë nga Olimpiakosi sulmuesin me origjinë shqiptare Mario Vrushaj, i cili ka bindur në ndeshjet e tij të para në “Eredivisie”.

Avdijaj përjashtohet nga grumbullimi, në Holandë kanë një enigmë

Sport Ekspres — Mon, 24 Dec 2018 15:06:05 +0000

Sulmuesi i përfaqësueses së Kosovës është, Donis Avijaj, nuk ishte pjesë e të grumbulluarve për takimin e Villem II kundër vendasve të Emmen. Arsyeja për këtë ishte një masë disiplinore e ndërmarrë nga trajneri i skuadrës ndaj dhe tre lojtarëve të tjerë të kombësisë gjermae.

Fillimisht u përfol se bëhej fjalë për një shkelje të rregullave të grumbullimit, pasi në disa media u supozua se të katër lojtarët mund të ishin larguar fshehtazi nga hoteli ku po flinin një ditë para ndeshjes, por klubi reagoi duke përgënjeshtruar këtë skenar.

Megjithatë diçka ka ndodhur, pasi vetë trajneri i skuadrës tha në intervistën pas ndeshjes se çdo skuadër ka rregulla që nuk duhen shkelur, dhe se ai pret që lojtarët e tij të sillen në si profesionistë. Mbetet për t’u parë se si do të zgjidhet kjo problematikë midis klubit dhe lojtarëve.

Avdijaj spikat në Holandë, “mbret” i golave në kupë

Sport Ekspres — Tue, 18 Dec 2018 19:47:01 +0000

Donis Avdijaj është një ndër lojtarët që po spikat më së shumti këtë sezon. Sulmuesi i përfaqësuese së Kosovës u transferua verën e këtij viti në radhët holandezëve të Vilemit II, ku ka shfaqur një formë mjaft të mirë si në kampionat, po ashtu dhe në kupë.

Ditën e sotme, Vilemi II luante në shtëpi përballë ekipit modest të AFC, për fazën e 1/8-ave. Vendasit triumfuan me shifrat 3-0, ku çdo gjë u sigurua që në pjesën e parë. Pikërisht, golin e parë të takimit e shënoi Avdijaj, i cili në këtë mënyrë u ngjit në krye të golashënuesve të kupës, me plot 4 realizime, si dhe dy asist.

Gjithashtu, 22-vjeçari ka bindur me paraqitjet e tij dhe në kampionat, teksa është një ndër lojtarët më të rëndësishëm për ekipin e tij. Avdijaj në Eredivisie numëron 4 gola, pas 16 javësh kampionat.

6 – Donis Avdijaj (4 goals & 2 assists) has been directly involved in six of the eight goals @WillemII have scored this KNVB Cup campaign. Valuable.

— OptaJohan (@OptaJohan) December 18, 2018

Zeneli e Avdijaj “shpërthejnë” në Kupën e Holandës

Sport Ekspres — Wed, 31 Oct 2018 20:40:08 +0000

Arbër Zeneli dhe Donis Avdijaj nuk janë kursyer me ekipet e tyre në Kupën e Holandës. Sulmuesi anësor i Herenvenit këtë sezon nuk po shënon si zakonisht, por po spikat me asistet e dhëna. Sot në kupë kundër Groene Ster provoi të realizonte gol.

Herenveni arriti të fitonte 1-3 dhe u kualifikua në 1/16-at e Kupës, ndërkohë që Zeneli shënoi golin e avantazhit 1-2 për ekipin etij. Ky është goli i dytë sezonal për sulmuesin, që ka provuar të shënojë edhe në kampionat një gol.

Donis Avdijaj me fanellën e Vilem II realizoi dygolësh në takimin kundër Spankenburg. Skuadra e sulmuesit bëri detyrën, duke fituar me rezultatin 5-0. Avdijaj realizoi golin e tretë dhe të katërt për skuadrën e tij në pjesën e dytë.

Humbasin Salihi e Grezda, tifozët e Reinxhërs godasin anësorin

Sport Ekspres — Sun, 30 Sep 2018 14:50:20 +0000

Një fundjavë aspak pozitive për Hamdi Salihin dhe ekipin e tij. Nojshtadi humbi në shtëpi përballë Riedit me rezultatin 0-3, ndërsa shkodrani u aktivizua gjatë gjithë ndeshjes, por pa arritur të gjejë golin. Ekipi i Salihit ndodhet në vendin e 11-të në kuotën e 12-të pikëve, nëntë më pak se kryesuesit e BW Linz.

Humbje dhe për Gllasgou Reinxhërs, që humbi në transfertë përballë ekipit të Livingstonit me rezultatin 1-0. Menga shënoi golin e fitores për vendasit, ndërsa Eros Grezda ishte i pranishëm në stol. Trajneri Xherard vendosi të mos i jepte asnjë minutë gjakovarit, ndërsa kjo humbje e mban Reinxhërsin në vendin e gjashtë me 11-të pikë, shtatë më pak se kryesuesit e Hartsit.

Një fitore historike për Livingston, që arrin të triumfojë përballë Reinxhërs pas 16 viteve. Gjatë ndeshjes së sotme ndodhi dhe një episod negativ, ku tifozët e Reinxhërs goditën anësorin e ndeshjes.

Play halted in Rangers v Livingston game as Assistant Referee is struck by an objecthttps://t.co/vEJrLoFaGv pic.twitter.com/HJq6AQqLTl

— Scottish Sun Sport (@scotsunsport) September 30, 2018

Pa pikë e ka mbyllur dhe Donis Avdijaj i Uillem II, që u mposht në transfertë me De Gras’shafin me rezultatin 2-1. 22-vjeçari ka luajtur gjatë të gjithë takimit, por pa arritur të ndihmojë ekipin e tij që të shmangë humbjen. Uillem II e mbylli ndeshjen me nëntë lojtarë, pas daljeve me të kuqe të Akainak në minutën e 18-të dhe Palasios në minutën e 64. Miqtë ishin të pafat, pasi Ljuis shënoi autogol një minutë përpara fundit, duke i dhuruar tre pikët vendasve.

Avdijaj rikthehet te goli në ndeshjen “thriller”

Sport Ekspres — Sat, 22 Sep 2018 18:52:26 +0000

Sulmuesi i përfaqësueses së Kosovës, Donis Avdijaj ka gjetur golin e tij të tretë në kampionatin holandez me skuadrën Vilem II. 22-vjecari shënoi golin e tretë në transfertën ndaj Fortuna Sitardit, një ndeshje kjo që u mbyll me rezultatin 4-4.

Avdijaj finalizoi një kundërsulm të skuadrës së tij duke çuar shifrat përkohësisht në 2-3. Sulmuesi është një produkt i akademisë së Shalkes dhe vite më parë konsiderohej si një ndër talentet më premtues i futbollit gjerman.