Maldini e bëri të qartë se talenti nuk do të shitet dhe dëshiroi ta konfirmojë këtë, duke vënë portierin të prononcohet në seancën e parë stërvitore pas pushimeve. Ai shprehet se ndihet i emocionuar çdo fillim sezoni.

Thotë se po përmirësohet çdo ditë e më shumë. Falenderon Milanin që edhe pse i ri, e bën të ndihet burrë. Është rikuperuar nga dëmtimi që pësoi në fund të sezonit dhe pret të stërvitet me grupin.

“Kam ardhur pak më herët për të qenë gati të nis stërvitjen me pjesën tjetër të ekipit. Më erdhi shumë keq që e lashë ndeshjen e fundit ndaj SPAL aq shpejt. Gjithsesi, jam gati për sezonin e ri. Takimi i parë me skuadrën gjithmonë më ka emocionuar.”

”Më duket gjithmonë si hera e parë. Do bëjmë maksimumin të kthehemi në Evropë. Dështimi i vitit të kaluar në 10 minutat e fundit shpresoj të na shërbejë për mirë. Jam rritur dhe kam mësuar shumë gjëra. Falë Milanit e ndiej veten më burrë. Dua të vazhdoj të piqem si në fushë dhe jashtë saj”, përfundoi Donaruma.

Sipas “Sky Sports”, PSG është e gatshme t’i ofrojë Milanit portierin Alfons Areola dhe 30 milionë në këmbim të kartonit të Donarumës. Megjithëse 20-vjeçari është një produkt i akademisë së Milanit, fërkimet midis agjentit të tij dhe klubit nuk kanë munguar, sidomos dy vite më parë kur u diskutua çështja e nxehtë e rinovimit.

Një tjetër faktor që mund të vërë Milanin me shpatulla mbas murit është situata kritike në të cilën ndodhen raportet e klubit me UEFA-n për shkak të shkeljeve të njëpasnjëshme të bëra rregullave të “Financial Fair Play”.

Ndeshja pati një fund shumë të dhimbshëm pasi Milani po kryesonte me një gol të Salës të realizuar në minutën e 13-të. Një fitore do i siguronte një mundësi për të shkuar në “play-out”, por nuk ishte e thënë.

Në sekondat e fundit të kohës shtesë, toskanët barazojnë me anë të Pierozit dhe më pas gjithçka mbaroi për Milanin që vitin tjetër do të jetë pjesë e divizionit të dutë: Primavera 2. Gjatë viteve të fundit ekipi Primavera i Milanit nuk ka spikatur në kampionat, por gjithsesi ekipi i parë ka përfituar jo pak, duke siguruar lojtarë si Patrik Kutrone, Davide Kalabria dhe Xhanluixhi Donaruma.

Pjesa e parë u karakterizua me raste nga të dyja palët. Një veprim individual i Susos i jep avantazhin Milanit, ndërsa në fraksionin e dytë të lojës Borini dyfishon avantazhin, por Bolonja përgjigjet pesë minuta më vonë me Destron.

Në minutën 77-të, Paketa tradhtëohet nga nervat duke shtyrë arbitrin pas një kartoni të verdhë prej të cilit humbi ndeshjen e radhës ndaj Fiorentinës. Gjithsesi për fatin e mirë të Milanit, Bolonja nuk mundi ta shfrytëzonte siç duhej avantazhin numerik, kjo dhe falë disa pritjeve fantastike të Donarumës. Në fund nervat kapën dhe lojtarët e Bolonjës që morën dy kartonë të kuq për shkak të protestave ndaj  arbitrit.

Një tjetër moment pikant i këtij takimi ishte një debat në stol midis Bakajokos dhe Gatuzos, një episod ky që nuk i shpëtoi regjisë italiane.

Milan 2 – 1 Bolonja
Shënues: Suso 37’, Borini 68’ / Destro 82’

Sipas “Sportmediaset”, drejtuesi i lartë i Milanit, Leonardo, ka filluar bisedimet me agjentin e njohur Mino Raiola për të rinovuar kontratën e portierit Xhanluixhi Donaruma. Marrëveshja aktuale e italianit përfundon në vitin 2021, ndërsa Leonardo synon që të arrijë një marrëveshje për tri sezone të tjera.

Negociatat nuk do të jenë aspak të lehtë pasi Donaruma është një ndër portierët më të lakmuar në botë për shkak të aftësive që ka dhe moshës së re. Aktualisht 20-vjeçari është lojtari më i paguar i Milanit me një pagë sezonale prej 6 milionë eurosh në sezon.

“Është shumë e thjeshtë. Ai tashmë është një burrë. Ka mësuar si të jetë zot i jetës së tij, por edhe i ndeshjes. Tani pas një gabimi ai nuk e humb kontrollin. Para disa muajsh në të njëjtën situatë ai do të kishte humbur shumë vetëbesimm tani është ndryshe”.

“Në ndeshjen ndaj Romës, gaboi në një harkim në zonë, por e korrigjoi pak sekonda më vonë me një pritje fantastike. Ai nuk është më ai talenti me potencial të pamasë, por një profesionist që po tregon vlerat e tij ndeshje pas ndeshje”.

Gjithsesi, “djalli” pavarësisht se kaloi në avantazh në minutën e 17-të me Kutronen, u barazua vetëm pas katër minutash. Ishte pikërisht ish-lojtari i tyre, Rikardo Saponara, i cili shënoi për Samporian, duke vënë kështu një rekord për klubin e Milanit. Kuqezinjtë tashmë pësojnë gol për të 15-tën herë rresht në kampionat dhe kjo gjë përbën një rekord negativ, i cili ka ndodhur vetëm në vitin e largët 1946.

Ndeshja e fundit për Milanin që arriti të mbante portën të paprekur në Serinë A, ishte në muajin prill, konkretisht 15 prillin e këtij viti, kur luanin ndaj Napolit në “San Siro”. Në atë kohë ai takim u mbyll me rrjeta të paprekura, ku ekipet ndanë nga një pikë. Ndeshjen e ardhshme kuqezinjtë e luajnë ndaj Xhenoas në mesajvë.

Ç’është e vërteta Donaruma ka qenë i përfolur për një lëvizje të mundshme, megjithatë ai vendosi që të qëndronte tek kuqezinjtë. Portieri flet dhe për tema të tjera, ku tregon se kritikat që shkojnë në adresë të tij lëndojnë më shumë mamanë e tij sesa atë vetë.

“Nuk ka ndryshuar asgjë tek ekipi ynë. Unë jam ai i njëjti, si më parë. Kur ke besim rritesh shpejt dhe si njeri ashtu dhe profesionalisht. Cili është numri më i rëndësishëm për mua? Ai i të dashurës, (qesh) do të thosha numri i menaxherit tim, Raiolës. Sa i përket kritikave që marr, më shumë ajo që mërzitet është nëna ime”.