Pritej në Shijak, Mëllugja zgjedh Superioren: Kam firmosur!

Sport Ekspres — Tue, 25 Jun 2019 11:20:08 +0000

Ditë më parë, tek Erzeni deklaruan se kishin hyrë në bisedime me mesfushorin matjan të Besës, Donald Mëllugja. Madje të martën paradite ai pritej që të firmoste me shijakasit, por nuk ka ndodhur kështu. Vetë Mëllugja deklaron për SportEkspres.com se ka nënshkruar me një skuadër në Kategorinë Superiore dhe pikërisht me Bylisin e Ballshit.

“E pashë më të arsyeshme ofertën që më bëri klubi i Bylisit. Pa hezituar kam nënshkruar të hënën në mbrëmje një kontratë 2-vjeçare, me opsion rinovimi edhe për një vit tjetër. Zgjodha Bylisin, jo vetëm se është skuadër e Kategorisë Superiore e do kishte prioritet para atyre në Kategorinë e Parë, por edhe për synimet ambicioze që ka kjo skuadër në këtë sezon”, theksoi mesfushori Mëllugja.

Ai flet edhe për ofertën e marrë nga Erzeni: “Unë i falenderoj drejtuesit e skuadrës së Erzenit, sepse ishin të parët në këtë merkato që më kontaktuan. Ata kërkuan që unë të bëhesha pjesë e kësaj skuadre për sezonin e ri. Besoj se duhet të më mirëkuptojnë në këtë zgjedhje personale, ndërsa në skuadrën e re do tregoj vlerat e mia më të mira”.

AGRON KAJA

Goditje dyshe e Besës, afrime edhe nga Superiorja

Sport Ekspres — Sat, 25 Aug 2018 07:58:00 +0000

Besa vijon serinë e përforcimeve dhe ditën e djeshme ka bërë dy zyrtarizime. Një prej lojtarë të afruar është marrë nga Kamza. Bëhet fjalë për Albi Koldashin, i cili kishte nënshkruar këtë verë për dy vite me klubin e Superiores, por tanimë bën një tjetër lëvizje.

https://www.facebook.com/349873605028455/photos/a.796132433735901/2353010514714744/?type=3&theater

Është përfolur për një huazim të Koldashit, por kavajasit njoftojnë se kanë nënshkruar për tre vite me mesfushorin. “Albi Koldashi zyrtarisht pjesë e KS Besa për 3 vitet e ardhshme. 21-vjecari vjen nga ekipi i Kamzës, gjithashtu ka qenë pjesë e FK Kukësi për 2 sezone”, njofton klubi i Besës.

Lojtari tjetër i marrë nga verdhezinjtë është Donald Mëllugja. Mesfushori e mbylli sezonin e fundit të Burreli, ndërkohë që kishte provuar një eksperiencë edhe me Ilirinë e Fushë-Krujës. Në Kavajë do të bashkohet me Kastriot Ramën (ish-administrator i Burrelit), i cili është trajner i portierëve.

“Donald Mëllugja firmos për 3 vite me KS Besa. Mesfushori nga Burreli ka arritur marrëveshjen me drejtuesit dhe ditën e sotme ka firmosur kontratën në ambientet e klubit”, përfundon njoftimi i klubit kavajas.