Pjesa e parë ishte pa shumë raste, pavarësisht se Tirana kërkonte me ngulm golin. Gjithsesi, kavajasit do të ishin ata që do të shënonin të parët. Sulmuesi Onuh do të ndëshkonte kryeqytetasit në minutën e 57’ të sfidës.

Tirana nuk u shokua nga ky gol dhe vetëm 6 minuta më vonë, Muçi barazoi gjithçka. Ndeshja dukej se do të mbyllej në barazim, por 8 minuta nga fundi i sfidës, Muçi do të gjente rrjetën përsëri dhe do të kalonte për herë të parë në avantazh Tiranën.

Do të kishte kohë edhe për një gol të mbrojtësit Doka në minutën e 85’, gol ky që vendosi rezultatin përfundimtar të takimit, 3-1. Një paraqitje pozitive kjo për ekipin e drejtuar nga Ardian Mema, që tashmë synojnë të ruajnë këtë ecuri edhe në ndeshjet zyrtare.

 Miqësore, 16 janar 2019, ora 13:30

“Skënder Halili”, Tiranë

Tirana – Besa   3-1
Shënues: Muçi 63’ 82’, Doka 85’ / Onuh 57’

Tirana: Abibi, Kerciku, Imami, Turtulli, Hoxhallari, Karabeci, Mauexhe, Hasani, Halili, Greca, Ngo Trajner: A. Mema

Besa: Miraka, Çaço, Shaljani, Dikson, Biba, Deliu, Mëllugja, Çelhaka, Cara, Ejoh, Çekiçi. Trajner: G. Magani

Të dy lojtarët e Superiores janë besimplotë se do të bëjnë mirë ndaj Spanjës këtë të enjte në kryeqytet dhe Estonisë pak ditë më vonë në transfertë. Fillimisht ishte Doka, i cili tregoi se të gjithë e dinë forcën e spanjollëve, por ai dhe skuadra do të bëjnë më të mirën e tyre: “Përballë në këto dy ndeshje të fundit kemi Spanjën dhe Estoninë. Nisim me një kundërshtar shumë të fortë, por futemi në fushë pa frikë. Tashmë potencialet e një skuadre si Spanja njihen, por ne do të bëjmë më të mirën tone, duke dhënë më shumë se maksimumin në fushë. Kërkojmë që të bëjmë një mbyllje sa më pozitive të kompeticionin në këto eliminatore. Mendoj se kemi bërë ndeshje të mira dhe mbase me pak kujdes mund të kishim më shumë pikë tani, por jemi ndëshkuar nga gabimet tona. Sidoqoftë kemi bërë lojën tonë dhe kemi pasur shanset tona. Edhe me Spanjën e Estoninë do të japim më të mirën tonë”

Më pas ishte radha e kapitenit Selmani që beson se nëse ai dhe shokët e skuadrës do të japin më të mirën nga vetja mund të marrin dhe një rezultat pozitiv: “Edhe pse jemi jashtë objektivit për kualifikim tashmë, vlerësojmë maksimalisht këto dy ndeshje. Jemi një skuadër që gjatë ndeshjeve në grup kemi dhuruar emocione, por në momente të ndryshme na ka munguar edhe përqendrimi deri në fund të ndeshjes për të arritur në rezultatin pozitiv. Spanja është shumë e fortë, por ne do të futemi në fushë pa këtë ndrojë, por duke dhënë 200 për qind të mundësive tona, pse jo për të arritur edhe një rezultat pozitiv”.

Në fushë nga minuta e parë në prapavijë portieri Ilion Lika. Në mbrojtje kthehet Uellison, që së bashku me Kërçikun, Turtullin dhe Hoxhallarin plotësojnë prapavijën. Mesfusha është e përbërë nga Daja, Mauexhe dhe Karabeci që dje ka qenë me grip. Nëse lojtari nuk ia del, atëherë njëri prej Qilimit ose Grecës do të jetë në fushë në vend të kapitenit. Djathtas ndeshjen e nis Sentamu me Dokën që mund të jetë në stol. Majtas luan Greca ose njëri prej dyshes Halili-
Çelhaka. Në sulm do të luajë i vetëm Majkëll Ngo. Mund të ketë edhe spostime të Grecës në qendër, nëse Karabeci nuk ia del dhe Çelhaka ose Halili të luajë majtas.

Formacioni i mundshëm
Lika  – Kërçiku, Uellison, Turtulli, Hoxhallari – Sentamu, Daja, Mauexhe, Greca – Karabeci -Ngo

Klubi korçar pret ende vendimin e Tiranës për Dokën dhe sot ka bërë ofertën e fundit zyrtare: 150.000 euro, të ndara në dy këste, tani dhe në janar.

Shifër e konsiderueshme, për një talent që ka vetëm një sezon në Superiore dhe duhet të konfirmohet.

Skënderbeu është gati të vërë bast për të, Tirana mendohet, Doka pret dhe trajneri ze Maria është kundër.

48 orë dhe historia do të marrë fund, të paktën deri në janar.

“Albi Doka është shumë pranë Skënderbeut”. Ky ishte lajmi që burime shumë pranë klubit Tirana bënin me dije dje. Sipas tyre, futbollisti do të kalojë tek korçarët, që kanë lejuar kthimin e Sebino Plakut bardheblu. Thashetheme që në fakt qarkullojnë prej ditësh dhe të paktën nga Korça nuk ka pasur asnjë reagim zytar. Ndërkaq, vetë Doka dhe klubi bardheblu nuk e konfirmojnë një lajm të tillë. Klubi, i kontaktuar dy ditë rresht, e ka mohuar preras një fakt të tillë. Edhe trajneri Ze Maria është shprehur të shtunën se merkatoja është mbyllur dhe Albi Doka nuk largohet. Klubi ka mbajtur një qëndrim të patundur dhe shprehet se lojtari nuk do të lejohet të largohet nga ekipi bardheblu, pasi ka një kontratë tre-vjeçare. Nëse do të ndodhë ndonjë marrëveshje, atëherë do të jetë vetëm Refik Halili ai që do të japë viston që Doka të shkojë në Korçë. Ndërkaq, mësohet se Sebino Plaku mund të jetë pjesë e kësaj marrëveshjeje dhe të kthehet te Tirana ku e presin krahëhapur. Merkatoja është ende e hapur dhe ka kohë për të konkretizuar gjithçka, nëse arrihet marrëveshja, por Skënderbeu ka dalë blof deri tani dhe fakti që ka dorëzuar listën e federimeve në Europa League bën që Doka të jetë shumë larg.

Kështu, Albi Doka është gjithnjë e më shumë drejt largimit nga Shqipëria dhe oferta më serioze është pikërisht nga Osijeku, që mori edhe dy afrikanët.

Klubi kroat ka shtuar ofertën e parë, duke kërkuar edhe Dokën, me mbrojtësin që mund të huazohet një vit te Videotoni në Hungari, nëse realizohet operacioni. Tirana po mendohet, por Doka duket gati për hapin e madh dhe pret, ndërsa Tirana do të pranojë nëse mban ndonjë përqindje të kartonit.

Nuk mbaron me kaq, sepse Elvi Berisha është zbulimi i radhës te bardheblutë. Mesfushori 18-vjeçar habiti vëzhguesit në ndeshjet kundër Makabit, duke luajtur titullar në Izrael dhe duke bërë një figurë të mirë.

Berishën e duan në Spanjë dhe tashmë duket e kryer me Leganesin, që e kërkon mesfushorin e ri për ta çuar tek ekipi B, për t’u rritur.

Tirana mund të marrë paratë e formimit të futbollistit, por shifra nuk dihet ende saktësisht, sepse duhet parë formula e transferimit, nëse do të realizohet.

Hajduku ka kohë që e ndjek talentin bardheblu dhe i ka bërë edhe një ofertë Tiranës, duke mbetur vetëm detaje të vogla për t’u kompletuar. “Sport Ekspres” shkruante më 29 qershor se Doka pas dy ndeshjeve kundër Makabit do të transferohet në Kroaci, ndërsa nuk dihej ende nëse Tirana do ta shiste tërësisht talentin e vet, apo do të mbante një përqindje të kartonit në rast rishitjeje, pasi qartësisht Hajduku shpreson ta vlerësojë dhe ta shesë shumëfish.

Tani gazeta mëson se talenti bardheblu me shumë gjasa do të jepet në huazim për një vit, me Hajdukun që do të ketë të drejtën e blerjes pas një viti, por me shifra më të larta se oferta që i ka bërë këtë verë Tiranës.

Sido që të shkojë, do të ishte një biznes i mirë për Tiranën, sepse edhe nëse Hajduku vendos të mos e mbajë, Tiranës i kthehet një mbrojtës 21 vjeç, shumë më i pjekur dhe gati për Superioren e mundshme, nëse nuk vijnë oferta të tjera.

Mediet izraelite bëjnë me dije se lojtari është pëlqyer nga drejtuesit e skuadrës më të madhe në këtë vend, që është edhe kundërshtari i Tiranës, ditën e enjte. Në fakt janë shumë skuadra janë bërë që e kërkojnë shqiptarin. Lugano, Grasshopers, kroatët e Hajdukut të Splitit dhe belgët e Gentit e kërkojnë futbollistin. Madje pardje ishte edhe një “ushtri” menaxherësh në stadium për ta parë nga afër.

Hajduku ka kohë që e ndjek talentin bardheblu dhe i ka bërë edhe një ofertë Tiranës, duke mbetur vetëm detaje të vogla për t’u kompletuar. Me shumë gjasa, Doka pas dy ndeshjeve kundër Makabit do të transferohet në Kroaci, ndërsa nuk dihet ende nëse Tirana do ta shesë tërësisht talentin e vet, apo do të mbajë një përqindje të kartonit në rast rishitjeje, pasi qartësisht Hajduku shpreson ta vlerësojë dhe ta shesë shumëfish.

Për lojtarin e Tiranës në tavolinën e klubit bardheblu thuhet se ka një ofertë 350 mijë euroshe. Kualiteti dhe garancia që ka dhënë në fushë në gjysmën e dytë të sezonit u shoqëruan me interesin e disa klubeve europiane për mbrojtësin e djathtë. Në këtë sezon, Doka debutoi në çerekfinalet e Kupës ndaj Kukësit, duke regjistruar 5 ndeshje në këtë aktivitet. Aq mjaftoi që ai të kthehej në titullar fiks te skuadra e Josës, duke u aktivizuar edhe në 17 ndeshje të kampionatit. Oferta prej 350 mijë eurosh për kartonin e Dokës për momentin nuk është prekur nga Tirana, por gjasat janë që ajo të pranojë të shesë futbollistin e saj, zbulim i 2017-ës, që ka bërë bujë edhe jashtë kufijve.

Synimi, natyrisht, është figura e mirë përballë një rivali superior dhe përtej kualifikimit, synohet që të reklamohen disa nga emrat më të kërkuar te klubi bardheblu.

“Sport Ekspres” mëson se në stadium do të jenë të pranishëm edhe drejtusit e Hajdukut të Splitit, klubit të famshëm kroat.

Synimi është ndjekja nga afër e Albi Dokës, mbrojtësit të talentuar të Tiranës, që po provohet në mesfushë nga Ze Maria.

Hajduku ka kohë që e ndjek talentin bardheblu dhe i ka bërë edhe një ofertë Tiranës, duke mbetur vetëm detaje të vogla për t’u kompletuar. Me shumë gjasa, Doka pas dy ndeshjeve kundër Makabit do të transferohet në Kroaci, ndërsa nuk dihet ende nëse Tirana do ta shesë tërësisht talentin e vet, apo do të mbajë një përqindje të kartonit në rast rishitjeje, pasi qartësisht Hajduku shpreson ta vlerësojë dhe ta shesë shumëfish.

Zakonisht gurët e çmuar nuk shiten! Por në momente “halli” ata të shpëtojnë. Të tillë për Tiranën janë edhe Mervejl Ndokit, Albi Doka dhe Erion Hoxhallari. Të tre të rinj, shumë premtues dhe me të ardhme të ndritur. Këtë e di shumë mirë Refik Halili dhe ai së bashku me njerëzit e tij ka hartuar një plan. Të shesë gjatë verës “triadën e parave” për të shpëtuar ekipin nga borxhet dhe për të garantuar sezonin e ri. Të tre lojtarët duhet të sjellin një milionë euro në arkat e klubit, pasi për lojtarët ka oferta pa fund. I fundmi është Albi Doka, që është futur në listën e atyre, që do të shiten. Radha për mbrojtësin është e gjatë. Po kështu, Tirana mendon që të largojë në çdo rast, qëndron apo jo në Superiore, tre lojtarët. Të tre, me të gjitha gjasat do të largohen deri në gusht, por bardheblutë duan që përveç shitjes të mbajnë pronësinë edhe për 20 përqind të kartonëve të tre lojtarëve. Një investim shumë i mirë për të ardhmen, pasi në një transfertë të dytë ata do të përfitonin sërish para.  

Mervejl Ndokit

Presidenti i Tiranës kohë më parë deklaroi në TV që ka oferta deri në 700 mijë euro për talentin afrikan, por nuk e ka shitur. Dhe realisht Mervejl Ndokit këtë sezon ishte një ndër lojtarët më interesantë të Tiranës. Disa klube të huaj ishin interesuar për të. 18-vjeçar, futbollist i kombëtares së Kongos dhe titullar që në sezonin debutues në Superiore, ku shënoi edhe 5 gola, me të drejtë Mervejl është “xhevahiri” i klubit bardheblu. Por tani atij i ka ardhur ora për t’u shitur. Tirana shpreson ta reklamojë në Europa League, por nëse më herët vjen ndonjë ofertë joshëse, do ta pranojë pa thënë dy fjalë. Dy menaxherë të huaj, me dijeninë e Tiranës, kanë ndjekur Mervejlin në finalen e kupës, ku paraqitja e afrikanit ishte mjaft pozitive. Në teori, Tirana kërkon rreth 500.000 euro, por është e qartë që edhe për më pak se aq gjithçka mund të mbyllet me sukses dhe të gjithë të jenë të lumtur.

Albi Doka

Albi Doka është një tjetër futbollist që mund të lërë Shqipërinë. Lugano, Grasshoppers, kroatët e Hajdukut të Splitit dhe belgët e Gentit e kërkojnë futbollistin. Madje pardje ishte edhe një ushtrim menaxherësh në stadium për ta parë nga afër. Për lojtarin e Tiranës në tavolinën e klubit bardheblu thuhet se ka një ofertë 350 mijë euroshe. Kualiteti dhe garancia që ka dhënë në fushë në gjysmën e dytë të sezonit u shoqëruan me interesin e disa klubeve europiane për mbrojtësin e djathtë, ndërsa te Tirana ka ardhur edhe oferta e parë konkrete. Në këtë sezon, Doka debutoi në çerekfinalet e Kupës ndaj Kukësit, të luajtur më 1 shkurt, duke regjistruar 5 ndeshje në këtë aktivitet. Aq mjaftoi që ai të kthehej në titullar fiks te skuadra e Josës, duke u aktivizuar edhe në 17 ndeshje të kampionatit. Oferta prej 350 mijë eurosh për kartonin e Dokës për momentin nuk është prekur nga Tirana, por gjasat janë që ajo të pranojë të shesë futbollistin e saj, zbulim i 2017-ës, që ka bërë bujë edhe jashtë kufijve.

Erion Hoxhallari

Pogradecari i bardhebluve është një nga më të mirët e sezonit. Ka luajtur vetëm dy ndeshje më pak se Ilion Lika dhe ndoshta është lojtari me më shumë minuta në Superiore, veç portierëve. Prej kohësh lojtari shkëlqen në fushë, pikërisht në krahun e majtë. Erion Hoxhallari, në korrik hodhi firmën 2-vjeçare dhe është nën kontratë. Ish-mbrojtësi i skuadrës Shpresa vazhdon rrugën e nisur vite më parë në ekipet zinxhir të Tiranës. Por tani çështja është e ndërlikuar dhe duhet të lërë bardheblutë, edhe pse Hoxhallari është një nga investimet më të vlefshme që klubi ka bërë gjatë viteve të fundit, pasi ai ka gjetur hapësira aktivizimi në ekipin e parë që në moshë të vogël. Edhe për Hoxhallarin ka pasur oferta dhe gjasat janë që lojtari të largohet nga bardheblutë. Shkurt, të tre futbollistët janë në shitje. Tirana kërkon të marrë nga të tre 1 milionë euro. Kështu realisht do të shpëtohej sezoni. Të paktën një gjë po i shkon mirë kësaj Tirane. Futbollistët, por Halili me shokë duhet të jenë të zgjuar në merkato…gjithmonë nëse duan 1 milionë eurot.

Mervejl Ndokit

Vjeç: 18

Ndeshje: 36

Minuta: 3054

Gola: 5

Albi Doka

Vjeç: 19

Ndeshje: 22

Minuta: 1887

Gola: –

Erion Hoxhallari

Vjeç: 21

Ndeshje: 41

Minuta: 3690

Gola: 3

Tetë vite më parë Albi Doka ishte 12 vjeç. Fëmijëria e tij futbollistike nuk ka qenë e thjeshtë. I rritur në një lagje të kuqe (Shkolla e Bashkuar) me një shall bardheblu në qafë nuk e pengonte t’i shihte të gjithë në sy nëpër rrugica ku pasi luante futboll e mbante kokën lart: unë jam tifoz i Tironës. Në majin e 2009-ës ai iu drejtua stadiumit “Qemal Stafa” me një ëndërr: ekipi i tij i zemrës të shpallej kampion. “Isha fare fëmijë dhe atë ditë kam qarë nga lumturia. Qëndroja mes tifozëve “Fanatics”. Për mua ishte një ëndërr. Kisha një arsye më shumë për t’u rikthyer në lagje”. Tirana atë ditë mundi 2-1 Vllazninë, duke ngritur lart për të 24-ën herë trofeun e madh. “Jeta është e cxuditshme. Gjashtë ditë më parë shkova në “Loro Boriçi” për të luajtur ndeshjen e mbijetesës. Këtë radhë qava nga hidhërimi. Asnjë problem. Jeta vazhdon. Ne një ditë do të dalim sërish kampionë”.
…
Më shumë se një vit më parë, Shpëtim Duro ish-trajneri i Partizanit në pushim të pjesës së parë në finalen e të rinjve mes të kuqve dhe Tiranës kap nga krahu drejtorin sportiv bardheblu, Devi Muka: “Si ka mundësi që ky djalë nuk luan me ekipin e parë. Ky është një fenomen”. Shpejtësi, forcë, grintë dhe mbi të gjitha shumë personalitet. Një kapiten i lindur! Tirana pas disa muajsh i ofroi një vend titullari në skuadrën e parë. “Hera e parë që shkela te Tirana ishte 12 vjeç”, – thotë Doka. – “Ishte një gjë normale. Familja ime është e tëra bardheblu dhe unë nuk mund të isha ndryshe. Ishte si një ëndërr. Trajneri im i parë ka qenë Fatjon Fagu”. Që nga ajo ditë jeta e tij ndryshoi. “Unë dhe futbolli jemi një gjë e lindur. Shkolla nuk bën për mua. Jam shumë i lidhur me familjen, kam marrë patentën dhe kam një BMV”. Çfarë do më shumë nga jeta një adoleshent? Doka në 26 qershor do mbushë 20 vjeç, dhe pas lotëve të finales me Vllazninë fshihet një forcë e jashtëzakonshme karakteri para finales me Skënderbeun. “Në dhomat e zhveshjes u thashë të gjithëve. Dalim dhe i mundim këta. Kjo Kupë është e jona. Nuk mund ta falnim”. Flet gati, gati si një lider. “Tirana është për mua gjithçka. Më duket sikur kam lindur për të luajtur futboll e për të luajtur me këtë fanellë”. Në futboll kohërat kanë ndryshuar. Me aq shumë talent dhe karakter me siguri shumë shpejt do largohet nga Shqipëria. “Atë ditë që pashë lamtumirën e Totit u ndjeva keq. Të jetë për mua, nuk iki kurrë nga ky ekip dhe bëhem një Toti. Por si i thonë fjalës, ëndrrat janë falas dhe unë një ditë dua të luaj në serinë A me Interin”. Lojtari i tij i preferuar ka qenë Maikon, ndërsa te shqiptarët ka idhull Hysajn. “Një ditë do shkoj në kombëtaren e madhe. Dua ta zëvendësoj. Dua të bëhem si ai”. Çfarë guximi.
…
Në derbin e tretë të sezonit, Mentor Mazrekaj u fut në dhomat e zhveshjes dhe flaku fanellën. Starova e kish zëvendësuar. Fajtor ishte Doka. Mazrekaj e përgëzoi. Për 45 minuta ia kish dalë ta nxirrte jashtë loje. Mazrekaj nuk është i vetëm. Vangjeli është ankuar se Doka është një “rrodhe”, ndërsa Latifi morri karton të verdhë nga nervozizmi me duelin me të. Ai luan në të djathtë, kudo në krah. Mund të bëjë mbrojtësin, mesfushorin dhe sulmuesin. “Unë luaj futboll, nuk ka rëndësi fare pozicioni. Luaj ku të dojë trajneri, jap gjithçka dhe nuk dorëzohem”. Futbolli është më i thjeshtë se çfarë e mendojnë disa.
…
Jeta është një “portokall” i madh. Vitin që Doka filloi futbollin Tirana doli kampion, e Partizani ra nga kategoria. Këtë sezon Partizani ishte shumë pranë titullin, ndërsa Tirana e sheh veten një kategori më poshtë. Në derbin e fundit shkaktoi një 11-metërsh. “Betohem për shallin bardheblu që nuk kam bërë asnjë faull. Batha e vodhi atë penallti. Megjithatë nuk ka asnjë problem. Në futboll ndodhin. Bravo u qoftë atyre që fituan. Një ditë do t’i mundim sërish”. Ndonjë lot më shumë nuk e bën qaraman. “Në Shkodër kam bërë një ndeshje të madhe. Të gjithë dhamë maksimumin. Qava sepse nuk e imagjinoja dot, që me mua në fushë skuadra do binte. Megjithatë tani ka kaluar. Nuk do rrimë më të qajmë, fituam kupën dhe do shohim përpara. Jemi krenar për fanellën që mbajmë veshur dhe duhet ta respektojmë e të japim gjithçka. Nuk mund ta hedhim poshtë ne gjithë atë histori”. Të duket sikur ka 97 vite që jeton në këtë komunitet.
…
Doka është një shembull i mirë. Sigurisht që si ky mund të gjesh me kokrra, por sikur në këtë klub dhe jo vetëm të punohet edhe më shumë me ekipet zinxhir, çdo vit mund të sjellësh në sallën e madhe të futbollit, të rinj të fortë, me karakter, të talentuar, besnik të fushës dhe fanellës. Përtej romantikes, ky djalë sot është një thesar për klubin. Kushedi sa vlen në treg dhe një ditë me siguri Tirana do ta shesë duke fituar qindra mijëra euro. Në futbollin që shpesh quhet i mercenarëve, Albi është drita në fund të tunelit. Thonë që tani vlen 350 mijë euro. Dhe atij nuk i vlen vetëm këmba. I vlen dhe koka e mbi të gjitha zemra. Dokat e Tiranës nuk janë të paktë. Ky klub mund të rindërtojë një strategji me posterin e tij. Të rinj që duan futbollin dhe fanellën. Ku mi gjen sot? “Me rrogën e parë i bëra një dhuratë babit tim. Nëse jam ky që jam sot, jam prej tij”. Tani mund të qani sa të doni.

Sipas Supersportit, mbrojtësi 19-vjeçar ka rënë në sy në muajt e fundit dhe disa klube europianë janë interesuar, sidomos që tani Tirana ka rënë nga kategoria dhe çmimi i mbrojtësit mund të jetë më i përballueshëm sesa në një situatë tjetër.

Plot 350 mijë është shifra e përfolur dhe janë disa klube të interesuar, duke nisur nga Lugano e ish-zv.trajnerit kuqezi, Paolo Trammexani dhe sulmuesit Armando Sadiku, por edhe Grasshopers është gati të bëjë një ofertë.

Gjithashtu, në finalen e Kupës së Shqipërisë, ku Tirana fitoi 3-1 në kohën shtesë ndaj Skënderbeut, mbrojtësi u vëzhgua nga zbuluesit e talenteve të kroatëve të Hajdukut të Splitit dhe belgëve të Gent.

Oferta prej 350 mijë eurosh për kartonin e Dokës për momentin është lënë në pritje nga bardheblutë, që ende duhet të planifikojnë ndeshjet në Europa League dhe klubi nuk e ka të lehtë të lëshojë një titullar, aq më shumë që pritet të largohen edhe disa lojtarë të tjerë dhe duhen zëvendësuar urgjentisht.

Sezoni i tij nisi në muajin shkurt të këtij viti, pasi trajneri Mirel Josa e hodhi në fushë nga minuta e parë në ndeshjen Laçi-Tirana 1-0, më 5 shkurt.

Që aty, Doka u kthye në një titullar fiks te Tirana, duke luajtur 16 herë në formacionin titullar dhe duke impresionuar me talentin dhe sigurinë prej veterani, edhe pse 19 vjeç.

Do të mbeten në kujtesë lotët e tij në Shkodër, pas rënies nga Superiorja, ndërkohë që e ngushëllonte një tjetër talent i madh i futbollit shqiptar, Denis Pjeshka i Vllaznisë.

Tani Doka ka postuar në rrjetet sociale një letër ku shpreh edhe një herë dashurinë e tij për Tiranën dhe premton se lidhja e tij me klubin bardheblu nuk do të ndërpritet kurrë, të paktën jo me dëshirën e tij.

“Dashurinë e madhe për sportin më të bukur në botë mua ma kultivoi Tirona, legjendat, tifozeria dhe historia e saj.

Që në fëmijëri ngjyrat e vetme që ëndërroja si çdo fëmijë i kryeqytetit i moshës sime ishin ngjyrat bardheblu. Dhe është krenari e jashtëzakonshme që unë arrita ta vesh këtë bluzë e për më tepër të fitoja trofeun e parë në vitin e parë.

Në rrethana të tjera kjo kupë do kishte akoma me shume kuptim, si trofeu i pare që fitoj me fanellën e zemrës sime. Ky vit ka qenë një vit më shume sfida dhe emocione, si pozitive në aspekt individual, ashtu dhe negative në aspekt më të gjerë.

Unë jam i gatshëm dhe dëshiroj të qëndroj tek Tirona, qoftë ajo në Superligë apo Kategori te Parë.

Tirona është ekipi i zemrës sime dhe nëse do varej nga unë, kurrë s’do ta lija vetëm”.