Kësaj radhe ka ndodhur ndryshe, madje shumë shpejt. Matias Ozgun ka qenë totalisht i pafat. 21-vjeçari luan me ekipin e Degerfors në divizionin e dytë të futbollit suedez.

Në ndeshjen kundër Osters, që përfundoi në barazim 1-1, mbrojtësi i majtë u fut në fushë në minutën e 83-të në vend të Lindahl. Sapo shkel në fushën e blertë, Ozgun bëhet keq dhe del përsëri jashtë!

Gjatë përplasjes së duarve, një gisht i lojtarit që la fushën ka përfunduar në syrin e të sapo futurit. Ky i fundit nuk ka mundur të qëndrojë në fushë dhe ka dalë prej saj pa shkelmuar asnjë top!

Världsklass!!! pic.twitter.com/01mB63PRND

— Joakim Ousbäck (@Ousback) April 16, 2019

Komentet politika janë të ndaluara në kodin etik të futbollit meksikan dhe tashëm Maradona rrezikon dënimin. Po çfarë tha 58-vjeçari?

“Dua t’ua dedikoj fitoren presidentit Maduro dhe gjithë popullit venezuelian, të cilët po vuajnë për shkak të amerikanëve. Ata janë sherifët e botës dhe mendojnë se mund të komandojnë vetëm pse kanë bombën më të madhe në botë. Megjithatë, ai kukull që kanë si president nuk do arrijë të na blejë”.

Kjo nuk është hera e parë që Diego kritikon SHBA. Në kohën e miqësisë së tij me Fidel Kastron e Kubës, Diego akuzonte presidentin Xhorxh Bush si “perandori i së keqes”.

Një episod i ngjashëm ka ndodhur në divizionin e dytë të futbollit rumun. Luhej ndeshja Balotesti-SSC Farul. Miqtë po udhëhiqnin me rezultatin 0-1, por në minutat shtesë ndodh gjithçka. Portieri largohet me të kuqe dhe penallti për vendasit.

Ndërrimet janë kryer dhe në portë detyrohet të futet një nga futbollistët. Ai vesh dorezat dhe pret penalltinë! I gjithë ekipi mik në festë me lojtarin e shndërruar në portier, i cili mban të paprekur portën dhe i dhuron tri pikë të arta ekipit të tij.

Epic stuff. Goalkeeper gets sent off, a striker replaces him in goal. And he SAVES a penalty! Romanian 2nd tier beauty! pic.twitter.com/ebcrqGwiwa

— Emanuel Ro?u (@Emishor) March 9, 2019

E veçanta e kësaj ndeshje ishte arbitri anësor, Stiv Perri. Më saktë, Perri është një tifoz i thekur i ekipit të Miluollit, ndërsa në këtë ndeshje kishte shkuar për të mbështetur ekipin e tij të zemrës.

Që kjo përballje nuk do të ishte një ndeshje si të tjerat, u vu re që përpara fillimit të ndeshjes. Toni Harington, arbitri i zgjedhur për të drejtuar sfidën, nuk u paraqit, sepse ishte i sëmurë. Vendin e tij e zë Li Suabej, arbitri i katërt, ashtu siç e parashikon dhe rregullorja. Në një situatë emergjente, Perri zgjidhet për të zëvendësuar Suabejn dhe për të qenë arbitri i katërt i ndeshjes.

Surprizat nuk kanë të mbaruar dhe në mesin e pjesës së parë vjen dhe dëmtimi i “kryesorit” Suabej. Ai nuk ia del të vazhdojë gjykimin e ndeshjes dhe kthehet në rolin e arbitrit të katërt.

Zgjidhja? Një nga arbitrat anësor zgjidhet për të drejtuar ndeshjen dhe në rolin e arbitrit kryesor vihet… Stiv Perri! Ai ishte nisur për të shijuar ndeshjen si tifoz, ndërkohë që papritur e kujtuar e sheh veten si arbitër anësor i ndeshjes.

Perri bën të pamundurën për të qenë në krye të detyrës, por ai është një ultras i Miluollit. Zemra e “tradhton” një moment, kur portieri i Miluollit bën një ndërhyrje të dyfishtë duke mbajtur portën të paprekur. Emocion i madh për tifozët, të cilët shpërthejnë në ovacione dhe kënaqësisë nuk i shpëton dot as Perri. Ky i fundit harron detyrën dhe feston pritjet e portierit vendas.

“Një situatë kaotike. Arbitri kryesor u dëmtua gjatë nxehjes dhe një fans i Miluollit u bë arbitër i katërt. Pastaj, papritmas, i njëjti tifoz mori rolin e arbitrit anësor. Vetëm Zoti e di se çfarë do të kishte ndodhur, nëse ndodhte dhe një tjetër dëmtim… Kur ai festoi pritjen e portierit vendas, ne i thamë njëri-tjetrit: ‘Eh mor mik, duhet të ishe i paanshëm’, por më duhet ta pranoj se më pas e përmbajti veten dhe u soll në mënyrë korrekte”, u shpreh Fil Parkinson, trajneri i Boltonit, për “The Sun”.

Trajneri mik nuk ka faj, por as Stiv Perri. Përtej shakave, ëndrra e çdo tifozi është të ndihmojë ekipin e tij të zemrës të paktën një herë në jetë. Perri ia doli dhe vështirë që ai ta harrojë ndonjëherë këtë ndeshje.

Siç citon “The Sun”, luhej sfida Falkirk-Ayr dhe një tifoz i miqve është përjashtuar nga stadiumi rreth 30 minuta përpara fundit të ndeshjes. Shkaku i këtij dënimi nuk zbulohet, por personi në fjalë nuk mund të qëndrojë larg ekipit të Ayr, që po fitonte me rezultatin 0-1 dhe kryeson divizionin e dytë të futbollit skocez.

Pasi është sjellë rreth e rrotull stadiumit për të gjetur ndonjë vend të mundshëm për të parë ndeshjen, tifozi gjenial ka shfrytëzuar faktin që stadiumi i Falkirkut është i rrethuar me pemë të larta. Personi ka hipur në njërën prej tyre dhe ka ndjekur gjysmë orëshin e fundit të ndeshjes.

Një gjë e tillë është vëne re nga tifozët vendas, të cilët kanë nisur brohoritjet në nder të tifozit kundërshtar. Veprimi i tij i ka befasuar dhe mallëngjyer tifozët e Falkirkut, madje ata nuk kanë përtuar ta urojnë dhe në rrjetet sociale. Sakrifica e qëndrimit për rreth gjysmë ore në pemë ka dhënë frytet e saj, pasi Ayri arriti të ruante avantazhin dhe të siguronte trepikëshin e radhës në kampionat.

Pavarësisht lumturisë së fitores, do të ketë qenë shumë e vështirë për të kur ka dëgjuar arbitrin të fishkëllejë tre herë për fundin e takimit. Me siguri do të ketë shpërthyer në një festë të kontrolluar nga brenda, pasi të ngresh duart lart nga gëzimi në majën e pemës do të ishte fatale.

Hahaha Ayr fan chucked out of the Falkirk stadium finds alternative means to watch the game @Oldfirmfacts1 pic.twitter.com/lCMkYXyTKy

— Ryan Capperauld (@ryancapperauld) November 3, 2018

Trajneri argjentinas ka polemizuar pas ndeshjes me arbitrin e ndeshjes, duke e akuzuar këtë të fundit për lejimin e lojës së ashpër dhe faktin që ndeshja i doli jashtë kontrollit.

“Nuk më pëlqen të flas për arbitrat, por nevojitej një arbitrim ndryshe për këtë ndeshje. Të dyja skuadrat luajtën në mënyrë barbare dhe dikush duhet të kontrollonte dhe të mbante rregull. Arbitri nuk i respektoi fare rregullat e lojës. Nuk dua një futboll të dhunshëm, dua që kjo që ndodhi të mos përsëritet më”, përfundoi Diego Maradona, i cili do të përgatisë një raport për FIFA-n për arbitrimin e ndeshjes së humbur.