Së fundmi ai ka gjetur marrëveshjen me mbrojtësin Ditmar Bicaj, i cili në Superiore është aktivizuar me skuadra si Tirana, Dinamo, Partizani, Vllaznia, Flamurtari dhe Teuta. Tashmë do të mbrojë ngjyrat e Bylisit.

“ZYRTARE! Supergoditje e presidencës në merkato. Ditmar Bicaj, mbrojtësi me eksperiencë firmos te BYLISI, pasi ka gjetur akordin me presidentin Besnik Kapllanaj. Bicaj ka një karrierë mjaft të pasur, duke qenë edhe pjesë e ekipit Kombëtar A!”, shkruan klubi ballshiot. 

https://www.facebook.com/155956507855116/posts/2348285608622184/

I ftuar në emisionin Rubrika Sportive në RTSH, qendërmbrojtësi Ditmar Bicaj u shpreh se nëse do jepeshin penallti të tilla, çdo ndeshje do kishte nga pesë të akorduara. Lezhjani kalon në kundërsulm.

Ai mendon se braziliani i Kukësit ka simuluar dhe duhej ndëshkuar madje me karton të verdhë. “Duhet të mërzitemi ne të Teutës që nuk është dhënë karton i verdhë. Është budallallëk ta kërkosh atë penallti”, tha Bicaj mes të tjerave gjatë emisionit. 

“Kukësi ka shumë alternativa në sulm, ata dalin para me pesë veta. Kanë sulm shumë të kompletuar. Partizani është ekipi i shkurtër, është e vështirë t’u shënosh. Shfrytëzojnë rastet e krijuara dhe momentalisht janë ekip më i mirë”.

Gjithsesi, me rikuperimin e Sherif Kallakut nisi të ketë më pak hapësira për të dhe largimi tashmë është zgjidhja më e mirë për shkodranin dhe klubin e Teutës. Alternativat për Shkëmbin nuk mungojnë, ndërkohë që do të ketë edhe afrime të tjera.

BICAJ – Lezhjani i mbrojtjes nuk është aktivizuar në takimet e fundit te Teuta. Kjo për shkak të një dëmtimi që shtatlarti pësoi dhe e la për disa kohë jashtë fushave të blerta. Por, sipas asaj që raportohet në “Supersport”, palët janë drejt “divorcit”.

Për të ardhur te largimi duhet gjetur një marrëveshje dhe deri më tani një e tillë nuk është gjetur. Gjithsesi nuk besohet se do të vonojë gjetja e gjuhës së përbashkët për ndërprerjen e kontratës në mënyrë konsensuale.

“Normalisht çdo sfidë kundër Skënderbeut unë e kam pak si speciale, për vetë faktin që kam kaluar shumë mirë në atë qytet, kam shumë kujtime dhe kam fituar shumë trofe. Kështu që do të jetë një sfidë speciale, sigurisht si gjithmonë ndaj Skënderbeut”, shprehet fillimisht Bicaj në “RTSH Sport”.

Më tej ai thekson se synojnë pikët maksimale: “Vijmë nga një sërë rezultatesh pozitive, nuk jemi ajo Teutë e fazës së parë. Grupi tani është më i lidhur në çdo repart. Them se do jetë një ndeshje e bukur. Teuta, ndaj çdo kundërshtari luan për fitore. Këtë e kemi treguar edhe ndaj Skënderbeut, që i kemi shkaktuar humbjen e parë. Edhe në Korçë objektivi ynë është fitorja”.

SILVESTER SHKALLA – Mbrojtësi po luan titullar ndeshjet e fundit dhe analizon përballjen me Skënderbeun. “Është një ekip shumë i fortë, është pretendent për titullin kampion. Është një ndeshje e rëndësishme për ne, jemi përgatitur 100% dhe shpresojmë të dalim me rezultat pozitiv, siç kemi dalë këto ndeshje. Rëndësia e fitores? Ecim me këmbë në tokë, është shumë e rëndësishme për ne. Me këtë trepikësh të bëjmë një hap të madh në kampionat”, shprehet Shkalla.

Ditët e fundit ka pasur lajme të ndryshme në lidhje me të ardhmen e mbrojtësit, madje që e çojnë atë te Tirana. Gjithsesi ai është i përqendruar momentalisht tek ekipi aktual. “Jam i fokusuar 100% te Teuta, po kaloj një moment të mirë dhe do të ndodhë çfarë të jetë kismet”, përfundon mbrojtësi për RTSH Sport.

Lezhjani i Teutës i ka realizuar dygolësh Tiranës dhe një herë i ka shënuar Skënderbeut. Dy ish-ekipeve të tij. Gjoni gjithashtu i ka realizuar korçarëve, ndërsa më parë ka gjetur rrugën e rrjetës kundër Luftëtarit dhe Flamurtarit.

Ylli Shameti është një tjetër mbrojtës që nuk harron të shënojë. Madje golat i ka të rëndë, pasi i ka dhënë Kukësit gjashtë pikë në ndeshjet e fituara me Kamzën dhe Kastriotin. Janë edhe shtatë mbrojtës që kanë shënuar nga një gol.

Albi Alla dhe Franc Veliu te Flamurtari janë mes tyre dhe e veçanta është se të dy kanë shënuar në portën e Kukësit, ish-ekipit të tyre. Po ndaj verilindorëve ka gjetur rrugën e rrjetës edhe Emiljano Musta. Ky i fundit në verë mori një ofertë nga Kukësi, por pasi e lexoi mirë e mirë kontratën vendosi të rinovonte me vlonjtatët.

Abdurrahman Fangaj, mbrojtës i Laçit, nuk është nga ata që i ka marrëdhëniet e mira me golin. Gjithsesi e ka provuar sivjet të shënojë. Shkodrani i shmangu humbjen kurbinasve në ndeshjen me Kastriotin. Marvin Turtulli i Tiranës ka realizuar në portën e Luftëtarit fazën e parë.

Në Kamza-Teuta ishin dy mbrojtës që shënuan. Klaudio Bonani, italiani i pozicionuar në qendër të mbrojtjes, realizoi golin e parë të takimit. Të fundit e shënoi Fabjo Beqja. I kthyer në një mbrojtës krahu, durrsaku shënoi golin që vulosi fitoren 1-3 të skuadrës së tij.

Për ndeshjen e radhës, atë me Luftëtarin në Durrës, trajneri Bledi Shkëmbi do të ketë gati edhe mbrojtësin Ditmar Bicaj. Lezhjani e ndoqi takimin me Kukësin nga tribuna, pasi ishte i pezulluar pas katër kartonëve të verdhë që kishte marrë.

Por ka një problem dhe lidhet me dëmtimin e sulmuesit Latif Amadu. Ganezi, autor i 8 golave në kampionat, u dëmtua në pjesën e parë të takimit me Kukësin dhe pritet të kryejë disa vizita mjekësore për të mësuar shkallën e dëmtimit.

Shpresohet shumë që golashënuesi më i mirë i kampionatit deri në këto momente të kthehet sa më shpejt në fushë për Teutën, pasi ai është edhe sulmuesi kryesor i skuadrës. Në ditët në vijim pritet që të mësohet edhe gjendje e tij shëndetësore.

“Ka firmosur sot mbrojtësi Ditmar Bicaj për Teutën. Futbollisti ka qenë i pranishëm në zyrat e klubit për të nënshkruar marrëveshjen që e bën pjesë të Teutës për një sezon. Bicaj vjen nga skuadra e Flamurtarit. Luan si mbrojtës qendre dhe është një përforcim me shume vlera për skuadrën në sezonin e ri”, shkruhet në njoftimin e Teutës.

Bicaj ishte pjesë e Flamurtarit vjet, ndërkohë që prej pak kohësh kishte dalë lojtar i lirë, pasi nuk arriti një marrëveshje të re me vlonjatët. Shtatlarti do t’i bëjë shumë punë skuadrës së drejtuar nga Bledi Shkëmbi. Korçari kishte në dispozicion vetëm Shkallën e Voglin, ndërsa afrimi i Bicajt e përforcon ndjeshëm mbrojtjen e durrsakëve.

Gjithsesi ai ka vendosur të qëndrojë në Superiore. Opsion për të ishte edhe Skënderbeu, por koha po kalonte dhe ka pranuar ofertën e Teutës. Palët kanë gjetur akordin dhe sot mbrojtësi do të nënshkruajë kontratën me durrsakët dhe do të vihet nën urdhrat e trajnerit Bledi Shkëmbi.

Bicaj është një lojtar me eksperiencë dhe që në Superiore ka fituar trofe. Në Shqipëri ai fillimisht ka veshur fanellën e Dinamos, për të kaluar më pas për pak kohë në Bullgari. Tirana, Skënderbeu, Partizani dhe Vllaznia janë ekipet e tjera në Superiore, ndërkohë që është aktivizuar edhe me Kukëisn në kupat e Europës.

I lirë është edhe Gëzim Krasniqi, i cili arriti të siguronte kupat e Europës me Rabotniçkin. Ditmar Bicaj doli pa gjë te Flamurtari vjet, edhe pse u munduan shumë të sigurojnë vendin e dytë në kampionat dhe të fitonin Kupën e Shqipërisë.

Dy qendërmbrojtësit e tjerë që janë të lirë e kanë mbyllur sezonin te Vllaznia. Renato Malota dhe Sedat Berisha, edhe pse kuqeblutë ranë nga Superiorja, kanë treguar nivel dhe janë një opsion i mirë për shumë klube të elitës së futbollit shqiptar.

[Best_Wordpress_Gallery id=”60″ gal_title=”Gjashte qendermbrojtes”]