VIDEO | Shënon Avdijaj, lojtari i Kosovës kalon Uilem II në epërsi

Sport Ekspres — Sun, 21 Oct 2018 11:07:58 +0000

Dionis Avdijaj ka shënuar një gol tepër të rëndësishëm për ekipin e tij në ndeshjen e sotme. 22-vjeçari i përfaqësueses së Kosovës ka shënuar golin e dytë për ekipin e Uilem II, që ka mbyllur në avantazh me rezultatin 1-2 pjesën e parë kundër Nak Bredës në transfertë.

Vendasit shënuan të parët në minutën e 28-të, ndërsa Uilem II barazoi ndeshjen pas shtatë minutash me golin e Meisner.

Tre minuta para përfundimit të pjesës së parë, Avdijaj mori një top në zonë nga Dankerlui dhe goditi menjëherë me të majtën, duke mposhtur portierin kundërshtar. Një gol i bukur për lojtarin ofensiv, i cili është ngjitur në kuotën e katër golave në kampionat.

Kjo fitore e përkohshmë e ngjit ekipin e Avdijajt në vendin e shtatë me 12-të pikë, ndërsa Nak Breda renditet në vendin e fundit, me vetëm një fitore të arritur.

VIDEO | Shpërthen Avdijaj, dopietë brenda tre minutash

Sport Ekspres — Sun, 26 Aug 2018 11:03:07 +0000

Donis Avdijaj u transferua te ekipi i Vilem II duke u rikthyer në kampionatin holandez. Ekipi i tij po përballet me Herakles dhe lojtari, i cili mbushi 22 vjeç një ditë më parë, ka shënuar dy gola. Vilem II mbylli pjesën e parë me rezultatin 3-0 dhe sulmuesi i Kosovës ka shënuar dy golat e para të ndeshjes.

Avdijaj zhbllokoi rezultatin në minutën e 26’ me një goditje shumë të bukur nga krahu i majtë, ndërsa vetëm tre minuta më pas, ai shënoi sërish duke dyfishuar rezultatin.

Avdijaj u aktivizua me ekipin e Rodës në sezonin e kaluar, ku shënoi tre gola në 11 ndeshje, ndërsa sezoni aktual ka nisur në mënyrën më të mirë të mundshme për të dhe Vilem II është pranë fitores së dytë rresht në kampionat.